端記茶樓

營業中

休息中

一年一度的清明節又到啦. 每次上山前例必到山腳的酒樓醫醫肚先既. 今次就去左端記. 無論上面果間好, 還是下面果間都好, 所有過程都系自助式的. 包括開位, 開茶, 拎點心, 連豆腐花都系自己裝架.城市人黎感受下另一種風格的酒樓都會覺得幾特別. 不過對食物, 店舖衛生的要求就唔好咁高啦.山水豆腐花系我每次必食的一樣食物各類油器各類點心開位, 開茶區

最近天氣驟晴驟雨，星期日起床後見天氣尚算穩定，決定一於出發前往大帽山走走，起步計劃訂在川龍。從荃灣地鐵站有綠色小巴直接上川龍，交通非常方便。總站一落車就見到端記個大招牌，望到附近環境後，滿腦子勾起童年係鄕村長大的回憶。雖然係屋企已經享用了一個輕盈早餐，不過最後2個人都係忍不住想坐一坐，飲杯茶，食番個包先開始行山。小店用鄕村街坊全自助方式經營，先去沖壺普洱，然後再搵個位坐底，呷一口茶，水滾茶靚，對、就是童年的味道。～ 雞包仔一碟 3 小隻，主要餡料為雞肉，另外有少許冬菇、芫荽等，一啖半隻。外皮鬆軟，餡料”實的的”有咬口，非常足料（非一般坊間用水“啤”到鬆一鬆果種），老派師傅出色出品。其實端記實質上係一間服務街坊嘅鄕村式廣東茶樓，啱唔啱食全憑個人心𥚃面把尺放係邊個位置，今次本著行山路過快閃試試，非常期待下次有機會再試多些其它點心同食物。真心支持小店！

三人吹水團，行行食食，去大帽山嘅起點，當然要先幫襯舊式港式茶寮。估唔到店裏食客非常多，下層座位都已經爆滿，只好上上層，上層都差唔多滿座，差啲要去間僻靜嘅大房，幸好有食客從上層欄桿位離開，先搵到個好位，望住山境，飲杯茶食個包。全自助形式，拎了位，當然自己就要去拎壺茶啦，跟住到樓下拎點心，食咩就自己拎啦。第一輪雞扎，一份鮮甜，豬肚、火腿的鮮味汁，把雞扎包圍，美味。應該用上豬油，宜家用內臟等做點心，愈來愈少捧場客；山竹牛肉，牛肉球口感不太嫩滑；蝦餃，外皮過厚，個皮就唔易穿，其實都係食懷舊感；叉燒腸粉，腸粉皮不太滑；叉燒包，食嘅只有醬汁及嘗到微微叉燒肉。第二輪叫了呢啲鮮竹卷，邪惡得嚟，整個腐皮滲入雞油；鵪鶉蛋燒賣，雖然肉味普通，但回憶細過經常叫嘅點心。燒賣，同樣肉味普通。雞屎藤，煙煙靭靭，糖份亦都唔高。終於見到少許藍天上層有兩句關於川龍嘅詩。茶寮上層，果間僻靜嘅大房裡，有食客擺放開籠雀之外，店家也有飼養一大籠蟋蟀。當日早上比較天陰，望住山境，飲杯茶食個包。其實志在感受環境，嘢食唔好抱太大期望。

補寫新一年睇完第一個日出後，成班人渣車提議落荃灣去返川龍既端記飲早茶食第一餐。之前睇過好多介紹都好似好正咁，反正渣開車就黎喇。去到好鬼多車！我諗最好就搭公共交通工具黎會比較好，唔係你齋泊位都唔知等到幾時。去到係好自助式地自己霸位，自己拎餐具同野食。基本上你係要keep住係果度等，一見野就搶（因為實在太多人爭住要，手快有手慢無）而且數量比較少，要等多幾轉先拎到。食既都無乜特別，都係一般茶樓有既野，味道就不過不失啦！無乜驚喜同邊樣比較突出同難忘。反而係等佢「畢」豆腐花比我果時，我見到有蟻係碗野上面，果個人意識到，居然無換過碗，就咁畢走佢就算🥵😡！極之唔衛生。價錢方面唔係話特別平，佢乜服務都無仲諗住有幾貴？根本唔值得再黎，貪新鮮黎打下卡扼like可以既

