竺扶大班燒味

營業中

休息中

街市大家應該去唔少，貨品林林總總📦，擺滿一地，除左菜檔果檔之外，附近可能仲有百佳超市等等購買日常食品既地方。呢個灣仔街市就有啲唔同，如果人係街市，近住三角街附近，就好容易留意到一間金碧輝煌，以金黃色做主調既燒味舖。🤩 平日係街見到個啲燒味舖，多數裝修都好隨性，見到呢間咁用心裝修💪🏻，Fatfat一定要入去試下佢咩料啦🔥～✨原來呢間係藍帶總廚主理既燒味舖，後來上網一search，發現呢間仲係係燒味關注組大大力推介既餐廳添！😳✨入門口之前，見到佢門面有個自設太空爐，掛住油光閃閃既燒鵝，看似皮脆肉嫩，不過就要食過先知係咪好似我FF咁好好味啦。🤔🤣 坐低之後環視四周，餐廳既壁畫都係以金黃色做色調，而畫既主題同風格都幾有以前年代嘅感覺，裝修用心，啲枱凳亦都幾乾淨企理，而員工著住統一黃色既制服，感覺係一間對自己有要求既燒味舖。💪🏻 坐低之後叫左幾碟推介既菜式。黯然銷魂鴛鴦飯 一上菜，就見到色澤鮮豔，望落都好開胃。😋入面有4塊叉燒、5至6塊鳳凰雞、2塊太陽蛋、菜同飯，食量都算大既Fatfat食完都覺得幾飽。叉燒，半肥瘦，肉質軟嫩，食落幾有炭燒味道，原來佢係用左大將燒肉汁秘制出黎既波蘭黑豚肉，唔怪得之

我想食好耐嘅竺扶大班燒味今日終於食到了！因為佢唔算係灣仔大街地方，加上晚上8:30就閂門，所以比較難就到時間。鋪頭唔算大，但燒味菜式應有盡有，同朋友叫左兩款菜式！碟碟都超惹味高質！燒鵝五寶飯🐔🦆🍚好難得食五寶飯會有燒鵝配搭，廚房仲比左飯鵝髀我地🍗，啖啖肉又嫩口！燒鵝皮燒到香脆可口，配埋佢地嘅特製酸梅醬，令到燒鵝食落口時唔會好膩！本身我唔鍾意沾酸梅醬嘅我都忍唔住，因為食得出真係有酸梅係入面，而唔係用味粉較出黎，比出酒樓燒味檔好食好多！不得不讚嘅係佢地嘅叉燒🐷🥩！係好Juicy 呀！出面食嘅舊舊都瘦又老過呀婆！但呢度嘅叉燒好似小 鮮肉咁肉嫩多汁！將叉燒燒到鎖緊肉汁，又唔會過火口！師傅犀利呀！金牌🥇四寶瀨粉🍜另外都叫左四寶瀨粉，因為湯瀨粉唔係度度有得食，食到嘅都唔係好好食。而竺扶佢嘅瀨粉我好滿意！條條都有咬感唔會一夾就散，每條亦都掛到湯汁，連埋美味嘅叉燒食好滿足呀！同埋覺得佢地整嘅姜蓉都好好食，睇得出整得有心機，粒粒蔥大細如一，鍾意配姜蓉撈飯嘅我差d想成碟食哂佢🤣🤣🤣如果我係灣仔附近番工，相信佢會成為我嘅飯堂🤣🤣🤣

本身諗住見open rice 食過lunch, 睇左最多人推薦的黯然銷魂鴛鴦飯. $68說好的肥叉不見！第一次食 叉燒係瘦！霉！硬！個叉燒汁有冇咩味！一定冇叉燒味？街市叉燒都好過佢！燒雞普通，加左過泰式海南雞汁當新野！lunch time一定好趕你走！我明白點解黯然銷魂鴛鴦飯冇洋蔥！因為你食完加埋個價錢，你心裡一定會好黯然的流淚😭😭😭😭😭😭😭😭😭😭食完個飯會聲見直升機🚁的聲音！伏伏伏伏伏！

