米走雞 (太子藍馬之城)

營業中

休息中

係香港，一提起食雞煲火鍋，一定會以為係香辣口味既，但餐廳「米走雞」就成功殺出重圍，以芝士雞鍋做特色，成功帶比我哋新既雞煲的食法和體驗。今次去到位於太子藍馬既分店，介紹返，「米走雞」其實有兩款特色鍋底，一款係芝士雞鍋，另一款係麻辣雞鍋，各有捧場客。由於同行朋友唔好辣，所以order 返加量芝士既芝士雞鍋！已經食過數次既芝士雞鍋，吸引我既地方除左大量邪惡既芝士之外，係雞既用料方面都下左心思，全部都係肉厚骨少的雞髀肉，食起上來唔會話大大煲雞其實都係骨，食起上來非常方便而且滿足。火鍋配料方面，值得講下既仲有呢碟五香鮮牛肉，大大盤新鮮既鮮牛肉，入口非常鮮嫩，細心品嘗會發現有淡淡既香料味散發出來，非常配合鮮牛肉既口感，做到多食而不膩。

最近負面情緒太多，要相約朋友食飯，傾談舒緩一下。天氣已經開始轉冷又到了打邊爐的時候。餐廳位置近太子地鐵站，行大約2-3 分鐘左右就到，非常方便。餐廳空間闊落舒服，環境光猛整潔。先叫了一個大的黃金芝士雞煲，之後再慢慢挑選其他火鍋配料。黃金芝士雞煲店員叫我們先等大約5分鐘左右，當芝士呈半溶狀態就可以吃，一定要耐心等候。當店員打開蓋子立馬聞到濃濃的芝士香氣，雞件被半溶的芝士包著，肉質鮮嫩多汁，芝士味濃郁美味。食完雞肉之後店員會幫忙加上芝士湯底打邊爐，配料選擇非常多，而且份量亦非常十足。手切新鮮牛頸脊最愛的牛肉部位，牛味香濃，肉質鮮嫩可口。白鳝片鱔魚肉質鮮嫩彈牙，入口爽嫩，非常新鮮。竹笙墨魚滑竹笙配墨魚滑，配搭特別，鮮味十足而且彈牙爽口，堅正！手打五寶拼盤各款手打丸子都彈牙鮮甜，特別喜愛牛肉丸子，味道香濃鮮味，豬肉丸子甜味適中，爽嫩有彈性。

天氣開始轉涼，於是便約了朋友去食雞煲火鍋，來到了太子米走雞。餐廳雖然係樓上鋪，附近有裝修工程，但入到去幾乎仍滿座。入座後立刻落點了這間餐廳的招牌，黃金芝士雞煲。由於我十分喜愛芝士，所以便選了激量芝士，果然上菜時雞煲全被芝士覆蓋，視覺上非常滿足，上菜後加熱幾分鐘就可以食。雞件都選用雞腿肉所以特別嫩滑，而且每件都被芝士包覆著，非常美味。吃完雞煲後，我們點了幾款火鍋配料，待應為我們加上清湯，繼續吃火鍋。虎蝦，一份有六隻，非常大隻，餐廳已經用竹籤為我們串好。蝦肉新鮮爽口，肉質彈牙，物有所值，值得推薦。脆鯇片，鯇魚肉爽口有鮮味，非常適合火鍋食用。稻庭烏冬，吸收了芝士湯汁，質地彈牙煙韌，非常美味。半份鮮炸響鈴，見到非常大份而且炸得脆身，共有三件，一人一件剛剛好。另外也點了金菇和娃娃菜，同樣份量十足，抵食。竹蔗茅根，味道清甜，而且清熱下火，打邊爐飲就最啱。

今日約咗朋友去太子食雞煲上到去先發覺間餐廳原來咁大間由於今晚唔係好多人我哋兩個人都可以坐四人位一坐低服務員就將啲醬料擺晒出嚟好好服務醬料盤冇麻油 服務員聽到我地話想要麻油專登拎啲獨立包裝嘅麻油俾我哋好貼心👍🏻👍🏻👍🏻👍🏻呢間餐廳出名食芝士雞煲但係我自己對芝士麻麻哋所以最後都係揀咗麻辣火焰麻辣雞煲(小) $168我揀咗中辣 比我想像中嘅辣食咗一陣忍唔住夾返啲辣椒出嚟不過呢度嘅麻辣好正 唔會得個咸字又香又麻雞煲入面嘅雞件大部份都係雞脾肉好有驚喜😆😆😆😆特級雪花肥牛（小）$158牛肉都不錯 牛味濃郁 肥瘦均勻日本廣島蠔 $88一碟有六隻 煮熟左食落去都好鮮甜推介推介鮮制韭菜餃 $78 餃子都幾好食 配上辣汁湯底別有一番風味Asahi $36食雞煲 啤酒是必須的一口氣飲咗兩支😂😂

