竺扶大班燒味

營業中

休息中

「出色家常小菜and燒味」～～～難得最近疫情好轉 我和大舊都忍不住出去吃飯 逛街拍下拖 這間在灣仔的燒味店上次同事說中午時候吃過 餐廳環境裝修得幾靚 仲話他們的叉燒很好吃 所以我們便選了它來做晚餐🐷～～～雖然我哋比較早到 但係餐廳已經座無虛席睇嚟真係好多人捧場 搞到我哋都好期待 等左幾分鐘之後 好彩有人走 我哋就順利咁入咗去食飯～～～我哋叫咗佢嘅黯然銷魂飯 一條蒸倉魚 砂薑豬手粒 同上湯浸菜心 賣單人均$100都唔使 真係好抵食 同事果然冇介紹錯👍🏻～～～黯然銷魂飯 入面啲叉燒超級肥美 大大嚿 好多蜜汁 肥瘦均勻 我同大舊都超鍾意 好耐都冇食過咁好食嘅叉燒啦 加埋隻半生熟蛋 撈落啲飯到 真係好食到停唔到口呀😍鍾意食辣嘅仲可以加埋佢哋嘅秘製辣汁～～～砂薑豬手粒就好入味 粒粒都有沙薑味 而且qq彈彈 又凍冰冰 做前菜好開胃😙～～～最後條蒸倉魚真係超大條 火候控制得啱啱好 魚肉唔會過老 好好味 決定下次帶鍾意食魚嘅爹哋黎試下 總體黎講 呢度嘅家常小菜同燒味都好唔錯可以encore~~~推薦度：🔥🔥🔥🔥🔥🔥🔥🔥（10🔥最高）餐廳：竺扶大班燒味 (灣仔)地址：灣仔三角街2-3號華欣閣地下3號舖

疫情期間，大家都很少外出食飯，所以很多食肆都轉型做外賣，而這間位於灣仔的燒味店，除了有堂食外，還有特價的外賣飯盒，方便無飯家庭，可以放工順便買個飯返屋企去。今晚我就外賣了幾樣燒味同屋企人食。燒腩仔返到屋企用氣炸鍋焗返熱，皮脆肉嫩，肥瘦均勻，入口又唔會太咸，保留了肉汁。叉燒很香蜜汁味，叉燒很腍，醃得入味，又帶點甜香，旁邊又唔會燒得太燶。薰蹄原來要半隻，但原隻都係加多$30，似乎比半隻抵，師傅切得厚薄適中，薰蹄表皮爽脆，肉質有咬口，點醋簡直係絕配。

同事用驚為天人來形容這店的燒味飯。所以在小街內的這店人山人海。午市時間，等位的人多，等外賣的人也很多，人山人海，足以證明是貨如輪轉，信心的保證。糖色和外賣的價錢原則上是一樣， $50一個雙拼飯，價錢合理。我們決定買外賣回公司吃，同事細食，我們決定點一個雙拼飯share食，再加了半斤叉燒，為帶了飯的同事加餸之餘，又可返公司慢慢食，不用阻礙堂食的座位。不是說笑，勁好食，難怪同事讚不絕口，這裏的叉燒十分出色，加上濃濃的、甜甜的叉燒醬汁簡直是畫龍點睛，用了梅頭肉的叉燒有咬口，半肥瘦，同事果然冇介紹錯。燒腩仔併油雞飯也很好味，絕對是一間出色的燒味飯店，以後要斬料回家又有好去處！

呢排明顯多咗人叫外賣，實在太方便啦。屋企食來食去都係果幾味，為咗冇咁悶，不如轉下口味啦！是日到了竺扶大班燒味叫外賣，店舖門口掛了搶眼的金漆招牌。先點一份沙薑豬手粒，炎炎夏日一定要食份量多，好抵食阿!!口感清新，夠爽口，唔油膩，整體黎講沙薑好入味啫啫滑雞煲一開蓋即刻聞到香噴噴，熱騰騰，外賣都一樣！！集齊色、香、味，最關鍵的是把握好火候和醬汁!做得很好吃，入味。雞肉和豬肝跟啫啫煲汁酱很夾耶～茄子魚腩煲，魚腩大概有 6-8 塊，大大件。魚頭肉質細嫩，營養豐富，一D都唔腥。茄子係吸油的蔬菜，充滿魚腩香，油脂滋香。爆過的蔥段及薑片，惹味又好下飯！小菜很出色～～～滿意。

