粗店燒烤 (已結業)

去到旺角見到這間新燒烤店幾舒適及吸引，新淨光猛空間感大，便入去試試。這店除了有爐來興住d 串燒，更有孜然粉同辣椒粉俾食客自己點，幾細心。海鮮方面，烤生蠔即叫即烤，新鮮肥美又多汁，加上大量蒜蓉同蔥花辣椒調味，正！烤大扇貝也不錯，挺鮮甜。牛類方面，烤牛肉不錯，配埋調味料又香及美味。烤羊肉加埋香料也幾香濃美味。小食方面，勁喜歡藤椒魚皮，爽口彈牙，感覺味道有點似海哲，香香辣辣，很開胃，食到停不了口。另外，炸饅頭外脆內軟，超級好食，用嚟當甜品或者小食一流，連我這減肥少食澱粉質的也食晒整個！土豆片也做得很好😋整體來說，環境舒適，食物也幾好，旺角食燒烤不錯的選擇。

今日介紹嘅呢一間餐廳位於旺角，係一間串燒店主打川式燒烤所以部分菜式都加咗辣椒食落有少少辣。店員係上菜前會提供孜然粉同辣粉可以隨時因應個人口味自己再加。呢度既串燒係燒好哂，佢哋仲有一個小爐灶比你熱住啲野食，唔怕食物放得耐而凍。 🌟烤大扇貝 $32配上粉絲和蒜蓉，但少加點油，會更加好。🌟烤茄子 $42烤茄子真係好滑好軟，上面有啲菜脯、辣椒、香蒜同蔥花作調味，味道有少少辣又惹味！炸饅頭 $18炸饅頭即叫即炸，好脆好香口，再加上啲煉奶，非常邪惡。🌟烤原隻魷魚 (1串)$34燒魷魚真係好唔錯啊，佢哋加咗啲五香粉去燒，魷魚冇燒到乾水，口感好軟嫩。🌟錫紙娃娃菜 $36除咗娃娃菜之外，仲加咗啲粉絲同埋少少辣椒蒜頭調味，味道好香！🌟牛肉串（2串）佢嘅調味料真係好惹味，牛肉味道好濃郁，食落去好柔軟，啲肉粒好細好啱1口size，真係好滋味！🌟多春魚（2條）多春魚係少辣，令到多春魚嘅香味更突出，啲魚肉好嫩好滑，有少少軟骨，燒到好脆好卜，食落去啖啖肉好滿足！📌 粗店燒烤 @hk_cu_restaurant 旺角豉油街60-104號XX Arcade地下AB號舖🚇港鐵旺角站 E2 出口, 步行約6分鐘📍#旺角

🍢🍡位於旺角的串燒店 去店舖吃的客人大多都有預約 坐到窗旁的位置 一坐下 職員會在餐盤上擺放上孜然粉和辣椒粉店舖是以QR CODE形式下單 十分方便 串燒都是烤好才上 也很快就上餐👍🏻串燒點了 🐮牛肉串（2串） 💰36不會烤太乾 有牛味 配上孜然粉調味 味道不錯🐤雞皮串（2串）💰22雞皮脆口 有點乾帶硬🐥雞腎串 （2串）💰22爽口 味道不錯🌽粟米串 （2塊）💰18香甜帶汁 口感豐富其他食物點了🍙炸饅頭 （2個）💰18饅頭炸到金黃色 蓋上厚厚的煉奶 口感外脆內軟💓烤扇貝（1隻）💰32帶鮮味 加上粉絲蒜蓉辣椒調味 香口🦪燒生蠔 （2隻）💰48生蠔肉飽滿 蒜蓉辣椒調味 帶少辣 惹未🍆烤茄子 💰42茄子肉軟身 配上菜脯 香蒜 辣椒 蔥花 香辣 惹味喜歡吃惹味食物的朋友 推薦🤭

🍢 食物：4.5/5粗店燒烤的食物質素幾高，加埋控溫烤升盤，叫多D串燒都唔怕🤣，調味係經典孜然花椒粉。我哋試咗羊肉串、牛肉串、雞軟骨、雞腎串同烤生蠔，每一道菜都有驚喜。不過菜單上嘅選擇唔係特別多，但呢啲都證明咗佢哋嘅專業同專注。👨‍🍳 服務：4/5粗店燒烤嘅服務幾好，一入黎就好快安排到座位同菜單。服務員都好熱情友善。不過店內人比較多，有時可能要等一段時間先有位。🏠 環境：3.5/5粗店燒烤嘅環境比較簡潔同乾淨，店面唔係特別大，不過座位都算坐得舒服。不過因為食物質素幾好，同埋串燒通常擠埋一齊食先有氣氛🤣。💰 價格：4/5價格來講算係幾抵，平均1串$14-16。份量都好足，非常超值。特別推薦羊肉串，平靚正。總評：4/5總括黎講係一間好唔錯嘅餐廳，食物質素幾高，價錢實惠，服務都好好。如果你鍾意串燒，黎呢度係一個值得一試嘅地方。

