米走雞 (太子藍馬之城)

營業中

休息中

今天在太子跟朋友吃晚飯來到吃米走雞的 招牌芝士雞煲必點！太滿足了！芝士份量可自由選擇 我是芝士愛好者 當然選了特濃！這是二至三人份量，超級足料，全部雞脾肉！加上洋蔥，很香吃完雞就可以吃火鍋了！可加清湯或芝士湯我加了芝士湯脆肉鯇，皮脆彈牙，比很多餐廳新鮮！鮮腐竹冰巢豆腐，放進芝士煲內，把芝士味吸進去 翡翠苗，清甜！放進湯底又是很開胃當然不少得加烏冬，芝士撈烏冬，絕配！銀菊露，很大枝！非常滿足！價錢平，又多配菜！

上星期才吃完雞煲，今天雞煲癮又一次發作，急忙找朋友陪伴我前往醫治，上星期的大夫醫術高明，決定回去覆診，但由於朋友住在港島區，所以選擇了這位大夫的太子診所麻辣雞煲侍應一點火煲中的出現藍色火光，作用收乾雞肉表面鎖住肉質，全是雞肶肉，並且份量不少，麻辣中辣香濃惹味，完全可以治療到我的癮美國桶蠔目測每隻約長6cm，肥美巨型誘惑的海水味道，煮後尺寸沒有太大改變脆脘骨腩新鮮得貌似油甘魚，非常白嫩，肉質爽脆經過大夫治理後，我已短暫舒緩症狀，下次雞煲癮發作時（這段時間比較頻密），我會再向大夫求診。

今日和朋友慶祝生日，有人話想呢間芝士雞煲好入味，所以我哋就嚟試試佢。一上到黎，其實環境麻麻，仲有一陣怪怪嘅氣味(可能係芝士味，但唔係香)，而且環境偏暗，所以感覺唔係幾舒服。咁我地一開始當然係食左雞煲先啦，其實佢有得揀芝士雞煲同麻辣雞煲，我地就只係揀左一煲雞煲，5個人食岩岩好，事關佢一個雞煲都幾大份。果然名不虛傳，芝士香濃濃厚，味道唔算太咸。食完雞煲之後職員會加湯落芝士煲到，講真，咁樣加完之後有少少油，唔太吸引。我地反而另外叫左個胡椒豬肚煲，好入味好正。呢到d火鍋料都唔太差，overall食物質素都ok。題外話呢到如果自己另外帶酒水每枝要$50。呢度價錢中等，唔算好抵食。

麻辣雞煲就食得多，但係芝士雞就煲唔係度度都有得食啦，今日來到旺角，搵到呢一間米走雞，即管上嚟試吓一坐低就有六種唔同嘅調味配料，全部用蓋蓋住，比較乾淨衛生先叫咗一個細嘅黃金芝士雞煲（$178），全部用上雞脾肉，煮起嚟特別嫩滑，份量亦非常之多，兩個人食其實非常足夠芝士配搭洋蔥，再加上紅蔥頭同香芹，就咁望都聞到個香味因為個芝士味已經好濃郁，食晒雞煲之後可以加清湯去打邊爐配料選擇唔少，價錢亦都唔貴，最好嘅係有好多配料都可以揀半份，咁就可以食多幾款啦叫咗一份細嘅特級雪花肥牛（$158），因為油花足夠，所以咬落去比較肉嫩，而呢款肥牛嘅肉味亦都比較濃厚趁個肚仲有空間，叫多個牛柏葉同埋叫多一碟菜平衡一下，牛柏葉煮一煮就食得，入口爽脆材料新鮮，雞煲有特色

最近因為豬瘟導致豬肉供應少了，吃肉獸的我們唯有轉吃雞肉了，今晚晚餐便來米走雞吃雞煲，太子這家分店有包間，方便十位八位一起慶祝活動，一起嗨～👯👯。之前吃過火焰雞，今晚試試邪惡的黃金芝士雞煲，雞肉依舊很嫩很大塊，而且每一塊都是肉，配上邪惡的芝士，讓嘴巴充滿了幸福感。吃完雞煲當然要加湯，繼續打邊爐，繼續吃吃吃～來米走雞吃飯就是有好處，一煲兩吃。今晚點的火鍋配菜有竹笙墨魚滑：用竹笙包著墨魚，外脆內彈牙，給你一個不一樣的口感。哈哈😄～沒想到香炸響鈴也是這麼大，比起晾衣服的竹篙還要粗，真是物有所值。平時不怎麼喜歡吃翡翠苗，感覺有腥草味，可是朋友喜歡吃，今晚試過也讓我意外，原來芝士湯底煮過的翡翠苗是只有芝士香味和清脆的口感。

