端記茶樓

營業中

休息中

好彩朋友仔有車,如果唔係我應該一世都唔會黎到呢間隱世茶樓~~首先呢間野最特別嘅地方係下面有塊西洋菜田，所以佢啲西洋菜差唔多係即採即食嘅亦係因為咁D菜係特別好味清甜,真心有organic的感覺~食西洋菜都係要講緣份嘅，唔係次次去到都會有得食架，所以有的話唔該叫返碟先呢間茶樓有點心同小炒，其實啲點心都幾普通，我見其他茶客都係叫小炒多，點心都係一兩龍好似呢個蝦餃都麻麻地，皮太黏又油，蝦肉又粉粉地...今次我就無緣西洋菜所以轉叫白菜，白菜一樣雙甜清新，無農藥味亦好有要口，聽講話如果食完覺得好食可以直接行落去塊田到同個農夫買，但當日我就無咁做，之後仲要去行街嘛羅漢齋炒麵個炒面底係脆脆面黎架～需知道唔係個個地方都會整脆脆面，用左脆脆面會令口感更加豐富，羅漢齋Ｄ醬汁可以令佢無咁乾但唔會令佢變淋，雖然係齋，但都好夠味，正餐我會推薦呢個之後我地仲叫左個店員表示係似馬拉糕嘅糕，視覺上係似嘅，但我覺得個味唔似馬拉糕，不過都幾好食，煙煙韌韌咁又唔會好甜，送茶最好～～係啦，除左菜，呢度Ｄ茶都好出名，事關佢啲水好似係山水黎，所以啲茶沖出嚟真係好飲特別清醇，得閒過黎一盅兩件都係疏乎呢～～

只食風味今天週日，一早8點半約好開車去端記，去到停車場已經滿了。室外還是有位，坐下就自己去拿碗筷，開茶，拿點心，全自助。豬腸味道不錯，有咬口。煎堆是比較香的。咖哩魷魚就比較硬，沒有什麼咖哩香臘腸卷的包皮比較實，臘腸沒有香味馬拉糕不鬆，不夠甜。叉燒腸皮不滑，叉燒又瘦又乾鵪鶉蛋燒賣，蛋不香，燒賣沒有咬口和味道服務是全自助，有問必答，埋单的大哥也挺风趣，唯一不好是到廚房拿叉燒腸的時候，廚師叫旁邊的年輕人幫忙拿，年輕人沒有反應，拿了出來原來只是給自己吃，然後廚師告訴我年輕人是老闆仔，可惜啊，最沒有禮貌居然是最高負責人。最後埋單120，價錢合理，主要是食風味

曾幾何時，自己希望能夠上川龍嘆個早茶，飲飽食醉後就去行山。但偏偏都敵唔過周公，經常選擇繼續睡覺。不過有一日突如其來的興致下，就誤打誤撞上咗川龍嘆菜。開頭都擔心川龍只得早市，怕去到會送上四個大字俾我，關門大吉。但幸福之神的降臨下能夠在唔係早上的時間下品嚐川龍的特色。咁大個人，第一次飲茶係以自助式的情況下自己斟茶，拎餐具，點心等等。基於第一次以呢個方式揀點心，就揀咗好多點心，例如牛肉球，鳳爪，雞扎，蘿蔔糕， 盅頭飯，燒味部叉燒，等等。食食下期間見到另一到有好多人排隊，咁又跟住排啦，原來係新界嘅西洋菜啦。第一次食到咁新鮮嘅西洋菜，鮮甜，又嫩綠。雖則川龍嘅點心唔算太便宜，味道亦非咁好味，但當中嘅過程，令我感受到香港傳統文化。

平日工作忙碌，等待星期日放假約埋朋友仔攪活動可以聚會⋯⋯當中有人提議去端記茶樓飲茶🍵咁就約埋一齊係荃灣等坐小巴去嘆早茶⋯⋯哩間茶樓運作好不同埋單係人手計算完全食地道點心有特色哩碟菜排晒隊囉⋯⋯聽講係自家種植，好新鮮啊！味道好清甜

端記茶樓係好出名嘅、因為佢啲菜係自己種！今日同朋友去行山，所以就一定要去食！我地10點去到，其實好多點心都無、要再等佢出爐！鵪春蛋燒賣好大粒！好少機會有得吃，所以必吃！腸粉得返牛肉腸，但佢皮好滑好味！馬拉糕好軟熟！豆腐花好貴，要22$ 一碗，但一場黎到都要試下啦！自己拎碗裝，感覺唔太衛生，而且豆花唔係特別滑、失望！佢D菜........真係非常新鮮架！！好佩服員工，佢地埋單計數好快手、心算就知道價錢！😂

因為係市區返工，所以放假盡量都去啲郊外地方，避免人多擠迫的侷促。假日早起心思思想去飲茶，即刻出發去川龍。當日運數不錯還有西洋菜供應，這是我每次必點的。香港確實唔太容易找到油菜甜美的蔬菜，有些時候就算西洋菜沽清或缺乏供應，我都會選擇其他蔬菜代替。其餘點心都沒有什麼大驚喜，始終已經去了不下10次，只要去得夠早點心的選擇就會越多。不過入夏之後應該會停一段時間，除了熱之外還有蚊患情況，雖然情況不嚴重，但個人是非常吸蚊的，還是留待初秋的時候再會吧

