第三站

跟朋友來旺角樓上cafe，都想找個地方坐下談談天，但叫的三款花茶，全部都是怪怪的🤨味道，有些似香口膠，有些似糖果味，相信是調味精沖出來的，但$50/壺。但長通粉味道不錯，講番句公道話。可是，服務員態度差，3:40到達店舖，要求我們坐一個比較窄的地方，但場內有很多空卡位，店員表示：如要坐其他卡位要6:00離開。最後我們選擇留在較窄卡位，因為預算談天說地都超過6:00。最後，6:40店員突然跟我們說：你們要交番張枱喎。但離場時，依舊有90％是吉位，我們感到唐突，但還是離開了。我們知道坐了兩個多小時，都應該離開，但麻煩下次寫明只可以坐2小時/預先告知6:30要交番個位，不要太突然。我們不會再光顧了

同朋友突然約宵夜，想搵輕食傾下計，搵左呢間cafe station 3，第一次去呢個商場，一出lift 有啲嚇到，因為燈光暗暗，而且啲店舖好似喺後門黎咁！😑 最終都入左間cafe，好彩店員好nice，食物都唔差（唔似做定既），我地叫左花茶一人一pot ! 可以再去呢間cafe，但要有心理準備😊

整體來說食物都美味，只是三文魚冰了點，杯金桔紅茶好大杯，好飲！是不錯的傾偈地方。經開飲訂位送薯角，好美味，怕熱氣的我也吃了整兜，加30元有田園沙律同甜品，沙律和藍莓芝士蛋糕也不錯。兩個人食了三百多元，差不多啦。

今日約左班朋友，所以早幾日就上網搵下有邊間適合一班朋友聚會。無意中就發現左呢間可以邊挽board game邊聊天既cafe 因為今日係平日又唔係食飯既時間關係，唔算太多人 ，一入到黎已經有好多board game係門口.方便客人可以隨便拎去挽。一坐低我地就叫左個黑松露意大利飯同墨西哥辣肉丸意粉，個黑松露好香.意大利飯濕度岩岩好。個辣肉丸意粉比較惹味.鍾意食辣既朋友必試。然後叫左個細個成日食既「飛碟」，同細個既味道完全冇違和感😊，好有童年回憶。之後點左個特濃芝士薯角同海鮮拼盤，芝士薯角非常濃郁.好岩鍾意食芝士既朋友，而海鮮拼盤就好岩一班朋友一齊開心share。最後仲叫左3款cake，完全媲美出面貴價專門店既cake。如果三五知己一齊hea既.呢到係必去首選😋

近來朋友介紹一個好地方，在旺角非常方便，坐上幾小時都沒有問題，又有棋樂用品提供但當然我們首先要吃點東西先啦，我們每人一杯飲品、小食盤、松露飯及蛋糕。巨峰乳酪味道酸酸甜甜，非常香的巨峰提子味，沒有冰塊卻很夠凍，面頭有忌廉，不太重奶味特級海鮮拼盤有魚柳、炸蝦、炸蟹鉗、帶子和薯條，炸物炸得非常香，不會太乾，調味正常不會太淡太鹹，特別一提的是蟹鉗和帶子魚柳都很好吃，比較多肉特式拼盤是麥樂雞、雞翼、日式餃子、春卷、咖哩角、花枝丸和龍蝦丸，麥樂雞果然是最多人喜歡的，所以其後我們都另外再多點了麥樂雞。其他雞翼丸子都不過不失，當作吹水玩樂醫肚的好小食松露飯濕軟度適中，頗香的松露味，面頭有很多溫室芽菜，挺為清新，不錯至於蛋糕，我們點了藍莓芝士蛋糕和紐約蛋糕，藍莓芝士蛋糕挺好吃的，藍莓醬甜度一般，但紐約蛋糕奶味較重，不是我杯茶