$88一個超高質五寶飯，真心有驚喜！話說OT完8:00pm左右到買埋最後一水既燒味，本身諗住質素都應該麻麻地㗎喇，點知出乎意料地出色，好開心🧚🏻五寶飯可以揀燒鵝（$88）或者乳豬（$98），本身已經有叉燒同燒肉既關係就揀左燒鵝，仲加左杯羅漢果茶添😊 買到返去食都差唔多 8:30/8:45 心諗無喇無喇，點知一咬落舊燒肉，個皮竟然仲超級脆😱 肉質啱啱好之餘又唔會過鹹，點埋個蜜糖芥辣，噢好好味😱 燒鵝個皮竟然又仲係脆，個皮仲令立立好靚，無誇張自己睇片!! 可能係就嚟閂門嘅關係，所有肉類都係偏肥，但係好彩本身自己係鍾意食肥膩d平時都鍾意食肥叉，所以無乜所謂！賣剩既叉燒都仲有少少燶邊🥲肉既質地好鬆化，蜜味夠又入味😭不得了！最緊要連個飯都好比心機，粒粒分明好彈牙既飯，一d都唔會hea 😱😱😱 紅腸鹹蛋就正常啦，不過呢度竟然有得跟羅漢果茶，好感動😭下次經過灣仔一定會再返尼堂食🤍🤍🤍

晚上去買外賣，叉燒及切雞味道不錯，絕對做到半肥瘦及juicy，醬汁亦較其他燒味店出色，奈何四寶飯竟然欠咸蛋，希望下次包外賣前檢查有無有欠食物。此外，這質素絕對有下一次的光顧。

好耐無出黎食飯喇真係要玩番日呀是日想食燒味SEARCH到呢間幾好評點左~油雞分蹄米粉油雞幾入味呀個米粉好大個食唔晒呀~叉燒燒鴨瀨粉燒鴨個皮脆架肉又唔會干呀叉燒望落已經NOT BAD食落都幾好瀨粉一樣咁大個架朋友好努力食大半個都好飽下呀*可以跟中湯架飲落唔似味精好有家既感覺

午餐時間經過铺頭，見門面相片吸引，朋友話好食，於是買一盒推介黯然叉燒飯試下。 外賣盒好吸引，夠曬大，仲以為買了隻燒鵝。返到公司一打開。發覺盒燒味飯好精緻，叉燒同飯份量唔多，叉燒只有瘦肉，冇半點肥，肉質比較粗糙，蛋唔係好特別。係豉油比較出色。其他全部都好一般，真係冇下次。 食完今次後，依個飯可以改名為「黯然失色飯」比較貼切！附近幾間燒味飯店燒味都整得好過佢、物值高過佢，我都唔明點解朋友會話好食？！絕對低物值燒味👎👎👎

今時今日個個在家工作，難得出到灣仔做嘢，點都要帶伴手禮回家！專登去呢間幾出名的藍帶燒味店! 斬料返屋企嘆傳聞每日大排長龍！撞正而家冇晚市，趕得切六點前收工嗌外賣！唔使排隊金碧輝煌的店面，內部裝修光猛，設計比較像簡約Cafe，係比較新穎的燒味店！店主熱情友善，初黎報到，太多選擇諗咗好耐，嬸嬸超細心介紹仲幫我配搭🤩 最後決定嗌一飯加雙拼！可以一次過試多幾款燒味▪️黯然銷魂鴛鴦飯 $68一望個飯盒已經覺得超正！啲燒味色澤好靚，再加埋兩隻煎半熟的荷包蛋，豉油加蛋汁送飯一流！厚切的叉燒肉半肥瘦肉，肉質啱啱好不過份肥膩又不乾。恰到好處的油脂香又有淡淡蜜汁香氣。除咗叉燒，冰燒鳳凰雞先最殺食！雞皮燒得好香，夠火候！肉質香滑，點埋個鳳凰辣汁（蒜蓉辣椒），酸酸辣辣超惹味！▪️燒味雙拼 燒腩仔+燒鵝 $108 果然冇介紹錯！燒腩仔層層相間的油脂和肉，肉質夠腍又嚼勁。就算外賣攞到返屋企，個芝麻皮依然勁脆勁鬆化！燒鵝皮脆有光澤，肉質肥美！配甜酸醬汁中和油膩，越食越開胃！

Lunch黎到位於灣仔既竺扶大班燒味買燒味飯，佢地自稱燒味由藍帶廚神主理，汾蹄叉燒雙拼承惠55蚊，就等我試下佢地d燒味有咩咁巴閉。叉燒同汾蹄分別都有六七件，算係好足料。叉燒入囗肥瘦適中，有少少肉汁，唔會好柴好乾。汾蹄好好食，配埋蒜蓉醋一流。整體黎講確實幾好食，值得一試。