偶然發現灣仔街市附近有一間門面設計幾特別嘅燒味餐廳 連個名都夠哂特別 作為鍾意食燒味嘅我自然就要一試 雖然食完都唔係太識讀個餐廳名由於疫情嘅關係就選擇咗外賣返公司食 同同事用電話提早落單 不過去到嘅時候先發現原來阿姐落少咗一個飯 好彩都好快幫我哋補返最後嗌咗個雙拼燒味飯 餐單上為D7 古井燒鵝加叉燒 $56蚊 整體而言燒鵝份量都幾多 叉燒數量就一般 仲有兩條青菜 味道上蜜汁叉燒就唔算太突出 無特別要求下都算係肥瘦適中嘅叉燒 口感少少鞋 至於燒鵝就有意外驚喜 每一嚿都大大嚿之餘味道仲唔差 咬落鵝皮嘅油脂帶點類似陳皮嘅香味而鵝肉嘅口感亦屬高於一般燒味舖嘅水平 配以店舖提供嘅梅醬點住食落就更加開胃$56嘅價位配合質素嚟講都算係唔錯抵食嘅燒味飯

禁聚令同防疫措施令到近排好少出街食飯，唯有外賣和喺自己屋企煮，但係又要返工又要煮嘢食真係幾煩，有時簡簡單單斬個燒味加了就好容易一餐，未試過呢間，應該係新開。就斬啲料返屋企試吓。買咗半隻豉油雞和燒鵝叉燒雙拼，除了賣相靚仔之外，最重要是溫度因為你會感覺到燒味（除左隻雞）是有餘溫的，吃的時間更加是津津有味。雞就很嫩滑，而且豉油汁十分入味，不會很生，因為有時其他燒味店會見到有啲血水很利害。燒鵝亦己有水準，而且不會有很多骨，都有很多胸位，啖啖肉。但今次最喜愛的就是叉燒，真係好叉燒啊，肥瘦剛剛好，香濃嘅蜜汁剛剛黐住叉燒，咬下不會死實實，又不會一口油。下次要來試一試燒腩仔，會唔會有又是好好味呢？

好耐冇食燒味了，久唔久要食下，回味燒味這美食，這間燒味鋪最近朋友推薦，說小菜燒味皆有水準。黯然銷魂飯～叉燒半肥瘦，肉質細嫩軟腍，每件肉都掛上足夠的醬汁，醬汁則是獨特的香甜味。還有2隻非常精致的蛋，蛋黃半熟，香滑的蛋汁隨隨流下，與豉油拌飯一流。菠蘿咕嚕肉～作為經典的酒樓或大排檔的菜式咕嚕肉，自己煮實在較難，而這次的咕嚕肉也沒有讓我失望，肉粒炸得香脆，外邊的醬汁濃厚，糖醋汁酸甜適中，配上白飯非常滋味。

疫情持續，很多時候都在家中食飯，朋友推介我去呢間味燒班大扶竺CHUKFO，專食燒味嘅「加料」外賣。除咗小菜之外，有唔少燒味，例如古井燒鵝、乳豬、豉油雞、設計燒腩仔、叉燒、紅腸等等頭先叫咗一份啫啫滑雞煲$88，都算抵食喎，自己買料加上功夫都唔止呢個價錢。果然份量好多，好抵食。蔥頭爆得好香，鍋氣夠，個汁調味唔錯。雞肉夠嫩滑，非常入味，果然係大師級製作。仲有好好食嘅豬肝！另外叫咗一份：燒味雙拼汾蹄、切雞$98，係一般嘅燒味舖好少食到汾蹄，呢間有果然要試吓啦！爽口無疑，非常好吃，仲可以點上附送的蒜蓉醬。切雞係脾位，我好好彩阿，雞肉又大件又肥美，食落好嫩滑，正阿！最後叫咗一杯凍羅漢果茶，跟返只係$7咋，好自然甜甜地嘅味！清熱一流阿～～

抗疫都唔可以求其食架😅公司附近真係好多食肆，我最近就揾到一間幾唔錯嘅燒味店，買個外賣返公司食。依度嘅午餐有好多選擇，我就先黎食個有手指公嘅黯然銷魂飯！叉燒唔會好肥，而且個邊燒到燶燶地，係我最鍾意嘅叉燒！食落好香，又有蜜汁，仲要唔係薄切，真係無得頂。兩隻荷包蛋煎到恰到好處，吉穿個蛋黃，撈埋d有汁飯，好好味呀！我仲另外叫多份豉油皇鵝腸，又係我喜歡食嘅。鵝腸又脆，仲好入味呀！我食下食下，一個人食晒成盒添😅個中湯仲好足料添呀！飲埋碗湯，真係大滿足！

