竺扶大班燒味

營業中

休息中

我是被門前掛著燒鵝所吸引！古井燒鵝飯$52，送老火靚湯－碗。燒鵝皮脆肉香，鵝肉亂畫多汁，附上的醬料比較濃味，如可分開上就太好了。燒鵝飯黯然銷魂飯～$58份量足，叉燒嘢味可口，特別要求瘦叉師傅完全滿促我既要求。蛋是太陽蛋，但似乎已煎好了一段時間，所以吃下沒那種熱騰騰的蛋香味。意想不到，非一般例湯，西洋菜陳新湯，西洋菜清香，清爽不油膩👍🏻👍🏻👍🏻香港地，以這個價錢實在是抵食，夾大件，CP值超高！！

灣仔近街市嘅一條巷仔有一間不起眼嘅燒味店。佢個餐牌標榜住大廚，從藍帶學校畢業，相信味道一定不俗食燒味飯最能夠識到功夫嘅菜式，一定少不免叉燒與燒鵝。呢度嘅叉燒朝香十足，而且帶有一層肥膏。鍾意食肥叉嘅朋友一定會再三幫襯。吃一口飯夾一口肉。豬油滲透了每一口飯粒。令我懷緬兒時食過嘅豬油拌飯。不同嘅係，叉燒當然更好吃啦。另一重點燒鵝亦是不可錯過。今天未知是否是本人生日，竟得大廚贈我一個燒鵝髀。未知食客們知否，燒鵝髀最好吃嘅地方係佢條筋。神奇嘅係呢度嘅燒鵝髀筋入口即溶，好食到黐線。推薦。

聖誕日下晝專程去灣仔太原街走一趟，行吓行吓已經6:00。晏晝食得太飽，晚餐隨隨便便搞掂就算，諗起原來有兩個星期冇食過廣東燒味，就去附近的【竺扶大班燒味】開餐。同一般街坊燒味店差不多，門口就是燒臘枱；店舖面積細小，只有幾張小餐枱，主力做外賣斬料生意。印象最深是燒味店名字及店內牆壁上的兩幅有趣圖畫：「雞同鵝講」、「豬雞鵝赴宴」。普通燒味刻意改個特別名字：金鐘罩燒鵝、銷魂叉燒王、霹靂火燒腩、飛天貴妃雞。特色出品就有冰燒鳳凰雞，雖然冇食，睇照片估計應該係辣味燒去骨雞脾扒。老火例湯日日唔同款，今日喺西洋菜蜜棗煲豬腱。味道雖然唔算特別濃郁，但清甜有肉味，係真正老火湯。一碟古井燒鵝飯只需 $52，轉配鵝汁撈粗麵就要 $62；仍然平過不少燒味店。古井燒鵝配鵝汁撈粗麵（$62）份量夠多，嚿嚿胸肉（另外加了 $8 指定要鵝胸），鵝皮香脆。鵝肉軟身，但偏乾、肉汁很少。撈粗麵有大量鵝汁及燒味豉油，味道很夠、但欠缺燒鵝醃料及鵝油香氣；粗麵出乎意料之外幾好食，爽靭、沒有鹼水味。黯然銷魂飯（$58）源自1996年周星馳電影《食神》，原裝正版的黯然銷魂飯有半肥瘦叉燒、煎太陽蛋、菜心及洋蔥；電影上畫之後，全香港各大燒味

今日返工要來灣仔，因為灣仔食嘢周圍都好貴，唯有搵一間喺街市入邊嘅舖頭，希望平平地食啲野。呢位竺扶大班燒味係街市橫街，以前係一間叫黃飛鴻嘅餐廳，細細個嘅時候，爸爸媽媽好鍾意帶我嚟食，點不知原來已經執咗笠，果然大部分既老店都追唔上都市既變化。呢間店係燒味店，啲野食來來去去都係單併雙併，唯獨係「黯然銷魂飯」呢五個字好引起我注意！ 果然冇令我失望叉燒個邊好脆，好香口！舊肉亦好鬆軟，唔會熟到成舊擦字膠咁。 真係食到好似薛家燕咁流左滴眼淚下次黎想食燒肉，見隔離檯阿叔食，好似幾脆口

