第一郡 (已搬遷) 新店位置

在深水埗最多就是平民好食小店，今次也不例外，有機會去一嚐越南麵食同法包～ 小店沒有太多座位，不過上菜速很快，客人人來人往，不少得很多買外賣的客人！這碗蟹膏番茄湯檬，包括了蟹膏餅、番茄、扎肉、豬紅、豆卜及生菜。番茄湯底不會很濃郁，反而一些香料及香菜令這碗粉生色不少。而且份量都幾多，性價比高。雞絲撈檬，包括了嫩滑雞肉，這個不得不讚！還有一些花生碎及香菜令碗麵不會太平平無奇，另外酸蘿蔔絲亦可以增加食慾！越式法包，有腩肉、扎肉、肝醬、青瓜等等，法包烤得外脆內軟是非常成功因素之一！不然硬既法包很難入口，就算再多配料也沒有用，所以這個他們都做到了，不論法包還是材料，都配備得很好！

因為我本身好鐘意蕃茄同蟹，之前O係FB見到呢間有齊兩樣野，就特登約個朋友一齊去試<蟹膏蕃茄湯檬>。 約左朋友下午2點左右O係深水埗地鐵站等，行到過去，遠處已經見到門口有幾個人排緊隊，我地排左一陣之後，後面都不斷有人排，好彩當時天氣唔係太熱，等左20分鐘左右終於可以入去。 入到去，見到MENU已經寫晒O係牆上面，二話不說就叫左兩個<蟹膏蕃茄湯檬>，再加個<米紙蝦卷>SHARE。 等左10分鐘左右，我地兩個<蟹膏蕃茄湯檬>黎喇，色香味俱全。影完相之後，即係飲啖湯先。😋 個湯好湯蕃茄味，係鮮蕃茄味!!!! (我本人好唔鐘意茄膏味) 就咁個湯已經好吸引喇!! 食O左幾啖，我個FRD 就問我正方形O個舊係咩黎，點解我O個碗無，😣，之後舉手叫姐姐黎問一問啦，原來佢就係精髓!! "蟹膏蒸蛋!" 姐姐之後就嗌入廚房，補番一個俾我😅 好彩問一問咋! 如果唔係我應該傻更更咁食完就算。XDDDD 食完呢碗湯檬之後，我地就開始食個<米紙蝦卷>喇! 個米紙蝦卷同出面食開O既有D唔同，外面包住O既葉好清香，個醬我覺得好濃無再

越式店最近在香港愈開愈多，畢竟價值不會太貴，且有熱湯又有冷撈，所以挺適合不同的人選擇。我個人是較偏好撈粉，因為酸酸甜甜又帶點輕辣的醬汁跟爽口的粉配搭一起很開胃，而且多半會加了花心碎與蔥，還有醃的紅白蘿葡口感會更香口。這店的燒牛肉也是很入味，又不會太老，所以很香濃蔥味。另外越式甜品也蠻有趣跟中式的不同。這個是班蘭糕，咬感有點黏黏的，班蘭的味道不會甜但很消香，所以整個糕不會感覺太甜膩，消消香口做午飯後的甜品挺不錯。

上一次幫櫬已經是大半年前, 今日專登避開食飯時間兩點先去, 有位但仍要搭枱... 小店轉了印刷精美的餐牌, 真係樣樣都想試。點了小店主打蟹膏蕃茄湯檬, 份量十足, 有蟹膏餅, 豬紅, 似係九層搭嘅香草, 扎肉蕃茄同生菜。平時打邊爐我唔會掂d豬紅, 但依度好香滑口感爽口, 改變我一直以為豬紅咬落係粉粉地嘅觀感(定係豬紅本身都係咁爽滑🙈) 。湯頭濃郁, 食完好有滿足感!另外叫了小店名物牛油果沙冰.. 本身好怕沙冰, 店員告知無沙冰才敢一試。果然全杯都係濃滑嘅牛油果 , 真材實料$28真係抵飲, 平時買一個🥑動輒都過10元吧。此店定價不高, 物超所值, 下次會想試埋法包!

