249
2
5
港鐵旺角站 E2 出口, 步行約6分鐘
繼續閱讀
電話號碼
37051318
營業時間
今日營業
12:00 - 01:00
星期一至日
12:00 - 01:00
以上資料只供參考, 請與餐廳確認詳情
有關獎賞計劃
食家推介
相關文章
久唔久都會好想食下串燒,今次就發掘咗位於旺角新寶戲院附近嘅呢間粗店燒烤!呢到環境闊落,裝修別樹一格,簡約得來又舒適!每張枱都有個熱爐比客人暖住啲串燒,最特別嘅係每張枱上面天花板都會勾咗一包抽嘅紙巾比客人使用,連拎張紙巾都可以咁有style~入座之後店員就會即刻準備辣粉同埋孜然粉比我哋點,呢到特別調配嘅孜然粉好特別,食得出落咗少少花生粉同碎碎,用來點串燒又幾好味喎~烤牛五花趾(金錢展) (2串)💰HK$24係串燒店比較少見嘅部位,肉質軟腍~烤美國牛肩肉串(5串)💰HK$48肥瘦均勻,粒粒都好juicy,價錢仲要勁抵~烤紐西蘭牛肋肉眼(2串)💰HK$28口感同牛肩肉串有啲似,都係切到一粒粒,再串埋一齊,咬落juicy~鹽燒牛舌(1串)💰HK$28採用咗成條牛舌入面最高級嘅部位 —— 牛舌心,口感軟嫩多汁,有嚼勁~烤雞翼(1串)💰HK$22燒到金黃香口,啲肉又嫩又多汁~鐵鍋煮卜卜蜆(一份)💰HK$68攤咗一陣個溫度都係咁熱辣辣,蜆肉新鮮仲有粉絲喺底添~蒜蓉烤茄子(一份)💰HK$38第一次食蒜蓉烤茄子面頭有係好多菜圃,軟綿綿嘅茄子肉再埋爽脆嘅菜圃,口感豐富~鹽燒秋葵(1串)💰HK$14燒過嘅秋葵口感爽脆,冇咗果種潺潺嘅感覺~錫紙娃娃菜(一份)💰HK$34味道微微辣而且超入味~粗店烤粟米(一份)💰HK$32係招牌菜之一,烤過嘅粟米加埋沙律醬同埋辣粉,更顯粟米嘅清甜~蜜甜薯(1串)💰HK$18烤甜薯夠甜好有日式風味,當佢係甜品咁食,成餐飯滿足哂~炸饅頭(一份)💰HK$18都係必叫嘅item之一,炸饅頭炸到熱辣辣,外脆內軟嘅口感,點埋煉奶真係超正~無糖可樂💰HK$15食咁惹味嘅串燒,梗係要飲返枝有氣嘅可樂,咁先夠過癮~
繼續閱讀
呢晚又黎試新串燒店我睇中佢個靚靚裝修,連抽個紙巾都特別有taste咁佢會放個一路有火熱住既板俾你咁就算你慢慢食,都唔怕d串燒攤凍曬烤原隻魷魚真係無睇錯,成隻魷魚都只係三十幾蚊仲要好鮮嫩,唔會咬到牙骹都軟埋我最愛食既豆角,無論食咩餐廳,見到豆我就想叫…滿滿調味粉,勁香口既質感,成串我是自己獨吞的雞軟骨串,送啤酒真係一流每一粒食落都脆卜卜口感,雞油香味濃郁燒雞中翼牛肉串,五花肉記得要灑上點點孜然粉,雖然佢已經好夠味但加上d調味又再昇華左呢兜鍚紙娃娃菜真係不得了微辣,清甜呢兩種味可以共存,每一條菜都索曬湯汁食串燒無野飲又唔得,雖然好想啤啤佢但諗起聽日要返工雞皮!!!無得輸,一定要叫蔬菜類真係叫多d都無妨菠籮勁甜卜卜蜆見唔到個量多到浮面入面仲有d粉絲咁,成煲野好鮮味而且店員都好爽手有禮貌,坐又坐得舒服環境有feel,已列可encore系列!
