竺扶大班燒味

營業中

休息中

今天外賣半斤义燒，只要求淋d及走汁，回家打開，簡直令人驚嚇到無言，全部义燒接近系肥肉，痴線，要求淋d只因為比老人家食，吾系肥义，系廚房睇錯定系以為全肥义系等於淋，全部义燒剪去肥肉后，可以食得可能只有一半！太差勁！

朋友帶我食這間燒味，她推介叉燒和例湯，我平時唔敢多食燒味，都係怕唔衞生和高納，不過唔係經常食都唔驚得咁多，正所謂美食當前，唔理得咁多！我選了叉燒和燒腩仔湯米配例湯，下午茶價錢$50，叉燒唔肥夠諗，唔咸，燒腩仔香脆，肥度恰到好處，係好食嘅，湯米正常但唔夠熱，例湯足料，唔覺有味精，整體好食，價錢也可以。

Went here during tea time after my medical appointment. .I ordered Crispy Roasted Pork Belly with Rice. The skin of the pork was crispy. The fatness and the meat were well-proportioned, and I felt the meat kinda melt in my mouth once I ate it. Just that the rice was a bit dry. .Originally the price should be HKD52, yet it was cheaper during tea time, costed HKD44. Quite pricey but it tasted good! .The resto had some interesting drawings, creating a lively atmosphere.

今日行過依家得意嘅食肆，門外總有長龍，心諗必有其事，試吓都無妨啦！坐低後，點咗份據講勁受歡迎嘅燒鵝飯，加埋中意嘅叉燒。食落燒鵝真係嘩～脆皮啲啲响，叫我即時感受到個「卡滋」聲，燒鵝皮底下嘅肉又軟又滑，點啲橙汁仲帶出咗一陣清新嘅香氣，真係幾解饞！至於叉燒呢，佢嗰閃閃發亮嘅表面，簡直係藝術品嚟！咬落去肥但不膩，瘦肉又唔會太柴，呀！仲有嗰鹹香，混合咗甜味，日日食都唔厭！😍試吓佢哋嘅例湯，今次係清新嘅西洋菜湯，飲落去感覺好暖笠笠，舒服得嚟又唔會太鹹，真係好補！今晚嘅選擇絕對正！食完離開嘅時候，餐盤一滴都唔剩，攞餐巾紙抺下嘴角，心底暗笑：今日食得好滿足喎！🙌🍽️#燒味迷的首選#食得就是福#地道港味

星期六諗住行去大埔中心食下嘢，見啲人話宜一間燒味店好似幾好食，咁我就買左一碗外賣燒鵝瀨嚟試下，點知番到屋企一打開全部都係背脊骨，一啲肉都冇，想點先？你要比啲肉人哋食先食到好唔好味呀⋯⋯所以宜一間唔會再有下一次

今次嚟到呢間小店，第一眼就見到排隊嘅人龍好似一條長龍咁，搞到我都咁心急想知呢度嘅燒味到底有幾正！入到去，店員勁親民，仲介紹幾款必食嘅招牌。我就隨便點咗個燒鵝飯，諗住食吓基本款先。添👀！個燒鵝飯一上，我先係被個鵝皮吸引住，色澤金黃閃閃，一啖落去，脆口得嚟又唔會太肥膩！𧐢𠵇啲鵝肉軟嫩得嚟，啲汁味足，滲透晒入肉入面。放喺白飯上面嘅鵝汁更加係錦上添花，家下家下飯一啖，迫使你一口接一口！至於個湯，今日佢俾嘅係冬瓜排骨湯，輕輕嘅甜味完美中和咗燒鵝嘅油膩，實行暖笠笠嘅感覺！食完發覺啲湯料煲到瓜都化咗咁腍，肯定係用心煲到底。總之，呢度嘅燒味飯令我食指大動，彈指間個碟已經掃得七七八八，份量足夠，味道夠正，絕對係食到為止。唔洗太多花巧，平凡嘅配搭已經做到令人滿足到唔行，真係得喎👍！下次我一定要再試吓佢哋嘅其他招牌，開心到轉轉🔄！

老竇不嬲都好鍾意食燒鵝，今日返去，決定去一路都好想試嘅竺扶買個下莊試試返到老家打開，睇個樣係好對板嘅，聞落都幾香試一試，皮唔算脆，但唔會韌肉都嫩口有肉香，但係阿媽就提出咗個問題「咦點解好似咁淡味嘅？」冇錯，個問題就係⋯醃得好似唔係好夠味，我諗可能係想食到燒鵝本身嘅肉香掛⋯

唔係講笑😍呢間啲燒味都真係幾出色每日都唔同例湯，仲要幾好飲～·～·～·～·～·～·～·～·～·～·～💁🏽‍♀️黯然燒魂飯 $60半肥瘦嘅叉燒好腍袐制嘅燒肉汁係叉燒嘅精粹撈飯成碗都食得曬🤪真係好鐘意汁撈飯😂好似個個post講飯都係有汁撈咁款

