稻香 (青衣城1) (已結業)

稻香的龍蝦套餐消失了, 散叫要$198一斤, 轉而試這個信用咭特價餐, $399包茶介加一, 平就平但實在唔多好食。1. 蟹黃翅(一人一碗) –雪藏蟹黃加上好鞋好硬的翅, 混在像加了水的高湯中, 淡而無味, 再加上紅醋就係怪味。2. BB燒乳鴿(一人半隻) –最好食係佢, 夠熱夠脆(話時話, 青衣稻香的炸雞一向都好脆), 不過空口食幾咸。3. 魚羹(一人兩片魚肉) –和和暖的沒有鮮味, 羹面加一大把蔥粒, 睇就好睇不過無助食味。4. 蠔油花膠鵝掌(一人一隻花膠、一隻鵝掌加兩條茄子) –花膠好林, 隻掌都入味, 衰在唔夠熱。5. 草菇西蘭花(一人三朶花加三隻草菇) –又係好清淡的一味。6. 錦鯉狀的芒果布甸一人一小條。味味都係墊碗碟咁細碟, 食完剛剛夠飽啦。乳鴿先來, 之後個廚煮好邊樣就上邊樣, 那管你上一碟都未食完, 上菜的時d菜已經唔太熱, 到放入口時, 又有什麼法子會唔凍呢!

好耐無幫襯，上星期五再去晚飯，坐底無耐侍應姐姐就埋o黎招呼推介，話有個限量供應o既天麻魚頭湯，只賣$98，好抵咁話，卒之聽佢講叫o左一窩。上菜喇，侍應打開個蓋，咦，點解魚頭湯D顏色唔係奶白色o既？睇落似清雞湯多D喎，又聞唔到天麻味，飲落雖然幾甜，但係就唔似魚頭湯，但係侍應姐姐一路撈湯渣一路話：「係天麻魚頭湯嫁喇，無錯嫁喇。」咁話。睇阿姐撈下撈下，撈上O黎O既一大碟野有九成半以上係豬肉、雞腳，搵O黎搵去唔見魚頭，但就見有兩三塊魚鰭，同一細舊好似魚頭骨殘骸o既野。有無攪錯，咁都算係天麻魚頭湯？唉，用D廚房用剩O既頭頭尾尾O黎煲湯，係就係幾環保，不過用O黎賣俾客就真係唔掂。就算賣，極其量算係豬肉湯或者雞腳湯，話係天麻魚頭湯就真係有D離譜。

O, 粵翠軒裝修, 就稻香啦。一份龍蝦伊要$248, 不如加多幾十要$288的上湯/芝士龍蝦伊麵加脆皮燒雞半隻啦。伊麵d汁奶白色, 芝士味唔重, 咸dd就好味dd啦, 不過, 隻蝦幾新鮮, 八大件蝦, 夾埋d麵分倒六飯碗。稻香的脆皮雞一向皮脆, 要雞味當然要去鳳城, 之但係, 稻香的燒雞皮脆價平播。侍應姐姐猛sell$48一隻蝦, 話蝦大有膏。無意中聽見一位侍應姐姐對另一位說, 今晚我賣了八隻蝦, 下, 連賣蝦都有quota?

很簡單的評語: 差+ 貴吃了xo 漿炒花膠豉油炒大蝦乳豬拼盤不知名骨xxx艷素(冬瓜+菇+兩條竹笙)冇樣野好食!!!又貴服務又差不會再去!!!!

一直覺得青衣依間稻香開揚o既設計好有氣派，o係裡面食飯會好威風好有feel，直到同同事去過飲茶先知完全唔係o個回事~　可能因為係午市去多人，檯與檯之間好窄，幾迫下；而座位坐落都唔係咁舒服~ 不過最難頂係空氣唔流通，好焗好熱，令人胃口減半~ 　講返食物，我同同事係食點心為主，蝦餃餡靚美味，腸粉都夠滑好食，overall都唔錯，美心酒樓咁上下水準~ 不過無乜特色，食完唔會特別impress~　其他稻香好似好d~ 總之依間無乜incentive返炒，包括晚市~

茶樓午飯時間極繁忙, 短時間內應付大量顧客, 價錢又要經濟, 出品和招呼當然很難盡善盡美. 我略嫌他們人手不足, 食物上桌時間也長了一點, 不過還是可以理解.試了兩款$18小吃, 椒鹽九肚和避風塘茄子, 以價錢論, 分量算十足, 質便無謂強求. 椒鹽九肚當然不能和澳門大東的相提並論, 脆槳略嫌過厚、過硬. 茄子等很久才上桌, 脆槳也是太多太厚. 用的油也好像不是太好, 煎和炸的食物味道總像差了一點. 幾款蒸的點心則效果較佳, 柚皮鴨掌的鴨掌爽脆彈牙, 有點警喜. 棉花雞用的魚肚不差, 好食, 創新地用一些豬肉丸墊底, 可惜豬肉丸味道欠佳. 其它點心則沒有甚麼特別, 有好有唔好. 總的來說, 中規中矩咁啦.

剛剛上星期到呢度食火鍋首先最唔明就係佢個訂位後都要等位的system實在好無謂,我訂八點,差唔多八點八至入到去早知食九點後特價啦!選擇唔算太多,不過D野食都算唔錯食小菜比食火鍋的人多好多!