旺角有時太多選擇都唔知揀咩好 ⭐️呢間串燒絶對有小驚喜⭐️佢哋會提供孜然粉俾你隨時因應個人口味自己再加唔使驚一個口味濃，一個就唔鍾意咁重孜然味因為我個人比較懶，好怕食爐端燒要慢慢自己燒走嘅時候成身BBQ味呢度燒好哂，佢哋仲有一個小爐灶比你熱住啲野食有爐燒嘅風味之餘，又唔會食到成身燒烤味⭐️特別推介佢哋嘅燒茄子（🤤我特別鍾意食燒茄子)個皮唔會燒到燶晒之餘！面頭仲加左好多菜脯茄子好香綿嘅口感+脆卜卜嘅菜脯少少鹹鹹地特別好食😋⭐️炸饅頭必食無敵多煉奶+脆卜卜外皮+軟綿綿內心係必食邪惡之選⭐️燒雞皮面頭脆卜卜，仲有小小皮下脂肪充滿油香，一流！⭐️燒蠔惹味一上枱好香😋少少辣帶出蠔的鮮味啲肉都幾大粒幾厚肉喺旺角食嘢，好多地方都好迫好多人最正係佢哋呢度坐得好闊落🍻可以慢慢食，飲番杯啤酒配串燒🍻同朋友傾下計，係一個唔錯嘅選擇🥰串燒價錢大概係$16-$40内*粗店燒烤* 地址：旺角豉油街60-104號XX Arcade地下AB號舖.. #food #foodiehk #hkgirl #hkfood #mk #mongkok #掃街 #串燒 #yummyfood

呢間燒烤店主打川式燒烤，大部份菜式都加咗辣椒食落辣辣地🌶️另外每枱都放咗個暖爐幫啲串燒保溫🔥🌟 而家做緊2個特價優惠1⃣️羊肉串$28/2串2⃣️新鮮烤湛江生蠔$38/2隻.📍羊肉串(2串)($28)羊肉半肥瘦，所以食落唔會好乾🐑加咗孜然粉調味，味道唔錯不過咬落有啲筋膜位，扣咁啲分📍牛肉串(2串)($36）牛肉軟腍唔會韌，不過冇乜牛香🐂📍烤生蠔(2隻)($38)蠔肉飽滿🦪，配上辣椒同大量蒜蓉食落惹味不過蓋過咗蠔味嘅鮮味📍烤大扇貝(1隻)($64)扇貝有海鮮味，不過就熟咗啲另外配有粉絲同埋蒜蓉，如果冇咁油會更加好📍海中蝦(2串)($36）蝦肉新鮮爽口，外層加咗孜然粉燒香，好食🦐📍珍寶蟹柳($22)巨型蟹柳😍小朋友口味嘅我哋見襯都必點！📍烤原隻魷魚 (1串)($34)魷魚加咗五香粉去燒，口感軟嫩🦑唔錯📍烤茄子($42)烤茄子非常軟滑🍆，加上菜脯、辣椒、香蒜同蔥花香辣惹味，不過略為油咗啲📍錫紙金菇($34)金菇幾爽口，加埋辣椒同蒜蓉，帶微辣📍錫紙卜卜蜆($56)蜆肉鮮嫩，唔會過老🐚加咗金不換同辣椒去煮，食落好香口📍甜麻雜貝($88)同卜卜蜆有啲相似，不過就換咗個有麻味嘅湯底另外配有豆卜、土豆片同蓮藕片

旺角想搵一間吹水既地方，搵到一間燒烤串燒店，可以同朋友慢慢坐，吹下水，啤一啤，食下串燒。串燒大概$18-40內都有，有人一齊share就緊係乜都叫下啦！叫左雞皮串燒，燒茄子，牛肉，雞腎，豬腩肉，雞翼等等…餐廳會提供熱盤一直熱住啲串燒，唔怕吹水啲到凍晒，最貼心係有餐紙！👍🏻店內亦有提供辣椒粉同孜然粉提供，點埋啲串燒會更加香！😋😋燒雞皮燒得岩岩好，表面脆脆地，一流👍🏻燒茄子落左啲菜甫，有唔同口感好特別，不過偏辣，因為落左啲辣椒仔上面。雞翼都值得一試，表面燒得好香脆，入面都仲好juicy!燒菠蘿燒韭菜都可以試試，不過今日韭菜老左啲，好難咬，至於菠蘿都好新鮮，好多汁😋👍🏻美中不足係飲品選擇不多，得啤酒汽水紙包飲品。食到口渴時都想飲啲解渴又特別既野飲！

