築地日本料理 (金百利廣場)

營業中

休息中

星期五Happy Friday 梗係同friend 食餐好但減緊肥要食高蛋白質少澱粉嘅diet 唔係禁易搵野食，於是簡左日餐，好在早放工吾洗等就有靚位，走果時爆曬棚叫左好多魚(注意個花之戀叫左走醬，但冇損味道) 芒果同三文魚互相配合，清新美味。三文魚味濃加上厚切，食完呢幾舊已經超級滿足！吞拿魚一樣足料，同飯嘅比例岩岩好！另外叫左條燒青魚(應該係青魚)完全冇唸過會禁大條，皮薄脆肉多，健康及愛魚之人必選！魚燒得岩岩好，入面吾乾滑口仲有汁，配埋檸檬汁真係lamlam 唎！朋友叫左牛仔骨同炸蠔自私食，我最後都係忍吾到口食左一塊牛仔骨，超有水準！淡淡肉，燒汁香牛味濃，必點！

同朋友成日去銅鑼灣行街，但現在銅鑼灣食飯都唔平，想食價錢合理的日本菜，朋友介紹左一間在銅鑼灣中心地段，上樓的日本料理試試。本menu都好大本，選擇都幾多，先點了蟹肉香芒蟹子沙律，份量都幾多👍🏻，北寄貝沙律手卷👍🏻紫菜脆卜卜，再點了一油甘魚壽司，蟹膏蟹肉壽司，鱆紅魚壽司，賣相吸引又夠鮮味👍🏻。見到隔離枱叫咗個牛肉野菜壽喜燒，我地都點了一個，份量又係大大份的，足料。最後有個甜品好正（紅豆綠茶）是朋友的至愛😊，滿足。下次約夠4個人再來，因為有個四人餐吸引😌有大大盤刺身。

環境4分：樓上壽司店，Ｄ牆印曬圖，Ｄ架有哆啦A夢小飾物，細細間都可以間出咁多卡位，未到繁忙時間兩條友坐四人卡位好舒服。成晚可以聽住八九十年代改編歌Ｄ日本原唱版，玩估歌仔又跟住唱，好有娛樂性，可以畀四分！衛生4分：枱上面有齊筷子，碗碟，濕紙巾，牙籤，豉油，七味粉，wasabi，望落好乾淨企理，一樣畀四分。服務5分：顆記用手提電話落單，快手快腳，不斷加茶，又比卡位坐，滿硬分。味道4分：1)      樽裝啤酒跟冰杯，夠冰凍。2)      八蚊件三文魚壽司顏色靚，夠厚又夠潤，抵食。3)      香蔥碎吞拿魚腩壽司塊紫菜好脆，香蔥碎吞拿魚腩好香。4)      白色果件黑松露火炙油甘魚壽司係咁多件之中最嫩最滑最清香，非常之好食。5)      中間件火炙三文魚腩壽司比起冇火炙過果件更肥更香更軟。6)      原來呢18禁三文魚壽司即係辣味嘅碎三文魚壽司，中辣嘢味，唔錯。7)      最後件天婦羅壽司好鮮好甜好脆。抵食5分：Ｄ壽司平均十幾蚊件，呢度逐件逐件咁嗌，唔怕食唔曬，畀硬滿分！

Blue Monday 放左工去銅鑼灣行宜家家俬行完就去左附近金百利食野。 見到呢間日本野幾靚就走左入去食。入到去見到隔離臺餅海膽好靚。但前幾日先食完所以無叫。 見佢200 幾蚊有個二人餐就叫左黎食頭盤叫左條靖魚同一盤超大嘅蟹柳沙律，主食一個黑蒜豬骨拉麵同叉燒拉麵。個豬骨麵黑蒜同豬骨味好重好入味而個叉燒麵嘅叉燒好有口感。成個餐重包兩個北海道牛奶布丁同兩杯特飲，其實都好comprehensive 。 順帶一提個兩杯特飲都好有特色。我地叫左一杯士多啤梨乳酸同青蘋果乳酸，酸酸甜甜好好味。 除左個餐之外我地重叫左個芝士玉子燒同幾舊壽司。 個玉子真系一讚佢個厚道啱啱好而且重好甜，加上上面有一層芝士另到佢好有層次。其他壽司都up to standard 。 Overall 而言呢間餐廳地點方便，價錢就算系晚飯都唔貴，食物質素唔錯值得推薦！

