第一郡 (已搬遷) 新店位置

由於屋企上一輩係越南華僑，對越南菜情有獨鍾，但響香港未食過令人驚艶既越南菜。但響Q1真係食到嫲嫲既味道，令我好有驚喜！Q1未出名我已經開始食，食到依家開埋分店，品質尚算穩定，覺得佢都係實至名歸，抵佢出名。不過近嚟佢份量少咗，希望吾好越嚟越少啦⋯⋯嚟呢度一定要食佢個〈蟹膏蕃茄湯檬〉，係呢度既名物，基本上每枱都有一碗。一上枱你會聞到好香茄香味，又紅又綠咁令人食慾大開。碗湯清清哋咁，但你千其吾好睇少佢，一入口你吾會食到好「假」、甜甜哋既茄膏味，反之，你會食到微酸、好天然既鮮甜味，加上埋蟹香味，真係會令人想k.o.成碗湯！入面有半個蕃茄、生菜、豬紅、豬皮扎肉、豆卜、檬粉同重點！！蟹肉肉餅！！一碗入面你可以食到爽口既豬皮，爆汁既蕃茄同豆卜，仲有鬆化鮮味十足既蟹餅（問番嫲嫲，原來係蟹肉，蟹膏同蛋打成）。口感同味道都有幾重衝擊。不過，有一點我真係好吾滿意，佢既檬粉好碎濕濕，用筷子都夾吾到，要用匙更先食到，希望可以改善下⋯⋯朋友叫咗米卷同香茅豬肉撈檬，米卷我咬咗啖，豬肉我都食咗舊（不過之前我都有食過），豬肉係好香香茅味，略咸咗少少，同埋太油，撈埋檬粉同醃蘿蔔會平衡啲。米卷個花生蘸醬先係重點，好香口，配

是日同朋友去深水埗買手作用品，午飯就去咗呢間人氣小店品嚐越南餐😁鋪面比較細大約坐到20人左右，有小小迫。因時間尚早未有人排隊，但都僅僅得番兩個位，算我地好彩，大熱天時排隊都幾辛苦🌞我地點咗蟹膏蕃茄湯檬材料好豐富有豬紅、豆卜、扎肉、去皮蕃茄，重點係有一大舊蟹膏蛋餅！蟹膏味唔濃但好香口鮮味，湯底夠濃味，有少少酸，令人好開胃😋米紙蝦卷，薄薄嘅米紙包住蝦、菜、薄荷仲有檬，材料新鮮，最出色係個汁，辣辣地好醒胃，唔覺唔覺就食曬成條😆越式法包，外脆內軟 ，夾住好多芫茜，醃蘿白，扎肉，份量十足，味道同越南食過差唔多，不過越南就有搽肝醬，如果有埋就更好了😋😋

終於尼到試啦真係排長龍呀，舖位比較細所以大家要耐心d等下啦🤗不過排隊都係值得架因爲都幾地道👍🏿同埋有別於其他餐廳淨係食pho，有好多唔同既選擇🤩💁🏽‍♀️米紙蝦卷 HKD32尼個蝦卷外包蕉葉，非常之香，而且入面既料都非常之多，大滿足呀，有豬肉2隻蝦香草檬粉同其他菜，仲要加上秘製花生醬真係不行了，完全係成個小食既靈魂😛連平時我唔好食花生醬都超大愛呀🤩💁🏽‍♀️越式滴漏咖啡 HKD25/28 28蚊就係加左個冰底，大熱天時真係好需要呀🤓而且佢仲要真係好有係越南既味道😋真係好掛住，而且咖啡香氣超夠正🤗💁🏽‍♀️扎肉湯河 HKD50雖然大家都推蟹膏番茄湯檬，不過今次試左扎肉都幾驚喜架，首先湯底好清甜，仲要好清澈，絕對唔係加防腐劑架🤩扎肉似係自家架，好有胡椒味，真係由湯底同食既食材都好有心思呀🤤

