第一郡 (已搬遷) 新店位置

一間完全不起眼的小店，座位不多，但食物質素真係無得頂，食物新鮮，可口，完完全全是地道的美食。而且價錢公道，最吸引我的是佢的招牌飲品-牛油果沙冰，每次我都會order,濃濃的牛油果香味令你不覺意甘在飲

侍應態度非常惡劣，本著一副「唔休做」的態度，十問九不應，食品也不是特別好味，就是恃著店面小門口有幾個人排隊就如此態度，食個飯一肚氣，有多好食也不會再幫襯！差評！

之前食過佢既越式法包都幾好食既，不過就小左傳統既鵝肝醬。今次就去左試佢既粉，我地就叫左個扎肉豬肉丸河，雞絲撈檬，飲品就叫左凍滴啡同牛油果沙冰。先黎既係雞絲扎肉撈檬，都幾多雞絲下，雞絲鮮味都夠，碗低下有好多青瓜絲，加埋芽菜一齊食夠爽口，不錯再黎就係扎肉豬肉丸湯河，扎肉夠厚身，入面有d粒粒爽脆咬口，豬肉丸好食彈牙有肉汁，good！再飲啖湯，不得了！超濃d香葉果d味，我就知道我一定食唔晒，因為濃到有d怪怪地，我比男朋友試都覺得怪🤣，點搞，我一路抱住個心態就係『可能正宗係咁呢』打算食晒去，不過真係食唔晒因為真係好怪，哈哈！我決定有機會越南試下，睇下係咪咁味，唔好怪錯人！😁牛油果沙冰！！推介丫！好好飲！唔太甜唔係超級凍，有小許牛油果香，正！飲完會心情好！食越南野一定要試佢凍滴啡啦，男朋友一飲就笑晒佢話終於搵到佢當年係美國d越南人整果D滴啡既味道，我飲左小小都覺得係好飲既！臨走試埋芒果沙冰，都好飲，不過牛油果就出色好多

今日又介紹下深水埗除左掃街既另一選擇，為處荔枝角道的地道越南小店，第一郡❗️P.S: 部份食物有限量，同埋晏就大部時間都要排隊，建議晏就1點前去會比較好!🔹斑蘭糕 ($13)一睇賣相同聞落就知，用左好多斑蘭黎整😍咬落去非常煙韌，斑蘭非常特出，中間仲有層綠豆蓉，正!!! (呢個係每日限量架，太夜黎到就無架啦)🔸蟹膏番茄湯檬 ($45)第一郡招牌菜，基本上黎既人都會叫。材料有蕃茄，豬紅，札肉，香菜，蟹膏豆腐，生菜，非常豐富🤤唔好以為蟹膏就會heavy，佢將蟹膏豆腐同肉碎混合，蟹味香濃又唔會太膩，值得一試😌加上番茄湯既酸甜味，成個菜非常清新，唔錯😀😀🔸米紙蝦卷 ($28)透明既米紙包住足料既蝦，粉絲同各種蔬菜，配埋佢個醬料，非常醒胃 (呢個唔係成日有貨，睇大家好唔好彩啦😎😎)🔹越式法包 ($33)招牌菜之一，可以話係香港食過最正宗既越式法包 ，腩肉，扎肉，豬肝醬，酸菜，青瓜多到就爆出黎咁，好足料🤤青瓜非常爽口，豬肝醬同肉好夾，加埋酸菜酸酸甜甜既味道，大大淡口落去非常好味😋😋🔹牛油果沙冰 ($28)雖然店既招牌菜係法包同湯檬 ，但呢個牛油果沙冰係一定要叫🤩 🤩 成個沙冰都好creamy，真材實料

路經荔枝角道，平日，4pm，這間越南店都爆滿。不過流量好快，人人一食完即走，好快有位。叫了蟹蕃茄檬，多餸，味道有住家味。食完冇口渴。速食, $45, 算抵。可惜個蕃茄不夠溶，冇入湯底，似另外加入般。呢個辣絲最驚喜，青綠翠色，食落好清新，夠辣，必加。在進食短短15分鐘，已經4-5人入內叫外賣，米紙卷，各豆糕點，都是熱門。有不人點越南咖啡，不過聽到他們說份量少。越式法包相信也不錯，不過我見隔離枱個阿婆咬得頗辛苦，最後打包一件走。

