稚

營業中

休息中

個招牌蒲燒鰻魚(半條)個鰻魚燒得好軟熟 鰻魚汁嘅味好香，入面一啲骨都冇，重點係，我嗌半條，但係都好大條，而且好厚，個麵豉湯好香，好清甜，個湯入邊仲有啲菇，令到個湯變得有口感汁煮豬軟骨個豬軟骨非常之香，我覺得有少少滷水味，而且個豬軟骨啲肉嘅口感都好軟熟，亦都唔會有好多肥肉，佢有啲軟骨好有口感，肉質都唔會好梅好乾，啲飯個量都好多

街坊小店，名就聽得耐，襯平日人少少，去試下🤗6點半左右到，人數唔多，walk-in 即有位。好開心，入到店，店舖設計簡單，座位不多但算闊落有日本地道風味睇到餐牌，覺得價錢合理，晚餐價格來講，算抵。揀來揀去，都唔知食咩好。最後叫左個主食，一碟飯，兩樣小食鰻魚炒飯，好香，味道好夠好多鰻魚粒，用料好足👍🏻汁煮豬軟骨（店推介），就試下。豬軟骨好淋，好入味，一碟有5件，抵食。果然係推介。我鐘意食肉，所以啱我食。上-章魚小丸子下- 酥炸生蠔小丸子，細細粒，一粒放入口，唔會覺得好多粉漿。炸生蠔，要熱食。。好脆小食份量ok，夠食。整體食物味道好有日本風味，好似自己食緊日本地道小店內的食物

推介小店招牌蒲燒鰻魚定食定食有白飯，味噌湯，前菜酸青瓜，小黃瓜原條燒鰻魚肉質嫩，不會太肥膩鰻魚汁適中，不過甜·喜歡伴珍珠米白飯吃柚子雞翼滿滿的柚子蜜雞翼仍保有油份，唔會燒得好乾我喜歡食吱埋檸檬汁，令雞翼更清新不油膩燒菠蘿面頭有少少焦糖又甜又多汁juicy蟹膏蜆肉炒飯炒飯入面好多蜆肉吃得到蟹膏香味加上有紫菜和木魚乾，味道和口感佳飲品有富士山柚子梳打柚子香，唔甜波子汽水，童年回憶店內有日本動漫卡通掛裝裝飾可以睇到烹煮過程，食得安心

店裏無論外語愛都給予我一種感覺清新而撲素，連餐具都用上木製的😋但重點食物令我感受到一份有愛和有心製作每一份餸菜。極力推介味淋魚干-製作得不會太過濕身而且有沙律醬可以點一點，咁樣會好味好多㗎蟹膏蜆肉炒飯- 比我想像中好食😋而且蟹膏和蟹肉都非常之足料😜而且價錢完全成正比。飯質完全係我想食嘅感覺，一路食一路同朋友舉晒手指公大阪燒-坦白講喺其他舖頭食嘅大阪燒賣相完全唔吸引，今次嘅大阪燒賣相非常吸引而且唔會太油。睇得出以上嘅菜式廚師夫花好多心機去製造，本人都感到而且我食得好開心，因為嗰度嘅員工都好勤力同好爽快同埋佢哋都好Nice好有禮貌。放心啦我哋會好快再見希望你哋keep住個熱誠

元朗區一帶都出名多美食，當中都有好多做得唔錯既小店，今次嚟到呢間近朗屏站既日式小店。位置算幾就腳，係個西鐵站行落嚟幾分鐘就到。餐廳既面積唔算太大，坐滿應該有十幾人左右，全店以簡約風裝修，都以黑白色系既木設計，係典形居酒屋係裝修風格，門口有個小木牌上面寫住當日餐廳推介嘅一啲定食。由於係小店經營，店舖唔會有好多人招呼，不過店員既態度都非常客氣，諗唔到食咩之下店員都會好好心咁推介佢哋店裏面嘅食品。呢間日式小店偏向係食一啲定食同埋熟食，今次試咗佢嘅蒲燒燒鰻魚同埋豚肉定食，分別配上味增茶漬飯同埋貓飯。首先鰻魚方面，分量都算充足，我雖然唔係十分之大條，但識落非常口肉同埋肥美，唔會有骨刺口嘅感覺。豚肉定食就用咗鐵板上菜，所以食嘅時候都仲保持到豚肉嘅熱度，食得出係先將豚肉煎到一個脆口嘅程度，在配搭洋蔥同埋醬汁煮成既一個菜式，食落都算有口感同埋惹味。每個定食套餐都配有麵豉湯同埋一碟小青瓜。另外除咗定食之外都有一啲小食同埋燒物，我哋都加咗碟章魚小丸子，係店員推介嘅一個小食，都相當唔錯，正在小丸子嘅配料非常多，夠多紫菜同埋醬汁，而呢度嘅小丸子唔係屬於粉多同糊狀嘅口感，適合鍾意食皮薄嘅小丸子嘅人。總括來講，價

