第三站

今日去咗食旺角呢間cafe咁係openrice見到都好多好評又做緊半價當然唔執輸入去食我哋兩個人就嗌咗兩個意粉、兩個小食同兩杯嘢飲分別嗌咗carbonara同埋吞拿魚意粉意粉食落都彈牙每一啖食嘅時候都痴到汁雞翼食落幾惹味有種烤嘅感覺 啲嘢食整體味道唔錯唔會話好咸到要係咁飲水以前覺得呢啲cafe多數係食環境不過呢度食物質素都唔錯最後我哋一人嗌咗一杯嘢飲有啲椰果咬下咁幾正可能我哋早去上面唔算太嘈同朋友都可以傾到下計感覺都幾舒服嘅

今晚去咗旺角，去食一間叫做Station 3嘅Cafe，網上實在太多嘅好評，不禁要去試吓😆一入去，田園風嘅裝潢，配上白色嘅梳化，令人有種好清新，地方乾淨嘅感覺，而且座位非常之闊落，坐得好舒服，仲要冇煙味嘅。然後我選擇個座位，正正坐喺三眼仔兵團嘅隔離🤩正🥰個人喜好😌🍴 黑松露帶子鮮菌燴意大利飯🍴$122佢選用嘅係貝柱，細細粒，但比黑松露cover左個味。口感好creamy, 但唔會好漏，面頭亦有芝士粉，整體都好香😋🍴蟹肉雜菌忌廉闊條麵🍴$118只要有蟹肉點，我就會點蟹肉，蟹肉控😁厚厚嘅蟹肉喺面，好多汁，好Juicy，略嫌唔係好夠鹹，建議可加芝士粉，但等候時間比較耐，要預番少少時間😌🍴蜜糖芥末單骨雞翼🍴$76整到好似雞鎚咁，但係雞中翼，冇雞鎚咁粗，而且唔厚粉，感覺唔算好熱氣，推薦🥰🥛 Oreo milkshake🥛$58比較重奶味，但亦有Oreo嘅口感，不過不失🎉重點！佢係播ViuTV😂坐三眼仔兵權隔離，正正會對住部電視，全場最好嘅座位，非常適合電視撈飯，哈哈😂

今日朋友介紹食呢間樓上cafe 話之前食過唔錯 咁就去試吓有lunch set menu 主要食意粉同意大利飯 選擇唔太多 所以好快決定好食咩每個set都包一個$38飲品可以揀好多唔同嘅配搭 例如蜂蜜 荔枝 檸檬 金桔 玫瑰 西柚 配紅茶／綠茶🍵我揀熱金桔綠茶🍊金桔味道好出 甜度適中 綠茶係茶包 不過冇乜味感覺好滋補 啱冬天飲🍵▶️黑松露帶子鮮菌燴意大利飯 ($86)賣相好靚 都幾大碗 一上已經聞到超香白汁cream同芝士味碟邊仲加咗香草裝飾佢個飯整得好好 一啲都唔濕 啲飯可以黏埋一舊舊 好creamy👍🏻仲好足料 有好多一片片磨菇 一粒粒迷你帶子 洋蔥絲白汁份量啱啱好 唔會食到成嘴cream或者感覺好heavy黑松露味意外地出 好香 🤤Risotto米質感非常好 每粒好飽滿 好似珍珠米咁 粒粒分明 又好有嚼口雖然間中會黏埋一大舊 但係又幾好食喎 好似人哋鍾意食飯焦咁又有啲似壽司飯咁😆好得意嘅口感帶子粒雖然細 不過口感彈牙 又好淋 同risotto好夾🧀鍾意佢芝士份量唔多 唔會好’漏’啲洋蔥好香脆 令risotto口感更有層次成個risotto好好食😍好難搵到個高質risotto!!食完

