粗店燒烤 (已結業)

我有個朋友最鍾意食串燒，今日特登出旺角搵我老友，朋友帶我去一間佢經常幫襯嘅串燒店，粗店燒烤，喺豉油街60號XX Arcade地下。餐廳地方光猛整潔，空間感都足夠，好適合我哋喺度傾偈食嘢。韭菜串 32元，自從冇得返大陸真係好耐冇食過，韭菜食落去味道好香，加上少少香料，食落去又香口又惹味，味道真係一絕。錫紙卜卜蜆 56元，卜卜蜆嘅份量都好多，size適中，食落去味道好鮮甜，肉質嫩滑，爽口彈牙。基本上都唔需要調味，淨係食卜卜蜆嘅鮮味已經好正。羊肉串 羊肉燒到有少少焦香，增添味道層次。食落去一啲都唔會有羊臊味，好香口。燒雞軟骨，雞軟骨，燒到卜卜脆，食落去好有口感，咬落去雞油滲出，越食越正。雞腎 2串24元，雞腎燒到好乾身，配搭埋調味料，味道唔會太鹹，好有咬口。烤生蠔 38元，生蠔真係好正，加少少辣椒，蔥蒜，完全將生蠔嘅鮮味調出，呢個係必食嘅推介。烤大扇貝 29元，大扇貝同樣都係加咗辣椒蔥蒜，但係佢多咗個粉絲，粉絲吸收咗扇貝嘅精華食落去特別香。海中蝦兩串 39元，蝦皮燒到好酥脆，加上仲有少少鹽香吊味，蝦嘅肉質爽口彈牙，呢個燒蝦用嚟配啤酒真係一流。

疫情前時不時都會同大學同學番內地玩，有時都會去當地嘅燒烤店食燒烤、串燒，剛好同大同去旺角行街見到哩間店，入去重拾當時大學嘅回憶。入到去侍應會俾碟孜然粉同埋辣椒粉俾你點串燒食，每個餐枱都有個小烤爐，烤爐底有蠟燭，可以keep住烤串的溫度。串燒叫左羊肉串(2串）、雞中翼(1串)、雞腎（2串）、土豆片(1串）、虎皮尖椒(1串）。羊肉串一啲都唔羶，仲有好香的孜然味，推薦！哩串土豆片有驚喜，用左孜然、胡椒、鹽作為調味，味道香濃！推薦！烤茄子，齋睇賣相已經覺得好吸引，調味方面以為茄子上面一粒粒的全部都係蒜頭，但其實係撈左菜蒲係上面，咸咸地又有咬口，配茄子好食！錫紙卜卜蜆，我鍾意用蜆𢳂少少湯，連湯帶蜆肉食，食到蜆肉、蜆湯嘅鮮甜！椒鹽魷魚鬚，魷魚鬚包裹左層炸衣炸到脆身，而入面的魷魚口感彈牙，好食！炸饅頭，將饅頭炸到表皮金黃色，外脆內軟，淋上甜甜的煉奶，可以作為餐後甜品！麻辣燙（小辣）有好多配料，有薯粉、豆卜、土豆、蓮藕、娃娃菜、生菜、鵪鶉蛋、鴨血（？）等，湯頭少少辣帶點花椒的麻味！粗涼麵，配料有蘿蔔絲、青瓜絲、雞蛋絲，上面有浸咗醬油嘅蒜頭作為調味，食用時將所有配料撈勻，食落蒜香味濃！如果可以加啲肉燥會

今日又約咗朋友去旺角覓食啦，經過有間新開嘅燒烤店做緊promotion ,睇相又好似幾吸引，門口有不少人在等，就黎試試。這家餐廳以串燒為主，提供了各種肉類、蔬菜和海鮮。我非常喜歡這裡的氣氛，裝潢很簡約，是一個非常適合跟朋友用餐的地方店裏都幾多人，頭頂上面有個廁紙幾得意，又方便我和朋友點了很多不同的串燒，包括烤菠蘿、蝦、大扇貝、牛柳粒、雞翼、多春魚、翠玉瓜、珍寶蟹柳、茄子、魷魚、生蠔和雞軟骨等，所有的串燒都非常美味，味道鮮美，而且烤得非常好。特別一提生蠔很新鮮入味，做promotion $38 兩隻很便宜，每人吃了兩隻，卜卜蜆份量多，蜆新鮮大隻。茄子很大條，又充滿蒜香味。總括來說，餐廳食物質素不錯，價錢人均二百元，可以下次再encore!

