粗店燒烤 (已結業)

今晚相約朋友旺角行街街，順便搵食，無意中見到間串燒，燒完有個器皿保溫，又干干淨淨就入去試試，坐低後發覺頭頂有包野吊住，原來係紙巾😅。手機落單，睇下個menu，都幾抵食👏🏻👏🏻。先來個蒜蓉粉絲蒸扇貝，嘩！好重香蒜，加上有汁，幾鮮味😋，再來燒生豪（試下要求多蒜蓉先）😁，嘩👏🏻正正正，多蒜蓉的確超正，而且生豪燒到脹卜卜，又多汁，口感好正😋。再來牛肉串，可以點孜然粉或辣粉，味道幾特別，又試下燒韭菜，燒翠玉瓜，本身好多調味料，非常夠味👍🏻。燒饅頭+煉奶，脆皮又甜甜地，配搭一流👏🏻。燒菠蘿燒到熱辣辣，而且超多汁，夠甜😋。整體食品都幾好，又抵食，滿足👏🏻👏🏻。