雞煲可能好多人都食過，但芝士雞煲就未必咁多人試過啦！就等我介紹下啦！佢有得揀細或者大雞，睇下你幾多個人食而決定～芝士嘅份量都有得揀，我哋開頭驚會好『琉』所以叫咗普通份量。個雞煲芝士味好重，D雞亦都好嫩～食完啲雞之後就可以叫職員加湯變成打邊爐！我哋好鍾意芝士所以個湯底係芝士湯（真係肥死！）D配菜就係自己點嘅唔係任食!我哋點咗薯粉，薯粉撈芝士真係一流，入晒味！想扮食得健康啲嘅我哋點咗好多菜～煮到佢哋淋晒一樣咁有芝士味！呢餐真係大滿足！

搵食貼士: 一定要訂枱!，因為都幾多人食!同肉食朋友一齊，一定要多肉食，於是大家選擇食雞煲。朋友話呢間雞煲唔辣不特只仲要啖啖肉。咁神，梗係要試。上到去，坐的地方比想象中舒服，不過同其他火窩店差唔多，唔提供茶水，一係飲氣水，一係飲特飲。我地叫咗個細嘅芝士雞煲。一上枱，真心驚喜，啲芝士多到呢。身為芝士控嘅我，即時心心眼，朋友話我定咗格望住個煲。啲雞係用雞脾，唔係其他雞煲咁成隻雞放入去。啖啖肉，又滑。唔使食到雞肋雞肋咁款。我地食嗰煲咗之後再加咗4款食物，蜂巢豆腐同鮮炸嚮鈴係必食之選。最好嘅係加湯嘅時候，可以加芝士湯而唔係普通雞湯或滾水。咁就真係芝士味由頭帶到尾，唔會食到尾乜味都食唔到。埋單每人唔使二百蚊，仲要飽到上心口，抵到呢。。。呢間雞煲/火窩店，一定會再去。

今日同外國返黎既朋友慶生，所以帶咗佢黎食香港好有特色既雞煲。第一次食芝士雞煲平時食開辣味雞煲。估唔到芝士雞煲一啲都唔膩唔羶，同西餐嘅忌廉芝士唔同味，好特別，幾清新，同雞肉味又好夾呢個係份量細嘅雞煲，但係對我哋三個女仔來講都好夠食！薯粉方面爽口同埋飽肚不過小心唔好淥太耐，如果唔係就好易林㗎啦！呢一碟係蟹子鮮蝦滑，好重鮮蝦味，又真係好滑呢一碟係特級雪花肥牛，係呢張相都可以見到肥牛嘅脂肪分配得好平均，跟住淥係芝士鍋裏面，芝士味加上鮮牛肉味正呀枱上亦都有介紹咩食材配上芝士會好好味。可惜我哋唔記得咗叫出前一丁，下次一定要叫返！

一大班人就好鍾意食雞煲..食完個雞煲再打邊爐就最恰到好處❤️今日三條友試新野..麻辣雞煲 就成日食得多啦今次試吓咪走雞嘅芝士雞煲一入到餐廳已經聞到勁濃郁嘅芝士味道🧀🧀客人就俾個Menu我地揀嘢食同時間亦都會比一個調味盒我哋自己條配適合嘅味道見到枱面有呢一張推介嗰個蜂巢冰豆腐 一定要試因為真係唔係度度都有重點黎啦😬😬😬😬😬好瘋狂 係勁多芝士🧀🧀🤤🤤🤤😀😀喂也，好正！d芝士開始溶溶地食得啦 開動❤️❤️❤️雞質好啖啖肉最緊要芝士味真係超濃郁同以往食雞煲好大分別👍🏻真係一個好正嘅體驗食完雞煲就可以加芝士湯做火鍋打邊爐啦叫咗鵝腸 超新鮮 好長好長好長份量超級多 好爽口牛肉嘅味道亦都好新鮮咁平嘅價錢食到啲咁靚嘅牛物有所值非常欣賞呢一份餃黑松露餃子非常香正👍🏻👍🏻👍🏻👍🏻👍🏻👍🏻好欣賞呢一間雞煲店嘅侍應佢哋超有禮貌..下次一定會再幫襯❤️

食物質素好但店內的侍應服務態度差11:45店內只剩下我哋一行七個人竟然關空調但你哋的營業時間不是12點才關門嗎？如果你們是不能應付請不要開設讓客人可以預訂21點45分的座位。另外不斷有侍應走過來看我們進食的程度去到那 令到我們很不舒服，即使食物質素幾好都好你們店內的侍應已經影響你哋嘅招牌終於明白為何你們的雞煲這麼好食但到鋪只有幾台客人空台很多

早前同朋友相約打下邊爐，又想找間中間點，所以就選擇左係太子既米走雞，好近mtr ga,只需一分鐘就到，好易揾到！之，我地坐底就order左個蕃茄粟米湯底，夠哂fresh 同健康，加上蕃茄係女士恩物，有抗養化，食左皮膚都靚d!我地跟手就叫材料啦，木耳，山藥，芝心丸，包心丸，娃娃菜，蘿白，紫菜，峰巢冰豆腐，棉花肚，虎蝦，鮮腐竹，樣樣食材都好新鮮，而且又夠份量，加上個湯底好鮮味，連粟米都食埋，慢慢恰下恰下，傾下計，enjoy ar!加上d位置又幾好坐，同朋友傾計更開心，後尾重叫左杯奶茶同可樂，估唔到打邊爐地方有奶茶，真係好正，yummy 同好full!!大家相約三五好友打邊爐啦！

