第三站

在疫情下同朋友慶祝午餐生日飯，🤣意料地發覺旺角有更舒適嘅Cafe！原來入邊仲可以玩board game🎲星期日嘅午餐set係有：今次食好啲：點左兩個mian course，兩個snack，兩杯嘢飲，仲有一個生日朱古力蛋糕🍰黑松露帶子先菌燴意大利飯濃味嘅黑松露配有可口帶子，野菌，雖然飯質不是粒粒分明，但係味道完全可以搭夠當然有奶味極濃嘅忌廉汁，好食😋煙三文魚惹菌忌廉燴闊條麵賣相好靚，鍾意煙三文魚嘅擺設似朵花，食上一流，再加上野菌，忌廉汁，軟硬適中嘅闊條麵，相當好食野味蜜糖雞翼蜜糖雞翼又香又多汁，煎得兩面都好香值得一試日式餃子🥟最驚喜嘅就係餃子，全部嘅餃子煎得非常入味，好香餃子肉多汁配上煎香嘅餃子皮，好好食藍莓乳酪芒果奶昔朱古力蛋糕蛋糕賣相得好靚，入口即溶嘅雪糕配上蛋糕，甜甜的。真開心

好耐無去過一啲有board game玩既cafe啦 地方幾適合一大班人聚 又坐得舒服 ✨蜜糖芥末單骨雞翼 ($76)呢個味道不錯 雞好嫩滑 似食緊雞脾肉咁 外皮烤過 食落香口 點埋芥末醬食好惹味✨松露薯條 ($66)薯條份量多 岩岩炸好熱辣辣好脆口 條條都灑滿松露粒✨蟹肉雜菌忌廉闊條麵 ($82)呢到既主食份量都幾多 闊條麵上放了一大堆蟹肉 蟹肉吾會腥🤩而醬汁亦都好creamy 味道就不過不失✨西班牙煙鴨胸燴飯 ($78)飯內有腸仔、鴨胸 份量不少 飯就無咩蕃茄味道 如果再濃味啲就好✨炸餃子 ($46)有5粒 餃子好香脆 炸粉岩岩好 食落吾會厚粉 餃子面頭淋左2款醬汁 沙津醬同類似淋大板燒上面果種汁 ✨小天使 & 戴安娜 (Lunch set + $20)有儀式感既花茶系列😍賣相100分

咁啱約咗朋友去旺角行街咁就上網搵吓有咩好食啦見到呢間幾好評都幾多 心諗實唔伏啦環境來講佢真係唔錯而且有board game玩座位好闊落 坐得都幾舒服同朋友嗌咗好多嘢食賣相來講真係唔差 仲可以打下卡添每樣食物都好大份小食拼盤就正正常常 雞翼同洋蔥圈真心講係好食嘅但係其他炸物就....只能說普普通通意粉飯呢就真係食唔落啦 都未食過咁難食嘅主食....本身真係好肚餓去諗住乜嘢都會食落肚但我真係食唔到...佢仲要咁大份 我食咗幾啖就放棄咗覺得真係好浪費如果要來呢間試 主食就真係唔建議啦飲吓嘢食下小食來玩下game消遣下都得嘅…

Station 3 Café (旺角)🍾用餐體驗同朋友出開旺角，行到攰攰地想搵間樓上café坐下休息下，網上見呢間環境同食物都唔錯，於是就上去試試☺️。🖼環境上到去環境比相片仲舒服😌，可能因為佢都幾高，喺25樓，所以有種好開揚的感覺。Café坐位都好闊落，坐得非常舒服。飲料：🍵小天使 +$20呢款花茶真係要一讚，佢係由薰衣草、紅玫瑰花🌹、茉莉花、檸檬草組成。可以安定情緒，解憂鬱同改善失眠。外觀討好之餘，一飲落去喉嚨好舒服，而且好香好香☺️，真係會令人心情愉快！☕朱古力咖啡 +$8店員細心問我哋使唔使用cream，加咗之後令杯咖啡好creamy，🍫朱古力都好濃！主食：🤍蟹肉雜菌忌廉闊條麵 $82蟹肉好足料😍，但味道略為淡左啲啲，唔鍾意太濃味嘅朋友可以試試！🤍煙三文魚野菌忌廉燴闊條麵 $86兩款忌廉味都好重，所以一次過食兩碟會有少少膩，呢點自己有啲失策。😍煙三文魚好大片，配野菌真係無得輸。小食：🍤吉列海鮮拼盤 $128個人特別喜歡炸蝦同炸蠔，炸蝦整到層片好薄好酥脆😆，蠔就好鮮甜😋。田園沙律、甜品： +38🥗田園沙律係好好嘅開胃同解膩菜，如果食忌廉食得膩可以作為好好的間隔。🥧法國朱古力芝士蛋糕