銅鑼灣行完希慎 search到呢間野見幾多好評黎試試睇個餐牌主食一百蚊一份左右 正常價錢叫左一個鰻魚炒飯再配搭其他小食 本身都驚唔夠飽但鰻魚炒飯份量好大碗 夠熱同鑊氣 極推薦有好多舊小鰻魚肉 唔會只有飯 炒埋d粟米甜甜地另外叫左蟹膏蟹肉手卷 朋友話唔腥 幾香蟹膏味鵝肝手卷幾足料 食到底都仲食到鵝肝呀配埋芒果唔會太漏 感覺清新紫菜夠脆又厚芝士玉子燒 想講真係好大份 一人食一件已經飽飽地 如果多人黎食 可以多d人一齊叫黎share一人一件已夠芝士雞卷 好新奇 芝士+三文魚籽係面 配合起上黎又幾好味 下面係吉烈炸雞🍗香口夠脆仲叫左海膽帶子壽司 海膽灸燒過 小小香口 帶子亦都好鮮甜 每一舊都好大 下面包小小青瓜蟹柳反卷 幾清新refreshing最後仲有三文魚三味有齊三文魚蟹膏壽司灸燒三文魚腩同三文魚壽司 一次過滿足三個愿望好似係$28 定$38 only 總結 係一間唔可以錯過既日本餐廳係銅鑼灣鬧市入面 性價比算好高服務態度亦都好好 有足夠既員工服務

呢到既位置都易搵，8點左右到，好在人流唔算好多，可能過左食飯時間，可以即刻入座。食物款式都幾多，餐廳仲有提供2人或4人套餐，都幾抵食。 呢到定價唔算好高， 係銅鑼灣地段黎講都叫抵食。我地2個人 叫左個鰻魚炒飯，佢用石鍋上，一直keep住熱度，鰻魚份量都幾多，飯較濕潤。之後叫左帶子海膽卷，食材幾新鮮，另外仲叫左個玉子燒，入面芝士仲拉到絲，要襯熱食！仲叫左2個手卷， 分別係鵝肝同蟹肉蟹膏手卷，都好食。後尾追加左個芝士炸雞，炸粉唔算厚，食落較似韓式風味，醬汁調味適中，望落好多醬，但唔會覺得好咸。職員態度好好，而且好主動會幫手加茶，唔洗開聲已經會埋黎幫忙。比錢之後，原來仲有優惠卷，我地食過$400 , keep住張單下次食野有番$40 ！

學生時期已好鍾意晚上九點黎食半價壽司，到現在想慳錢又想食壽司都會去食😋至今都吾知食左幾多次😍每人七八十幾已經好飽，最好食一定係火灸三文魚壽司，全部都好新鮮。

同朋友係銅鑼灣party room玩完，苦惱緊食咩好，好彩金百利廣場有唔同餐廳揀，傾咗一陣大家就決定食呢間。之前同朋友食過一次，印象中二人餐都幾飽，壽喜燒都好食，今次同朋友選擇單點餸形式。蟹籽沙律$48沙律份量都算多，我地一行5個女仔食呢份沙律都幾夠，唔會每人得一小啖就食完。拌勻後沙律鮮甜，青瓜絲好爽脆，開胃之選。魷魚雞肉卷$88 每舊都幾大份，魷魚偏韌同厚身，尚算易咬開。雞肉唔算特別嫩，普普通通。黑蒜油豬軟骨拉麵$78 拉麵都幾濃味，重黑蒜香，豬軟骨頗稔滑。日本芝士年糕$38 年糕唔算好大舊，芝士味好足同濃郁。芝士玉子燒 $35 玉子燒好厚身，芝士半融化狀態，幾香但有加埋雞蛋就有少少膩。綠茶牛乳 ＆白桃乳酸特飲綠茶牛乳嘅綠茶味偏淡，面頭灑咗少少穀物，增加口感。白桃乳酸特飲微酸，白桃味唔算好突出，有點可惜。