放工約咗老婆同朋友去旺角食飯，忽然好想食雞煲，但一品同至尊都食過唔少次，所以今次就試試新嘢，行遠少少去到太子站，旺角警署對面嘅「米走雞」。呢度出名嘅係芝士雞煲，不過我哋都怕好漏，就叫咗普通麻辣雞煲。去得連鎖店食都唔會有新鮮雞，今次食嘅係急凍雞，而且仲要係食雞髀位，所以啖啖肉，啱晒食肉獸😂雞煲麻多過辣，好適合我哋一行4人，因為大家唔太食得辣，配埋芫萎同洋蔥呢類重味配料，味道好吸引！食完雞，就當然要打邊爐，火鍋配料方面就叫咗份手切特級霜降和牛，牛味濃郁，脂肪分佈均勻，略嫌肉質唔夠滑身，淥至7-8成熟就最佳。豬頸肉，我覺得都出色，食得出係有醃過，並唔係純粹急凍肉，不過普遍人都話豬頸肉激素多，所以都係食少啲，過下口癮就算🤣蘿蔔同冰豆腐係必點，因為吸味👍🏻煲未滾前就要放定配料，差不多到最後先食就好好食，基本上每次打邊爐都係咁樣做。雖然今日係星期三，但係此店嘅人流都多，證明質素係有保證👍🏻座位舒適而且寬敞，4個人坐卡位真係好多位放配料。打邊爐最緊要係冷氣夠同抽氣做得好，呢度亦都做得好好，值得一讚！

消費左$2000+ 火鍋店 食物環境吾錯，店員服務態度非常差，要求加水時 黑面，不斷催促我們點野食，來來回回告訴我們12:00開門，再送我們一副（吾好阻住佢收工）既表情！但當時只係11:30 大家還在努力消化食物！轉頭又息火鍋爐！再息冷氣！真係第一次食火鍋遇到甘既情況，吾夠12:00被逼走！食物吾差 但員工很差希望貴公司作出改善食物方面試左芝士雞煲見人見智，吾係所有配料都夾另外牛肉都新鮮，不過不失丸半份就得幾粒人多可以叫一份！飲品竹蔗茅根/ 菊花水賣哂唯有叫凍檸茶 可惜只可叫2杯因為連檸檬都冇哂，唉！

今晚同老公約咗佢嘅兒時玩伴一齊出嚟食飯，順便認識一下佢女朋友。大大話話識咗十幾年，梗係要認識下呀嫂啦。由於呢位朋友同佢女朋友都係喺旺角附近返工，於是我哋就揀咗呢間位於太子嘅米走雞食雞煲。一行四人，我哋叫咗個麻辣雞煲，小辣。個雞煲一嚟嘅時候，餐廳嘅員工會好細心咁幫你去搞一下個煲，到咁上下嘅時候，就會點着佢，俾你睇一下個火焰雞煲，又睇得又食得。然後佢地又會提醒你幾時可以食。我哋先食雞煲，成個煲嘅雞都好多肉，好少會有一啲剩係得骨無肉嘅情況。四個都食到半飽，職員就會幫你加湯，轉做打邊爐。邊爐嘅材料我哋都嗌得唔少，梗係要食返啲靚牛，然後再加多少少菜。特別一讚，厚切和牛牛味十足，最驚喜嘅係豬頸肉，有醃製過，所以非常入味。再叫左兩壺野飲，分別係竹蔗茅根，同埋清熱銀菊露，去一去油膩感，降一降火。今晚係星期三，如果冇book枱都幾難有位，我哋食到一半嘅時候，幾乎已經滿座，好難想像五六日如果唔book枱嘅話，可能連walk in都無位。

《食評》若果要選一樣最巨份量, 最邪惡既火鍋一定係米走雞既黃金芝士雞煲! 當你落左柯打上煲果刻, 你望住熱辣辣既黃金芝士雞煲, 你既口水係已經不由自主, 幾乎完全失控! 「黃金」首先芝士從顏色上已經令你食指大動, 啖啖既雞肉配上極濃厚份量既芝士! 初嘗芝士雞煲最正既其實就係要慢慢細味佢既唔同溶化程度既芝士, 當你慢慢細火烹煮既同時, 好唔客氣咁開始用木筷子夾住雞肉既時候, 相對溶化比較快既低層芝士, 纏繞住無咁溶化既面層芝士, 筷子帶動既拉絲, 啖啖既雞肉, 果份邪惡得黎而且非常幸福既感覺簡直唔係筆墨可以形容!-●驚喜菜式: 黃金芝士雞煲-●綜合評分: 1. 湯底: ★★★★★ 2. 食材: ★★★★☆ 3. 環境: ★★★★☆ 4. 價錢: ★★★★☆