稻香 (青衣城1) (已結業)

星期一的下午茶時段, 排了大約半小時, 太多人啦. 叫了4個點心:义燒腸粉: 腸粉太"林", 不夠滑.素餃: 蝦餃皮, 但太溥, 一夾就爛, 餃子料很少, 差雙併蒸蝦球魚球: 蝦球不夠彈牙, 魚球彈牙, 新鮮好味. 雙併糯米卷及馬拉盞: 糯米卷一般, 馬拉盞好味.環境太嘈, 坐位太近太迫. 連茶芥加一, 六十多元, 扺食.

昨晚同老公去青衣城，唔知食咩好，最後見稻香九時後有特價火鍋，原本 18、28同48蚊碟的火鍋料，現在全做六折。兩個人，揀咗個半打帶子加鍋底 $98，因鍋底都58 or 68，索性要帶子，帶子還可以叫他們用蒜蓉粉絲蒸啊！味道都唔錯，帶子幾鮮，也夠大隻，$98半打還有個醉雞鍋底….好抵！醉雞鍋就一般啦，剩係覺得有好多藥材，一 d 都唔覺得有”醉”……蝦好新鮮，雲吞水餃也有足料鮮蝦，不會像其他的，裡面大部份都是肥豬肉，肥牛都唔錯，不會有太多渣，魚皮麻麻，有點受潮，淋咗……鱔片新鮮，最不喜歡是桂花蚌同珊瑚蚌，很雪……最後三百元埋單，對比平時正價時食，叫做好抵啦！平時得兩公婆人少少通常都食任食火鍋，因可以食多幾款，每人都是百多元…… 今次特價時段食稻香，都係每人百多元，款式當然比任食少，但就新鮮好多，必定會再去呀~~

當晚為左慶祝爸爸媽媽結婚週年紀念，見佢網頁中有個咁抵食ge $698套餐(免茶芥及加一)咪決定簡簡單單一家五口食餐飯lor....點知.....1) 樓面阿姐勁sell貴套餐 >>>我地講左幾次想睇下"豐彩宴"套餐先死死地拎過黎﹝好彩我做足功課先黎食飯je﹞2) 樓面阿姐勁sell佢地口中大大隻抵食"生猛"海鮮-賴尿蝦 >>>我話套餐咁多野食都夠飽同埋我地一家都唔好海鮮ge，阿姐居然同我講：「賴尿蝦食唔飽ga ma！」真係o哂咀lor，食唔飽我叫黎仲咩呢？！3) 我地大概由19:20食到20:30，一碟都未清完又再黎多二碟....如是者食左30分鐘成個套餐除左壽包及生果未黎就全部同我送哂黎好好笑lor~趕客唔洗做到咁出面吧！！﹝請大家睇睇張相，【3】及【5】都係被迫趕快食，好讓阿姐放低更多ge碟....從來未試過頭2碟都未食哂就黎條魚>條魚只係食左幾啖就送埋個飯黎....﹞我地食食下都驚佢無lala送埋個壽包同生果呀4) 呢餐ge特式除左當快餐咁食之外，仲有就係色香味全無....﹝冷笑中...﹞5) 呢餐好就好在每人都送半隻乳鴒總

昨晚同朋友去呢間打邊爐,因為一早訂左位,都吾駛等太耐先入到去,個煱同醬料好快就黎,湯低好足料, 舊豬骨都幾大舊下,食物種類都ok, 算想食果d都有,個爐幾好, 好快d食物就熟,d食物都算新鮮, 份量吾會話太少食吾飽, 吾錯。侍應雖然忙, 但態度都幾好, 個爐太猛又會幫我地較細少少, 好細心,做野好勤快。食完埋單約$145一位, 汽水$5一罐, 但其他橙汁, 菊花茶$20一渣(就貴少少)有侍應推介$13.8一隻乳鴒, 幾平, 不過我地就無試到環境算大, 不過太開揚, 上面行商場D人見到哂你食飯,好似有D吾好意思甘。但大致上我同朋友都食得幾滿意 :]

琴晚同女友同兩個fan去呢間店到打邊爐,特登等到9點,因為平d,入到去點o左好多野,一定要叫蝦丸,墨丸,肥牛,花支,竹笙同駝鳥肉,呢幾樣野真係好好食,其實打邊爐,d野新鮮就多數都好食,呢間店就真係新鮮,同埋佢d豉油係自己煮過,好香,甜甜地,幾好味,跟住佢會比個調味籃你自已再加野落去d鼓油度,有辣椒,花生.....最後食到超飽,都係1人130幾,仲要飲o左兩支啤酒,三支可樂,價錢都算ok,但真係幾好食,下次會再來.