粗店燒烤，位於旺角豉油街地點非常方便，餐廳相信新張營業不久，店內佈置簡單舒適座位非常寬敞，而且更有設備保持串燒溫度，保持串燒熱辣辣入口。餐廳以手機數碼點餐，食物種類非常之多，豬牛羊雞甜品小食樣樣有，而且每種食物均有喜好選項，大中小辣悉隨尊便。烤原隻魷魚，廚房處理功力值得一讚，魷魚入口軟熟，不會過硬。燒茄子，與傳統一般燒烤店做法有別，餐廳除了一般選用蒜蓉燒茄子外，更加入菜莆，令味道口感更加豐富，好食。

我今日約咗朋友去旺角行街，通關後的旺角又多人，食肆又要等位，傍晚時分經過這間燒烤店剛剛開門，串燒已經有一段時間沒有食過，今餐就決定在這裏進食，入到店內環境乾淨清潔侍應都很主動過來為我們介紹食物， Menu來主要都是串燒，我哋兩位都是想食串燒為主，所以隨意地點了很多份串燒，有羊肉串，雞軟骨，雞腎，海中蝦，韭菜，還有烤生蠔，烤扇貝，錫紙卜卜蜆這裏的羊肉味道很不錯，我很喜歡，他的調味粉灑得很均勻，加上燒得剛到好處，濃郁的羊肉味值捲入我的味蕾，肉質軟腍還帶一點咬勁，這個羊肉串真不錯雞軟骨，軟骨入口香口，而且人口口感卜卜脆，加上他的調味粉，口感一流這個雞腎串，入口有燒烤的香味，而且調味粉有鹹香和鹽燒的味道，雞腎脆脆的有咬口。這個燒海中蝦，出色的其實是蝦的本身，因為蝦10分新鮮，食落口爽口，而且表面灑滿調味粉，鹹香得來又惹味，真不錯。燒韭菜，韭菜表面塗滿了醬汁調味，韭菜入口越食越好味，顏色有夠嫩綠烤生蠔，表面鋪滿蒜蓉和辣椒粒，蠔身飽滿脹卜卜，一口一啖，將所有配料和蠔放晒入口，好過癮，蠔本身鮮甜有蠔味，非常肥美烤扇貝，表面放滿了粉絲和蒜蓉，粉絲吸滿了汁，一口將粉絲和元貝放入口，鮮甜好味，而且扇貝又夠

行過見到新開嘅燒烤店，裝修好都好靚又好闊落。所以就決定幫襯。自己用QR code 落單已經係大趨勢，真係方便又環保。好多串燒都係廿幾蚊就有兩串，非常抵食。先上嘅係錫紙娃娃菜。餐廳配嘅湯唔錯，有少少辣。墊底仲有粉絲。原集魷魚串有驚喜，魷魚身好林，少有哋覺得魷魚身好食過魷魚鬚。原條茄子同扇貝都燒得好好味，燒烤之後都仲保持到食物嘅濕度。其他各款串燒都好食最值得讚嘅就係個爐好夠熱，加埋隻碟嘅設計，有個位俾你放孜然粉同筷子，真係一餐好享受嘅串燒晚餐。

