端記茶樓

營業中

休息中

行大帽山，好多人都會去一趟川龍村，端記係村內最大嘅茶樓。無論點心好唔好食，當佢係景點都應該去一次。今時今日，仲有幾多間酒樓可以掛雀籠、辦雀王比賽、露天嘆茶。端記全部係自助形式，斟茶攞點心甚至剪鹹水角都係自己黎。點心比想像中好，牛肉排骨嫩滑。不過要數最出色嘅，係西洋菜。端記隔離有幅好大嘅西洋菜田，都係第一次食大帽山西洋菜。入口清甜冇喳，$50一碟絕對值回票價。