今晚做冬,阿媽去稻香本身想買乳鴿..~~不過冇晒為有買燒春雞 ~~但味道就麻麻..食得出有雪味 ~~而且肉比較"鞋",同埋好多油呢.要用吸油紙吸吸佢 ~~~下次都係咪搞~~

昨晚到此食了這個套餐，品評如下！坐位逼，大時大節預了！出品每況愈下！用膠碗膠碟！下次會去第二間！虎蝦海斑宴 上湯焗大虎蝦(伊麵底)--急凍蝦，又霉又細隻！伊底水汪汪！龍裙乳豬件--超細碟，個碟就大，約20小件，四份一隻都無！重要兩隻豬合拼！碧綠花姿蚌片-翠玉瓜就多！黃金脆蝦丸—尚可！紅燒竹笙海皇翅—大路。玉環瑤柱甫—細粒，個獻又黑又杰！清蒸大海斑—過火，中班是也！沙薑穗香雞—凍的，可能放了後久！香芋糯米飯蓮蓉桃包—變了奶皇飽，全晚最好就係個飽！即蒸！又熱又新鮮！合時生果—幾片大陸西瓜！ 每席$2088【供十二位用】 每席敬送：指定啤酒2枝，果茶2酌、免收茶芥及加一服務費

媽咪佢地去飲茶,有人推介話新出既紅燒乳鴿好味 ~!試完後,老豆同媽咪竟然不約而同話有好野要買隻返黎比我食..$38一隻~~我覺得價錢都OK呀 !不過我真係冇咩點食過乳鴿..今次好似第2定3次食..!但真係好香好香..!D肉又唔會"鞋"..哈哈..我一路食,隻肥波可能聞到香味..係咁吠我..勁為食 !!

細佬返左黎香港一段時間, 但都未見親戚所以就約出黎食飯兼幾位長輩閒談一下事前, 屋企人 check 左有個 $698 既半圍 dinner set 幾好但去到果時發現無, 唔通無左, 問一問, 原來無放o係枱貴既就o係枱, 平既就要問佢拎, 不過呢 d 好多酒樓都係咁好在事前有做 research高湯海蝦伊: 幾隻海蝦, 伊麵底, 海蝦算新鮮, 唔會梅, 伊麵好食, 個汁做得好, 自己又鍾意食伊麵, 夾左唔少醬皇炒雪花珊瑚蚌: 珊瑚蚌花枝片炒翠玉瓜, 翠玉瓜唔太淋, 爽口, 好食金瑤扒雙蔬: 瑤柱, 金菇菜草菇唐生菜, 瑤菜不少, 落足料, 不過味道普通酒心百花球: 炸醬爆海鮮球, 蝦肉球入邊有 d 酒同埋冬菇, 熱辣辣, ok紅燒竹笙雞絲翅: 雖然只係散翅, 唔算多竹笙, 不過以呢個價錢黎講, 係超值, 自己亦以味道行先, 所以呢個翅唔錯, 半圍可以分到七碗清蒸青斑仔: 青班仔蒸得幾好, 唔會太老, 加埋個準, 好食百靈菇扣玉掌: 百靈菇炆鴨腳, 百靈菇好似鮑片咁, 幾好味原隻燒雞: 半圍都有一隻雞, 抵, 味道唔錯臘味糯米飯: 一大盤糯米飯, 好香, 由於太飽, 大半盤都係打包蓮蓉

午餐時入場,要搭檯,叫左:叉燒蛋飯:夠份量,叉燒好味,飯加左筍同蛋絲炒,幾香口蝦餃:蝦夠大隻,不過冇咩特別,算ok燒賣:又係夠大件,不過不失灌湯餃:足料,湯幾鮮,唔錯鹵水雞腳:朋友話好正,我覺得都ok,幾入味(對面搭檯師奶又叫左,不過佢地投訴話冇落花生,結果我地個碗都換埋)整體幾好,環境都叫接受啦,不過如果有人高空擲物就...

12-11-2008 今天與親存一行十一人,九個大人,一個小孩,一個BB,去了青衣城稻香打邊爐,這間計埋呢次,共去過三次,個火鍋魚湯底好鬼正呢~叫了很多東西,食物水準都有八成好既~埋單共970幾元~不算平,但~坐得好舒服~參考照片 : http://hk.myblog.yahoo.com/kitypanghk/article?mid=12886

媽媽生日一家人和她打邊邊慶祝9點特價時段, 一行五人點了.....肥牛 : 十分捧!!!!!味道一流, 肥而不流,哈哈哈桂花 : 一之記之曰....爽!!!!!豬腰 : 不會太粉, 易入口雲吞 : 蝦味道夠鮮魚皮餃 : 比起雲吞差天共地再叫了一個清寶涼湯底加上一個併盤開始時以為併盤會十分小, 但一上菜便不禁嘩一聲, 食物質素很捧XD有蟹....有貢丸....通菜....., 十分多食物選擇,哈哈哈