今日話說有班朋友, 係一齊打開機既, 大家相約一下聚一聚齊齊開黑去打機當中亦有女性朋友, 搞手係我, 當然我要搵地方同資料我搵MK就比較方便大家冇幾耐我就搵左間"第三站"有野食食之餘仲可以坐耐D傾下計都冇人趕你走, 的確係唔錯既選擇去到個裝修簡約, 望落舒服睇餐牌,D野食又唔係貴WO, 都幾平, 岩哂大班老友可以點一埋野食慢慢SHARE~墨西哥香辣肉丸燴意粉肉丸較多汁, 爽口有少少辣, 意粉算彈牙, 汁都算多唔會搞到好乾黑松露帶子鮮菌燴意大利飯我個人較喜歡呢個, 松露味都幾濃, 加上濕濕地好好食帶子係原隻, 雖說帶子應該係冰鮮, 但冇冰鮮味, 都幾LIKE~亦估唔到, 爽口鮮味~特濃芝士炸薯角估唔到芝士味好重, 哈哈, 薯角仲脆, 熱辣辣好好食加上火腿配合, 一軟一脆口感特別小食拼盤魚柳、炸蝦、炸蟹鉗、帶子、薯條全部都好香口, 脆卜卜上枱, 好好食同朋友打住機慢慢食感覺一流紐約芝士蛋糕芝士味都幾重, 仲用左消化餅底, Cream cream 地, 好鬼好食~~

旺角金雞廣場隱世CAFE，餐廳環境寬闊，高樓層的它亦有一大玻璃可遠望旺角市內景色，雖然不是背山面海之景，不過就夠舒服 ; 同時，食物質素亦有驚喜的好，絕對值得一試DINNER SET 有多款選擇，包括了普通餐飲一杯，同時也可加$30要頭盤及甜品 ; 當然客人亦可散叫點餐飲品方面就有超多選擇，作為CAFE的它，飲品款式固然多，不過更有一些飲品是以塔羅牌作主題，例如用上塔羅牌的名字及意思調製出飲品，感覺有趣* 頭盤沙律*DINNER SET之一  : 黑松露帶子鮮菌燴意大利飯 - 味道相當吸引，黑松露味道非常強烈，而意大利飯的質感亦做得不錯，乾濕度適中，與一些餐廳相比，這個確是做得不錯  富有賣相的它，當中的配料份量亦不少，就算放長了一段時間，飯的溫度變冷了一點，味道仍然不錯* 特式拼盤 - 如果有2-3位以上的朋友，這個拼盤是不錯的，$68的它包括有多款配料，非常適合作小食SHARE分享食用配料包括魚柳，炸蝦及日式餃子等，而雞翼天是大大隻，黑椒蜜糖味道，非常吸引* 芝士火腿飛碟 - 飛碟其實是一款極富口感的食物，更加要用飛碟機去製造，而當中就釀入了芝士火腿作配料，半溶的芝士入上火腿的味道

難得約咗好耐冇見的朋友出來飯聚加補祝生日，當然想搵間好坐加好食的地方。點知中曬伏，啲野食好難食 朋友叫了一個焗肉醬意粉、焗出黎的意大利粉全部焗燶曬，啲芝士有苦味。另外佢啲西班牙煙鴨胸燴飯同松露帶子燴意大利飯都好難食，燴到好似糊仔一樣。 諗住花茶唔會差得去邊， 點知啲同飲熱水一樣。 最唔開心係啲女職員態度好差，朋友剛到都未睇完餐牌就想攞走，但啲男職員態度就好好。 但整體來說這間cafe完全不值得一試！

今日約咗成班同學一齊聚會，成10個人都唔知去邊度好，有朋友提議你哋呢一間Cafe因爲容納到10個人wor~佢仲要有set,跟人頭計就可以了小食我最愛有春卷同黑松露薯條熱辣辣即炸好好味啊，黑松露味又夠香口好開心啊春卷都唔錯唔會凍曬，都係熱辣辣薯角都唔錯，睇落好多醬，但其實啱啱好 又係熱辣辣，外脆內軟主菜我最鍾意就係呢個意粉 唔會太咸，蕃茄味啱啱好勁鍾意食 配料都好夠，可以一啖餸一啖意粉10個人都容納到ge餐廳算係咁啦~

Me and my friend were looking for a board game cafe with good food, and we stumbled across this cafe that does relatively good food with good price. The cafe is very conveniently located near Mong Kok station exit E. We had a great time, the seats are comfortable and it's not so noisy around.Since there were 6 of us, so we ordered a party package which included a lot of food, far from enough for all of us, so definitely good value for the amount we paid.Smoked salmon salad as a starter, very fr

