第一郡 (已搬遷) 新店位置

——————————————————————————————蟹膏番茄湯檬——香茅同番茄湯底好夾🤤 本身又細到大都唔鐘意食豬紅，硬住頭皮試下..!?點知好鬼正，豬紅同豆卜嗦曬個番茄湯底。講返主角蟹膏先，你見到果舊大大舊整到好似蛋餅咁款就係佢😂😂 好濃郁嘅蟹膏味 啖啖蟹膏好滿足💕 以個價錢黎講 又唔洗自己拆殼 份量又多，我絕對願意再回頭食多次。鐘意食蟹膏嘅一定要黎試下呢間👍🏻👍🏻

好懷念以前一間叫“小巴黎”嘅越南嘢，好準不錯。自從連荃灣個間執左，就好似無乜好食嘅小店再出現。呢間Q1郡，好似係一個家庭主婦開，之後食過越南包，今天食凍檬粉，就真係失望。 最好食係配菜，酸白蘿蔔同酸紅蘿蔔好入味，其算好酸，但都叫夠味，抵讚。但D粉，唔似檬，可能我覺得太幼同太“林”。而家個粉分量唔多喎，好在烤豬嘅肉多，咁就可以頂一下個肚。不過你問我，唯一想再食，又真係好耐無食頂下癮，先會再買囉。如果唔係，下次都係買越南包算了。

細細間餐廳，lunch 一遲去就要等位。之前似係越南人一家人打骰，而家唔知係咪轉左手，成班後生仔，食物味道差左。食物價錢以深水埗來講，算係貴，$4x湯麵唔包野飲，不過之前食開好食所以keep住有幫襯。佢既招牌係蟹膏蕃茄湯河，好多人叫，以前好多料，湯河好食，湯底濃味好香。尼兩三次食，湯底加多左水，無咩味，d麵又斷開一截截，撈極唔起。米紙蝦卷，一般般，淡味，都係覺得差左。仲有個越南咖啡，係特別少少，幾好飲，微苦但香濃。食物真係差左，比多2次機會了，唔會再幫襯，希望佢地有心機d做啦！

深水埗出名多平靚正美食，美食店推陳出新，但總有幾間係會keep住翻啅嘅，Q1就係其中一間。因為小妹住附近而鋪頭座位又長期爆滿嘅關係，所以我多數都係外賣拎返屋企食的！今次買咗個沙甸魚包，但唔記得咗改軟包🙈法包唔係唔好食，係硬啲啫😂咬哂成個包牙骹真係會軟架🙊法包入面有大量芫茜，葱絲，醃紅白蘿蔔，一條青瓜條同沙甸魚碎味道保持到之前嘅水準，雖然沙甸魚好似少咗，但不失美味最後，其實買咗杯牛油果沙冰俾自己行返屋企嗰陣飲..呀..好好飲🙈打到好滑無哂碎冰，又唔係好甜愛好牛油果者必試😬

今日5.1假期，同老公放假拍拖出去食餐好。突然想起早前參加孕婦分娩球班前係深水埗食野，發覺該處有好多高質素但價錢親民既小店。即時上OR搵下美食，見到呢間既米紙卷同越式法包好吸引，決定動身前往尋美食。去到1點左右，已經有6,7人係門口排隊。入面員工見到我粗身大細，好窩心問我使唔使比張椅子坐底休息下😍等左二十分鐘就有位可以入去，我要左一碗"蟹膏蕃茄湯檬"，老公要"豬肉撈檬"。另外點了"米紙蝦卷"同"凍既越南滴漏咖啡"。最後再叫了"越式法包"同"班蘭綠豆糕"外賣拎走。先黎"米紙蝦卷":用上蕉葉包住米紙卷，非常有風味，食起黎方便又衛生。平時會沾醋食，呢間配上小店既醬，類似沙爹醬，入面有碎花生粒同幾條蔬菜，好香好甜，但又唔會好咸好濃，我地每食完一啖，就加一匙醬上去米紙卷再食，食完唔會口渴，唔錯。凍越南滴漏咖啡:我以前係其他小店飲過一次，非常鍾意。所以今次強烈要求老公點呢個黎飲(原本老公點了普通凍咖啡，我話係越南小店食野，緊係配番一杯越南滴漏咖啡啦😜) 。大肚既我雖然唔可以飲咖啡，但見住咖啡一滴一滴咁落入練奶中，亦非常治療😍😍老公見我冇得飲好可憐，比咖啡我聞一聞止癢😅😅混左練奶既咖啡味道好香甜。但