一入鋪頭就聽到細細個聽開既動漫歌 又掛滿《男兒當入樽》《海賊王》等既海報 就明白點解鋪頭叫做「Childhood稚」幾個後生仔係呢個時勢開食肆係需要動漫主角們既勇氣👍🏻原條蒲燒鰻魚定食 +貓飯🐈鰻魚定食係「稚」既主打菜 食落就知真係必叫🍁秋天嘅鰻魚係最肥美嘅季節 魚脂真係不得了🥵🥵蒲燒醬調味唔會太甜 食到原本既韻味～加$10 蚊可以轉貓飯 呢個真係不。得。了 佢落咗牛油、紫菜同木魚碎 超香甜 一陣就食晒成碗飯 強烈推薦⭐️⭐️其他仲叫左「七味唐揚炸雞」「日本青椒豚肉串」「濃湯娃娃菜」呢幾樣 除左青椒豚肉串其他都大推🙌🏻🙌🏻好滿意既晚飯😽

😋味道：4/5📸打卡：4/5🗣服務：4/5🏡環境：4.5/5💵人均：$70-150💰性價比：4/5👍🏻推薦度：4/5🏃🏻‍♀️回頭率：30%.🏡門口唔係咁起眼 係一間小店🙈但裝修同擺設都好日式 有好幾幅動漫嘅砌圖同圖畫🥳再播埋動漫嘅主題曲 好有日本小店嘅感覺！.🐟鰻魚定食 $72 (8/10)饅魚好好食🤩啲肉好軟熟 一夾就開 而且冇乜骨 食得好暢快😙貓飯係撈埋紫菜木魚同牛油一齊食嘅飯 冇想像中咁出色 可能因為撈埋木魚一齊食 飯比較乾身😣但係都幾特別 味道係唔錯😋仲有牛油鹹鹹地幾滋味！但記住撈勻咗先食🙈.🧀炸芝士年糕 $24 (8.5/10)原來得兩件😢有少少貴🤏但食落都覺得值得嘅 咬落去外脆內軟 口感幾煙韌中間流心芝士餡都幾多🤩咬到中間會爆餡流芝士出黎🤤.🐼另外仲有叫蜜糖雞扒定食 不過我冇試味 但睇落雞肉都幾嫩滑 炸得幾靚😙 原本係因為呢度嘅貓飯出名而嚟🥴雖然冇想像中咁好食（太乾了！）但整體味道都唔錯 鰻魚更係高水準😻好有日本風味嘅一間小店 都可以一試🥳（不過小遠lol）

招牌蒲燒鰻魚定食 轉貓飯$112話得半條鰻魚，但舊鰻魚都有一隻手掌咁大咁橫，饅魚汁味濃唔咸，饅魚質感軟熟。本身唔知乜嘢叫貓飯轉左餐牌上面話係珍珠米、紫菜 、木魚、甜豉油、牛油，未試過就轉黎試吓。淡淡既木魚味同牛油味令到個飯好好食。值得推薦蟹膏蜆肉炒飯 $98蟹膏既味唔會太過濃，冇搶哂其他料既味道。蜆肉的數量唔少，食到最尾都有佢既蹤影出現😂😂大葱雞肉串燒 $22雞肉同大葱冇燒得太乾，咬落都有汁咇出黎。👍🏻腩肉車厘茄$22呢個係我最愛既燒物，車厘茄汁夠，肉夠香脆，滿足🙂