旺角樓上CAFÉ黎講都真係好奈冇去，呢間都又真係好奈之前已經係OPENRICE LIST入面，難得出MK都唔諗喇直接上去。好懷舊既感覺，係有BOARDGAME又有PARTY ROOM FEEL既CAFÉ，不過今次只係食個飯所以冇留好奈。叫左肉丸意粉同CARBONARA，份量真係有夠大！我地２個女仔真係食到捧住個肚走！呢個肉丸意粉有5粒大肉丸，60幾蚊真係抵到爛！我感恩佢係幼意粉咁先掛汁，而且有小小辣好吊胃口，可以食多小小☺️CARBONARA好多汁，篇意粉好有咬口，口感很好！佢絕對係旺角高質CAFÉ之選~野飲佢推介個朱古力，就叫左，很濃的朱古力，上面加CREAM勁滿足!甜品早就鎖定了芝士蛋糕! 係我最愛既NEW YORK CHEESE CAKE! 好厚實既質感，芝士味好足夠，不過食左咁大個意粉之後一定要SHARE~見到隔離枱嗌左一個唔知五人定六人嘅套餐，每一份都大份到喊出嚟，最後佢哋都係要打包走嘅，所以話一大班人真係好適合黎呢啲古色古香嘅樓上Cafe

西班牙煙鴨胸燴飯🍅$112飯量我覺得都真係比較多🤯鴨胸都好足料，燴飯既蕃茄味道都好出，好多洋蔥好正。雖然都有機會係茄醬煮出來，因為我真係見唔到蕃茄，但味道岩岩好。芒果乳酪 $48 個飯個價錢本身係包括一杯$38嘅嘢飲，因為乳酪要$48，補左$10，物超所值因爲好好飲，芒果乳酪都好難中伏😂😂😂酸酸甜甜，配埋薯條小食一齊好解滯。小食方面叫左Fish and chips 🍟同埋蜜糖雞翼，雞翼整體都唔錯。我反而鐘意佢地既炸薯條，真係有幾片完整薯仔皮見到，口感實在，唔係空氣薯條，魚手指外脆內軟值得一試。

We go to café and have a chill dinner. We order 蜜糖雞翼as start which is golden in color. The chicken wings is smooth. The outside is crispy and the inside is juicy. 日式餃子also fried golden in color. Crispy and well served with yum sauce. 西班牙煙鴨胸燴飯the rice is juicy which is perfectly cooked, smoked duck breast is delicious together with mushrooms and green peppers, tasty dish! A nice dinner with a comfortable environment.

輕鬆的用餐條件：環境舒適、地點方便、美味食物。今日到Station 3嘆個Lunch，地方闊落，落地大玻璃光線充足，再加白色簡潔裝潢，靜靜的享受一個午餐真不錯！如果有三五知己，仲可以一邊食一邊玩Broad game輕鬆消磨一個下午。Set Lunch有8款之多，有肉、有Salad、有Pasta同Risotto可以選擇。跟友人點選了B) 墨西哥香辣肉丸燴意粉、F) 蟹肉雜菌忌廉闊條麵，午餐已包括$38以下的飲品，再可加$36配多份Salad同蛋糕。我們大胃王，再另外點了炸併盤、燒牛肉沙律及朱古力蛋糕！炸併盤上檯脆卜卜，沒有油膩味！燒雞翼夠Juicy唔會炸到Dry哂。兩個主菜的醬汁同Pasta比例很好。餐飲點了果茶同花茶，天氣涼涼地，花茶一直溫住十分貼心。我揀的花茶叫戴安娜，有消除疲憊同鬆弛神經之用。

尋日係旺角早收工，想搵間舒舒服服既café 食個late lunch，靜靜地咁等下一場。之前有朋友介紹過Station 3有board game玩，一於上去嘆下先！Lunch menu好多選擇，叫左蟹肉雜菌忌廉闊條麵同燒牛肉沙律，等緊期間，順便可以好好欣賞下旺角鬧市既風景。係25/F望出去，藍天白雲既天氣下，心情真係舒暢好多！忌廉闊條麵好重料，大大堆蟹肉係上面，闊條麵似烏冬咁厚，軟硬適中，闊條麵仲充滿住香濃既忌廉汁，好快就清碟！藍莓果茶有芙蓉花，藍莓同葡萄，我自己就覺得偏甜少少，朋友個花茶就好OK!坐坐下叫多個特式拼盤，有洋蔥圈、芝士條、雞翼、餃子同咖哩角，每款都有3-4件，份量充足，芝士條記得趁熱食呀！最後仲要食埋甜品先走，正呀😋