每次經過，門口都是滿滿的人龍。店內坐位不多，但流量都快，所以都不用等太耐。最火紅一定係蟹膏蕃茄湯濛。材料非常豐富，入面有蟹膏、豬紅、扎肉、蕃茄和蔬菜。蟹膏配上番茄，非常清新。扎肉食得出不是普通貨，味道口感豐富。這個價錢，有咁豐富的材料，都值回票價吧。另外叫了豬肉撈檬，材料也是非常豐富，入面有烤豬肉、酸蘿蔔及紅蘿蔔絲、花生碎和蔬菜。烤豬肉烤得很香及入味。撈檬配上自家醃制的酸蘿蔔及紅蘿蔔絲和秘制的酸辣魚露汁拌勻吃，味道清新及醒胃。加上一杯解喝的鹹檸七喜，多麼滿足的一餐。

今日行經深水埗，突然心血來潮想食越南菜，所以就OpenRice左呢間好出名嘅越南菜嘅小店。七點半去，出面有大約10個人排隊，排左半個鐘就可以入去啦。由於比較似佢關係所以好多野都已經賣晒，我哋就帶咗最出名嘅招牌:蟹膏番茄湯夢，越南麵包和一杯牛油果沙冰。越南麵包非常好吃,外皮非常脆，入面嘅香菜配合啲牛肉同扎肉，味道非常之好，而且佢幫你砌開一半就好方便女仔食。牛油果沙冰亦都非常足料了，好濃的牛油果味道，如果鍾意食牛油果嘅人，一定會愛上。最後蟹膏番茄湯檬，入面有豬紅，番茄同麵包，麵包搽咗好濃嘅蟹膏，所以非常之濃郁味道，果然係招牌😋😋😋😋😋

說到香港開設的越南餐館，必定會提到位於深水埗的Q1第一郡。這店除了價錢親民，食物美味之外，排隊等位都是這店一大特色。所以有心光顧的食客，我建議中午前光顧，避免與午市的繁忙時段正面衝突。連群結隊的朋友們要留要，店內環境有點細，只有2人位和牆邊的1人位。網上做了些功課，網民對Q1的出品，近乎所有都是大讚。尤其是奶昔口感的牛油果沙冰，但為了要找出全港最好的滴滴咖啡，最後都是點了：滴滴咖啡+冰底 $28蕃茄蟹膏湯河 $45斑蘭綠豆糕 $13點餐後不用5分鐘就到齊食物。面前這個紅卜卜的蕃茄蟹膏湯河有點意料不到，有很多配料，似我們港式車仔麵多於越南河粉。看似很濃的蕃茄湯底出奇地清淡，難得是沒有加味精，吃完整過麵都不覺口喝。蟹膏則有點失望，這個似貌海綿的蛋蟹膏真的有海綿特徵，很會吸水，整個都是蕃茄湯，但不太有蟹膏味，口感亦不討好，像吃霉爛木頭似的。甜品斑蘭綠豆糕，賣相很靚，上下層的斑蘭糕非常煙韌，超級彈牙，口感十足，中間的綠豆蓉就有淡淡的清新香甜。除了有點貴之外，實在想不到這個甜品的缺點。最後埋單時想起米紙卷都網民大讚的招牌菜，所以順便外賣一客回家吃。這個售價$32的米紙蝦卷，size比酒樓春卷肥些

住係深水埗點會唔識呢一間馳名既第一郡，其實未食佢之前已經有幾個朋友介紹我去試，但因為一直冇時間 所以等到今日，終於可以食喇。鋪頭比我想像中細，但人流卻好多，不愧係出名既店鋪，我同男朋友嗌左個蟹膏蕃茄湯檬，雞絲湯河同埋米紙蝦卷。蟹膏蕃茄湯檬，面頭已經有勁大舊蟹膏，啖啖蟹膏好滿足，而佢既湯底好濃郁，蕃茄味好足，啲湯飲唔停口超好味 而雞絲湯河，雞絲好嫩滑，份量好足米紙蝦捲入面係用原隻蝦爽口彈牙Q1真係名不虛傳

某月某日 , 路過 深水埗 - 荔枝角道 ....遇見這間 專賣 越式麵包小食及甜品的 " 第一郡 Q1 " , 雖然之前已吃過飽飽 , 但都忍不住 , 要入去幫襯 , 這算是緣分吧 ~店子小小 , 且十分旺埸 , 難免坐得比較逼狹 , 但不要忘記這是 深水埗 的街坊小店 , 背對背 , 就當是坐得比較親切一點就是了 ~ 牛油果沙冰 : 這牛油果沙冰打得相當幼細 , 滿有牛油果香 , 好飲到一個點 ~ 牛腩燉蔬菜 配 麵包 : 這道菜 , 據聞是鎮店之寶 , 只是在星期六日及假期供應 , 還要是限量的 , 能吃到這道菜就有如中頭獎一樣 ; 牛腩煮得既入味又軟綿腍滑 , 個湯汁的味道就更是濃厚 , 實在是魅力非凡 , 把麵包蘸上湯汁來吃 , 實在好味得難以停口 , 真是神仙都企不穩 ~本篇完 ~