而家咁嘅時勢梗係唔會出街食飯，就算出街食飯可能都係極少時間，變咗好多時都係買餸返屋企食或者直接喺屋企煮飯。今日忽然間好想食燒味，上網睇推介就見到呢間新開嘅燒味好評如潮，一於叫啲燒味飯去加送。燒腩仔一斤就136元半隻白切雞就78 元價錢都算適中，燒腩仔個外皮金黃口感香脆，而且肥瘦適中，亦都唔會喺底部過咸（因為呢個問題係好多燒味店都有嘅），加啲芥茉醬口味一流！白切雞真係比其他店更吸引，最主要係啲肉夠晒嫩滑，外皮油香適中，一齊食就最啱。

半斤 冰燒鳳凰雞 $68見到係餐廳重回推介嘅食物,又點可以唔試啊!而且價錢都唔算係好貴.雞肉非常嫩滑,因為我係外賣回家,同屋企人都可以一齊分享.大家都大讚好味.相信下次要買夠一斤先得.超級惹味,而且好厚肉.四喜臨門 $128四喜我揀咗燒鵝,叉燒,燒腩仔同分蹄.其實仲有切雞,油雞,紅腸添嫁.款色都算多,因為要咗半斤冰燒鳳凰雞,所以四喜臨門就佔要雞要咗其他嘢.燒鵝有少少肥,但燒腩仔燒得剛剛好,個皮好脆,只係咸咗D.但本身燒腩仔就係咸咸地.燒鵝都有少少肥,但味道都好好,醬都可以唔駛點.

出開灣仔搵朋友，朋友話有間燒味好正，所以特登去斬料返屋企加餸！紹香豉油雞(半隻) ($78)色澤金黃，肉夠鮮嫩香滑，入味多汁。入口鹹香甘甜，有股淡淡嘅焦香味，連雞皮嘅油脂都特別香。金牌蜜汁叉燒(例牌) ($98)斬料！斬料！斬大嚿叉燒！斬料又點少得叉燒呢！紅卜卜嘅外皮閃耀住蜜汁嘅光澤，有少少燶邊，咬落去肉味香濃同時散發住炭火香氣，香口惹味。紋理清晰，肉質軟腍唔死實，有彈性同有咬口，軟嫩多汁又帶住香甜口感。

最近都好少寫食評，因為實在太少出街食，通常都係阿媽煮飯，今日就早啲孝順啲買啲燒味飯返去，等阿媽抖返一日。原隻貴妃切雞髀飯$62古井燒鵝+燒腩仔飯 $56價錢適中啦，唔算特別平特別貴，不過啲質素係幾高嘅，幾好食，叫咗外賣自取，雞嫩滑，腩夠脆😂（湯好飲劇好睇d frd） 燒腩仔飯呢間真係特別好食，口感香脆，肥瘦都好啱，正！燒鵝方面都好夠肉，外皮質素都OK啦。切雞髀飯個外皮反晒光，淨係賣相都已經好吸引，裏面啲肉質仲要非常嫩滑⋯老媽子好滿意，我諗我好快忍唔住下次經過又會買！！

睇到新聞知道灣仔新開燒味餐廳，老闆年紀輕輕歲已經係酒店總廚，2012年更獲頒法國藍帶美食會會員勳章，夢想開一間燒味店。睇完一直好想試，今日終於有機會一試疫情未受控，餐廳都做足安全措施，量體溫、搓手液、隔枱坐，全部做足店內有特色牆裝修，地方乾淨企理平均$50一碟燒味飯，中等價錢，但質素甚高！今次斬料返屋企加餸金牌蜜汁叉燒 （一斤）$136叉燒採用波蘭黑毛豬脢頭肉並非噱頭，肉味特別濃郁，入口鬆軟多汁，仲有蜜味，加上燶邊，一試上癮燒鵝 $158/下庄招牌燒鵝亦講究，只用9個月大的佛山黑鬃鵝，冬天及春天選用鵝公；夏天及秋天用鵝乸，鵝肉質細嫩，燒鵝無膻味，皮脆肉滑燒鵝同叉燒非常出色，每次路過都心思思斬料返屋企

2020年4月21日星期一對我黎講燒味最正既係燒肉、叉燒、燒鵝，難得出街去燒味店，梗係食齊晒3樣啦！燒肉塊皮最緊要係脆卜卜，而且肥膏唔可以多過肉，呢間都做到了👍🏻燒鵝不過不失啦，但不得不讚下個蜜汁叉燒，肥瘦適中又好軟熟，d蜜汁好香，淨係個汁都可以餸半碗飯食呀😍大推介蜜汁叉燒呀！其實仲有好多其他燒味可以揀，果日見到d乳豬都好吸引下，下次再去一定要試下!重要既係呢間燒味店好光猛又乾淨企理，感覺好衛生。