放工6點幾買份$148燒味雙拼返屋企啦，揀左燒肉同燒鵝，一返到屋企打開哇，會吾會小得太過份？先講燒肉，好似每件形狀大小厚薄都吾一樣，仲要勁短小？咩料呀真係，去酒樓食個燒肉瀨，啲燒腩仔仲切得靚仔喎之後到燒鵝，有兩三件都係冇肉食，得骨頭，真係啖啖肉得5件到，我吾明呢個價錢$148吾係平，但點解可以咁垃圾？冇下次啦真係！不知所謂，仲衰過人地買盒燒味飯，真係令人大開眼界，連去酒樓買價錢差吾多都未至於咁不堪

Come during tea time to get the tea portion which is actually still quite large for those who don't have a huge appetite.I got the roast goose and soy chicken combo with a noodles doused heavily in goose oil. Personally it was a bit too salty for my taste so I had to water it down with the provided soup. The truth is the goose oil is super aromatic, and I know it's a huge guilty-pleasure, but I'm still just a bit health-conscious hah!The goose skin is great, not sloppy and the meat was flavourfu

去藝術中心睇舞台劇之前想醫下肚，就決定尼食燒味飯，估唔到間餐廳穿插喺街市旁，一入去見人少少即刻入去叫左個雙拼燒味飯！古法燒鵝拼叉燒飯（$68）燒鵝皮油脂好香，影完相放到埋口仲係脆，加埋酸梅醬仲正，叉燒有焦邊好惹味好冧。燒鵝加叉燒呢個組合係絕對唔會輸，啲飯淋咗燒鵝豉油啱啱好唔會太鹹！青紅蘿蔔湯（$12）自家製湯好足料，入邊有好多舊瘦肉仲有兩舊粟米，啲料仲多過啲湯，好明顯飲得出入邊冇乜味精，飲完唔口乾，好似返咗屋企食飯咁

叫左個半肥瘦叉+冰燒鳳凰雞黯然銷魂鴛鴦飯加例湯俾個分先： 6/10 (湯加分）賣得比普通燒味鋪貴double 驟眼睇靚仔但沒什麼內涵 缺點頗多 性價比低 同區有更多好選擇標榜半肥瘦叉但好瘦 好彩唔鞋口但超燶 苦過廿四味 有幾舊困哂黑邊 睇圖喺兩舊到已經刮左勁苦既燶焦 燶邊叉燒唔是咁的 差評👎🏻雞就玩啅頭 燒完再凍？ 甜甜地唔太香 雞肉好實淨但唔鞋 口感味道都似超市賣凍既即食雞胸 油雞會更好吃 可能有fans也不定蛋煎到漏哂黃 唔知係特登定失手 個人非常唔欣賞飯量唔夠 如要改善可以俾人揀多/少飯最尾讚下個湯幾出色 喺食到躁底既情況 餐加六蚊算下到火

呢幾日好想食黯然銷魂飯，搵緊除咗敏x之外，仲有邊間有賣。因為好多餐廳淨係做燒味飯但係冇煎蛋同甜豉油或者秘製豉油襯托。俾我喺灣仔搵到呢間見openrice comment都幾好，好多like。地理位置又方便今日lunch就去試吓。啲叉燒好林但有d肥，分量適當，賣相吸引。同事叫左燒肉叉燒飯。啲燒肉好靚好脆皮，下次都會加燒肉。lunch time時間好多人排隊，12點幾去到已經要等一陣位，好彩d人都快食快走。每日有唔同嘅例湯加$6。價錢差唔多唔好再加價。

一早已經聽朋友推介過呢一間餐廳嘅燒味飯，今日親自嚟灣仔上堂，落堂就即刻過嚟試吓睇吓個叉燒係咪真係咁好味。叫咗叉燒油雞飯，因為可能我嚟嘅時候比較早，仲有湯可以送。個湯係蓮藕湯嚟嘅，十分之熱，亦都十分之入味，非常好飲。叉雞飯上枱時可惜已經有啲凍唔係最熱。叉燒食頭一舊，覺得比較平凡，但再食落去嘅時候發覺叉燒非常之軟冧，亦都要陣陣嘅豬肉味，整體來講叉燒嘅頭同尾冇乜特別，但係中間就非常之好食！油雞就正常發揮。我諗對比起呢個價錢$50-$60食到一碗高質嘅叉雞飯，係非常之值得推介