放假去旺角準備搜羅新年賀禮，順便醫吓肚先！鍾意去第三站，呢度幾乎全部都係卡位，枱同枱之間有好闊嘅安全範圍，食嘢放心又坐得舒服😌加上食物質素Very good！餐前小食叫咗蜜糖雞翼和日式餃子🥟，蜜糖雞翼竟然可以好似啱啱BBQ燒出嚟嗰啲咁好味😋叫個個蟹肉雜菌忌廉闊條麵，好鍾意麵條嘅質地，煙煙銀銀好有口感，仲配埋鮮甜嘅蟹肉，mix埋質地幼滑同埋滿滿芝士香嘅忌廉醬，好味到停唔到口啊！老公鍾意食飯，叫咗黑松露帶子鮮菌燴意大利飯，真係好香黑松露味😍仲加咗好多好多帶子，雖然細細粒，但係味道好鮮甜，數量仲有好多添！幾乎淡淡都食到啊！正😄意大利飯口感黏糯，完全係my style!!呢度啲特飲非常打卡able❤️凍嘅薄荷朱古力同埋熱嘅焦糖朱古力，外型各有特色，又靚又好飲，晚餐加$6就飲到啦，勁抵呀！

好耐冇去樓上cafe，重拾一下回憶先。❤️呢間位於金雞廣場嘅第三站幾啱朋友gathering。-墨西哥香辣肉丸意粉🍝好多肉丸係面，份量都多，幾抵食。-黑松露鮮帶子意大利飯黑松露味道甚濃，啖啖都好足料。-香草芝士條🧀表面脆脆的拉出長長芝士拉絲，勁邪惡。-墨西哥雞翼🐔個醬真心正，又香又辣🌶️個皮脆脆地，雞肉幾嫩滑。-西班牙咖啡 即係espresso加牛奶同煉奶嘅咖啡，面頭仲有雲尼拿雪糕🍨十分特別

💛黃店💛位於旺角金雞廣場< 𝓢𝓽𝓪𝓽𝓲𝓸𝓷 𝓣𝓱𝓻𝓮𝓮 𝓒𝓪𝓯𝓮 >, 一間樓上咖啡店, 環境闊落, 座位舒適。墨西哥香辣肉丸燴意粉 $¹⁰⁸意粉軟硬度適中, 配上大大粒肉丸, 香辣醬汁偏向稀身😀黑松露帶子鮮菌燴意大利飯 $¹¹²份量頗多, 相當抵食☺️香草芝士條 $⁶²口感外脆內軟。蜜糖雞翼 $⁶²外皮帶點微脆, 肉質嫩滑, 甜度剛好。墨西哥雞翼 $⁶⁶酸酸甜甜很醒胃。松露薯條 $⁶⁶香脆可口。朱古力蛋糕 $³⁶帶有金幣朱古力的味道🙂西班牙咖啡 ⁽⁺$¹⁴⁾咖啡配有雲尼拿雪糕。玫瑰冰茶 ⁽⁺$⁸⁾味道温和😇第三站📍旺角洗衣街39號金雞廣場25樓08-09室

旺角一向好多樓上CAFE，價錢唔貴之餘仲可以同朋友仔玩BOARDGAME HEA下時間，好似我今日咁就黎左呢間STATION 3同朋友傾下計HEA下時間！🧅炸洋蔥圈 HK$52諗起都已經有一排未食過洋蔥圈，洋蔥勁香，咬落去都好香脆，而且都好甜！🍡墨西哥香草肉丸 HK$76肉丸雖然唔係鮮肉做，但咬落幾厚實，可惜唔算太入味！🥟日式餃子HK$46日式醬汁真係冇得輸，餃子咬落去好脆口，但餡料唔算話太多！🍗蜜糖雞翼 HK$62雞翼煎得好香，肉質都好嫩！🍲煙三文魚忌廉燴闊條麵 HK$126忌廉好香濃，煙三文魚都好大塊，除左個意粉有小小硬之外，綜合黎講我都覺得好好食！🍝意式芝士肉醬闊條麵 HK$98芝士味比我想像中淡口，肉醬如果更加濃烈會好啲！

旺角第3站Cafe💛係唔少人gathering嘅聚腳點，今次同屋企人一齊去食Dinner，叫餐抵食啲，所以我哋就加$38叫咗個套餐，包咗沙律🥗、飲品同蛋糕。.📍煙三文魚野菌忌廉燴闊條麵（$126）闊條麵粗身又厚，醬汁好杰身，加上三文魚同蘑菇味道只係正常發揮。.📍 特濃芝士薯角（$58）薯角份量都幾多，啱啱炸起熱辣辣♨️。薯角厚肉又軟腍，加咗煙肉🥓同香濃嘅白汁芝士醬汁喺面🧀，食落好惹味，正🤟🏻！.📍香草芝士條（$62）芝士條一客有6條，外層炸得酥脆中間芝士軟身🧀仲可以拉絲，食到芝士嘅鹹香都算唔錯。.📍蛋糕（跟餐）朱古力蛋糕口感綿密濕潤，味道不錯👍🏻。.📍焦糖朱古力（$44）朱古力味道濃郁🍫，夠香滑。.Menu