繼上一次食完最著名的蟹膏蕃茄湯檬加牛油果沙冰，飽到一個點後，今次決定轉食烤豬肉撈檬加凍咸檸水。這裡的撈檬係一早已把汁料加入撈檬內，唔洗你四圍揾支汁，撈檬內亦已加入酸蘿蔔，食落更開胃，適合係門口排完一輪㷫恰恰才入店進食的我，烤豬肉非常入味，和撈檬好夾，令人一口接一口，惟一有點不足係汁放得略多，食到底會有點覺得略酸。今次雖然都好想飲牛油果沙冰，但怕太飽 ，所以轉飲咸檸水，一樣好味~不過是日已full,唯有下次才試米紙卷和班蘭綠豆糕啦～

湯麵當中越南湯河可謂上等，湯底清徹，濃郁香醇，清甜可口，可惜烤豬肉湯河做吾到呢個精髓，仲有同圖片差好遠，圖上系一片片，呈上既好碎，而且好油好甜。蟹膏蕃茄湯檸，清得太寡，微微酸味，蟹膏大件，蕃茄軟淋。

係朋友口中得知呢間野，連續去左三次，次次都因為排長龍放棄，今次終於食到！米紙蝦卷 $32成條米紙卷都係勁足料，有蝦，有米粉，有清新既香葉味，附上既汁醬其實係似沙爹醬多過平時既甜酸汁
食完都唔覺得濟，粉皮有咬口越式法包 $40有蘿蔔，加上酸甜汁，非常開胃
有肉鬆，令到個包更加惹味
個包外脆內軟，口感同入面材料好match蟹膏蕃茄湯檬 $45個湯真係有蟹味！好清甜
中間有舊類似臭豆腐既野，但係好咸 唔太識欣賞班蘭糕 $13
好有椰汁西米糕味！煙un 版，上下係班蘭糕包住，中間係綠豆糕，食完仲想叫多舊值得一提係上菜好快！有心理準備好多野其實一早整好，但係質素高就得啦 Q1第一郡 @深水埗

如果你問我深水埗有咩隱世的特別野食，我會立即叫你去吃第一郡！一間好有特色的越南餐廳每次去第一郡，門口總會排左幾個人等堂食，就連入面都好多人架（因為好多人排隊買外賣）！鋪頭唔大，但都乾淨企理，牆面寫左有咩野吃，Menu似乎都換左，設計好靚！次次我都來吃佢地招牌菜：蟹膏蕃茄湯檬，呢個基本上係必吃，因為個湯頭相當鮮味，d料又足！蟹膏餅大大塊，絕不欺場，仲有扎肉、豬紅同生菜。其他材料，蕃茄、各種香菜等令個湯更鮮甜。而個檬粉係比較似米粉，同個湯頭very夾的（仲要勁大碗）！平時一個人吃，就淨係叫湯檬，今次兩個人吃，就可以叫多d，想食佢d包好耐架啦！我見個個都食法包，我本身都想叫架，但呀叔我啱啱睇完牙，驚法包硬得濟咬唔到，結果叫了越式軟包咁軟包係咩呢？佢包皮都似法包，不過係漢堡包形，同埋真係軟d，我都咬得到。而d料真係超出我預期，自問都食左幾十年包，都算係麵包達人，但我真係估唔到呢個包的材料咁特別：就咁睇就睇得出係豬肉、扎肉、肉鬆，有d莞萋蔥同醃蘿蔔啦，但硬係覺得仲有一樣材料，睇返menu先知係原來係肝醬，我冇估錯的話應該係雞肝醬、仲要係自家製個隻！原本個包酸酸地，加幾塊厚扎肉我已經好收貨，加埋d

其實之前都試過這一家的米紙春卷，覺得很好吃。因此今日在附近上課後，便和友人一起來到吃點東西。由於我在接下來的時間還有其他事忙，所以便點了外賣，而友人們則坐下來吃。在我等待外賣時，自當然是跟友人坐在一齊了。可是沒想到店舖的職員們竟三番四次我趕我出門，說外賣的得在門口等。即使我跟友人解釋了我們是一起的，她們還是要我走到門口等，說我阻著做生意，要把空位留給其他堂食客人。過份的是，明明門外跟本沒有客人要進來，而店內亦有其他空位。這樣趕客人出門口，實在是毫無道理，也極之可恥！因此，即使食品質素如何，我也不會再作光顧！附上越式軟包照片一張

自從食過一次就愛上了！其實次次黎到都係食個幾樣野，包括有蟹膏番茄湯檬粉，越式法包同埋牛油果沙冰但係每一樣都係超高水準！番茄蟹膏湯檬超足料而越式法包個餡亦都好豐富，而且個包好脆煮牛油果沙冰好特別，好飲！