「馬鞍」來得快走得快，竟然連半日風假都放不成，決定要找點好吃的平衡一下心理。小小的三角街，在一堆乾濕貨攤中，有家小小燒味店總是被人團團圍住，等待品嘗其出色至極的燒味飯。簡單的東西往往最難做得好，竺扶大班的黯然銷魂飯(叉燒煎蛋飯)是當中得俵俵者。黑毛豬製的半肥瘦叉，鮮紅色的外層充滿光澤。除了有最愛的燶邊外，肉質肥瘦均勻，甚至覺得有一點脆口的感覺，可口而不油膩👍將煎蛋的蛋黃、大將燒肉汁和白飯搞拌在一起，每顆飯粒都披上一層咸咸甜甜的金黃外衣。因為選用的米比較大粒粗身，咀嚼起上來更加有口感😋一口接一口，本來鬱結的心情慢慢得到舒緩，就像下午出了太陽一樣☀️後記：為什麼叉燒煎蛋飯會得名「黯然銷魂飯」呢？答案在電影《食神》。主角史堤芬周在食神大賽的最後兩分鐘，以內力製作出落難時候吃過的叉燒飯，並將其命名為「黯然銷魂飯」❗️

以前久唔久都有食覺得唔錯，但今次真係好失準叫斤半肥瘦燶邊叉燒，返到屋企一打開係全燶嘅。一直我喺其他地方食燶邊嘅理解都係表皮略帶脆口嘅微燶，但仲睇到紅色嘅外皮。但今日買呢盒係有一半以上叉燒外皮都全黑咁濟，黑到望唔到紅色，咬落口係苦嘅，完全唔係食燶邊嘅樂趣。唔明點解咁都可以賣俾客人，仲要收成$150斤，衰啲講去超市買都好過佢。仲枉我專登喺灣仔買返去西貢請屋企食，真係嘥錢又嘥心機，以後唔會再幫襯呢間野。

✨好食 但不可抱太大期望✨.平日晚上7點左右去到位於灣仔街市嘅竺扶食燒味飯，之前聽朋友高度推薦及睇網上食評都好多人讚好，所以決定一試( •̀֊•́ )以普通叉燒店來講呢間都好食！性價比亦都幾高，好啱附近返工嘅人去食😋只係個人對叉燒有些少失望，因為我哋係衝住叉燒去食，但同我平時食開另一間差唔多價嘅燒味店有一大段距離🤣.▫️黯然銷魂飯 $58（7.5/10）［半肥瘦叉燒＋煎雙蛋+大將燒肉汁］雙蛋煎到有脆邊及流心黃好正😻仲有個大將燒肉汁撈飯都一流！至於叉燒對比唔少地方好食，但可能我期望太大，覺得未如傳聞中出色，覺得唔夠香同燶邊🙈唔需要特登去食.▫️古井燒鵝＋叉燒 $58（7/10）估唔到燒鵝有啲驚喜，肉汁多而不帶酥味，層皮勁香不過如果脆啲就完美；而呢碗嘅叉燒瘦咗啲，同黯然銷魂飯嘅叉燒對比下更失色🫣.▫️凍奶茶 餐加$8唔錯幾好飲.

本身在附近返工，近來天氣太熱，想買啲飯後生果，於是提早少少出門去買生果再買LUNCH返公司，買完生果後見到有間舖名好特別既燒味餐廳，貪就腳就買個LUNCH返去食吧，見到佢招版既黯然消魂飯就叫左份，$58蚊價錢好合理，收銀阿姐笑容滿面，服務態度好好，返到公司打開後好驚喜，叉燒擺放整齊，雙蛋有燶邊兼流心，睇得出廚房好用心，咬落去叉燒好TENDER，味道剛好，肥瘦適中，米飯唔會太硬太軟，剛好，估唔到一盒叉蛋飯咁有驚喜。搞到我要上嚟寫食評

行到灣仔搵飯食，事先上openrice睇過附近有咩好食，見到呢間燒味舖幾多好評，就決定試吓，行去街市個邊就見到間舖。叉雞飯 4/5燒味飯黎講，半肥瘦叉燒好重要，今次我整翻個叉燒切雞飯，肉質幾好夠諗，同豉油汁既配合更好送飯。切雞要左雞胸，唔會太硬又唔會太老，入口仲有肉汁，幾好。地理:灣仔站行到既位置，唔算太遠，但近街市條路會污糟啲，行入舖頭都乾淨。環境:乾淨整潔，卡位闊落，坐得舒服。價錢:50蚊喺灣仔食飯算平，加上隔離呀樂呀活食燒味飯都已經要45蚊既時候，加多少少錢食好少少都完全接受到。服務:伙記做野爽手，友善對待。