充滿和式日本風的小店，簡約卻帶有一股小溫馨的情調。食物以定食、燒物等常見日式料理為主。豚肉生薑燒定食 ($60)• 定食配送沙律、味增湯、熱茶。• 當天前菜沙律是玉子車厘茄，配上特配醬料，感覺清新而開胃。• 豚肉處理得相當均勻入味，薑汁味道剛好配合炒洋蔥，變得得惹味。豚肉肉質帶點彈牙而有咬口。招牌蒲燒鰻魚定食 ($72)• 非常香腍入味的蒲燒鰻魚，表面帶有一點焦香，而內裡肉質幼嫩香滑，是我喜歡的口感。• 燒汁亦很惹味，跟珍珠米很搭配。• 飯後喝下一杯味增湯，完美✨

禮拜六中午12點幾到一個人唔洗等位入面好乾淨整潔牆上掛咗動漫裝飾叫咗午市嘅豚肉生薑燒定食+$10轉貓飯一共70唔貴薑味淡淡哋啱啱好 唔鍾意食薑嘅人都會接受到-見黎幫襯嘅人好多都點貓飯覺得味道ok 係預期之內-味增湯幾好味!!! 呢個少少意外,唔似其他嗰d好鹹好濃呢個陣味淡d,入面有菇同豆腐-另外定食有埋杯茶,肉太膩嘅時候正好清一清味蕾-份量一個人剛剛好飽不多不少~美中不足係冷氣有d猛我坐正風口位食物好快凍咗😂😂

元朗附近有好多出色嘅小店，今日呢一間店門口幾靚幾有feel🤩🤩又傳來好熱血嘅日文歌，就入去試吓啦，原來係幾個後生仔主理的，要支持啊👍🏻👍🏻👍🏻原條招牌蒲燒鰻魚🐉（$122, 加$30定食）見隔離食緊好吸引我哋就叫咗原條😍比平時嘅鰻魚飯size大好多🍱而且入口超嫩，燒得啱啱好，配埋日本珍珠米自製鰻魚壽司🍣一啖一啖好正，店主都好大方俾咗好多鰻魚汁，撈飯勁正🍚麵豉湯材料有日本菇，味道唔會好鹹👍🏻蟹膏蜆肉炒飯（$98）🦀🦀呢個炒飯外表平凡，一上枱會諗，啲蟹膏呢？點知食落第一啖，哇成個口都係蟹膏味😍好rich 好滿足，炒飯吵到粒粒分明嘅，而且每一啖都食到蟹膏，好出色🤤🤤份量又多，啱晒幾個人share我哋見餐廳有燒烤爐🍢🍡又叫咗兩串試下：車厘茄腩片串（$22）🥓🍅、日本青椒豚肉串🍖（$24）兩款都好Juicy，車厘茄一咬落去仲爆汁出嚟，日本青椒甜甜地辣辣地，好爽口，有日本居酒屋嘅風味啊😋🇯🇵

元朗多美食 今日我又同朋友仔入去搵食😁 元朗無論日頭定夜晚都係咁熱鬧 今次朋友仔係網上見到有間日式小店評價唔錯 小店主打日式和風定食🍱 因為我地早左到 原來晚市要6點先開門 6點準時已經有人黎幫襯 我地都唔執輸快d坐低叫野食先😆 食物選擇唔算好多 主食可加定食 仲有可單點小食、燒物、料理 睇餐牌樣樣都想食🤣最後叫左個豚肉生薑燒加$30加定食（前菜·煎茶·味增湯·珍珠米）招牌蒲燒鰻魚半條加定食 見佢餐牌上加$10 珍珠米可轉貓飯 我地未上過 所以就轉一個試下🐱 仲叫左個小食酥炸生蠔🦪等待食物既時候欣賞佢既掛畫 係日本出名既動漫 鐘意海賊王、籃兒當入樽、寵物小精靈既朋友仔都忍唔住要影2張相🤣 餐廳仲播主動漫既主題曲🤩🤩 食物即叫即整大約等左15分鐘 不過一邊欣賞佢既掛畫 聽歌 食物已經到面前😍 食物既擺設都好重要！ 呢間店用木托盤、木筷子、木匙羹仲有日式既瓷器好和風呀😍 欣賞完我就唔客氣開動啦🙏🏻😂先上酥炸生蠔 入面仲有好多汁好嫩 沾埋沙律醬一齊食👍🏻 豚肉佢用既部位好爽口又嫩身 再用洋蔥🧅一齊煮 好juice😆 配埋生薑好開胃呀！ 前菜係海苔漬 有小小香油同芝麻配珍珠米一齊食👍🏻 味增湯