香港地少人多，空氣污染嚴重。想呼吸新鮮空氣，感受一下久違嘅大自然，最近嘅地方就係上川龍飲茶。响荃灣上川龍只要搭一程小巴就到，算係幾方便嘅！ 端記茶樓係一間懷舊點心嘅茶樓，為村民，行山客提供服務多年。茶樓基本上由沖茶到攞點心都係自助形式。熱辣辣嘅點心不斷出爐，啱食就自己攞，無星級服務，但見人人開心滿足 點心款式方面，全部都係阿爸阿爺嗰輩嘅傳統點心，如臘腸卷、蒸鯪魚球、灌湯餃、蒸蘿蔔糕、豬肉燒賣、鴨腳扎…… 款款足料扎實，味道同兒時同嫲嫲去飲茶一樣，味道懷舊，回憶依舊如初，感覺自己思念嘅人同味道一齊返晒嚟！嚟到端記如果啱時候嘅話，一定要試吓佢哋自家種植嘅西洋菜，大大碟勁香西洋菜味。飲完茶行出路口 就見到好多有機菜檔，行過路過，埋嚟睇埋嚟揀！

今早襯得閒一朝早搭綠色小巴上去荃灣川龍飲茶，去番平時去開嗰間端記茶樓， 主力都係點有幾款點心， 一個粥，炸嘢同埋一碟菜。 點心主要有鵪鶉蛋燒賣，咖哩金錢肚，同埋鮮竹卷。 三樣嘅用料比較普通，但出嚟嘅味道都係唔錯，好過街邊酒樓貨。我哋攞咗鹹蛋瘦肉粥，用料不少，比平時吃開嘅酒樓貨吃得更加過癮。炸嘢攞咗炸蝦角，豆沙角，芋角， 件件都夠大件就算係酒樓最常見嘅芋角用心不少。例如有用了一些西芹， 及一些爽口蔬菜令到成個芋角嘅口感更加豐富。豆沙角及炸蝦角也不錯，至少在平時酒樓吃不到，但因天氣涼，食物較快凍，故唔夠脆口，冇計呢度其中一個賣點就係自助式， 所以除非遇啱時間否則很多點心都不會太熱甚至有點凍， 尤其是炸物，睇清睇定先好揀。 仲吃咗一碟西洋菜， 雖然是普通平平無奇嘅用油鹽燙青菜， 但西洋菜夠新鮮食落爽脆，令人停不住手，又無渣，每枱必食之選，算係呢度另一個特色。最後還吃了一款新點心豆沙茶果，幾特別。如果想吃完行行山甚至一大早感受新鮮空氣都值得一來。 除了食物是自助式外，攞位，攞茶壺碗碟湯匙全部自助， 所以令到地面有點濕滑， 要去嘅話要小心跣親， 但係有得全部自己放茶葉，算係一個喺平時茶樓嘗不到的

如果有行山習慣既可能對呢間端記茶樓唔陌生呢間茶樓位置荃灣既山區好多人都會係到飲完茶先開始行山呢到環境清優沒有豪華裝璜但都乾乾淨淨企企理理拎食物係自助形式自己去出點心區域揭開d籠睇下入面有咩點睇岩就拎走亦都有d野係可以order就係呢到既馳名西洋菜因為附近有農地種西洋菜所以係正式新鮮香港出品特別好食其實食物方面質素真係唔係特別吸引係屋邨茶樓的水評只係呢到比較多舊式點心想懷舊一下或者想係自然環境下嘆杯茶都不失為一個好地方

趁今日26號boxing day又係公眾假期，下午plan去南豐紗廠行吓。所以上午就試吓龍川瑞記茶樓。十點半左右去到已經好多車，差d要double parking, 好彩之後有車走所以有位停🚗！去到茶樓勁多人，已經有人各位等位，剛好去到門口有張枱剛剛走，因為個位有太陽曬到所以冇人坐，我地諗住唔會食得太耐所以是但坐低。茶樓全自助式，冇人會幫你攞餐具及冲茶，食物都係自己去攞。我地攞左大包，入面有豬肉、火腿、鵪𪂹蛋⋯味道可以啦！👌🏻馬拉糕一d都唔好食，又乾又唔鬆化。👎🏼炸春捲，d饀好實，外皮少少脆👎🏼炸煎堆仔，味道可以，夠軟糯👍芋角，外皮酥脆，不過饀料只有芋頭，冇其他野👌🏻鵪𪂹蛋燒賣，味道不錯，唔會全件肥🐷肉👍咖哩魷魚🦑，無咩特別。👌🏻豉汁蒸鳳爪，味道同外面d酒樓一樣👌🏻炸韮菜角，好多韮菜，味道香脆👌🏻西洋菜，好嫩，唔老👍其實我覺得無咩特別風味，又無景，人頭湧湧，好似搶野食咁，零享受👎🏼👎🏼

