影片
更多
2019-04-20
108 瀏覽
香港立食文化好似唔算十分普遍，所以今日好奇黎試下呢間標榜由築地直送嘅壽司店。今日可能落大雨同比較早嘅關係，所以無咩人排隊，唔駛等巳經可以直接入去食。呢度環境唔算差，每個”位”後面都有一個勾同衣架，方便食客放低隨身物品。不過地方唔算大，最多企十零人，所以難怪平日繁忙時段要排長龍。每個位都巳經擺放左一堆杯碟筷子，全自助形式。下一步就係喺點菜紙上面點壽司，價錢唔算係平，不過壽司種類選擇多，有d係平日omakase先會食到嘅壽司，而有d期間限定嘅食物就會寫左喺黑板上面。當你點好餸之後師傅就會一整盤咁放喺你面前，砌得整整齊齊，賣相十分吸引同新鮮！整體黎講所有壽司都算係幾高質同新鮮，魚類壽司好肥美，其中大呑拿魚更加係入口即溶，好軟淋淋🤤 不過個極上海膽就比我期待差，雖然佢夠肥夠油而不腥不乾，海膽槳濃度適中，但係始終係唔夠甜。不得不提一定要食佢個三文魚子！因為真係好好食！呢個三文魚子係我喺香港食過最好嘅，因為喺香港食親好多都係腥，就算唔腥都未必會甜，但佢呢度嘅三文魚子每一粒都好有口感，甜而不膩，師傅仲要比滿滿一碟，真係大滿足！Overall我覺得呢度食物質素唔錯，果然名不虛傳。不過始終無得坐係唔太適
呢度環境唔算差，每個”位”後面都有一個勾同衣架，方便食客放低隨身物品。不過地方唔算大，最多企十零人，所以難怪平日繁忙時段要排長龍。
每個位都巳經擺放左一堆杯碟筷子，全自助形式。下一步就係喺點菜紙上面點壽司，價錢唔算係平，不過壽司種類選擇多，有d係平日omakase先會食到嘅壽司，而有d期間限定嘅食物就會寫左喺黑板上面。
當你點好餸之後師傅就會一整盤咁放喺你面前，砌得整整齊齊，賣相十分吸引同新鮮！
整體黎講所有壽司都算係幾高質同新鮮，魚類壽司好肥美，其中大呑拿魚更加係入口即溶，好軟淋淋🤤 不過個極上海膽就比我期待差，雖然佢夠肥夠油而不腥不乾，海膽槳濃度適中，但係始終係唔夠甜。
不得不提一定要食佢個三文魚子！因為真係好好食！呢個三文魚子係我喺香港食過最好嘅，因為喺香港食親好多都係腥，就算唔腥都未必會甜，但佢呢度嘅三文魚子每一粒都好有口感，甜而不膩，師傅仲要比滿滿一碟，真係大滿足！
Overall我覺得呢度食物質素唔錯，果然名不虛傳。不過始終無得坐係唔太適合大伙人黎同食太耐。但相信為左個三文魚子我會再黎食過！
張貼