平時去康瑞食甜品時，都有樓結義呢一間越南小店，今日早收工，所以一於去去深水埗食嘢😋😋😋😋我先叫咗一杯牛油果沙冰解渴先，牛油果味好重，似得出真材實料，如果甜到降低少少就更加好.....😗😗😗😗😗😗我仲叫咗個豬肉軟包，呢個軟包被法包更軟熟，而且微微烤過，非常吸引，入面仲有好多沙律菜，幾健康㗎😋😋仲叫多咗個招牌蟹膏番茄檬粉，蟹膏好特別，因為係片狀，而唔係膏狀，蕃茄味湯底都記錄，夏天食就好開胃

🍅🦀蟹膏番茄湯檬（$50)呢個係我近排食過幾特別嘅湯麵，因為平時都比較少食越南野，當然湯檬就更加少食。今次就試吓呢間本身喺深水埗開到去天后嘅呢間越南小店 第一郡 。第一時間叫咗呢個番茄蟹肉湯檬，入面嘅配料有大大嚿既蕃茄、右邊好似豆腐嘅蟹膏餅、扎肉、豆卜同豬紅等等，非常豐富。湯底酸酸甜甜，有好香既蟹膏味，再加埋蟹膏餅嘅味道就更加濃郁，蕃茄煮到好腍，扎肉好有肉香，入面既香料啲味唔會太搶岩岩好，整體唔錯👌🏻🐂順化牛𦟌米線（$65)店長仲推介我哋食佢哋個新產品順化牛𦟌米線，呢個米線亦都相當足料，有牛𦟌、豬手、扎肉同大大嚿既白蘿蔔，豬手煮到好腍，牛展鬆軟，唔錯。🦐米紙蝦卷（$35）咪使包住原隻蝦夢粉同埋一啲生菜點買佢嘅特色花生醬，都幾好食👌🏻☕️滴滴咖啡（$28）呢個滴滴咖啡其實喺越南都好出名，滴滴咖啡攪勻啲煉奶再倒入冰杯度，咖啡味濃郁，雖然有啲甜但係都幾好飲，可以一試👌🏻

論特色越南小店，這間位於深水埗的第一郡肯定是我吃過的頭3位。小店位於大街之中，並不難找，一到假日及平日晚上門口便開始出現人龍。幸好今次11點半已經來到門口，只等了5分鐘便能入座。小編已經不下10次來食，但每次點的卻一樣。所以以下都是極力推介！米紙蝦卷$32 1份圖中已經可以看到有2隻大蝦藏入卷中，薄薄的米紙配搭店家調好的特製醬汁，口感和味道一流。番茄蟹膏湯檬$45這個是小編至愛，濃厚的番茄湯味以及豐富的材料。豬紅、番茄、蟹膏、扎肉片、豆卜等配搭令人食指大動！

早兩日突然好想食越南米紙卷，但有得食同抵食既越南餐廳唔多。竟然咁岩琴日同事就提到呢間係深水埗既餐廳，不過佢係介紹蟹膏蕃茄湯濛，我又見到有米紙卷食！！今日黎開深水埗買野，決定黎試下！星期六既午餐時間，好彩出面唔算多人排，30度既街邊都唔好話唔辛苦！坐位都係好簡單，摺枱摺登，但最重要都係野食～兩個人叫左香茅豬肉撈檬，越南包，一條米紙蝦卷同牛油果沙冰。野食好快，急不及待啊！！香茅豬肉撈檬勁多豬肉同檬粉，2個人share都無問題，不過太好食我自己食哂😂好多花生，青瓜絲，生菜等配菜同我至愛既九層塔，汁係倒定落去既，好夠味好好食！米l紙蝦卷，好特別係用葉包住，好有風味！個醬汁係主角，好香既花生配青瓜同洋蔥絲，一條可以點哂成盤！越南包，個包超軟但又好脆，好足料，好多菜同有扎肉又夠大份最後係牛油果沙冰，無得輸，好！好！飲！牛油果愛好者必叫！

點左朋友推介的蟹膏番茄湯檬，米紙卷同綠豆斑蘭糕~先上米紙卷，用蕉葉包住食真係方便，一定要點醬食先夠惹味~輪到個湯檬，估唔到蟹膏的份量都好多，配料又豐富，配埋番茄湯底，好開胃~最後食埋斑蘭糕，入口好香又清新，推介