這間店是朋友推介的，說他們家的雞煲唔錯。對於鍾意食芝士既我，了解後覺得佢既芝士雞煲好似真係好正，一直係收藏名單，今日終於有機會試了。芝士雞煲未開始煮已經見到有好多芝士係面，先煮佢一陣令芝士溶化就可以開始進食。 芝士完全多到可以拉絲，而且好香好重芝士味，但最過份係每件雞都好大件，全部係雞脾肉，完全做到啖啖肉！！ 其實最估唔到係小份量既雞肉都咁多，食到一半可能加上芝士既關係，的確有少少膩，所以食到一半就叫店員幫手加湯打邊爐。加湯可選擇清湯或芝士湯，我們選擇了清湯，芝士味會變得無咁濃，但依然好味，個人覺得呢個濃度打邊爐最適合。火鍋配料牛肉牛肉好大碟，而且牛味唔錯，所以話打邊爐點少得佢。雲吞四拼除左雲吞同水餃外，仲有韭菜餃，全部饀料爆多，個人覺得雲吞最好食，蝦肉好彈牙。栗米清甜大塊，用黎煮下湯再食，唔錯。皮蛋呢個皮蛋酸酸甜甜，同雞煲同時上菜，用黎解膩岩岩好因為雞煲份量實在太多了，所以唔需要再食太多火鍋配料已經好飽。性價比十分高，算係食過既雞煲之中好食得黎又抵食。

-冬天就到啦，除左打邊爐之外，大家可以試下食芝士雞煲。今次瘦編有外國朋友黎到香港，就決定帶佢食地道嘅芝士雞煲。🧀-依間米走雞其實瘦編食過好多次，價錢合理，啲料又足，所以成日食！今次都係叫2人黃金芝士雞煲($178)，有好多芝士，可以拉絲。食完雞煲之後仲可以加湯，變為打邊爐，不過我地已經好飽，所以無再食落去。🤣-提提大家，佢個門口位仲裝飾緊，所以有啲難搵，仲有米走雞只收現金，無其他支付方法，有啲唔太方便！😪-味道評分▶️🌕🌕🌕🌕🌗 (4.5)抵食評分▶️️🌕🌕🌕🌕🌑 (4)回購評分▶️️️🌕🌕🌕🌕🌑 (4)-➡️米走雞 (旺角)📍旺角彌敦道761號太子藍馬之城2樓-

近日終於感受到幾許涼風吹拂，整個人很快就肚餓，泛起對熱騰騰火鍋的願望，無論身或是心亦特別想要(⁎⁍̴̛ᴗ⁍̴̛⁎)醬位14x2自己加了好多新鮮切好的蒜蓉和指天椒🌶️在豉油中撈起，很惹味唷！藥膳美人鍋98湯頭不淡，雖然只下了若干的當歸黨參北芪，卻有超濃縮撲鼻那種，啖啖芳香暖意，直接飲用亦是毫不失望。脆鯇片58具光澤的魚肉有序排列，吸收了湯品的原味道，肉質柔軟得來，既嫩滑，更具清香。特級雪花肥牛158 小賣相靚，擺得有心機，雖然叫了細份，亦夠二人分享。牛肉富色澤，紅白均勻，半肥瘦，油花狠狠散落，入口即溶，肉質鬆化。芝士腸22半份快熟爆芝，腸皮極脆，打邊爐由細食到大都不捨得錯過。鳳城水餃88包的餃皮好薄，亦是挺易掌握生熟度的！蝦肉內涵夠爽口，豬肉包得不是實而飽肚，和木耳平均互相交集著，蠻有口感的。食後感：和家人事前並無預先訂位，即興去吃亦不用等位就可以順利入座！真好呢～

