第一郡 (已搬遷) 新店位置

好好彩 去到之後即刻有條長龍😂睇得出呢間深水埗小店真係正🤤亦都可能太小店啦 店裡面空間較細 就一定坐得無咁舒服 不過好西補返😂我就食咗招牌菜「蟹膏蕃茄湯檬」（$45）首先 湯底清清哋嘅蕃茄味 飲落就知用新鮮蕃茄煲 唔會有假嘅茄膏味🍅🍅啲粉食落好爽 但個人覺得偏碎另外配料仲有蟹膏餅 原隻蕃茄 紮肉 豬紅 豆卜蟹膏餅不過不失 冇咩特別 不過都好索湯底 食落唔錯嘅紮肉有兩舊 唔會有雪藏味 其中一個舊紮肉仲有豬耳 口感幾好👍🏻另外 大推斑蘭綠豆糕❣️❣️口感煙煙韌韌 而且配上綠豆蓉 唔會話好甜同埋想食要早啲去食 好快賣哂🙌🏻🙌🏻

深水埗好多嘢食，今次去左好出名嘅越南菜，但店鋪太細，座位唔多，坐得幾迫，完全唔會有位放袋，但係食物質素真係非常之好！ 價錢普通大約$55一碗麵，今次叫咗蟹膏番茄湯檬，都算係招牌，入邊估佢唔到，除咗蟹膏係用塊狀之外，湯底10分濃郁，然後仲有豬紅、扎肉、香葉等材料，味道10分豐富，分量好多，扎肉口感彈牙又扎實，厚片上好滿足，唔會好麵粉好散口；豬紅嫩滑冇奇怪嘅味道，但就唔算非常入味。蟹膏係一個驚喜，未試過呢種形狀上嘅蟹膏，大大嚿餅狀固體好有蟹味，海鮮味道濃郁，檬粉彈牙爽口，成個面質素10分高，10分值得encore！

一向對越南食物興趣不大, 也沒有特別想要吃的癮子, 但每次經過深水埗友人總是說這家一定要試, 抱著陪太子試食的心態。第一次吃時不需要等位, 舖內空間不大, 3分1是廚房, 位置也不多, 餐牌食物選擇不多看到推介也不想多看便叫了蟹糕蕃茄湯檬, 越式法包及滴滴咖啡首先蟹糕蕃茄湯檬... 黎到是湯米 (2次都是) 湯底好好味 味道有層次唔複雜, 厚實不虛...實在難得 配上米粉感覺更突出味道配料很豐富, 特別是蟹膏餅是重點, 蟹膏味重不算膩, 尺寸比想像中大扎肉也是驚喜之一, 平常不太喜歡扎肉有雪味, 但吃了2次都沒有, 和質感很配, 其他配料不過不失, 比較失望是豬紅, 因為太小而且比蟹膏味道蓋過。友人點了越式法包看似普通平常, 但看到友人吃得津津樂道我也拿了半個吃, 最大重點是材料新鮮, 能吃出鮮感, 法包外脆內小小軟, 不乾但我還是偏愛蟹糕蕃茄湯米滴滴咖啡好香, 看著一滴一滴感覺很CHILL 算是我第一次認真地喝, 先淨喝不攪拌練奶...咖啡味充滿椰香..帶甜, 是比平常的齋啡濃厚, 攪拌練奶後..反面覺得太甜, 可能我還是比較偏向齋啡口味。這是我在香港吃過性價比很高的一家越南餐廳,

唔係講笑，佢個班斕糕真係食完再食！每一次就算食完正餐都會叫男朋友揸車兜過去買2件，不過係每次都有得買，因爲佢好快就會賣哂！所以要打過去訂除左班斕糕佢個牛油果奶昔都好好飲，鍾意牛油果嘅人真係要試！至於法包，好多人都話好好食，我自己就一般般啦！可能我食過更好嘅所以呢個唔太岩我!

今次同朋友三人行到深水埗搵食，呢間越南餐廳之前朋友都有推薦，話必食蟹膏蕃茄湯檬，一場來到當然要試下蟹膏蕃茄湯檬 $45大碗、足料！除左蟹膏外，仲有豬紅等配料。蕃茄湯唔濃味，反而清清地，感覺似用鮮蕃茄多過茄膏整出來。真實當然唔知啦但個人比較喜歡呢種鮮味，比較真實。雞絲撈檬 $45食越南野我一定會食撈檬，本身冇打算會有啲咩特別驚喜，但呢個撈檬好足料，啲雞件件都好滑，唔易做到。佢本身已經加左汁比你，一開頭心諗會唔會太多太酸，食落清清地，可以食到蘿蔔絲嘅酸味同配料嘅味道。平時食撈檬，食到最尾多數得返啲粉同酸汁，但呢碗反而料多過粉😂 真係好足料。不過啲粉都係碎碎的，唔易夾。定撈檬都係咁嫁？冇研究，反正就係好滿足！米紙蝦卷兩件 $32 呢個都係相對比較清新嘅小食，特別在於個汁，麻醬花生醬嘅味，我會用佢來撈檬粉tim😂 個卷就唔算太大驚喜，可以留肚食其他越式法包 $40呢個種點，係咁多款食物嘅第一位（我朋友都揀呢個第一！）外層係法包。佢上菜嘅時候因爲食緊檬粉冇即時食，隔左層咬落依然脆口。雖然佢係法包，但唔會硬到要好用力咬開，加上加左少少牛油，令個包更香脆。裡面有肉又有菜，好有層次感，加上肝醬，咸咸地