🎈食物：🌕🌕🌕🌕🌕同朋友行完街，有🤏🏻🤏🏻餓，想搵野食下，之前間茶茶執左🙈，變左呢間串燒店，所以試下😁😁😁叫左好多串黎試下，特別雞中翼、雞軟骨、雞皮、雞腎、烤茄子（有菜莆好好食，有🤏🏻🤏🏻辣）、一口甜薯都推介👍🏻👍🏻👍🏻上菜速度都快，仲有個蠟燭warmer比你暖住d食物😁😁😁🎈環境：🌕🌕🌕🌕🌕現場環境都乾淨，坐得都c服，有位比你擺袋，有個筒可以回收竹籤，可以慢慢吹水食野😁😁😁🎈服務：🌕🌕🌕🌕🌕職員都好有禮貌，會幫手添加調味粉，仲有紙巾提供👍🏻👍🏻👍🏻現場係掃qr code落單，都好方便😁😁😁🎈回購：🌕🌕🌕🌕🌕D串燒都好惹味，同朋友想食🤏🏻🤏🏻野，吹下水，一流😁😁😁

同朋友經過旺角想食燒烤見到呢間舖頭做緊優惠環境睇落幾舒服就入咗去試吓🤣🤣_1️⃣蒜蓉燒生蠔🦪推介大家一定要食❤️而家做緊優惠，$38有兩隻生蠔好新鮮燒到啱啱好加埋蒜蓉冇得輸食完忍唔住encore _2️⃣燒羊肉串🐑🍢羊肉超好食肉質太鞋而且好香羊味😍😍😍配埋孜然粉👍🏻👍🏻👍🏻_3️⃣煉奶炸饅頭超多煉奶配炸饅頭又香又脆😍😍😍_4️⃣粗涼面好多唔同配料再配上醬汁凍凍地，幾好食😋_我哋仲叫咗好多唔同嘅嘢翠玉瓜、土豆🥔、燒菠蘿🍍粉絲扇貝、錫紙金針菇…._整體性價比高👍🏻👍🏻

旺角呢條街不嬲都好多好野食，成日行過呢間店門口都聞到好香嘅燒烤味！今次就嚟試一試！枱面會放隻碟，有兩格被你放調味料，有孜然粉同辣椒粉，但本身串燒已經可以加辣所以都唔使點加啲粉。亦有竹筒放食完嘅鐵籤款式亦算多，可以點加辣今次叫咗翠玉瓜、烤茄子、羊肉串、牛肉串、烤魷魚、韭菜、土豆片調味都比較重，若果唔太食得辣嘅可以要飲多幾杯凍飲解辣。烤茄子好推介，辣得嚟亦有好多蒜，鍾意重口味嘅朋友岩食另外呢度有個細心位，上菜時會有個暖爐keep住暖住啲串燒，唔會食食吓凍咗，啱晒同三五之己嚟邊食邊聚會傾計

一個月前行過洗衣街花園，見到附近有間新開嘅燒烤店，琴晚終於約到朋友一齊去食😎。依間燒烤店環境幾舒適，空間感大，坐低之後，店員就會幫你遞上孜然粉同辣椒粉，以及打開旁邊嘅木盒，點起蠟燭😆。一問先知，木盒上嘅鐵盆係攞嚟放串燒，令佢唔會咁快變凍🤩。個人覺得非常細心，亦更期待之後送上嘅食物😳。-💛必食之選：烤生蠔 $38 /2隻生蠔即叫即烤，新鮮肥美又爽滑爆汁🤤，加上大量蒜蓉同蔥花辣椒調味，令人忍唔住再叫多份，稱得上係必食招牌👍🏻。💛特別之選：烤茄子 $42 /1 份茄子鮮甜香軟，用上蒜蓉、孜然粉、蔥、辣椒等調味，又辣又香又惹味，非常過癮🥰。依份茄子加入菜脯作點綴，以酸味中和烤茄子嘅油膩，鍾意菜脯嘅人會覺得非常特別😉。💛健康之選：鍚紙金針菇 $34 /1 份鍚紙系列算係燒烤店偏健康清淡嘅選擇🥹，金針菇樸實無華，底下有粉絲索汁，又以蒜蓉作輕輕調味，喺一堆串燒之中來點平衡，非常不錯🤭。💛小食之選：炸饅頭 $18 /2 個炸饅頭外脆內軟，超級好食🤩，用嚟當甜品或者小食一流。欣賞店家提供可以調整煉奶嘅選項，見到有食客叫咗幾份炸饅頭，就知真係有咁吸引😍。-回頭推介度：5/5  食物質素：5/5餐廳環境：5