朋友話想玩board game ♠️ 佢就帶咗我黎呢間樓上cafe, 有得食有得玩。一入餐廳發現已經換上聖誕裝飾🎄 happy~!! 🥳 座位全部係sofa卡位，坐得舒適。今晚人流唔算好多，所以玩得大聲啲都冇所謂😌 btw, board game 款式都幾多🤩📍西班牙咖啡 🧋其實係雪糕加咖啡，朋友見到張圖覺得好吸引，佢就叫黎試吓。雪糕係雲呢拿味嘅，感覺似西式嘅黑牛😂 一邊玩Card game一邊飲都幾開心。📍可人兒花茶 🍵成份有洋甘菊、歐薄荷、杞子、桂圓肉。餐牌寫可以養肝明目，啱晒呢排成日望電腦既我！花茶係成壺滾住咁樣，Keep住個溫度非常好🥰 而且都幾大壺，玩到後期都仲飲緊📍燒牛肉配田園沙律🥗沙律菜份量都唔少，新鮮沙律菜配上薄片牛肉，簡簡單單配芝麻醬已經很ok📍墨西哥香辣肉丸燴意粉🔥本身以為係「香辣肉丸」，但係實際上係個汁微辣🤣 肉丸彈牙，配上彩椒絲配搭健康。📍蜜糖雞翼 (散叫)雞翼上邊灑咗少少香草同埋芝麻，上枱嘅香氣有啲似BBQ燒雞翼嘅感覺，好想去燒嘢食呀！雞翼焗得啱啱好，熱辣辣juicy 得來嗰邊又脆脆地，yummySet dinner $92-126 (送一杯$38嘅飲品) ，

每次去親旺角嘅樓上Cafe就會湧現中學時嘅回憶。其實去得食物都係其次，最主要係有個地方可以比一班人長時間上去Hea一Hea😌。.晚餐加$38可以轉做set，會有埋沙律🥗、嘢飲同甜品，真係抵好多。.📍 蟹肉雜菌忌廉闊條麵（$118）闊條麵冇煮得腍，口感啱啱好。白汁嘅味道討好，加上三式椒、蘑菇同蟹肉🦀做配料味道都唔錯。.📍 黑松露帶子鮮菌燴意大利飯（$122）燴飯口感腍左啲，最大敗筆位係個賣相顏色太慘淡🥺。加咗唔少蘑菇片同帶子粒做配料，食到淡淡的黑松露味，正常水準。.📍蜜糖芥末單骨雞翼（$76）一客6件，熱辣辣炸起外皮香脆，加上孜然粉食落好惹味，雞肉Juicy又嫰滑，好食🤟🏻😎。.📍蛋糕（跟餐）蛋糕一共有3款，分別喺朱古力蛋糕、藍莓芝士蛋糕同紐約芝士蛋糕🍰。應該都係喺外面買番嚟嘅來貨，預咗冇咩特色，3款中我哋日中意紐約芝士多啲。.📍香蕉朱古力咖啡（$52）📍焦糖朱古力（$44）📍House Coffee（$46）Dinner set包$38嘅飲品，或者補差價叫特飲。味道普通，朱古力唔係好濃，反而咖啡就唔錯☕️。.真喺好耐冇食過樓上cafe，呢間嘅味道比想像中好少少，雖然主食同飲品特色唔大，但

-𝗦𝘁𝗮𝘁𝗶𝗼𝗻 𝟯唔知有冇人同我一樣 ......人大左 就冇以前咁有衝勁咁瘋狂行街而家反而會想慢活一點 同朋友出街時 都會想坐係餐廳耐啲 傾下計 嘆杯茶☺️於是呢日特登係旺角搵左間樓上cafe 慢慢坐 慢慢食 慢慢傾計~🥗燒牛肉配田園沙律 （$92）沙律份量都幾多下 燒牛肉份量都有誠意的 同埋鹹香鹹香的配左日式胡麻醬 非常開胃 🍝蟹肉雜菌忌廉闊條麵（$118）估唔到可以有咁多蟹肉！ 仲有好多碎碎雜菌 + creamy 既忌廉汁 闊條麵口感剛好 仲幾掛汁 整體味道層次多~ 🐣蜜糖芥末單骨雞翼 （$76）單骨雞翼黎講佢都好大隻 蜜糖芥末味香濃 甜甜地 仲炸到有脆邊✨🍵花旗參蜜（$20）menu上面寫住花旗參蜜可以清除疲勞 清濕熱 降肝火岩晒我地呢啲長期捱夜人士呢個花旗參蜜既蜜糖係分開上所以可以自行去調教甜度花旗參味好濃郁 落少少蜜糖就已經好足夠😊🍵神仙（$20）呢個其實係有玫瑰花 杞子 桂圓肉功效係舒緩腸胃不適 頭暈 月經脹痛咁啱呢日林芝蓮就係出腸胃有啲唔舒服 飲完真係舒服好多🥺整體黎講 呢度價錢雖然唔算特別平 但每份份量真係好多 不得了🤣最重要既係坐得舒服😊同埋好中意2個花茶都有蠟燭熱