踏入秋天涼涼地🍁 就好想打邊爐!夜晚8點walk in 2位 唔洗等位可以即時入座👫呢間雞煲店除左好近地鐵站 d野食質素都好有水準 所以自開張3年我同朋友都食過好多次💯😋😋😋今晚簡左沙嗲湯底打邊爐🥘配料就簡左 手打五寶拼盤 鮮蝦雲吞 生菜 冬菇 牛柏葉 手切牛 鮮炸響鈴🥢落單無耐 食物十分鐘內都續一送上 好有效率! 可能呢排太子人流少左 地鐵又經常提早關站所以鋪內人客唔多 坐得寬敞又舒服 同朋友食住傾計真係唔錯遲下聖誕節🎄gathering可以再黎🍻

話說好幾年前都食過一次米走雞, 印象中係好漏好漏, 食完會飽到上心口既感覺 今晚同老友提起, 佢話佢都有興趣想食, 所以拿拿臨上OP訂左位先! 準時19:30到, 入座率都有一半. 仲要檯檯都係芝士雞煲, 極度邪惡!!我地2個女仔, 叫左1個小既芝士雞煲, 但由於真係唔知佢咁足份量lol . 我地同時又叫埋火鍋配料lol. 個煲一上檯. 已經有種肯定食唔晒既感覺XDD.等佢一滾起. 撈埋D芝士. 真係不得了, 每啖都好邪惡 . 而且好多都係雞脾肉位, 啖啖肉. 又勁多舊, 食完個煲已經FULL左一半... 之後開始打邊爐, 姐姐仲問要芝士湯定清湯lol . 頂. 我驚飽到癲.. 最後只係用清湯. 哈哈... 強烈推薦手打墨演. 堅ok. 好彈牙!!! 其次係響鈴. 一睇個樣就知係自家炸. 好食! 好彩d配料有得揀半份. 如果唔係就一定... 哈哈哈... 最後食芝士鍋又點可以冇出前一丁, 放埋落去, 不得了, full但都要食, 真係好好味!!!埋單hkd300 每人,有少少貴, 但勝在用料新鮮而且份量好足! 下次一定會再黎捧場!

同朋友想食雞煲，諗都唔使諗，即刻記得呢間有芝士雞煲食嘅米走雞，馬上打電話去訂位，之後準時入座好彩仲有位咋醬料醬料擺放得很整齊，每個有獨立的蓋蓋着，感覺份外衛生整潔話咁快，就調製出一款啱自己口味的醬料黃金芝士雞煲（小）煲底放着大量洋蔥，使雞肉唔會直接掂到煲底，令雞肉嘅生熟程度更易掌握，肉質更加嫩滑揀咗普通份量嘅芝士，但其實一啲都唔小。呢種芝士食落感覺沒有肥膩的感覺，可以放心大大啖放入口。所有嘅雞件，都用上大大件嘅雞比肉，啖啖肉之餘，更顯出肉質嘅幼滑其他配料叫咗手打鮮蝦丸，大大粒之餘，每粒更會食到爽口彈牙嘅蝦肉。因為用鮮蝦即打嘅緣故，整粒蝦丸結實彈牙，蝦味濃郁因為有芝士湯底，特登點了一個雜菇拼盤，沾滿芝士嘅雜菇，感覺就像中式火鍋裏面的西式食法除了公仔麵，我亦都喜歡用芋絲，當作海綿般，吸收芝士同雞嘅精華最後亦都點了一個翡翠苗，清新翠綠，感覺新鮮食得雞煲，一定要飲番支啤酒，仲有唔係好多地方有嘅王老吉，雞煲火鍋嘅最佳配搭人氣推薦如果有選擇困難症，餐桌上邊都會有人氣之選比大家參考買單一人平均先二百零蚊，環境舒服，好味又夠飽，絕對係食雞煲嘅首選

🧀🐓煲介紹呢間唔係一般麻辣雞煲，特別在於芝士上🤣。係啊，你無睇錯，正正就係芝士做湯底，仲可以比你揀份量，少量，普通，激量🧀🧀🧀，如果你係芝士控，保證你一定愛上。雖然無寫明，食得出唔係普通芝士，好似溝左一款以上既芝士，有大或細煲，兩人食叫細煲好啦！芝士入口時，好有層次感，又濃味又滑😋，一般雞煲都係食左雞先叫火鍋料，但齋食芝士雞煲唔知點解覺得好齋同滯滯地，如果唔鐘意可以揀返傳統嘅麻辣雞煲。主角之一既🐔係大大件之餘仲要啲肉幾嫩滑，有汁，食得出有鮮味，絶非一般嘅冰鮮雞，不過雞係炸過既，多食幾嚿會有啲滯。之後，梗係唔小得🐂啦，呢到有幾款選擇，我揀左大碟$388 特級霜降和🐂，入口牛味非常非常之濃烈，油花分佈好均勻，每一啖都有肉汁微微滲出，成個口感無得輸，食完之後口腔仲有微微牛香迴蕩，一個字正呀!😋😋其實都幾大碟，一碟4個人食都夠仲試左手打丸同翡翠苗，手打丸一碟有五款不同，有三款幾新鮮，最好係個蝦丸，有一粒粒蝦肉又夠爽。鯪魚丸同墨魚丸就要扣少少分，鯪魚丸入口有微腥，仲有小小骨，可能處理時差啲，而墨魚丸唔夠彈牙，好似淋左唔多新鮮。依間唔係任食，所以多人食先無咁滯同埋可以食多幾款火鍋料，整體黎講值得推