大家都瘋狂推薦哩個綠豆斑蘭糕，果然一試就愛上綠豆斑蘭糕上下層都係斑蘭糕，超級煙韌。係千層糕既口感，不過煙韌好多倍，煙韌控超like不過，略嫌斑蘭糕既斑蘭味唔太出。綠豆餡係中間，綠豆食落綿密，甜度不高兩層煙韌既糕夾住綿密綠豆餡，令層次更加豐富。綠豆斑蘭糕整體唔會太甜，輕鬆ko一件真係好食，十分推薦哩到既米紙蝦卷係我食過最大條既米紙卷入面有大量粉、青瓜絲、香葉、一塊半肥瘦肥肉、一隻蝦，加埋一齊食，口感豐富；米紙卷份量都有返咁上下，食完一條都有飽足感嫁。米紙煙韌，但唔會過韌變得難咬，唔錯！靈魂所在，係佢既醬汁入面有紅蘿蔔、洋蔥、花生碎同啲炸過既野(唔敢試，所以唔知係咩><)醬汁同我係峴港食既味道係一樣嫁，仲多左啲材料係入面，好食！點左醬汁既米紙蝦卷即刻升華左值得一提既係，餐廳好貼心地用左塊葉包住米紙卷，唔洗驚整污漕手，讚牛油果沙冰飲落唔似沙冰，似奶昔。牛油果味唔太重，冇咩草青味，唔會過甜；飲落唔凍，整體唔差，但未算十分好飲。係越南飲過一杯超濃既牛油果沙冰，仲要夠凍，好正。可惜係香港暫時未遇到雞絲湯檬好多雞絲係面，雞絲食落算滑，唔會好似其他餐廳咁鞋。哩到既檬粉似係米粉，檬粉不是

個蔬菜燉牛肉幾好食又夠熱，啲湯汁質地係濃綢，似係啲蔬菜煲到林左拎到佢杰身，啲薯仔蘿蔔同牛肉都燉得好林，啲肉應該係燉到咁林，唔係用啲野乸林 都有啲牛肉味，成個菜啲味似牛尾湯既味配個麵包點個汁個包係熱既外脆內軟，岩岩好，一點都唔硬。牛油果沙冰，雖然話就話沙冰，但唔係好凍，個質地似奶昔，好滑，唔會覺得被溝稀既感覺，有牛油果既味道❤️睇得出間野有誠意。我臨走買左綠豆斑蘭糕，入面一粒粒既綠豆蓉，出面香香濕濕黏黏既斑斕糕，對我黎講甜左啲，但係都好好食。但係平時夜晚去到食會排晒隊，鋪仔細細所以位唔多，我兩次黎左係一個人食，所以比較易有位。

呢間小店一直在女朋友的 "To Eat List",由於平日收工時間不定，所以選擇weekend 早點過來early dinner. 大概6:00pm 來到，不用等位直接入座，點了蟹膏蕃茄湯檬、烤豬肉撈檬、班蘭糕、牛油果沙冰和咸檸七。蟹膏蕃茄湯檬 - 湯底微酸不會太膩，夏天食一流，平常我不太喜歡扎肉的口感，但第一郡的扎肉口感結實，可以接受，另配料豬紅也很入味。烤豬肉撈檬 - 醬汁已加，食時撈勻就可以。女朋友說那個汁好像和其他越南食店有點不同，我就食不出來，撈檬內的配料與烤豬肉都十分多，40幾蚊絕對超值。班蘭糕 - 好煙韌，不過班蘭味不夠重牛油果沙冰 - 平時不食牛油果，不過變成沙冰飲品就試下，味道淡淡，但飲了一半已有飽肚感覺。總括來說，行開經過這小店可以試下，性價比ok, 味道也不錯。

或許我對於越南野特別鍾情，上次介紹過荃灣一間越或店，今次來到深水埗 試呢一間 ， 店內菜式相近 ，但呢一間嘎蟹膏檬更鮮味！！！！差點連湯到飲曬 ～原來呢一間店係天后都有一間！札肉爽口 豬紅鮮味 最正係湯底男友仔就試左個越式法包酸酸地好清新麵包脆口因爲越南🇻🇳曾經被法國統治過所以法式美食都吾錯中間仲有d莞茜同肉 夾起來非常match一共食左三樣野仲有一樣就係必叫嘎米紙卷重點係個汁 吾太咸點米紙卷就恰到好處！！！！一共$120埋單 抵