中秋正日，反傳統地去了吃日本壽司過節；追月夜，同幾位老友吃番一頓傳統中菜。地點選擇稻香，主要是貪佢夠平。大家食野都有特別要求，有人又唔食牛，有人唔食雞，有人又話唔舒服，點菜方面都有一定難度。加上侍應不斷推介菜品，令人煩厭不堪。糖醋魚塊和生炒骨，兩者做法差不多。不過有人話呢度既生炒骨好正，一定要食；有人又想食魚，不過唔食蒸魚，就糖醋魚塊和生炒骨各一。好在，兩者的質素都唔太差。先講魚塊，剛剛炸起，幾脆口，魚肉也不會死實實，而且酸酸甜甜的做法，合大眾的口味。生炒骨，肥瘦適中，入口鬆化，雖然與糖醋魚塊都是酸酸甜甜的，但各有擁躉。腊味什菜煲，溫度都令人滿意。蔬菜的選擇也算充足，幾淋，但只得幾粒蝦米，少許魷魚，咁就叫腊味，有些少勉強喎！還有的是，底下的粉絲都只係得個兩柱，似乎小左ｄ，呢個煲大家都有點反應。各人都想試蠔，之不過當中有人喉嚨唔妥，唯有弄一客桶蠔，薑蔥整，咁大家都可以食啦！薑蔥桶蠔，大隻就夠大隻，薑蔥爆理應好惹味，今次卻做不出這風味，同埋蠔邊有渣。啖啖肉的桶蠔，就此被糟蹋。食物不算十分出色，唯價錢合理，每人八十有找，也不能苛求太多。

今天去了青衣城稻香吃晚飯。當我們討論菜單的時候，不斷有人站在我們背後問要什麼，又不斷推介。雖然那些侍應的服務態度都 OK 喇，但我不喜歡過份殷勤的表現，有少少煩及趕極不走的感覺。之前看 openrice 時，已看到不少人說上菜速度極快。果然，快到令人覺得好像一早整好似的，落單後不需 5 分鐘便上好了以下頭 4 道菜。10分鐘內亦上好了第 5 及第 6 道菜。友人說可能是因為夜晚大多數人都是打邊爐，所以廚房較得閒。這不無道理。但最後兩道需要即叫即整的菜卻在我們吃了約 25 分鐘後才送上，這很難叫人相信之前的菜不是整定。雖然我不知稻香是速度真的這麼快，還是一早整定，但講真，如果它真的是一早整定，它可以考慮遲 10 分鐘才把菜端上，混淆一下視聽都好丫。一行 6 人，叫了 8 個菜。1. 咕嚕肉：OK，不會有太多的粉漿，亦不會太酸。我個人不鍾意太酸。2. 唔記得個名 (有金華火腿、XX蚌、冬瓜及草菇)：OK。我個人鍾意 XX蚌 (貪佢爽爽的) 及金華火腿的鹹味。3. 肥牛金菇煲：OK。4. 金銀蛋莧菜：麻麻。5. 醬汁脆皮雞：OK，脆皮夠脆。6. 雜菌忟伊麵：麻麻，味道淡淡的。7. 唔記得咩羹

個人對稻香印象平平, 火鍋的話大不如去明星, 但家人投票三比一, 無計了, 只有硬掘. 九點後係特價時段, 仍然有人攞飛仔, 不過往日人頭湧湧的場面不再, 只係有飛早D入, 無飛等陣入. 叫湯底, 個個都係四十八, 有幾個特別D既有相.(清保涼, 鯇魚, 羅宋), 例牌既鴛鴦, 沙嗲, 麻辣都有. 點左個鯇魚鍋, 入便既料都幾多下, 一個頭兩件身, 幾舊縎豆付, 紹菜, 海蝦數隻. 但最大既問題係我要魚湯, 點解毫無魚味, 幾舊鯇魚係就係煎得幾透, 但真係唔知佢地煮果鍋水有幾大. 雖則最後火鍋滾落去兼加水都唔會係原味, 但頭淡湯唔係咁招呼我呀嘛?睇返張點菜紙, 其實特價左價錢都唔係平得幾多. 鱔片特價後廿三蚊, 加一即係廿五. 肥牛亦然. 下一級丸類價錢十八, 加一二十. 再下一級菜蔬麵食十三, 加一十五. 最抵係燕京大啤, 八蚊大枝, 同超市有得fight. 普遍質素只係一般, 兼有以下問題食品:鱔片: 彈身有肉地算OK, 但係只得五片, 上枱時用骨碟盛, 廿五蚊碟睇到有D眼突.肥牛: 完全無雪花, 瘦, 亦無甚肉味.鮮牛: 最平, 價錢同肥牛差兩級, 但係火鍋都要食梳打牛令人作嘔.