又去board game cafe 食晚飯,自從最近去完board game Cafe玩過之後,覺得好正,所以今次試吓第二間先☺️**呢間餐廳夜晚以dinner set為主，我哋3人所以嗌左3個套餐：*蟹肉雜菌忌廉闊條麵$108呢個麵都算多蟹肉，忌廉汁好creamy 好香，個麵做到啱啱好唔太稔。*黑松露帶子先菌會意大利飯$122黑松露味好香，唔似出邊嗰啲一股石油氣味，意大利飯煮到啱啱好，唔會太硬，好入味。*煙三文魚忌廉野菌會闊條麵$126都比幾多三文魚，襯埋個忌廉汁好好味*BBQ單骨雞翼$66單骨雞翼個BBQ 醬最好味，而且食又方便，有惹味，簡直食唔停*Oreo曲奇奶昔$18（跟餐）超邪惡，但又好好飲，咁我呢個Oreo控**其實同朋友gathering, 有時去下呢啲上樓cafe 幾好，大家玩下 Game ,嘻嘻哈哈又一晚，絕對減壓☺️

約咗朋友仔喺旺角食飯但旺角真係唔係太熟，又想坐得好d可以吹下水最後朋友就帶路去食Station 3 cafe，隱藏在金雞廣場中，係經典有得食又有得同朋友玩board game聚會的cafe餐點都係基本意大利粉，risotto ，炸物等同朋友2個人就叫了2個主食和1份小食share▫️黑松露帶子雜菌意大利飯飯粒煮得剛好不太軟又唔會太多醬汁(好怕d risotto 好似湯飯咁🤧) ,初初食以為無俾帶子，原來係隱藏係飯之中，啖啖都食到溫馨提示：記得快啲食呀，唔好攤凍▫️芝士焗肉醬闊條麵個人覺得味道可以，但意粒偏淋身，個人無咁喜好，同再濃d和芝士再多d就完美▫️單骨雞翼最有驚喜係個單骨雞翼！炸得好香脆配蜜糖芥末味，唔錯～

今次第二次再黎幫襯啦，入面依舊環境寬敞舒適、乾淨企理。今次再黎當然要試啲上次未食過既𝒅𝒊𝒔𝒉 𝒍𝒂😜我地一行2人，當然叫番2個𝒅𝒊𝒏𝒏𝒆𝒓 𝒔𝒆𝒕再加一份小食。𝑴𝒂𝒊𝒏 +𝑫𝒓𝒊𝒏𝒌𝒔所有套餐贈送$38 飲品杯（$38以上可補差額）另外+$38有𝒔𝒂𝒍𝒂𝒅 加 𝒄𝒂𝒌𝒆。💟西班牙煙鴨胸燴飯 $112燴飯熱辣辣的，配上酸酸甜甜既汁，有啲似羅宋湯味，裡面仲有煙鴨胸、三色椒🫑、磨菇、洋蔥🧅，配搭好夾，非常開胃。💟煙三文魚野菌忌廉燴闊條麵 $126意粉用左闊條麵，煮法用左燴既形式，煮到個忌廉汁好𝒄𝒓𝒆𝒂𝒎𝒚，食落又吾會好膩，闊條麵煮得好煙韌。另外，煙三文魚好新鮮，連埋啲香草，味道不錯👍🏻。𝑺𝒏𝒂𝒄𝒌𝒔💟蜜糖芥末單骨雞翼 $76雞翼新鮮炸起，一咬落去勁多肉汁漏出嚟，好𝒋𝒖𝒊𝒄𝒚, 一啲都吾乾，再點埋佢個蜜糖芥末醬，真係超有驚喜👏🏻👏🏻推介之選。𝑫𝒆𝒔𝒆𝒓𝒕 💟朱古力🍫蛋糕🍰今次揀左朱古力🍫蛋糕試試佢。朱古力非常濃郁，入口即溶，甜度亦吾會過甜，最緊要係好抵食😋😋💟飲品就揀左健康推介：花茶系列-特首☕️佢𝒎𝒆𝒏𝒖 有寫特首可以提神鎮靜緊張，消除疲勞，同降肝火。作為忙碌既都市人，就算吾知係咪真係𝒘𝒐𝒓𝒌