In terms of atmosphere, this restaurant feels very intimate and nice. There are colorfully decorated walls and well-positioned windows.We ordered 二人前特上 from the set dinner menu, the set includes the Truffle wagyu salad with onsen egg, Fried shrimp and sweet potato tempura, a sashimi platter, Roasted lamb rack with white radish, Edible gold leaf on top Udon with fresh tomato soup served in a stone bowl and a coffee milk pudding at the end. You could also pick different individual dishes in the ma

My friend and I had the 二人前特上 from the set menu. There is a great variety of choices in the set dinners, we picked the truffle wagyu salad with onsen egg, Roasted Lamb rack with white radish, edible gold leaf on top, udon with fresh tomatoes soup in the stone bowl and the express coffee jelly.The alternatives were also very appealing, so I imagine you could pick a different combination every time.The snack platter complemented everything else in the main course quite nicely, with seaweed, and sh

在金百利這個佈滿各式各樣餐廳的大廈，我選擇了這間屹立多年的日本餐廳試一下。雖然這次無緣嘗試它的9點後特價壽司，但是其實它晚市的set menu也非常抵食，我同男友🐽都食到捧住肚皮走🤤🍽蟹籽沙律原本以為前菜會細細碟，點知一上碟比佢個份量嚇死。有大量青瓜配上沙律醬，蟹籽增加左個口感，成個salad好fresh好開胃👍🏻🍽 燒鯖魚燒物同炸物我地最後選擇了日本菜必點的燒鯖魚。魚都頗大條，而且肉質厚身、肥美，記得一定要擠上檸檬汁才能更加帶出魚的鮮味🤤🍽 牛肉壽喜燒主食其中一款選擇了牛肉壽喜燒，因為我們兩個都是hotpot迷，所以見到所有火鍋類食品就忍不住要叫了☺️有點像吉邊，但是肉的份量更加多。湯底的壽喜燒味道很濃，，而且肥牛片是生的，客人可以按照自己喜歡的熟度煮它。中間的溫泉蛋一定要戳破它，因為沾了蛋汁的牛肉吃進去會更香濃更滑👍🏻🍽 泡菜黑豚石鍋飯另外一款主食我們選擇了泡菜黑豚石鍋飯。本來以為豚肉會是一片片的，沒想到是厚切的！而且黑豚份量很多，幾乎每一口都能吃到一塊，讚👍🏻如果喜歡吃飯焦的建議等久一點才拌，不然可能沒有太多飯焦可以吃到🤤🍽 芝士玉子燒看見這個幾乎每枱都點了，我們也當然會試一下。玉

其實聽過尼間餐廳知道佢地9:00pm後入座壽司會有半價，但係就係夾唔啱時間，所以最尾都係決定試左佢個dinner menu先。佢個餐牌好厚，所以比較懶既我地揀左個2人餐黎食下。首先黎左個蟹籽沙拉，其實就係青瓜沙拉上面有好多蟹籽同埋蛋黃醬，你話尼個組合點會唔好食leh，仲要份量好大，我地最尾都食唔曬🙈跟住就有五選一既燒鯖魚。黎到日本餐廳梗係唔可以唔試鯖魚啦。尼度條鯖魚都大條，肉質肥美👍🏻四選二既主菜我地揀左牛肉壽喜燒同泡菜黑豚石鍋飯。牛肉壽喜燒本身都包一個白飯，所以真係唔使驚唔夠飽🙈壽喜燒系比較接近火鍋湯類，個汁都好濃，而且有大量牛肉！裡面仲有好多蔬菜、豆腐等配菜。千奇唔好唔記得食埋系底個d粉絲食，當吸曬個汁之後超好食！佢上面個溫泉蛋可以用黎撈飯食或著點牛肉食，隨你喜歡。泡菜黑豚石鍋飯個辣醬系另上既，唔食得辣個人都唔使擔心。如果鍾意食飯焦既記住要等耐d先至撈勻佢。原本以為d豚肉會系薄薄一片咁樣，點知原來系厚切！而且不會淨係比好多肥膏位👍🏻最後仲有北海道牛乳布丁。一入口就有超濃牛奶味，唔會系個種好假既味道。質地好滑，超易入口，明明已經食到好飽都係忍唔住食曬佢🙈 仲可以揀兩杯特飲，成個set