假期天不行山，覺得對不住自己。故此放下手上工作，約了朋友 ，準備爬上大帽山，上山前到了川龍端記茶樓飲早茶。此茶樓除了埋單收錢，由沖茶到點菜都是自助形式，自行解決。自己先沖了一壼水仙，心理作用，感覺更清甜。點心有一些懷舊款式，如鶉蛋燒賣、炸蝦角、茶果等。而川龍自家種西洋菜也來了一碟，雖然因為即叫即煮要等，但勝在新鮮，菜味鮮甜。食物質素屬正常，人均$75，但能坐在山中，一邊看山看雨，一邊吃喝談天，感覺也真的很不錯。為了那份寧靜，可再來。

行大帽山，好多人都會去一趟川龍村，端記係村內最大嘅茶樓。無論點心好唔好食，當佢係景點都應該去一次。今時今日，仲有幾多間酒樓可以掛雀籠、辦雀王比賽、露天嘆茶。端記全部係自助形式，斟茶攞點心甚至剪鹹水角都係自己黎。點心比想像中好，牛肉排骨嫩滑。不過要數最出色嘅，係西洋菜。端記隔離有幅好大嘅西洋菜田，都係第一次食大帽山西洋菜。入口清甜冇喳，$50一碟絕對值回票價。

各款茶果有特色好好味，鲜擇菜田靚菜幼嫩鲜味，點心足料抵食，豆腐花必食之選，重点是老闆夫妇人情味夠濃，他们用心经营赢得食客信赖，每次堂食外，還會買各款茶果和時令鲜菜回家，跟家人分享。

行完山，試了此區有名的茶館酒樓，好多事情自助，幾乎沒有service , 坐位非常難坐，點心味道不少亦麻麻，菜倒新鮮，雞屎藤果不錯。最後亦沒有投訴，因為買單發現3個人才$260多。還有什麼好批評？

之前已經聽過呢間茶樓，終於下定決心走一趟，位置於大帽山山腳，交通會有啲唔方便，如果揸車的話，對出會有車位提供。鳳爪排骨飯，鳳爪好入味，啲汁滲入飯裏面，好快已KO成盅飯😉牛栢葉認真一般，十分靭，又冇乜味道咖哩牛肚亦唔係咁出色，反而鳳爪則一再安歌😍燒賣味道好好👍🏻值得一試豆沙茶果非常受歡迎，一出已經排長龍，真正皮薄涵靚，一定要試😍

專登入去試嫁，去到覺得好似吃自助餐甘嫁，雖然係舊式茶樓，但感覺好新鮮，由飲茶羅碗到吃點心都係自助ga，有新鮮點心會叫咪，d人聽到岩心水就會去羅，d味道係懷舊點心，唔係一般茶樓果d味道，特別推介鳯爪同紅豆茶果，好正，有時間一定再去😍😍

媽媽講左好耐，話想去荃灣飲茶，仲要係山上面既酒樓，話d豆腐花好甜好滑，我地係荃灣西鐵站搭53巴士上黎，呢架車半個鐘先一班。。。落左車，過對面就係，山上面空氣清新，真係幾正幾舒服！呢度地方細細，主要做行山客既生意。塭位拎野食係自助mode，去counter見到想食咩就直接拎，再比卡佢地寫反，係消失左好耐既情景。山水豆腐花 建議要食熱既，更加食到佢幾咁滑，唔會食到粉既質感。薑水好重薑味，唔似出面果d咁冇誠意，得一灘水。之後仲叫左幾樣點就，炸鯪魚球幾好味，蜆介醬都好濃味，層次豐富。