非常喜歡吃佢嘅蟹膏番茄湯檬，同埋牛油果沙冰，去Q1食嘢基本上係我每個月必須會做的事，店舖細細，但人手非常多，基本上全部都是越南人，好有地道嘅感覺。睇住佢加價，雖然食碗麵加杯嘢飲要成70幾蚊，但都覺得物超所值，每碗蟹膏番茄湯檬都有半個大蕃茄，兩片扎肉，一大堆蟹膏同埋肉，而最出名嘅牛油果沙冰，睇住佢每一杯都差唔多落兩個牛油果，我夠膽講佢嘅牛油果沙冰係全港獨有，未喺其他越南譜飲唔到咁好味嘅牛油果沙冰。通常下午lunch去都要排隊，而且十分之多人，好多時候都要搭枱。

今日下午，同老公即興搵越南粉食上黎開飯搵啦，見到呢間，好多like，就試下佢啦！ 去到門口，唔係一般嘅連鎖店，無華麗嘅裝修，只係小店一間，唔抱期望入去試下啦！ 餐牌得一頁，幾樣野，牆上面都手寫咗有咩食，簡陋咗啲，但食野，有時應該係要個味道，而唔係食裝修架嘛！叫咗雞絲湯河，蕃茄蟹肉湯河，大蝦米紙卷，同一杯牛油果沙冰。米紙卷好快就到，用塊葉包住，方便用手食，感覺好正，用手食，好味！ 個醬加埋落去，花生香加埋個濃醬，絕配！雞絲湯河黎到，試咗個湯先，嘩！清湯都可以咁好味嘅？！好正！ 雞算係滑，似係手撕，心機之作！蕃茄蟹肉湯河，湯底以為係淡，飲落口，濃情化不開咁正呀！ 配料有雞紅（似係自家制，咬落就知，正野一舊），扎肉有兩款，兩款都好食，重點係佢啲扎肉係厚切!），個蟹肉又估唔到係一舊咁上喎! 唔係散上，應該係用蛋蒸好咗先加落去，蟹味唔重，但保證啖啖蟹肉! 牛油果沙冰，老公讚不絕口，我飲落似奶昔，好濃嘅牛油果味!總括黎講，值得encore!!

話說第一次聽聞有呢一間餐廳，係因為朋友個朋友喺呢度事頭婆嘅仔。知道佢地屋企做呢一間餐廳，就即刻OpenRice揾，先發覺原來佢哋係我屋企附近，而且好評都幾多，於是就即刻去食，發覺果然係名不虛傳。之後都有重重複複食過幾次，每次例牌都會叫番茄蟹膏湯檬同埋米紙卷，絕對係呢度嘅招牌中嘅招牌。🍅番茄蟹膏湯檬只係$45，一如既往地足料。有厚厚嘅蟹膏，似乎混入左少少蛋黃; 好細心地去左皮嘅番茄，超入味嘅豬紅，扎肉，豆卜，清新嘅生菜。至於湯底，唔係濃湯番茄嗰種湯底，係鮮味嘅蕃茄清湯，蕃茄味唔算好濃，更似住家嘅感覺。🌯$28米紙卷又係另一個必食。價錢親民但係份量絕對唔少。米紙卷細心地用芭蕉葉包好，可以順着芭蕉葉嘅紋理撕開慢慢食，唔怕整污糟手。至於裏面嘅材料，有生菜，兩隻蝦，大量米粉，青瓜，同埋香葉等等。睇得出包米紙卷嘅功力非常高，唔會散收收，係扎實嘅感覺。所以望落去已經大大夠，實際上其實有好多野包左喺裏面。本身一個人食個番茄蟹膏湯檬都已經好飽肚，再加埋咁足料嘅米紙卷，本來想過隔離食芋圓，個肚都已經裝唔到咁多野食。😂埋單每人大約＄60左右，食得咁飽，超抵食！😋