一直都有聽聞過呢間位於深水埗既越南餐廳但一直都未有時間亦未有吃貨同伴一齊試，終於約好左要嘗試呢間傳說中既餐廳🤤餐廳同地鐵站距離幾遠，沿住A2出口一直行，經過街市同幾條馬路終於到達，就算星期六既下午3點左右，門口依舊排住一條人龍，有句說話叫「民以食為天」，睇黎係越充滿人情味既舊區先會搵到值得期待既好味道。不過好搞笑既係我同今次食伴們既飯局通常都有個得意既現象，就係越期待既餐廳到最後越會失望，不瞞你地說，今次呢間餐廳有超過半數既人都好期待🙈，等左20分鐘左右，終於可以一探其蘆山真面目。餐廳大概有20-30個位置，有一個開放式廚房，牆壁上寫住提供既食物，部分特色既食物更有提供圖片，店員遞上menu俾我地後，都心大心細左一陣，因為好多都睇落好好食咁，最後我地決定叫一個蟹膏蕃茄湯檬、越式法包、烤豬肉撈檬、米紙蝦卷、蔬菜燉牛腩（只限星期六、日供應）、牛油果沙冰同芒果沙冰。首先黎到既牛油果沙冰同芒果沙冰係鮮打既，芒果沙冰有好濃香既芒果同奶味，好有驚喜，而牛油果沙冰👦🏻就覺得比較遜色，但都不乏捧場客，食飯期間都見到不少人特登入黎外賣幾杯牛油果沙冰。米紙蝦卷，用上特色既香葉包覆米紙卷，用意係為左米紙唔會

每次一個人諗唔到食乜，就會去深水埗食呢個蕃茄蟹膏湯檬, 因為他們有好多蟹膏, 另外有 蕃茄扎肉,材料都好豐富, 唯一不足就是湯檬分量太少, 如果一名男士食就不夠飽肚， 而且食完就要走， 如果同朋友一齊食，就冇時間傾計。 但係我會成日都掛住佢，因為蕃茄湯真係好開胃。

遊閒的一餐lunch蟹膏蕃茄湯檬-必試，大大舊蟹膏豆腐堅好食，好香蟹膏味牛油果沙冰-飲落好飽滿足料越式法包-就好似平時食嘅越南春卷入面嘅餡由法國麵包包到實一實，大啖一口好爽呀越式滴滴咖啡，咖啡味特濃，唯一貫越式風味，有點甜試食包膠完畢😁#愛吃貨的少年 #foodiehk #foodiewade #hkig #foodiseverything #隱世美食 #識食深水埗 #foodie #shamshuipo #hkfood

如果我話其實我係因為杯牛油果沙冰而嚟係咪好過份呢🤭😅。明明啲人叫我嚟係因為佢嘅檬粉法包😜嘛。但因為好少飲到又香又滑且足料嘅牛油果沙冰， 所以都唔怪得我架。雖然已經立冬，但天氣依然悶熱，所以我就點了個烤豬肉凍檬，檬粉夠涼快，烤豬肉好入味，個越式酸汁雖然冇得自己加， 但店家都已放了足夠份量，所以好濕潤濕潤😍，夏天吃凍檬真係好👍。另外朋友就點左招牌嘅蟹膏蕃茄湯檬啦， 塊蟹膏餅索左湯汁好好味呀，其他配料都好足， 扎肉好味👍，仲有一大個蕃茄添！上次嚟個斑蘭綠豆糕沽清，所以今次一坐底就order定，綠豆糕好煙韌，好好味😋😋😋！呢度店面很少，所以嚟幫襯就要有心理準備，純為美食而來， 吃完就走呢！

今晚老公有約，又係一個人的晚餐。放工要去街市買少少野，又突然好想食班蘭甜品，諗起深水埗地鐵站附近有北河街街市，又有間好味嘅越南野，之後慢慢行返屋企當散步又得，一舉三得。今次已經係第三次幫襯第一郡，記得第一次嚟係兩年前，當時服務態度好差，衞生亦都麻麻，雖然食物唔錯，但都令人卻步。第二次就係半年前，大約係佢開左港島分店後，咦，好左好多喎，侍應都換哂。今晚六點半嚟到，職員安排我一個人坐喺近門口嘅2-4人檯，坐低後我即刻order左番茄蟹膏湯檬同班蘭綠豆糕。甜品預先整好所以先上，湯檬隨即都到埋，有效率，岩哂肚餓嘅人。湯檬配料豐富，一眼望落去有番茄、蟹糕一舊、厚切扎肉兩塊、豬紅、生菜等，飲一啖湯，冇味精感，好清甜，檬粉唔算多，所以我可以連湯都飲埋！班蘭糕有好重天然班蘭香味，好夠煙韌，配埋綠豆層一齊，人間美味啊😋七點開始有好多人等位，所以我食完即刻走人，臨走想買多件班蘭糕點知已經賣哂，想食要提早order呀

呢間店嘅網上風評唔錯，經過就去試一試， 試咗個牛油果沙冰，越南法包，仲有碗蟹膏蕃茄湯檬， 野食就覺得一般般，只有蟹膏又真係好好食嘅，但絕對好對得住個價錢，最好飲係牛油果沙冰，中意牛油果既必定要試