繼續閱讀
一間幾有feel嘅燒烤店 仲要喺旺角鬧市區域入去會見到好多都係主打木係裝修設計每張枱上面都吊住一包嘢 出去以為係燈飾原來係一包包嘅紙巾 又幾盞鬼 同埋真心拎紙巾幾方便每張枱都有一個小型燒烤爐 可以令食物保持溫度每隻碟上面都有兩款惹味調味粉一隻主打椒鹽鹹味 另外一款係辣 惹味為主特別推介椒鹽魷魚鬚 好脆口 好食🤤蟹籽玉子燒 滿滿嘅蟹籽配上沙律醬,下層滑滑玉子炸饅頭 外脆內暖煉奶炸饅頭 在撒上黑芝麻鮮嫩韭菜(1串) $18土豆片(1串)$14粗烤小飯糰$28烤虎蝦(2串)$72烤王者大扇貝(1隻)$38烤雞肉串(1串)$26多春魚(2條)$19秋刀魚(1條)$38
繼續閱讀
心心念念想食串燒又見呢間多好評,book好位拉埋朋友去食!7pm餐廳有2枱客但無店員,行到入去就到廚房位置先見到人再入座..選擇唔多,價錢就正常香港價啦- 入座後先點左3個小爉燭係個爐到,坐左5分鐘先拎到qr code點餐..個店面長期無人,出餐慢,無一款食物黎到係熱既,放上個爐到都係無幫助..啲串燒都只係得孜然粉味無肉味黑白糍粑已經一上就即刻食,都仲暖暖地但係黑糖加煉奶唔夾得個甜字,外硬內韌食緊香口膠咁...最新奇係個粟米,又孜然粉又沙律醬又芝士,加上唔熱,啲芝士同醬瓊左一舊野咁,簡直係味覺大衝擊。-最後都係同朋友出去食其他野,大約8點幾走而當時入座人數都唔夠一半..抵讚既係環境闊落,好乾淨至於食物就...串燒店都有好多選擇,唔一定要揀呢間。
繼續閱讀
今日同朋友去旺角行街睇戲,旺角有好多夜市舖頭食晚飯,早前有朋友介紹旺角新寶戲院附近有間串燒舖頭有好食好抵食嘅串燒食物,而家就一於去試吓啦。這間店舖叫粗店燒烤,位於旺角豉油街60-104號XX Arcade 地下AB地舖,港鐵旺角站E2出口,行幾分鐘就到,非常方便。門口有個牌子寫住早鳥時段17:30-19:00有6.5折,宵夜時段22:00-0100有8.5折,就算正價時段19:00-22:00都有8.8折,這樣優惠難怪我朋友介紹我話好抵食。粗店燒烤外面同裏面都好光猛乾淨,環境闊落,座位都坐得舒服,我哋以為串燒店一定有好大陣油煙味,但係又冇喎,令人感覺良好。每張枱都有個小熱爐比客人暖住啲串燒食物,就算慢慢食都可以,最特別嘅係每張枱上面天花板都會勾咗一包抽嘅紙巾比客人使用,好貼心嘅服務。入座之後店員就會即刻準備辣粉同埋孜然粉來點食物,辣粉同孜然粉都好有味,令到啲串燒食物真係幾好味喎,店內仲有播歌聲,不大不細,令人覺得去咗酒吧嘅感覺。串燒食物有肉類、海鮮類、蔬菜類,肉類串燒我哋就選咗牛肉、羊肉、豬肉、雞肉嘅食品,牛肉叫咗烤美國牛肩肉串,肥瘦均勻,肉質嫩滑,粒粒都好多肉汁,點埋孜然粉,更加好食。羊肉叫咗烤大漠羊肉串,羊肉亦肉質嫩滑多汁,羊味香濃但唔會太羶,我朋友唔多中意食羊肉,都話唔錯好食。豬肉叫咗五花肉,五花肉肥瘦均勻,燒到外脆內軟,肉質亦多汁。雞肉就叫咗支雞肉香腸,外表烤得很香脆,真的不錯。海鮮類串燒我哋選咗烤原隻魷魚,成隻魷魚都好大隻,烤得好香,價錢又平只,仲要好鮮嫩,唔會咬到牙骹都軟埋,仲有埋剪刀可以剪開佢來食。還有叫咗烤多春魚,又係烤得很香,肉質肥美多汁,真係烤得好食。蔬菜類串燒,我哋就損咗鹽燒秋葵、脆豆角、鮮嫩韭菜,燒過嘅秋葵口感爽脆又夠味,亦都好抵食,脆豆角一支有8條真係烤得脆好有味,而韭菜好鮮嫩,加埋辣椒粉食,非常惹味。最後叫啲清淡食品,就叫涼拌菜、炸物同小食,涼拌菜是小青瓜,青瓜好爽脆又不是太辣太咸,好配合串燒食物。炸物是炸饅頭炸到熱辣辣,唔會油淋淋,外脆內軟嘅口感,咬落又鬆軟,點埋煉奶真係超正,好似吃了甜品。小食是漢堡扒厚多士外貌好靚,令人看到都好想食,厚多士燒到外皮香脆,內裏好鬆軟,漢堡扒加埋滿滿嘅芝士醬,真係好好食,芝士好香好足夠,整體好夾。還有飲品都好夾以上食物,尤其是汽水同椰子汁。粗店燒烤好值得推薦比大家,令人食得好滋味,亦好抵食,價錢有大眾化,又多優惠,店員嘅服務態度都好,我下次都會再去。
繼續閱讀
您可能會有興趣的...