冇想像中咁好食😐今日終於去左依間想試好耐嘅小店，星期六兩點去到都有幾個人等位，等左大概十分鐘就有位。我同男朋友點左本身出名嘅米紙蝦卷同牛油果沙冰。米紙蝦卷包得好紮實，而且幾足料，跟上嘅花生醬汁帶出左米紙蝦卷嘅鮮味。牛油果沙冰好有牛油果味，試得出有乳酪味，對鐘意食牛油果嘅人黎講都幾值得試。另外，我地點左好受歡迎嘅蟹膏蕃茄湯檬，好鐘意食蕃茄嘅我失望了😕湯底係清甜嘅蟹膏味，可惜一啲蕃茄味都冇，唯一係配菜有半個蕃茄。其他配菜有豬紅、豆卜、生菜、越南札肉同蟹膏。燒豬肉撈檬上菜嘅時候已經落左醬汁，食到最尾啲醬汁浸到啲檬粉太咸。而燒豬肉肉質唔算嫩滑，但味道都惹味嘅。依間咁多人好評嘅小店冇想像中咁好食，但質素比多間連鎖越南菜餐廳更好嘅。

記得第一次食呢間餐廳是兩年多前，當時人氣沒那麼誇張，不用排隊記可以進餐；隨後都會定期到這裡回味當初的味道。這家店雖然細細間，食物種類亦不算多，但勝在夠好味。今次點了蟹膏蕃茄湯檬和雞絲撈檬。1️⃣蕃茄湯酸酸甜甜，很開胃，湯裡配菜亦不少，有豬紅、豆卜、蟹肉豆腐、札肉，肉碎等等。蟹味不算突出，但湯頭很鮮甜，每次都差不多把湯喝光。2️⃣豬肉撈檬雖然望落平凡，但只要把它撈勻，就能食到其美味。因為重點是這裡的撈檬不是自己加甜酸撈汁，早已落在碗底，酸汁味道調得剛剛好，不多亦不少，不酸亦不太甜，本以為會不夠醬汁，但原來吃著是剛剛好的。而且落了很多生菜絲和酸蘿蔔，味道很清新，口感亦豐富。另外必推這家的越式法包及斑蘭綠豆糕，後者是先到先得，差不多到下午就會售罄了。

斑斕椰汁糕.第一郡既招牌甜品🍮食唔食到要睇好唔好彩架！每日都有限製作😌佢既斑斕味勁香，慢慢地會食得出椰汁味🥥，重點係咬落超煙韌😍就算正餐幾飽都好，食埋呢個甜品一定會更加滿足，包大家唔會後悔！

很久沒去過越南旅行，很想念越味既味道，有朋友就介紹這家位於深水埗的越南小店 - 第一郡，所以今日三人同行去回味一下越式食品。聽說這間餐廳的牛油果沙冰同和法包都好很出色，所以吸引很多食客，排隊的人數不少呢!! 店內面積很細，坐位都很擠迫。食物既款式不算很多，但很有越式味道。我地點了牛油果沙冰($28)、越式法包($40)、蟹膏蕃茄湯檬($45)，扎肉撈檬($45)。牛油果沙冰口感很厚很creamy，很濃郁既牛油果味，十分特別~ 蟹膏蕃茄湯檬配料也豐富，有豆泡、生菜、豬紅、扎肉和蕃茄! 豬紅十分新鮮，豆泡吸了湯底很正! 雖然湯底也夠惹味，但不會感覺到有蟹膏的味道~ 扎肉撈檬的份量都很充足，有青檸的清新檸香味，刺激食慾，食了熱辣辣的湯檬再吃涼涼的撈麵別有一番風味! 雖然越式法包有點硬，但豐富的配料令法包沒那麼乾之外，也有很清新的感覺，好棒!!