行街行到攰攰地見到呢間餐廳都有幾多好評所以入嚟試下🤪厚燒玉子甜甜嘅玉子好嫩滑😚蛋如其名，真係好厚㗎味淋魚干咬落去非常之有咬口面且好香口！流心芝士年糕咬落去呢煙煙銀銀，而且呢個餡係有芝士嘅香味喜歡芝士嘅人值得試吓海鹽燒鯖魚賣相好吸引！呢條魚骨唔算多 而且煎得好香口但魚肉仍然好滑，適合怕有骨嘅人食鰻魚炒飯呢個個鰻魚炒飯既份量其實都算幾多食落呢唔算好乾身，因為呢帶有少少鰻魚嘅香味同埋油脂，油而不膩！兩個人食呢啱啱好又可以嗌下小食

終於來到放入書籤🔖已久的《稚》進餐，門面較低調，加上店名一個字，容易錯過。內部可坐的空間呈P形，廚師就在旁邊開放式廚房烹調，沒了玻璃窗就是《深夜食堂》的格調。是夜點了兩個定食及小食，樣樣滿意🥰，當中菠蘿🍍甜如蜜、貓飯有驚喜🤩，吃完才意會自己當天的碳水超標了，哈哈！難得住得近，定食價錢不貴，食物無挑剔，《稚》已列入我再訪的餐廳名單。-#招牌浦燒鰻魚（半條）定食 $72+$20+轉貓飯$10如果已加點定食🍱，女生點半條鰻魚真的就夠了。鰻魚燒得香，皮面脆、肉軟但不鬆散，鰻魚汁不過鹹或甜，滋味十足。對擁有可愛名稱的「貓飯」感興趣😳，吃了便覺得我們加點得妙😋！《深夜食堂》的貓飯是鰹魚片加醬油，《稚》的多加了紫菜及牛油🧈，攪拌時就有淡淡牛油香，吃時牛油味確比較突出，但絕不油膩，我單吃貓飯也感到滿足呢！😇絕對值得一試！-#泡菜炒豚肉定食 $58+$20豚肉🐖是我愛的薄切五花腩，完美地和大片泡菜炒在一起，兩者相得益彰🙌🏻。豚肉吃不出肥膩，卻有一點爽口。吃後，微辛辣在口腔蕩漾，忍不住捧臉説好吃啊🤗。-#厚燒玉子 $28是我在家弄不出來的玉子燒🌝，因為它密度特高，厚度十足。整體口感綿密、微甜，吃入口能吃出

今晚要喺元朗返工所以返工之前喺附近醫咗肚仔先開工之前search過附近有間好家庭feel嘅日式小店晚市係開六點就到時間所以佢一開晚市我就入去坐低了😂店面唔算大真係一間小店座位都係以二人座位為主廚房係開放式設計可以見到廚師整嘢食全店嘅人手連師傅只有三個人相信坐滿嘅話都會幾忙小店嘅牆上掛咗好多日本動漫加上一路播住日文歌真係好有去咗日本小店食嘢嘅感覺🤣餐牌係兩頁A4紙貴精不貴多叫咗半條招牌鰻魚加定食同埋將珍珠米轉做貓飯見識少唔知咩係貓飯😂原來就係喺碗白飯上面加好多木魚同紫菜仲會有一嚿牛油添另外仲叫咗個小食酥炸生蠔食物係即叫即整但係因為當時得我一位客人所以好快都有得食啦定食嘅擺盤好靚仔一送上嚟見到條鰻魚已經覺得好開胃🤤侍應哥哥擺低嘅時候仲貼心提示記得撈勻碗貓飯因為中間有嚿牛油要整溶佢珍珠米落水嘅量啱啱好所以米粒煮出嚟好好食加上木魚同紫菜飯嘅口感層次豐富好多成碗飯仲因為嚿牛油變得邪惡但係就非常香同好食鰻魚唔會烤得太焦而且有好豐富嘅油脂非常之香加埋啲鰻魚汁超級撈飯！至於個麵豉湯個人就覺得淡咗少少非重口味人士杯茶😂食到一半炸蠔就嚟咗炸蠔嘅size唔算好大隻但係就非常之熱辣辣因為真係即叫即炸而且真係做