係旺角行街 唸起有間樓上cafe聽講ok 就去試下。- 燒牛肉配田園沙律 （$92）沙律份量都ok，燒牛肉都幾有牛味＆鹹香，配埋日式胡麻醬，唔錯既前菜。- 蟹肉雜菌忌廉闊條麵（$118）蟹肉既份量非常多，可以食到啖啖蟹肉。然後仲有雜菌 + 忌廉汁，闊條麵口感幾好仲幾掛汁，整體味道唔錯。- 蜜糖芥末單骨雞翼 （$76）單骨雞翼好大隻，每一隻好似雙骨雞翼咁大，蜜糖芥末味香濃 甜甜地 炸得好脆好惹味。- 花旗參蜜（$20）花旗參蜜可以清除疲勞 清濕熱 降肝火，岩我。花旗參同蜜糖係分開上，可以自行調教甜度，我幾鐘意呢壼茶。- 神仙（$20）有玫瑰花 杞子 桂圓肉，功效係舒緩腸胃不適 頭暈 月經脹痛，呢壼茶比較岩女士，味道都唔錯，好清香。

平時星期六日都忙過返工，今日終於放自己一日假，在家慢活，晚上就音樂走到已經久久都沒去過的樓上Cafe。上到去發現年齡層都幾闊，不只限於青年人；派對房中亦有人在慶生，氣氛不錯。樓上Cafe當然有board games。點了一個晚餐再跟一些小食：dinner set 《意式芝士肉醬闊條麵 $98》+ $38 (跟salad+cake)晚餐包$38飲品一杯，其他飲品補差價 意粉分量大，肉醬多，但是熱度不夠。蛋糕有三款選擇我選了紐約蛋糕；另外多點一個《朱古力蛋糕 $36》《特色拼盤$128》 有洋蔥圈、芝士條、雞翼、日式餃子、咖喱角每樣三件，全部都很香脆。 《蜜糖芥茉單骨雞翼 $76》有6件，炸得香口，不覺有蜜糖甜味反而覺得帶微微鹽香幾好吃，但有點肉位炸得太乾硬，《紅莓果茶 （原價$54）跟餐補$16》女人還是喝熱飲比較養生，紅莓果茶又有助消滯解脂和滋潤肌膚。另單點一杯《西班牙咖啡咖啡 $52》咖啡味幾濃，加上雪糕的甜就平衡了。輕輕鬆鬆玩玩board game、吃吃小食、開心笑笑，星期日晚上這樣就過對了。

Cafe以簡約白色裝修為主調，提供唔少梳化位，環境寬闊舒適～店內仲有唔少board game選擇，好啱一班朋友邊食邊玩❀ 燒牛肉配田園沙律 🥗沙律份量多，面頭有薄切牛肉，咸香惹味，下面有大量新鮮沙律菜，配上芝麻醬，味道幾清新❀ 蟹肉雜菌忌廉闊條麵 🍝闊條麵蘸滿忌廉汁，幾有咬口。上面鋪滿蟹肉，份量慷慨，但就唔太食到有雜菌，反而有唔少三色椒。食落好creamy，份量又多，入面既三色椒及蟹肉會平衡返無咁膩❀ 墨西哥雞翼 🐥雞翼肉質嫩滑，食落酸酸辣辣好入味～配埋三色椒、西芹及洋蔥令味道更豐富，令賣相更吸引，味道都唔錯❀ 香草芝士條 🧀芝士條炸得香脆，估唔到影完一陣影仲保持到強勁既拉絲效果～芝士控必試✨❀ 松露薯條 🍟薯條份量多又炸得脆身，上面灑上松露粉，如果係配上松露醬味道濃郁點會更好～❀ 紅莓果茶 🫖❀ 特首 🫖❀ 可人兒 🫖叫左一款花果茶及兩款花茶，上枱後店員會燃點蠟燭保持溫度～紅莓果茶味道酸甜好開胃，特首花茶檸檬草味突出，亦帶有薄荷味，而可人兒花茶就有香濃洋甘菊味，特首味道較可人兒濃郁