上一次睇演唱會前嚟食，未有燒鵝，今次終於食到🧡 甘香燒鵝脾同埋翼脾，燒鵝肉唔會柴，好鬆化。開頭以為街坊鋪嘅燒鵝火候會差啲，但真係好好味，value for money 燶邊叉燒真係世一（港島區我會pick 新桂香同呢間，所以遇到新鮮出爐真係好好彩）燒腩仔唔會死鹹，自製芥末醬更似honey mustard，有心思，加分不得不提後加嘅咸蛋，油香十足，好驚喜連碗例湯都好足料，雞腳眉豆湯，好正港島都食到呢個高質燒味店，開心🧡

呢間燒味飯十分出色，叉燒肥瘦適中，肉質嫩滑，唔會鞋烚烚，叉燒帶點蜜糖叉燒醬香味之餘，又唔會太咸。有兩隻煎蛋，拮穿左d蛋黃汁同啲叉燒汁撈飯，簡直太完美。盒飯比平時size 大，加上有兩隻蛋，所以都好飽肚。雖然呢間叉燒飯比其他的比較略貴，但仍然都十分多生意，因為佢啲叉燒實在冇得彈。

2023年11月19日夜晚買咗半斤半肥瘦叉燒外賣，全部太瘦，瘦到鞋．．一件半肥瘦都冇，係一件都冇仲要餐牌寫收$80 , 收$85 沒下次。之前，係竺扶食個半隻燒鵝就好食啲，但係，都係冇天龍咁好食燒鵝排名 天龍，竺扶，再興竺扶啲叉燒完全垃圾級別，比大家樂還差，諗住買俾小朋友食，連小朋友都唔食之前食過幾次，堂食係好啲，燒味都係堂食好啲⋯⋯下次叉燒，唯有食番再興…燒鵝試甘牌燒鵝先慘痛嘅一餐，希望之後冇人中招定唔想做街客生意．．

其實我唔知呢間舖頭幾時開張，今日專登嚟搵先知道原來好多人排隊，由於我係一個人，雖然好快就安排入座。我鍾意食燒鵝，所以點左個燒鵝瀨粉，不過佢話瀨粉賣晒，跟住我要米線佢，又話米線都賣晒，最後都係燒鵝飯啦。啲燒鵝呢有肥有瘦嘅，燒出嚟個皮好脆，皮嘅底下呢係有脂肪，咁你最好就係搣咗啲肥膏先食。佢哋加$6就有個例湯每一日都唔同，今日係西洋菜湯。I like the goose here, the skin is very crispy

燒味非常出色，油雞非常入味，叉燒半肥瘦，口感非常豐富，同埋佢叉燒係會有少少燶，非常香口，抵佢Lunch 時間已經排哂隊。美味指數：😋😋😋😋😋環境指數：⭐️⭐️⭐️回頭指數：👍👍👍👍👍地址：竺扶大班燒味 (灣仔)灣仔三角街2-3號華欣閣地下3號舖

港島有不少燒味店也出名，竺扶是其中一間，平日午飯時段經過，都有人龍，今天放假，一於在下午茶時段，人流不多，一試其是否真材實料下午茶：叉燒油雞飯＄44 (不包飲品)叉燒4 件， 雞4件油雞色澤油潤，叉燒又的確有做到要求，燶邊瘦叉，再配一條綠油油的油菜，賣相很不錯。首先一開首就要試其皇牌：叉燒雖然要求要較瘦的叉燒，但叉燒肉質仍然保持嫩彈，肥瘦相間，即使偏好瘦叉的我，也一點都不覺肥膩。即使燶邊瘦叉，肉質也不會太乾太柴 燶邊很夠香脆，而叉燒又保持肉汁。 雞肉方面，雖然不夠叉燒出色，但也不錯吃雞肉肉質嫩滑， 有雞味，不算太多肥膏。油雞的雞皮脆且薄，雞皮與肉間有啫喱。只油雞的豉油味較淡，但也叫的出豉油淡淡甜味香，但可以濃一點，但已不錯。飯太濕， 唔夠飯香，不粒粒分明，，不飽滿。拌了甜豉油的飯，會比較易入口，因為豉油有油香，而且甜味不是死甜。整頓飯$44來說算是很不錯，一來食物質素不錯，二來環境一般燒味店整潔寬敞三來服務員態度殷切。所以都值得推介

今天懶得煮飯，於是便到了燒味店斬料，他們的半肥瘦燶叉燒真是超讚！叉燒肉肥瘦均勻，每一口都有肉質和肥肉的完美比例。肉質鮮嫩多汁，經過燶烤後香氣四溢。它的味道不僅鹹香，還有一點點甜味，非常適合配搭飯或麵。此外，這家店的脆皮燒肉也非常出色。脆皮燒肉的表層脆脆的，內裡則是嫩滑多汁的肉質。每一口都能感受到脆皮的酥脆口感和燒肉的鮮美滋味。雖然我回家的路需要20分鐘，但燒肉的表層仍是脆脆的。最後，我用他們的自製了叉燒煎蛋飯。叉燒的甜味和煎蛋的滑嫩完美融合，與米飯搭配得天衣無縫。米飯鬆軟，流連忘返。整個組合讓我感到幸福感爆棚。總的來說，這家外賣燒味店的半肥瘦燶叉燒和脆皮燒肉絕對值得一試。