食開越南嘢有舖隱😝😝😝去咗呢間出名嘅深水埗第一群小店，keep住有人龍排隊😳😳😳全間舖個個都係叫蟹膏蕃茄湯檬😂 可惜我又唔太肚餓，我個friend 唔食蕃茄，要下次先可以試喇😯😯😯米紙蝦卷 $32 -- 皮算薄，味道ok，但$32得細細條有d貴 (不過又係全餐廳嘅人都都會嗌黎食🤔🤔🤔 我覺得好普通)班蘭綠豆糕 -- 好香斑蘭味又唔算好甜👍👍👍朋友嗌左雞絲湯河 $50 但走左蔥，所以個樣有d醜😂😂😂見啲人飲越南滴漏咖啡同牛油果沙冰好似好正!! 下次要試😆

去到夜晚九點幾，發現深水埗已經冇咩好食，見到呢間越南野仲開緊，見到評價都唔錯，就入去試下啦！入面座位唔算多，而且冇乜裝修，都係摺檯同埋木凳。咁夜已經冇乜人食，同埋好似就嚟收舖，所以唔使等位就食得。叫咗兩個麵兩杯嘢飲。🥥椰青味道ok，夠甜🥑牛油果沙冰甜左少少，感覺好似落咗d cream，有少少heavy。🐔雞絲湯河（$50）個湯幾好味，幾足料，應有嘅香料都有，食落都幾香。可惜啲雞絲比較霉，唔知係唔係因為就嚟收舖。🐷香茅豬肉湯檬（$50）個湯同雞絲嗰個一樣，豬肉都比得幾多，香茅味亦都好重，不過太多油啦，最後都食唔晒。呢間餐廳價錢相宜，但質素就普普通通啦，食越南野嘅話仲有好多其他選擇，應該唔會再返去食啦！🙈

.一間我好欣賞嘅小店性價比超高👍🏻👍🏻👍🏻細細間嘢食種類唔多但係每一樣都幾好食已經回頭無數次.蟹膏番茄湯檬($45)平時好少食番茄湯因為好怕酸但係呢度嘅番茄湯好甜味道唔算太濃但係真材實料入面仲有好多配料有番茄 蟹膏豆腐 扎肉 豬紅 豆卜 香菜 肉碎等等.特別推介牛油果沙冰($28)唔鍾意食牛油果嘅我都好鍾意飲好滑身好綿 雖然話係沙冰但係感覺似係飲緊奶昔加雪糕😆.米紙蝦卷($32)足料米紙卷不過賣晒就冇唔係次次去都食到😣

次次經過第一群都排哂隊就知道又是深水埗一間不可不試的特式小店今次早左難得有位點可以唔試呀 !入面位置有限不過都算幾舒服餐廳選擇多多 , 相片款款都好吸引 !! 點了好多人推介的蟹膏蕃茄湯檬估唔到只係 $45 但非常足料材料都鋪滿碗咁劑 !有幾片扎肉, 大大舊蟹膏, 豬紅蕃茄香菜 ..味道 ⭐️⭐️⭐️⭐️⭐️至於越包 非常脆口咬落shopshop聲 😛好貼心地切開兩份同包好方便進食入面有香草，圠肉，肉鬆，酸菜等非常惹味都係5星 ⭐️難怪長期多人排隊啦

第一群-平凡中的不平凡成日聽朋友講深水埗有間食越南野「平、靚、正」，今日終於有機會去開餐，未到食晚飯既時間已經有人龍，好彩等咗唔係好耐就有位。🐻蟹膏蕃茄湯檬$45碗湯檬份量十足，有豬紅、蕃茄、豆卜、扎肉，仲有蟹膏餅，湯底味濃，飲得出係用新鮮蕃茄煲，加埋蟹膏味道更加鮮甜。最後我係連湯底一滴不漏KO。🐻烤豬肉撈檬$45用上大量自家醃製既紅、白蘿蔔，烤肉醃得入味又juicy，再加上花生碎同九層塔，撈埋一齊食酸酸地勁開胃。🐻牛油果沙冰$28對於討厭食牛油果既我，竟然會愛上佢，一入口好順滑好細膩，口感好似奶昔，淡淡牛油果甜味，成件事好fresh，但飲完一半已經有d飽肚。

我好鍾意食越南野，所以會周圍搵下邊度有好嘅越南餐廳食,喺網上搜尋到呢間第一郡，所以即刻去試吓。第一次食係3個人去食，我地點左勁多嘢食：越式法包$40、蟹膏番茄湯檬$45、蔬菜燉牛腩$48、斑蘭豆糕兩個（每個$13 ）、糕點四個每個$24 、牛油果沙冰一杯$28，總共$211,每個人$70。我哋外帶左其中一個班蘭綠豆糕和一半法包，因為我地兩個男仔一個女仔三個人都係食得超飽！飽到想嘔！😂你間鋪頭好細，入面只有十幾個位，食物品質真係唔錯，而且份量好多，價錢係好符合返嗰個質素，CP值係好高，係我係香港食過咁多間越南餐廳，我覺得係非常之值得推薦這一間，呢一間算係我食過最好食嘅一間。我個人特別推介蟹膏番茄湯檬、越式法包、班蘭綠豆糕。蟹膏蕃茄湯檬：熱辣辣，勁足料，材料又新鮮，湯底又甜，一d腥味都無，我之前去荃灣試過一間的蟹膏番茄湯檬係有腥味又凍。越式法包：都係必試，好多料！法包外脆內軟！勁好味！班蘭綠豆糕：好特別，外面無見過，唔會太甜，好香！我之後又去多次，試埋個米紙蝦捲，兩條$32，個人覺得麻麻地，好齋，米線好多！