影片
更多
2019-07-28
170 瀏覽
放工約咗老婆同朋友去旺角食飯，忽然好想食雞煲，但一品同至尊都食過唔少次，所以今次就試試新嘢，行遠少少去到太子站，旺角警署對面嘅「米走雞」。呢度出名嘅係芝士雞煲，不過我哋都怕好漏，就叫咗普通麻辣雞煲。去得連鎖店食都唔會有新鮮雞，今次食嘅係急凍雞，而且仲要係食雞髀位，所以啖啖肉，啱晒食肉獸😂雞煲麻多過辣，好適合我哋一行4人，因為大家唔太食得辣，配埋芫萎同洋蔥呢類重味配料，味道好吸引！食完雞，就當然要打邊爐，火鍋配料方面就叫咗份手切特級霜降和牛，牛味濃郁，脂肪分佈均勻，略嫌肉質唔夠滑身，淥至7-8成熟就最佳。豬頸肉，我覺得都出色，食得出係有醃過，並唔係純粹急凍肉，不過普遍人都話豬頸肉激素多，所以都係食少啲，過下口癮就算🤣蘿蔔同冰豆腐係必點，因為吸味👍🏻煲未滾前就要放定配料，差不多到最後先食就好好食，基本上每次打邊爐都係咁樣做。雖然今日係星期三，但係此店嘅人流都多，證明質素係有保證👍🏻座位舒適而且寬敞，4個人坐卡位真係好多位放配料。打邊爐最緊要係冷氣夠同抽氣做得好，呢度亦都做得好好，值得一讚！
呢度出名嘅係芝士雞煲，不過我哋都怕好漏，就叫咗普通麻辣雞煲。去得連鎖店食都唔會有新鮮雞，今次食嘅係急凍雞，而且仲要係食雞髀位，所以啖啖肉，啱晒食肉獸😂雞煲麻多過辣，好適合我哋一行4人，因為大家唔太食得辣，配埋芫萎同洋蔥呢類重味配料，味道好吸引！
食完雞，就當然要打邊爐，火鍋配料方面就叫咗份手切特級霜降和牛，牛味濃郁，脂肪分佈均勻，略嫌肉質唔夠滑身，淥至7-8成熟就最佳。
豬頸肉，我覺得都出色，食得出係有醃過，並唔係純粹急凍肉，不過普遍人都話豬頸肉激素多，所以都係食少啲，過下口癮就算🤣
蘿蔔同冰豆腐係必點，因為吸味👍🏻煲未滾前就要放定配料，差不多到最後先食就好好食，基本上每次打邊爐都係咁樣做。
雖然今日係星期三，但係此店嘅人流都多，證明質素係有保證👍🏻座位舒適而且寬敞，4個人坐卡位真係好多位放配料。打邊爐最緊要係冷氣夠同抽氣做得好，呢度亦都做得好好，值得一讚！
張貼