朋友喜歡吃串燒，話有間唔錯，而且又近我旺角返工就等收工一齊去。入去到幾大間，而且串燒選擇都不少。用QR落單後大約15分鐘食物開始來到，燒菠蘿幾厚切，甜度夠不太酸。翠肉瓜厚切，燒完後仲有不少汁係入面不會好乾身。幾欣賞個烤原隻魷魚，有剪刀幾方便，碎上再用爐微溫又不會令到乾身而且口感很好彈牙。肉叫了3款都推介，牛肉串，羊肉串，五花肉，食落去唔會只有味粉味，口感一流。雞軟骨爽脆不太油味道正常。食咁多串燒當然要啤啤佢，同朋友傾吓計再有火爐微溫熱度的確不錯。之後我哋再加碼叫肉類都保持到水準。

旺角開了間串燒度都未食過，舖面不錯價錢都可以就過來吃，整體坐得舒服而且食完唔會成身味，而且位置又方便。粗涼麵叫了小辣，原來會有咁多餸，蛋絲，蔬菜絲，菜甫再和涼麵混和一起幾香，口感自有不同，麵質不會好淋身有咬口，仲有些醬汁味道不錯，不過辣度不太辣可以下次再叫辣點。每次食串燒點會不叫燒菠蘿，開胃又香甜。蔬菜只叫了2款翠肉瓜+土豆片，燒得不會好乾身。中途再叫飲品可樂和啤酒勁解渴再食過，仲有一個爐保溫加分。烤生蠔原來都幾大隻仲要幾鮮甜再配辣椒絲好味道有驚喜，推介必食。烤原隻魷魚口感彈牙。

旺角午餐去左好似新開既粗店食午飯。午餐價錢50幾蚊就有。依間餐廳d紙巾係頭上面拎🤪。叫做有小小特式。我叫左一個洋蔥燒牛肉飯。牛肉飯都幾多牛肉 , 味道正常唔差。食得飽。跟餐加送紙包飲品一包。

今日放工想同朋友食少少嘢，吹吓水，咁啱朋友公司附近有間燒烤店，價錢都唔算好貴，所以諗住過去聚一聚。我哋六點幾左右去到，都仲有一啲位，唔使等可以直接入座。我哋一坐低，職員即刻幫我哋添置一啲辣椒粉同孜然粉，方便我哋之後食燒烤嘅時候，自由添加，好貼心👍🏻然後我哋透過QR code落單，叫咗炸饅頭、牛肉串、五花肉、烤大扇貝、翠玉瓜、烤菠蘿、錫紙娃娃菜、錫紙金菇、錫紙卜卜蜆、椒鹽魷魚鬚。炸饅頭最值得一試，因為真係有炸到金黃色，而且仲做到外脆內軟嘅效果，再加上煉奶嘅點綴，簡直就係冇得頂🤤其次餐廳都好貼心，上串燒嘅時候都會將啲串燒放喺烤盤上keep warm，方便客人幾時食都可以。仲有就係所有錫紙嘅菜式，食物下邊都會有粉絲令到我哋覺得好驚喜，因為我哋係一個粉絲愛好者👍🏻

咁啱去旺角探舊同事，佢地旺角話開咗間大間又闊落又夠光線嘅燒烤店，果然去到，店內好闊落有別於傳統嘅居酒燒烤店，坐得好舒服，唔使隔離枱聽到我地傾計。一開波就當然串燒先，叫咗菠蘿串燒，翠玉瓜串燒，牛肉串燒，五花腩串燒。啲串燒都唔會燒得太乾，而且有啲椒鹽味，所以色香味俱全。重點有小爐仔暖住，唔怕又凍食。再叫烤大扇貝，卜卜蜆，好新鮮，食落都鮮甜，仲有少少辣，個人覺得廚房煮個陣可以唔使放辣椒🌶️上去，或者可以比客人決定要唔要落辣椒。 烤錫紙煮娃娃菜&金姑，個人覺得係好好味，送酒一流，而且分量都好ok。最後叫咗炸饅頭，粗店涼麵，椒鹽炸魷魚。個人覺得炸饅頭好出色，外面炸得好脆卜卜。而個涼麵分量好多，但麵質個彈性差少少🤏🏿。椒鹽炸魷魚就炸份太多。但整體來講，性價比都幾高的👍🏻