與家人港島遊完畢後，我們還是喜歡到深水埗尋吃的，深水埗美食多元化，價錢相宜，有很多小店我們亦未曾嚐過。就如這晚吃的第一郡，我去了好幾遍不是休息，就是店主外出旅行十多天，或是關店，今次來到有營業，我當然堅持要吃。我們三個都各自品嚐不同風格的主食，媽媽吃蔬菜燉牛腩，弟婦吃烤豬肉撈檬，我則嚐蕃茄蟹膏湯檬，三種菜式看來美味可口，令我們口水直流。媽媽頗喜歡蔬菜燉牛腩，她說蔬菜湯汁香甜中帶微酸，濃郁極致，沾點外脆內鬆化的法包，好不味美。薯仔，紅蘿蔔經已燉得綿密，牛腩肉質軟腍，挺有肉香。弟婦原以為烤豬肉撈檬乾巴巴的，因為一般吃撈檬時都會附上一大瓶魚露醋汁，這裡竟然沒有。她再翻一翻檬粉，原來餐廳都調好，檬粉內滿是魚露醋汁，酸香開胃。檬粉是白色的那種，較平日所吃的更具米香和咬勁，烤豬肉脆彈萬分，香味撲鼻。我朝思暮想的蕃茄蟹膏湯檬終可一吃，蕃茄蟹膏湯頭鮮甜得沒話說，蟹膏精華發揮淋漓盡致。扎肉彈力十足，豆卜毫不浪費吸飽熱湯，入味非常。豬紅我就沒吃，本身我不吃豬紅的，故全給弟婦吃。最驚喜非蟹膏餅莫屬，個人首次吃這，蟹膏餅濃重鹹香，同時吃到絲絲蟹肉，口感，味道層次多變，回味無窮。

成日睇Facebook都見到唔少雜誌會寫深水埗必食推介，但好似來來去去都係一啲街頭小食、米之蓮必食等等無黎新意嘅介紹所以今日出開深水埗買嘢，就自己捐窿捐啦搵到呢一間越南菜下晝三四點已經過食飯時間，但門口依然有四至五人排緊隊..小店鋪面都比較細，所以見到坐得有啲迫，本身都有諗過不如食過第二間，好彩堅持炸✊我就叫咗碗番茄蟹肉湯檬要比三個正，因為一上枱已經見佢啲配料好足，望一望價錢竟然比我公司附近食開嘅連鎖越南餐廳平就嚟接近一半價錢😨😨但味道方面同埋配料嘅多寡都贏幾條街賣相同味道都贏到開巷，難怪非食飯時間都有人排隊啦。仲要唔使+1添，真係超值！所以坐逼d都無所謂啦，小店味道取勝，真心希望雜誌唔好介紹，咁就可以成為私心獨食啦，實在俾香港嘅排隊文化嚇親

我因為一杯牛油果沙冰 專程慕名而來 當然唔少得試埋招牌菜蟹膏蕃茄湯檬雖然鋪面細細 但人流不斷 亦有真正越南食客咁就肯定無揀錯地方😂天時暑熱 每一口牛油果沙冰都令我好感恩 真材實料 牛油果嘅香味衝擊味蕾 任何一位牛油果愛好者都不能錯過呢杯沙冰絕對值得試❤️小食我地就試米紙蝦卷加咗薄荷葉嘅蝦卷感覺好清新再配埋醬汁 完全喚醒我地個胃 招牌菜蟹膏蕃茄湯檬 湯底有蟹肉嘅鮮甜 湯檬彈牙 每碗都配有豬紅 扎肉 同一整塊蟹膏 非常足料 食物絕對對得住價錢 相信我 你一定會對杯牛油果沙冰念念不忘🤤

以為係深水埗都住過一排，應該出名嘅店我都試得七七八八，估唔到有漏網之魚。近排見好多foodie都去哩間食，先知原來就係舊屋附近。黎到嘅時候人龍唔算太長，奈何店鋪位置實在太少，都得左廿分鐘先入到。好彩上菜速度奇快無比，所以前後都係食左大半個鐘度？<番茄蟹粉湯檬> HKD 45好多金不換鋪係面，食材好豐富，有豆卜，番茄，扎肉，【調味好獨特嘅】豬紅，以及主角蟹膏蛋餅。湯底清澈，唔係番茄濃湯，但味道酸得黎啱啱好，令人忍唔住想飲曬佢。蟹膏蛋餅味道其實同細細個屋企整嘅鹹魚肉餅有d相似，仔細食會覺得有蟹味的，但同蟹膏/蟹膏罐頭相比就肯定差好遠，蛋味始終係主導。不過味道黎講算好好，只要唔執著係“蟹味”上面。但唔知點解，檬粉好碎，夾都夾唔起來？<牛油果沙冰> HKD 28人手一杯嘅牛油果沙冰係本店招牌。用足一個大牛油果，口感同奶昔一樣，好細膩，淡淡的甜味帶出牛油果的清新。之前好多食評話覺得唔夠凍，可能近排天氣轉涼，我飲哩杯牛油果就覺得夠凍了，如果以奶昔嘅標準黎講。💁🏻‍♀️座位好少，全部單人或二人檯💁🏻‍♀️湯底出色，酸得黎冇茄膏味💁🏻‍♀️應該冇落味精，因為