這天秋意襲來，天氣轉涼快了，忽然掛念雞煲了。 這晚放工後即興於兄弟吃雞煲，而且是芝士雞煲，夠邪惡，我喜歡。我們2個人吃得比較早，6點半左右就到了。那時候店裡沒什麼人，7點之後人流才逐漸多起來。我們選了小份雞煲，選激量芝士。 肉食獸的我們再選了一份牛一份羊。 雞煲來了當然先打卡，看見那麼激量的芝士心情都激動起來。 大概煮了10分鐘不到有店員提示可以吃，不用撈，直接從上面吃。濃濃的芝士香撲鼻而來， 拉起一條條芝士的景象確實迷人。 雞塊挺大塊，女孩子吃起來可能有一點麻煩。 我們就大口大口吃，而雞煲的分量也挺驚喜，很足夠哦。 之後開始加湯，有芝士湯和清湯。 我們把邪惡進行到底，選了芝士湯，幸好效果也不錯，是比較清一點的芝士湯。 牛肉和羊肉都挺薄身，不過覺得分量較少。總的來說這家芝士雞煲不錯~

係openrice見食評唔錯，所以決定一試，經openrice訂座，可享asia miles正呀! 6點幾去到，人流唔算多，環境尚可，但人一多就開始嘈，較難傾計。點左半隻芝士雞，份量好多，其實4人食都可以(如果全女仔)。芝士控表示好好味，再配埋紫洋葱，味道天衣縫，雞件都入味。由於只有2人用餐，所以去到邊爐果partpart戰鬥力下降，只點左薯粉同菜。見隔離枱既海鮮，尤其係帶子，好肥美，表示羨慕，下次一定要叫多啲朋友一齊黎食，gogogo!其中一個姐姐為人熱情，有推介我地有咩好食，同埋可以叫我地留前鬥後，唔好咁快點邊爐配料，因為怕我地太飽，非常貼心整體滿意，YUMMY 

這是我第一次來米走雞, 候隊時間不算長！時間尚早所以餐廳唔算太多人，我哋好快就有得入座.店員先送來一盤火鍋醬料，有辣椒、麻醬、蔥、芫荽、香蒜、蒜蓉，可以自己選擇不同配搭。點了麻辣雞煲，侍應生上菜時點火，大家都驚呆了，原來是火炎雞煲😆視覺效果確實一流，雞煲清一色選用雞腿,啖啖肉，肉質嫩滑。食完雞煲就加了清水繼續打邊爐，叫了手切特級霜降和牛、牛肉脂分布不錯，口感亦很嫩，必定叫食。還有超好食的蟹籽墨魚滑，彈牙墨魚味道濃郁，午餐肉，魚皮餃，我們還有叫了些蔬菜，飲料我們叫了一jar甘蔗茅根水來清清飽滯的感覺。整體來說真是一頓豐富美味的雞煲火鍋。

實在太耐太耐無齊人食飯啦今晚終於夾到時間 大家一齊去食餐好本小姐㨂左米走雞 雞煲+火鍋 大家都岩食啦4個人 先黎一個大嘅 芝士雞煲 配普通量嘅芝士等左5分鐘左右 芝士同雞終於溶為一體一打開 勁香洋蔥味 芝士沾滿每一舊雞雞肉基本上全部都係啖啖肉嘅雞腿 好滑食到差唔多就加清湯打邊爐了 黎得米走雞 一定要叫佢嘅牛頸脊 堅靚架必口牛味好香濃 而且好嫩滑 值得推介重叫左打邊爐必食嘅炸魚皮同埋響鈴重有豆卜釀魚肉 豆卜吸晒啲芝士汁 好好味重有叫左烏冬同菜等等 大家都食到大滿足