突然間好想食串燒，行過見到呢間舖頭裝修簡約，餐牌睇落都幾抵食。餐牌都有好多唔同種類嘅選擇，肉類、蔬菜類、海鮮類、炸物等等，款式應有盡有。一開始店員會為你添加兩種調味料，一種係辣粉，另一種係孜然粉。如果鍾意食重口味嘅，可以自行添加。另外呢間舖頭嘅紙巾好特別，係吊係天花板，可以保持枱面上有空位放食物。多春魚：烤得剛剛好，大部份身體都好完整，加埋孜然粉嘅味道，重口味首選錫紙娃娃菜 ：裏便除咗有娃娃菜，仲有粉絲，食得出應該係有上湯嘅感覺，不過裏便有辣椒，本人唔食得辣，如果你食得辣嘅十分推薦。烤生蠔 ：烤生蠔上邊有好多蒜蓉，配搭生蠔嘅鮮味，可以話係相輔相成，價錢亦都好合理，必定要再叫一次。原隻烤魷魚：實物睇落好大隻，口感亦都好彈牙，食得出本身魷魚嘅味道，再加上孜然粉，無懈可擊。

喺旺角算起眼嘅地方 見到呢間燒烤店款式種類都幾多 肉類去到海鮮蔬菜都有酒精飲品唔少得 一入到去店員就會奉上餐具同埋俾調味料 即刻好有食燒烤嘅feel喺外面都有少少係比呢舊嘢吸引開頭以為係裝飾品 原來係紙巾 好方便首先就梗係嗌咗啤酒 夠晒冰凍 正錫紙娃娃菜 調味有少少辣 蒜 好開胃 而且下面有粉絲 唔會話好細份茄子好大條 而且上面佈滿晒調味配料入口好豐富 好怕食到啲好淡口嘅燒烤而且茄子連皮食 都唔會好苦 推薦雞爪 中規中矩 重椒鹽粉味 偏乾身烤原隻魷魚 呢個又係極度推薦魷魚好軟綿綿 口感彈牙 燒得啱啱好順便介紹埋下面個器皿 入面有蠟燭令到啲串燒擺耐咗都唔會變凍 真係可以慢慢食 慢慢飲酒 好貼心錫紙卜卜蜆 好鮮甜唔會話過重調味 掩蓋鮮味 啲蜆肉食落去都新鮮 彈牙好滿足嘅一餐 可以同朋友輕鬆飲酒傾吓計地方闊綽 唔同一般串燒店 唔會坐到好迫而且服務員態度都好好 氣氛唔錯

CU restaurant grill the food for you so you can enjoy the moment with your friends and focus on the conversation. This can also avoid overcooking food as the restaurant controlled a perfect timing! The squid, chicken wings and kidneys showed brilliant cooking skills😋 Not only the ingredients were outstanding, the seasoning was spectacular and the out layer was crispy~ Meanwhile the meat inside was still juicy and tender, I appreciate that a lot! The shrimps were fresh! The texture inside was fir

今日係旺角路過呢間新開嘅燒烤店，於是就決定入去一試，入嚟個環境都幾舒適，座位都好多吓！而且佢個Menu嘅種類都唔少任君選擇。呢個燒韭菜呢佢就好夠孜然味，又唔會燒得太過，食落真係好惹味，份量一串都唔少。而佢個燒雞中翼燒得好入味，一啲都唔鞋，燒到佢皮脆肉嫩。另外個羊肉串都好值得一試，一啲都唔覺得鞋，好香羊肉味，牛肉都好嫩，一啲都唔覺得鞋！另外燒海蝦都食得出個蝦肉新鮮，絕對唔係用冰鮮蝦咁簡單。個燒茄子亦都好特別，佢有加左一啲菜脯係上面，一齊食落又幾夾，好夠咸香！個燒蜆都唔錯，好夠蒜蓉香，而且份量都唔少，啲蜆肉都好甜口。個麻辣蕩就不過不失，種類都幾多，辣度都幾夠，食得幾惹味。最後要嚟返個炸鏝頭做甜品夠曬爽，外脆內軟！