每次來到呢啲食肆林立嘅大廈食飯，都會有啲怕，因為太多選擇，不知如何是好。今次因為要在銅鑼灣做野，所以求其搵咗間餐廳食。今天6:15pm就到了樓下等lift, 沒想到咁早已有人在排隊，好彩等了一部就可以上去。入到餐廳，見到入面格局都算舒服，唔會有逼沙甸魚嘅感覺，有啲二人同行的都可以坐四人枱。第一樣野要睇嘅就係餐具同埋枱面。有驚喜就是杯入面已裝了茶包，不需要悶悶地飲滾水。而且茶都幾濃，唔錯唔錯。見倒menu有勁多選擇，都唔知點揀好，但最吸引我嘅就係特色卷物同埋炸野！蝦天婦羅是最先送上。是新鮮炸起熱辣辣的啊！粉漿很薄，明顯是對蝦的品質有信心！很滿足！第二道菜是和牛反卷，牛肉味很出，而且卷入面有脆脆，口感很豐富呀！第三道菜是黑蒜豬軟骨拉麵，湯濃肉香，是自己煮不出的美味！只有三道菜，就已令我和朋友捧腹回家。抵！

Thanksful week去完sogo血拼之後去左對面金百利搵食~見到呢間日式餐廳叫築地~就試下係咪同日本築地d野一樣咁新鮮好味。Menu有一人餐同二人餐選擇，但因為唔想俾二人餐局限左選擇，於是都係決定散嗌~叫左兩個主食，一客壽司同一個小食~青龍呢條青龍係以4件用海膽、吉列蝦、青瓜作為材料而成既卷物~$50一份本身我以為係好細舊，點知黎到原來份量都唔細喎!幾抵食!青龍上面既海膽好鮮甜~食得到新鮮既味道，一d腥味都冇!入面既吉列蝦唔會太油膩，仲keep到脆口，成件一啖食落去好有咬口，點埋wasabi同豉油食仲正!炸軟殼蟹天婦羅上檯熱辣辣~但唔會油淋淋。試過其他餐廳既炸軟殼蟹一食落口成口油，可幸呢度既炸軟殼蟹冇呢個問題，外層炸粉夠薄而軟殼蟹好有肉地~每咬一啖都啖啖肉，好脆口好鮮味!唔駛點汁都咁好味~點左汁就咸咸地別有一番風味。黑蒜油豬軟骨拉麵黑蒜油湯底濃郁，一上檯已香噴噴~豬軟骨兩大舊半躺係拉麵上~份量係非常大件，超級厚身!師傅將豬軟骨煮得軟稔而且入味!食左一舊都已經夠飽!而拉麵都唔會被湯浸到林哂，亦算彈牙!推介用匙羹筆起d湯同麵一齊食，將湯汁同麵一齊係口腔度嘴嚼~食完成個口都有果種濃郁

好中意食壽司,而我對築地呢個名係有情意結的,令我想起日本魚市場。呢度既WALL的確有魚市場,哈哈。唔知D刺身係咪日本築地來的呢?發掘到呢間樓上店,價錢都算實惠。9時後仲抵,壽司半價。上菜快,有D特別既壽司,如CRAB MEAT AND CRAB SAUCE SUSHI,YUMMY! 我仲叫左炸OYSTER,有D麵包糠包裹住OYSTER,好好味。同埋燒牛仔骨,牛仔骨好多件,唔會好多肥肉,抵食,同朋友SHARE食會好D。呢度有D叮噹既FIGURE,好CUTE CUTE! 我朋友叫左三文魚刺身,好新鮮,可惜我唔食刺身。侍應不時自動自覺加TEA比我地,唔會我地提,好!晚市呢度都幾多人食,如果食9點可能要等位。