同friend 去旺角shopping, 夜晚肚餓想搵餐廳食飯，但係又好怕朗豪坊鬼咁多人，所以另搵地方......結果就搵左呢間Station 3! 呢度d dinner set 都唔錯架!!我地叫左西班牙煙鴨胸燴飯，同埋 煙三文魚野菌忌廉燴意粉。兩個餐都轉左套餐！頭盤個沙律 d菜好新鮮，又多芝麻醬！正！個西班牙煙鴨胸燴飯有勁多鴨胸！又大件！成個飯既份量好足！抵食呀！個三文魚意粉，d 三文魚擺丁成朵花咁，好靚，意粉唔太林，好食！我地再叫左小食，有蜜糖雞翼同特濃芝士薯條！蜜糖雞翼個皮勁脆！芝士薯條有好好好多芝士！個甜品我地揀左法國朱古力同藍莓既芝士蛋糕！好濃朱古力同芝士味！飲品我就飲左水蜜桃梳打，朋友就要oreo 奶昔！兩個都好好飲呀！！最特別係呢間餐廳提供board games 比客人去玩！！係gathering 既好地方！

隨着復活節的來臨 也該要去搵更多的美食 所以這次特意到訪位於旺角的station3 從環境格局來看 整體感覺真的跟開party的形式差不多 也令我相當滿意 其次有兩款食品在此特別推介 首先會推介的是黑松露薯條 而另外的一款是黑松露意大利飯 這兩款食物也能夠帶出食物的香味 不錯👍🏻👍🏻👍🏻👍🏻👍🏻👍🏻👍🏻👍🏻👍🏻 令我更多意欲推介朋友到訪享用晚餐 或是享用party room 服務

今日同朋友一齊去金雞拿淘寶貨，順便去high tea, 拿住太多淘寶貨，無得揀，就去左第三站填肚。位於25樓既cafe ，出電梯轉右直行到尾就見到。地方很大，有很多舒適的梳化卡位。亦有獨立房間，可以一覧無遺旺角繁華鬧市。發現三眼仔大軍準備侵略第三站幸好有Minions為我們作戰，保護食客安全。Call bell, 有事按鐘，侍應即到，其他時間他們是不會打擾你的，所以我們坐得很舒服。這兒食物份量很多，我們三人叫了兩個午餐和二個小食，都吃不完。頭盤沙律，芝麻醬沙律菜，很鮮嫩。黑松露帶子鮮菌燴意大利飯 ，意大利飯本身已經很有口感，再加上大量原粒帶子和鮮菌，令口感更加豐富。黑松露均勻地分佈在飯里，又香又有口感，每一口都是高級享受。芝士肉醬意粉。原來芝士與肉醬是如此的絕配，比起食卡邦尼有過之而無不及，那種creamy 效果更加強烈，還帶有肉香，伴以富彈牙的意粉，真是愈吃愈起勁。呢個應該就係三眼仔大軍乘坐的飛碟，我要消滅佢。芝士磨菇飛碟$34，有二件。內里芝士可以做到拉絲效果，麵包吸滿了芝士，加上滿滿的磨菇，簡簡單單，已經很美味可口。黑松露薯條$48，薯條粗身，黑黑的不是炸燶了而是黑松露來的。

旺角嘅飲食已經唔再局限於係街上，行到去樓上鋪有更好嘅舒服環境俾我哋嘆，今次嚟到金雞廣場嘅第三站，一出𨋢直行就已經到啦，泥e到係因為想搵一間舒服啲嘅地方同朋友傾吓計聚吓。黑白色嘅設計令到人感到舒服而且唔會太眼花撩亂，餐牌上嘅價錢亦都唔貴選擇亦多！我俾佢嘅煙熏三文魚意大利粉吸引，仲嗌咗杯芒果乳酪。分量十足而且賣相一流，煙熏三文魚卷都好似玫瑰花咁，令人食慾大增！食落去啲面都好入味，而且唔會話太淋，啲汁撈落意粉度每一啖都好好味！芒果乳酪好香，飲落去仲好似有牛奶味，感覺上係真材實料唔會話用香精(｡ì _ í｡)飲到停唔到口！

旺角，一向是人來人往的地方。這裡，熱鬧方便。很多朋友都喜歡選來做聚集點。難得今天我不用上班，也約了朋友跑來這旺市逛街消遣。女人的話題總說之不盡，之前聽朋友推介第三站的樓上餐廳特別適合聊天飯聚。位於地鐵附近，出了地鐵約步行三分鐘就到的這間第三站樓上舖，一進餐廳，感覺特別溫馨舒適。柔和的燈光下，有三五知己細聲聊天。歡聲的笑語伴隨下進餐，服務員禮貌的把我們帶上舒適的沙發上坐下。餐廳整潔，每張餐桌都配上舒適的沙發。家的感覺，令人立刻放鬆下來。朋友與我有同感服務員遞上餐牌供我們點餐，大眾化的價錢。各種小食。期待