今日打算到旺角遊逛, 逛街後就搵下野食先返家，還記得在那間舊戲院那條街充滿了食店，發現了一間串燒店，在門外睇睇menu, 食既都是偏向似中國北方食物，那就進店試下先。每人枱上早已預備了一個爐，用來暖著已整理的串燒每枱天花上掛上一個白色包包，初時還不知是什麼，望真原來係紙巾包先order定一支凍凍的哈爾濱啤酒椒鹽魷魚鬚，熱辣辣上枱，即叫即炸烤菠籮，我的至愛，喜歡它烤完後外面暖暖脆脆，可以鎖住菠籮汁烤原隻魷魚，好juicy!!麻辣盪，我叫左小辣，下次挑戰它的大辣先烤生蠔兩隻，下了好多蒜蓉、蔥、辣椒，烤後香味撲鼻，而且烤到剛剛好熟，推介👍🏻牛肉串，羊肉串，雞軟骨串放在暖爐上粗涼麵，份量充足錫紙卜卜蜆，隻隻蜆都好肥美

今晚相約朋友旺角行街街，順便搵食，無意中見到間串燒，燒完有個器皿保溫，又干干淨淨就入去試試，坐低後發覺頭頂有包野吊住，原來係紙巾😅。手機落單，睇下個menu，都幾抵食👏🏻👏🏻。先來個蒜蓉粉絲蒸扇貝，嘩！好重香蒜，加上有汁，幾鮮味😋，再來燒生豪（試下要求多蒜蓉先）😁，嘩👏🏻正正正，多蒜蓉的確超正，而且生豪燒到脹卜卜，又多汁，口感好正😋。再來牛肉串，可以點孜然粉或辣粉，味道幾特別，又試下燒韭菜，燒翠玉瓜，本身好多調味料，非常夠味👍🏻。燒饅頭+煉奶，脆皮又甜甜地，配搭一流👏🏻。燒菠蘿燒到熱辣辣，而且超多汁，夠甜😋。整體食品都幾好，又抵食，滿足👏🏻👏🏻。

旺角串燒舖粗店燒烤，位置處於香港嘅中心點——旺角，都近旺角東火車站，算幾方便。店舖裝修簡單，每張枱上面都有掛住一個白色嘅物體，初時只係以為係裝飾，仔細一睇先發現原來係紙巾，覺得呢個設計好符合經濟效益，又慳地方又方便。呢間舖頭主打串燒，嘢飲嘅選擇比較少，我就揀咗包紙包檸檬茶，朋友仔就揀咗啤酒。燒原隻魷魚，魷魚質感軟得嚟彈牙，啱啱好，調味適中，味道唔錯。雙重芝士撈一丁，邪惡之選，芝士味香濃，不過要食就要快，如果唔係鯨住咗就冇咁好食。燒大扇貝，扇貝都新鮮，調味搭配粉絲整體感覺唔錯，不過就唔算好大隻。牛肉串、五花肉、翠玉瓜、燒菠蘿，可能因為我唔係食肉瘦，我比較鍾意翠玉瓜，清清地但有幾Juicy，啱我口味。秋刀魚，燒得比較乾身。錫紙豆腐，普普通通。

有一段時間冇食燒烤，朋友帶我嚟呢間裝修好企理乾淨嘅串燒店，平時好多燒烤店都比較濃味，呢間環境好光亮而且坐得好舒服😙當然有嗌到成枱都係嘢食，慢慢食慢慢傾偈～基本上好多唔同款都有order嚟試，每枱會有一個爐，下面放咗蠟燭去保持溫度，所有燒烤放晒喺個爐度，想食邊串就食邊串，真係食指大動!!!錫紙卜卜蜆$56份量都比想像中多，清甜多肉，係燒烤以外嘅好選擇～ 🤤烤茄子 🍆$42 好肥好大條，有海量嘅蒜頭🧄，中意食濃味嘅人一定會好鍾意㗎～ 我就覺得稍為多咗啲蒜頭，而且有啲辣羊肉串 $28 強烈建議一定要叫呢款!!! 特別推介之選!!落咗孜然粉，好香好可口，重點係冇羶味，淨係有淡淡嘅羊肉味，好好食呀~雞皮 $24鍾意食雞皮嘅朋友都會好啱食呢款，好香脆唔會好乾，然後仲要無咩油脂，唔會好油膩～雞中翼 $48 唔係雞全翼，呢款啱晒我，食得比較方便，很OK!! 雞肉好嫩滑多汁，燒到外脆內軟，必定要order !!總之每款都好好味，燒到恰到好處，本身已經有啲調味，另外每個人嘅碟上面都有辣椒粉同埋孜然粉，唔夠可以再加～香港來講價錢算係比較合理，希望佢遲啲會有多啲其他款嘅串燒🌟🌟