Took MTR to Tsuen Wan station, exit B, and then walked a bit to the mini bus stop for 川龍。 After getting off mini bus, go down the stairs and walk along for about 50meters , you will see Duen Kee. We went upstairs to get a table with better views. There were local peoole bringing their birds with them to the restaurant. The birds were loud, but they made interesting sounds and it was fun and relaxing to eat with those animals.We got to make our own tea , take our own dim sum from the ground floo

一行十人去大帽山行山順便係端記食早餐先~酒樓是全自助形式,沖茶攞點心都係自己搞掂的~幾好玩~想食咩就自己拎, 拎到成檯都係野食就好開心.但係野食就一般, 環境都係.

良辰美景 🌳 ， 鳥語花香 🦅 ，清新空氣，水滾茶靚 🍵 （有水仙、香片、 壽未、普利），好食嘅懷舊式廣東點心，停車場可泊約二十部車輛🚗，荃灣開車過去約十五分鐘，有小巴到村口落車後步行約兩分鐘，假日休閒好去處。

去川龍行山就可以飲啖，點心唔係最重要，因為都有啲失望，因為唔熱，不過係足料嘅。但一定要食嘅係居民自己種嘅新鮮蔬菜，好清甜，碟菜3~4個人食都夠！沖咗壺水仙都唔錯，口感都算滑，埋單2個人HKD88都Okay啦！美咪指數：7/10抵食指數：7.5/10

今天原本諗住享受有田園風光的午餐，所以一起床就什麼都不吃，乘車到荃灣再轉綠色小巴到川龍村飲茶。到了川龍村，就沿著指示方向來到端記茶樓，上了樓上揾位，這裡是全自助式，自己開茶和取杯筷，跟著叫了鳳爪、牛柏葉、豬手、排骨、馬拉糕、鵪春蛋燒賣、芥蘭菜，本來想叫多一碟點心，但食了兩、三碟點心就打念頭。碟鵪春蛋燒賣又乾又硬；牛栢葉水汪汪仲有啲係黑晒色；最離譜碟芥蘭，又黃又爛既菜，居然可以給人客，我懷疑根本沒有清洗過就煮了。

星期六中午，因行山順路及方便，首次到端記茶樓飲茶，叫咗幾個較多人好評之點心，西洋菜…… 顏色青綠好靚，但好老，要咀嚼好耐先食到 ， 排骨蒸飯……排骨都算正常，飯面有部份好乾，豉汁蒸鳳爪…… 太重口味，豆粉過多，似漿糊包住，馬拉糕……外表正常，但質感好實， 义燒腸粉……皮太厚， 燒賣…… 唯一可取，如再次到川龍，我不會再去， 端記可取之處，只係方便行山人仕，我相信川龍還有其他更好選擇，因我只是第一次去食，冇得比較之前質素是否如其他人仕所說得咁美味呢！

當日天氣非常好，決定同朋友上山飲茶🍵去~ 等車位🚙足足等左 20 分鐘，差少少要放棄時，好彩咁啱有位！YEAH~🤩呢道完全係自助形式，沖好茶、洗哂野就開始搵野食🤤。喺咁靚嘅大自然底下嘆杯茶🍵、食個包🥠真係超幸福（我以為）~蒸排骨：肥到一個點，食左2舊我已經放棄😰牛肉球：肉質鬆軟，加入爽脆嘅馬蹄，口感非常好😋煎堆：放得太耐，入口只係得一堆油，感覺好差😖馬拉糕：甜道適中，入口鬆化，可惜食時已經凍左😔燒腩仔：個皮完全唔脆，得個『硬』字，肉質又嚡又乾，再加上真係好鹹，我投降…😵燒賣：肉質爽口彈牙，好味~😌總結：環境係唔錯，但係今日野食真係麻麻地，加上泊車 + 出車都攪左好耐，我後悔了。😒

好耐未上過川龍，同家人約埋朋友一齊揸車上去，梗係要去飲吓茶啦！端記係我哋細個上川龍必去嘅茶樓，今次當然要去重遊舊地！試問有邊度茶樓可以一路睇風景，呼吸一下大自然嘅清新空氣，一路嘆茶食返一盅兩件！我哋一定係揀樓上風景優美嘅嘅座位，不過就要喺樓下自己攞嘢食，然之後行樓梯上去，咁啱樓上滾水未滾，仲要喺樓下沖埋茶洗埋杯先上去！拎住啲嘢食同熱茶行果條樓梯都咪話唔驚險！最鍾意食端記嘅糯米飯、臘腸卷同自己盛嘅皮蛋瘦肉粥，碗粥我哋盛到滿晒，再加勁多卜卜脆！夠晒火候同味道！其實樣樣點心質素都唔錯！

大帽山行山順便係端記食過早餐先飲早茶, 叫到成台都係, 人多就係食得多野,爽!!西洋菜係必推的,因外面有一塊西洋菜田所以菜好新鮮又好嫰口而點心就同普通茶樓一樣, 無咩特別出色因只係因有鄉村風味