小編喺港島反工，某日朋友想食燒味，揾到灣仔街市入面有間得過獎大有名堂嘅燒味店🏅，lunch time去到見到好多人等外賣，門口同menu上面寫住藍帶廚神主理👨🏻‍🍳，店面嘅櫥窗掛滿新鮮出爐各式各樣嘅燒味，傳嚟陣陣香味，未食都流晒口水🤤。室內裝修新淨整潔，有圓枱卡位，以金黃為主色，牆上貼上老香港圖案，以新潮方式演繹城市年代感。1️⃣ 黯然銷魂鴛鴦飯 $68一聽個名就知係勁野，呢個真係餐廳必叫嘅signature👍🏻！並非一般嘅黯然銷魂飯，鴛鴦係指半肥瘦叉燒🐖同冰燒鳳凰雞🐓雙拼，再配兩隻太陽蛋🍳，識食一定㨂呢個！厚切嘅叉燒用上波蘭黑毛豬梅花肉，所以肉味更濃，而且肥瘦適中，咬落軟熟鬆化有肉汁，極高水準💯。燒雞肉質嫩滑，配秘製鳳凰辣汁特別惹味😋。仲有小編最愛嘅蛋呀🥚！雖然唔係流心，但係佢半生熟嘅狀態依然吸引，D蛋漿用嚟撈飯一流！2️⃣ 燒鵝燒腩仔雙拼飯 $58特登叫左個雙拼飯可以試埋其他燒味，果然係大班大準💪🏻！同樣係店內必食之一嘅燒鵝皮脆肉嫩，香濃肉味，好大方地一枱一枝酸梅醬自行添加😚。燒腩仔嘅精華喺塊脆皮度，影完一輪相都仲係脆卜卜🌟，小編最怕嗰D中間一大舊肥膏嘅燒腩仔，但係呢度D瘦位軟腍，肥位又唔

在灣仔做嘢咁耐都唔知原來有間非常出色嘅燒味飯，真係有啲走寶嘅感覺！燒味店由藍帶師傅掌廚，叉燒用上波蘭黑豚肉，而且價錢非常合理，真係食過最高性價比嘅燒味飯！😍最impressive的是蜜汁叉燒飯一打開盒已聞到好香嘅燒叉燒味，而且本身肉質非常好，唔駛死落蜜汁調味，非常難得！每件叉燒都係厚切的，少少肥，口感淋香一d都唔乾唔鞋，有肉汁，真係食過返唔到轉頭😋😋😋😋黯然銷魂鴛鴦飯同樣非常出色，冰燒鳳凰雞有燒香味，好有咬口！一定一定要點酸梅醬食，他們的酸梅醬是超好食，超酸中帶超香梅味，非常惹味～就算是平常不吃醬料都會食曬！仲有秘制的鳳凰辣汁也非常惹味～大班玫瑰豉油雞飯是店員特別推介的，真係推介得好好，雞皮有淡香玫瑰豉油香，配上滑嫩雞肉，簡單中見心思。古井燒鵝飯的燒鵝皮薄脆，肉質香，配上口感香口、軟硬適中的飯，質素好好。下次lunch要來堂食高質燒味！（因為座位都OK，佈置又ok）

又係燒味😂因為好食嘅燒味真係好好食😋星期六晏晝黎到灣仔內街 搵到呢間燒味店 雖然係內街但係因為個招牌太搶眼 一定見到雖然係麻甩燒味店 但係佢嘅牆身都有啲心思 每面牆除咗有畫🎨仲用文字用心介紹燒味，介紹燒味有幾吸引😌🍚黯然銷魂鴛鴦飯 $68黯然銷魂飯聽得多 呢度就有鴛鴦版本😛鴛鴦就係叉燒拼冰燒鳳凰雞😍😍淨係睇名都正！另外佢除咗有燒味嘅蜜汁 仲有鳳凰辣汁🌶😍😍唔試都唔得✨賣相都好靚㗎 叉燒同鳳凰雞都係令立立好吸引✨仲有2隻好吸引嘅煎蛋🍳😍😍✨叉燒肉質非常好，係特意用波蘭黑豚肉整，係高質嘅叉燒❤️肉質夠淋 但又唔係霉！係淋得黎有口感嗰隻😍同文字所描述嘅一樣 係半肥瘦😋蜜味重🍯而且仲有燶邊😍😍單單係叉燒都食到我停唔到口🤤✨鳳凰雞係冇雞骨㗎 食得方便👍🏻外面層皮脆脆地好香 雞嘅肉質嫩滑 一定要點佢個鳳凰辣汁🌶酸酸地辣辣地 完全係誠意之作！後尾我連叉燒都有點鳳凰辣汁🤣🤣叉燒汁撈飯實在太好味！再篤穿兩隻蛋🍳撈埋啲蛋汁落去 我扒哂成碗飯😍😍🍜古井燒鵝+燻蹄 瀨粉 $58去食燒味點少得燒鵝呢🥰燒鵝肉並唔係得舊骨嗰啲 肉質厚實🥰層皮好脆 配埋甜嘅燒鵝汁 令每件燒鵝都香甜淡淡肉 瀨粉淥得剛剛好 不會過淋 有咬