香港有得食正宗越南法包既地方少之有少試過佐敦兩間都覺得價錢太貴份量亦太小味道亦麻麻地本身成日去越南既我可以話係越南菜既忠粉今次黎第一群都係為左法包而黎材料有豬肉、肉鬆、鵝肝醬、蔥、芫茜、紅蘿蔔絲、青瓜、洋蔥好足料只係食落乾身左少少如果個法包軟身dJuicy d咁就perfect la米紙蝦卷就真係好高分大大卷尤其個醬汁特別加分有畫龍點睛嘅效果呢杯牛油果沙冰話係我飲過全世界最滑最好味既牛油果沙冰絕對當之無愧中意食酸既人一定會好中意食呢碗撈檬蟹膏好香但檬粉太碎影響口感值得一提既係上菜速度超快一落單唔使半分鐘就即刻有得食

深水埗好多小店，呢間開左幾年既越南店經常都好多人，而且係越南師傳坐陣炮製美食，除左要排長龍之外，入面既位真係幾擠迫。除左一張小餐牌之外，牆上面都寫左個大餐牌，有一啲限定既上面都有寫低大家可以留意下，坐既環境都係幾迫，有時大份少少都差唔多背貼背。九成都會叫呢個招牌菜，《蟹膏蕃茄湯檬》($45)，份量唔少有蕃茄豬紅札肉等等，最吸引緊係果一大塊蟹膏，湯底個蟹味好濃，檬粉都已經好入味。星期六日先供應既菜式，《牛腩燉蔬菜》($48)，配個法包夠哂香脆，牛腩未夠淋，仲會食到有骨，反而個湯汁拎黎點麵包更出色。用上斑蘭葉鮮製，仲要分三次蒸，功序繁復數量有限，《斑蘭綠豆糕》($13)真係要早啲去，口感軟糯煙韌，中間配上綠豆蓉添左層香滑口感。另一款名物，《牛油果沙冰》($28)一黎到真係青BB好足料，真係成杯都係沙冰，連攪到攪唔郁，飲落真係落足牛油果。黎到越南餐廳真係點可以唔叫《越式滴漏咖啡》($28)，慢慢一滴滴落去，咖啡夠哂濃香，配上底層既重點鍊奶就更甜滑。店名：第一郡地址：深水埗荔枝角道315號地舖餐牌:

今晚揾左間越南菜 ，專登去食蟹膏番茄湯濛同埋越南麵包。一上菜 湯濛好香 九層塔 香葉 嘅味好多食材 好足料最意外係個包 外皮唔會太硬 酸酸甜甜嘅餡好味上菜速度快 店員親切唯獨 店內坐位不足 需要等一等先入坐

深水埗這間越南菜餐廳，一直都在我心水之列，但礙於地點不方便，久久未曾到訪！對越南菜的認識，不外乎是生牛肉湯河、米紙卷等...自問認識不多，只是一名門外漢。是日到來，已看到門口有大約3-4個人在等候，幸好店子小，食客流量較快，不消一會，便可安然入座。店內裝潢簡單，只有十多個坐位，但卻人頭湧湧，座無虛席！蟹膏番茄湯檬這可算是店家的招牌菜，那必點吧！蟹膏是將蟹肉加蛋煎成餅狀，口感有點像蜂巢豆腐，感覺新鮮，再加上扎肉、豆卜、豬紅、生菜同半個大蕃茄，份量頗多。呷一口湯，沒有想像中那麼味濃，湯底較清，茄味唔濃，帶點酸甜惹味。牛油果沙冰這淡綠色看起來很健康，沙冰打得超級滑身，沒有什麼碎冰，幼滑得有點像奶昔，口感豐盈，而且牛油果味很香，不錯！這店食物很有驚喜，出乎意料之外，而且非常足料，絶不比其他越南餐廳遜色，不妨試試！

第一群既蟹膏蕃茄湯檬一向出名好食，趁住星期六專登又過黎食。喺門口排隊排左十分鐘左右終於有得食。今日叫左一個蟹膏蕃茄湯河，一個豬肉撈檬，再加一份星期六日限定既牛肉燉蔬菜。蟹膏蕃茄湯河水準同平時一樣，酸酸地好開胃，蟹膏味濃，只可惜河粉份量少左啲，不過所有配料都好足料，好抵食！豬肉撈檬勁勁勁多肉，呢度既撈檬佢已經幫你落埋汁，撈檬帶有薄荷香味，好清新。最後呢個就係只有星期六同星期日先有得食既牛肉燉蔬菜配麵包。店員開頭用紙巾鋪住麵包，我仲諗緊佢點解要擺啲紙巾喺個包上面，但原來個包仲熱架，店員應該係唔想個包吹凍哂所以咁做，好細心！（因為我地仲食緊麵）個包仲熱辣辣，表層脆，內層軟，就咁食都好好味！點埋個汁食又係另一個感覺！不過牛肉燉蔬菜我就嫌佢味道偏淡，如果個汁再濃啲就更好味喇！