同同事fairwell,o係度飲茶,點心質素不過不失,唔會話係太好或者太難食o個隻,但係起馬全部點心上檯時都係熱辣辣o既,可惜o既係要等幾"奈".落左單後要等成三個字先有得食,而且坐位不佳,被安排o係大堂邊,即係好容易受到高空擲物o既影響,我地向上望見到個細路伸細頭出尼,好彩佢唔係o係度玩口水......諗落其實個位幾牙煙.

7/9/2005.2:00pm 一行８人，來到青衣城飲茶，座位爆滿，但不是等好耐就有位．開３壺茶，但是臨尾先來最後１壺茶，奇怪～下午茶小中大原來是6.8,8.8,10.8另有其他更平的小食．我們立即叫了２０碟野，雜豆桂花糕（很鍾意食不太甜），千層馬拉糕（ｏｋ但不太有奶黃香），黑芝麻煎堆（略油），叉燒酥（好味），碗仔翅，南乳豬手，鳳爪，豉汁豬大腸（入味），瑤柱蒸蘿蔔糕（好味），叉燒腸粉（滑），印尼炒飯（略油沒有鑊氣），油雞河（很大三個人先食得曬又是雞脾）．．．（其他食物就不記得）大酒樓的水準都是穩定，服務ｏｋ，大家坐兩小時都不停加水，ｄ水真的很熱，又自動給ｘｏ醬．埋單二百幾蚊

尋日去食下呢一間野食~ 因為稻香個名好響~ 所以去試~ 入到去招呼好好~ 但問題就發生係.. .佢地唔夠野比客食~ 我叫10樣野只得6樣到有得叫.. .好彩最後佢地D野食真係幾好~ 如果唔係真係賠了夫人又折兵

之前聽朋友講, 稻香漁港在青衣城下層, 是一條船的設計, 於是就趁昨天請食team lunch 去試下...我們一行十人, 如果冇訂位, 我估要等起碼半小時吧..門口站滿人..同事們亦盡情地點食物, 但點心選擇著實不多, 環境亦很擠迫和有點熱....還要寄望商場上層的人不要亂拋垃圾, 因為上面是沒有遮擋的...點心的味道不過不失啦, 但可能人多的關係, 上甜品的時間都幾慢....不過最後最奇怪的就是價錢...我們吃了很多o野, 點解咁平o既?

我一行四人食四人套餐$388，一叫完就好快上菜。真係好開心，因為大家都肚餓。點知...一上就唔止上一樣，差唔多你套餐入面有乜都一次過上晒(除左甜品)。唔單止無位放，個侍應都唔知放邊度好。你諗下有野9碟野係張四人四方麻雀枱上面，仲有每人一份的杯碟。野食放到四隻角都有。本來味道都唔錯，但我地實在食唔到太快啦，D野食放得耐仲凍晒。D野凍左就無咁好食。我比錢出黎食野梗係想舒舒服服食啦。上菜咁快，好似食緊快餐同埋有點趕人走的感覺。所以我未必會再啦。服務都OK。仲有冷氣好凍！

一行四人，一去到已經成枱野食，本身又岩岩食左哈迪斯，所以無再點野食，慢慢食。鴛鴦湯已經變左沙爹湯，叫左好多野食，有幾樣係特別好的。先講湯底，沙爹湯的確夠濃夠辣，唔錯喎。魚皮餃，好大隻，ｄ料又無過份調味（有ｄ地方加大量麻油，唔係個個受到），咁仲正，如果唔係ｄ味道會好亂。肥牛，比起唔少鋪頭正，佢起碼肥瘦均勻，入口唔算太ｕｎ，加埋沙爹湯就已經唔錯。鴕鳥肉，白鱔亦新鮮，整體唔錯。但食食下，拿起一隻魚皮餃，有隻蒼蠅黏住係度。呢樣都係美中不足。

今日係母親節所以咪同媽咪去喱間酒樓飲茶law！等左成個幾鍾，終於等到有位(係一張12人ge大枱)，原本一行七人咁去等位，因為門口企滿晒人，所以有Ｄ屋企人就行開左，有Ｄ就去左洗手間，原本大枱只叫到34号，但突然個知客叫number叫得好快，一陣就叫到45号，原本好開心諗住有位，點知個知客話未齊一半人唔準要枱，我就同個知客講Ｄ屋企人去左洗手間jar，仲狂急call佢地返黎，點知個知客又惡死又大聲咁話限2分鍾就要叫齊Ｄ屋企人黎，搞到我又嬲又氣憤。到我Ｄ屋企人黎左啦…又要我地企曬係度等，問佢博命摧人黎依家人齊又要企曬係度等咩先？個知客就收曬聲扮無事。後尾咪投訴佢，個部長解釋話公司規矩係要有一半人至比枱，但後尾我隔離竟然見到一個男人就可以攞左一張大枱，0個個仲應該係熟客tim！Ｄ職員打拱作揖咁乜生前乜生後，嗰位亞生坐左成二十分鍾先有屋企人出現，咁即係點ar…係咪熟客就唔駛守規矩？我食野一樣要比咁多錢ga…咁喱間野ge所謂公司規矩即係咩呢？個知客對客人唔尊重ge態度又算係咩呢？簡直不知所謂！！

依度飲茶都唔平,飲下午茶抵d~~^__^不過d點心都好正~!至愛蝦餃皇~~皮薄蝦新鮮大粒好好味!環境乾淨~ 一隻船仔似的商場內露天酒樓好設計~是飲茶的好選擇!