行完冬日美食展諗緊灣仔有乜好食，突然醒起朋友介紹有間燒味飯話好正，雖然我當初聽到果下都心諗燒味飯可以有幾好食？但我又諗吾到食乜好，所以就去試試啦！一睇OpenRice原來收8:30pm, 但果刻已經係7:50pm, 立馬飛奔過去，去到已經8:00pm，好彩仲俾我地入去食，但入去之前都問聲d野賣曬未，又好好彩咁，淨係得乳豬賣曬，其他都仲有，不過心諗就收舖，賣淨既都應該會無咁好食。首先試燒肉先，一口咬落去，吓？點解個皮仲係脆卜卜，係一個就收舖既時間，點解仲可以keep到咁脆，肉仲要好嫩滑。跟住再試叉燒，燒到燶邊脆口，肉仲要係超淋，連煎隻蛋都係燶邊蛋，到果一刻不能不講句，燒味飯原來真係可以好好食！

竺扶大班燒味 @ 灣仔聽講灣仔有一間由藍帶廚師主理既燒味餐廳，網上評語都唔錯，想食好耐🥰！今日終於有機會黎試到啦！估唔到lunch time都咁多人排隊等緊外賣，堂食亦滿晒座，睇黎真係好受歡迎！一場黎到緊係要試下全港首創既餐廳招牌菜《黯然銷魂鴛鴦飯》，分別係有半肥瘦叉燒、冰燒鳳凰雞同埋煎雙蛋，另外配上大將燒肉汁同埋鳳凰辣汁！佢既賣相真係吸睛，燒到有燶邊叉燒肥瘦適中，食落肉質幾軟身，肉味又夠晒濃郁，睇番先知原來係用左波蘭黑豚肉，唔怪得咁好食咁惹味😆！ 美中不足既係叉燒切得唔係好均勻，部分比較厚身部分薄身，同朋友出現左小小爭食既情況哈哈哈🤣！除左叉燒之外，佢既鳳凰雞都係好嫩滑，配上餐廳秘制既鳳凰辣汁，酸酸辣辣咁，係唔食得辣既都適合既辣度，而且全部都係冇骨架！呢點對於我呢種懶人黎講真係加曬分😂值得一試👍🏻另一份係店員推薦既古井燒鵝拼燒腩仔飯，果然冇介紹錯，真係好好食！首先佢個燒鵝皮真係好脆，鵝肉嫩滑多汁；識食燒腩仔就一定追求脆皮，餐廳做到咬落去係好脆口，甚至係我試過最脆既燒腩仔皮，真係好驚艷！同時，佢既燒腩仔肉質嫩滑，有肥有瘦，稍微偏鹹左少少，整體而言都好味😍是日老火湯係青紅蘿蔔豬骨湯，煲得

同事之前同我介紹過呢間燒味幾好食，但行過次次都好多人所以無排到😂，呢次早啲出去排隊。去到門口已經見到招牌勁sharp金黃色，仲擺左幾個易拉架方便排隊時已經可以睇定食咩👍🏻。入到去雖然舖頭唔大，但裝修得好光猛，又有好多燒鵝圖介紹😂，唔係啲舊式燒味舖咁沉悶。🔅黯然銷魂鴛鴦飯 ($68)同事叫左最出名之一既黯然銷魂鴛鴦飯，見到menu寫全港首創所以都試下。加左大將燒肉汁同鳳凰辣汁，好惹味撈飯一流😍。見到寫住叉燒用波蘭黑毛豬梗係要試真啲，結果都無令我失望😎。叉燒肥瘦啱啱好，燒到邊燶燶地好香，唔會乾柴柴痴晒牙👍🏻，係近期試過最好食既叉燒。鳳凰雞就好大路，唔會好鞋，加埋條菜同2隻蛋就掂晒😝。🔅叉燒燒腩仔雙拼瀨粉 ($52)好耐無食瀨粉所以叫左，燒味同瀨粉分開上有加分🖖🏻。瀨粉好大碗，湯就正常。燒腩仔皮脆肉嫩，最欣賞佢唔肥，底仲有少少燒肉汁點甜甜地幾夾。💬燒味的確幾出色，但去嗰日店員忙到一頭煙，態度一般，下次可能會外賣食比較好。