稻香 (青衣城1) (已結業)

可能因為天氣冷的關係，好多客人都吃火煱。我同朋友就點小菜。叫了蜜糖豆炒帶子桂花丰椒鹽豆腐百合鮮菇每碟的份量都相當大，味道亦不錯，好抵食呢！

呢間野d點心最正...真係好好食...可惜唔係平,同埋成日都好多人,要等,有時仲要等勁耐添

我上次去食個陣～有ｄ人係上面吐ｄ糖落黎～好彩我唔係係個面姐．．．不過食野個陣都要好小心～ｄ野都好好味～ｄ野都好抵～

最重要環境清潔, 空氣好d,味道ok

昨晚去吃晚飯，ｂｏｏｋ了檯也要等十幾二十分鐘；這還不太離譜，最令人氣憤的是叫十樣菜有七八碟是沒有供應的．菜色味道不好，很鹹．以後不會再光顧了！

星期六同媽咪o係依度食lunch~ 本來好多人, 因為我o地肯搭檯, 好快有位~<br>粉果- 連我依個唔鍾意食粉果o既人都覺得好好食~ 皮好滑~~<br>蝦春卷- 一條一隻蝦, 不過隻蝦無蝦味~<br>鮑魚雞粥- 好大碗, 好多雞同飽魚, 抵食, 好食~<br>椒鹽鱔片- 勁多油~~ 千萬唔好order~~<br>羅漢齌腸粉- ok啦~<br>蟹粉小籠包- 唔係好掂, 又乾又無味~

昨日8號風球，8點幾去左青衣城搵0野食，突然諗起稻香好似9點後特價，咁咪去睇下。當時已經見到約有二、三十人等位，不過一到九點就好快入曬去。入到去見到火鍋碟碟$19，咪試下囉。當時諗$12一碟唔慌比得多，所以叫左19碟，點知………..嘩，一0黎碟雲吞竟然有20點，芋絲起碼20扎，蘿蔔成座山咁，真係見到都已經飽曬。我地想叫減量，但係D waiter話要搵經理問，原本我地都諗住算數。點知0黎左八碟之後過左15分鐘都無再0黎0野，咁我地順勢同經理講，之後伸減左好似六碟。食物味道都算唔錯，仲好足料，最正係個手打四寶丸，有約20粒，粒粒都好爽口彈牙。環境唔熱，坐位都唔算十分迫，但最差係d服務，叫一碟辣椒醬叫左三次先之有，問佢地多兩句0野都唔多想答你咁。不過埋單五個人只需二百九十元，湯底$38一鍋，酸梅湯$10一瓶。每人$60飽到嘔泡，一定再去過。

稻香既食物幾好，所以好多時都會同媽咪去嘆下午茶。之但係個「帶位」認真固執。原本我叫左一碟點心，先發現無點心紙，所以咪同個「帶位」講；點知佢話比左我地，係都唔肯比個另一張。我地唯有同個部長講，點知個「帶位」捉住個部長話︰「我明明比左張點心紙佢地，唔好再比。」佢地糾纏左成幾分鍾。我終於開聲叫個部長周圍搵如果無就比個張點心紙我。最後梗係我地得勝。而我呢位「常客」亦都無再光顧。

我巳搵過你地個網仲未add將軍澳呢間入去﹐本來想俾 <br>評語﹐等你地add左入去先﹐我再俾評語啦....... <br>Thanks.....

阿姨o黎香港探我地當然要去茶樓食飯,奄尖o既我同妹妹就揀o左o黎稻香漁港食lunch~ 呢間o野同樓上敦x一樣一向都好多人等位,但係家人表示敦x少o野食又貴又唔係特別好味,o係呢度見到青衣城最多好評o既似乎係稻香,見平時咁多人,今日就睇下佢咩料子~今日係星期六,我地兩個代表全村九個人o係一點左右o黎到輪位,點知原來叫到號碼都要有過半數人在場先可以入去.唔知係咪因為我地有九個人,所以好快有台,只係因為唔夠半數人所以冇得入..等到姨媽佢地o黎到再等多幾個字我地終於有得入喇!!一入去稻香範圍就有好多侍應同我地講歡迎光臨,十足十去食日本o野咁.我地咁多人仲以為會分去一二邊d 黑暗位置,點知有得坐船.雖然睇落好逼咁,但環境乾淨特別,連員工制服都做到水手服咁,坐落好舒服.d o野食好貴..但係上台樣樣都好好味!最獲好評o既係肉絲炒麵,其餘所有o野食包括炸雲吞,鳳爪,蓮蓉包,馬荳糕,雪菜肉絲炆米,珍珠餃,韭菜餃,鮮竹卷,小籠包等等味道都好鮮甜味美,賣相亦很不俗,唔會好似一般茶樓咁好多油,凍冰冰,唔脆唔衛生又少選擇.肉絲炒麵脆卜卜,d 汁調得好味;雪菜肉絲炆米好大兜抵食,每人可以食到幾碗;馬荳糕原來整

我都幫襯佢飲茶, 都幾好喎!(阿媽等位等得好甘, 十二點半等到兩點!)除左個$8.8碗仔翅好唔掂之外, 點心樣樣都幾好, 個特價$38象拔蚌泡飯好鮮味, 抵食!裝修好落本之外, 仲好大膽, 係屋村商場整間烏麻麻中式酒樓, 仲連龍鳳禮堂都係咁, 好野!

本著新店一試的心態去晚飯, 先已被見其"dom"本的裝修和所用的餐具博了好感,再加上其食物的水準和賣相實在不錯, 我們吃了蘇(眉)兩味和金銀蒜蒸勝瓜(白)茄子都令我難忘, 價錢亦合理, 它的甜品種類都幾特別, 有小雪糕球(人蔘/蜜桃味),連龜靈膏也有.

我每次去青衣睇戲之後都一定去這店食晚飯,因為9:30之後火鍋料又平又十碟--@$28。食完飯後去鄰近公園談心真係最好安排。

同班同事去食lunch，有平價炒粉麵飯，估唔到味道唔錯喎，而且仲好大碟，亦唔係油淋淋，可惜無o物甜品款式，檯與檯之間都幾迫狹。

食火窩, D o野幾貴, 火窩料平均$5X~ order o左肥牛, 駝鳥肉, 鵝腸, 四寶丸, 魚皮餃, 西洋菜and 豆腐~ 又order o左一碟腩仔肉同一jar西瓜汁~ D 火窩料好大碟呀!!!!!! 個waitress 又唔remind 我o地~ >_< D 料好新鮮~ 四寶丸自製o架~ 蝦丸好正!! ^___^ 鵝腸又爽又大條, 正!!!!!!! 西瓜汁唔甜~腩仔肉幾鹹, 不過肥瘦適中, 皮好脆~ ^_^食完又order o左兩碟生果, $6.5 each, 有哈蜜瓜同西瓜, D 西瓜好甜~ ^_^埋單$48X~ 幾貴, 不過幾好味~ ^__^