🍰🍔🍱深水埗真係美食天堂😍今日介紹一間超正越南菜，鋪頭細細但好受街坊歡迎～首先一定要試招牌＂越式麵包＂幾乎台台都order，麵包好似法包質地勁鬆脆，入面超多配料🍖🥒🥕🥗札肉、肉鬆、紅白蘿蔔絲、青瓜，食落酸酸甜甜好開胃🤤☕️🥑🍵首先！可能係全香港最好飲嘅越南滴漏咖啡👍🏻好正好正好正👏🏻雖然等得耐少少🤣但勁濃味，同係越南當地一樣味道！之後必order係好滑既牛油果沙冰🥑我覺得似奶昔多個沙冰，除咗牛油果味重有少少奶味☀️ ＂蟹膏番茄湯檬＂初初諗住應該份量唔多，點知真係真材實料勁多蟹膏而且好厚，最欣賞係個湯底好鮮甜，檬粉吸收晒啲湯底好爽口。

這間小店我成日幫襯，原因只有一個，佢哋有一個絕配，時不時我就會上癮一樣去呢度食鹹檸七配越式法包!因為呢間小店室內空間比較小，沒有太多嘅座位，所以係下午時間成日都冇乜位，需要等位，大家嚟呢度食嘅時候，最好係午餐時間過咗就可以慢慢享用啦！呢個絕配係我嘅下午茶，首先講講鹹檸七，呢個鹹檸的汁係佢自己調配嘅，同出邊唔同㗎 ，一口法包一啖鹹檸七，鹹鹹甜甜好過癮！至於個包外皮鬆脆，裏面嘅餡料超級豐富，包括有酸蘿蔔、扎肉、青瓜和生菜，我相信佢有放少少牛油，所以食落去外脆內軟又香口，酸蘿蔔十分爽脆，口感層次很豐富!大約消費＄60以下，呢間小店仲有好多好吃嘅河粉！如果有機會嘅話大家試吓我呢一個絕配作為你嘅下午茶時光！

深水埗一向都係平民食坊集中地。其中一個著名就係呢度，聽說價廉物美就試試。餐廳唔大，座位迫陝，但呢個係平民食肆嘅特色。第一次唻當然要叫例牌：蟹膏蕃茄湯檬及越式紙米卷。點餐後食物好快就上桌。翻動一下碗湯檬，唔覺有蟹膏，再飲下啲湯都唔覺有蟹膏味。究竟蟹膏在哪兒？以為佢俾漏咗蟹膏，見其他人碗湯檬都係一樣，所以決定食。食食下發現貌似蜂巢/豆泡嘅配料原來就係蟹膏。 啲蟹膏混合咗粉絲同其他食材製成好似豆泡/蜂巢型嘅食物。味道不錯，而且混合了粉絲減輕了蟹膏嘅肥膩感及增添了口感。毎湯檬配料好多，又多蔬菜，比起一般茶餐廳健康。($45)紙米卷好足料，味道較清新。跟餐嘅醬汁係沙爹汁，上面灑了好多花生，炸蒜片同在沙爺醬中好少見嘅蘿蔔絲。但本人覺得啲沙爹汁同紙米卷唔太夾。（$32)總括來講，呢度都算抵食，兩個人食$100有找，而且食得飽，但食物質素唔特別高。個人認為無需特別來朝聖，但因為平，所以試一試無妨 。

去完越南之後一直都好掛住越南嘅美食 朋友推介呢間話係正宗越南野就試試啦 跟住google map都唔難搵 去到已經無晒位 唯有叫外賣啦 想叫牛油果沙冰同蟹膏湯河 但兩樣嘢都賣晒 咁唯有轉米紙蝦卷$28 同埋越式麵包$38啦 米紙卷用葉包住 一路食一路撕 唔怕散晒一枱都係 個dipping sauce好好好好味!!! 個越色麵包仲驚喜 個包脆得黎一啲都唔會乾 入面有啲pickle carrot令到成個包好食左好多!! 下次一定會早啲去叫返今次叫唔到既野食!!

星期六尊誠早啲黎，等左1張枱就有得入喇，果然係早起鳥兒有得吃一場黎到當然要試大家盛讚嘅“牛油果沙冰"，另外仲叫左越式滴漏咖啡，米紙蝦卷，越式麵包同埋假日先提供嘅牛腩燉蔬菜牛油果沙冰充滿濃濃嘅牛油果味 ，飲落好滑似奶昔嘅口感。。 越式滴漏咖啡 帶點甘苦 練奶一早就加在杯中 攪拌後便可中和苦澀味，不過我就覺得太甜了，還是比較喜歡齋啡的甘苦~牛腩很嫩口，法包沾上濃淡適中嘅湯汁米紙蝦卷，薄薄的粉皮配上熟蝦、豬腩肉、香葉、青瓜、米粉，味道似沙嗲嘅醬汁加上炸蒜頭及醃蘿蔔 好野味好受歡迎嘅越式麵包果然都唔錯呀…法包配上醃蘿蔔 肉鬆 扎肉 份量十足