呢間餐廳既環境係似我中學年代同一班fd一齊黎玩board game既cafe，特別有回憶😌叫左2個main course，一個係意粉，一個係燴飯。肉醬意粉看似普通，但個醬汁好濃厚，好有蕃茄醬味，正常水準👍🏻黑松露燴飯個人就覺得黑松露味幾出，幾好味，不過個飯既口感略嫌燴得未夠淋，煮多陣口感應該會好啲，都食到粒粉分明。/晚餐包一杯38或以下既飲品，我地無加到錢，叫左一杯青蘋果綠茶同水蜜桃紅茶。味道唔錯，而且有啲蒟蒻係底，有啲咬口。最後加左個蜜糖雞翼，本身諗住叫蜜糖芥末單骨雞翼，但無晒，呢款雞翼算係今餐最大亮點！唔係平時出面用既bbq嗰款蜜糖，食得出係用黎沖水嗰隻蜜糖，有啲似euro gogo嗰款，幾出色😉

仲記得以前有一陣好鍾意去樓上Cafe，因為會覺得好chill同埋好開心，可以同班朋友一大班人咁樣去玩board games，傾吓心事吹吓水又係悠閑嘅一天，但係因為疫情嘅原因好耐冇去，今次就專登揀咗呢一間好似唔錯嘅 station 3 cafe 去試試。叫咗兩個田園沙律，一個係燒牛肉，另一個係煙三文魚，完全係我杯茶，覺得又健康又好食，啲菜好新鮮，配上甜甜嘅芝麻醬真係覺得非常好食，另外仲嗌左塔羅特飲，覺得真係好有特色好有feel，因為好奇叫咗一杯世界隨你，然後原來真係每日唔同，係random嘅，好有feel 哈哈

Take a good rest before starting a new life ☺️ Valuable catch up time with my old fd. The environment is very comfortable that we can sit for about 2 hrs and play some board games. Wonderful night with yummy food. 😋 I love the rose 🌹 tea 🫖 so much. ❤️Seems easier to fall asleep after drinking this fresh tea.I order this main course. Yummy and creamy . Love it so much ❤️Add $38 more can hv this salad and cheesecake This honey 🍯 chicken wings is crispy and tasty as well.The French fries are crispy t

環境同樣一樣大同寬鬆同舒服，店員服務態度好好人事不宜遲啦，睇睇個餐單先，餐廳有提供lunch set既，包主食，沙律，38$飲品，補差價可以點其他特飲！特飲同小食勁多唔同款式！咁我同朋友分別點左西班牙煙鴨胸燴飯，醬汁多同偏向唔太濃，飯都軟身，鴨胸肉入味唔會太咸，成碟份量可以，一個人食岩岩好！蟹肉雜菌忌廉闊條麵同樣醬汁一樣多，幾香同滑，麵條都煮到好林身，唔會太硬身。前菜沙律，啲菜都新鮮同爽脆，沙律醬都多，入味。蜜糖雞翼熱辣辣，非常脆，加埋啲香草同蜜糖勁香！仲有叫左兩杯沙冰特飲：荔枝同草莓沙冰特飲，勁大杯，成舊冰堆得好高，荔枝同草莓味都好濃香，沙冰夠綿咁冰凍！我地仲叫左兩件蛋糕，朱古力蛋糕同埋藍莓芝士蛋糕，兩款蛋糕都好幼綿香濃，賣相仲好靚