稚

營業中

休息中

早兩晚去左元朗食間日本料理，一間隱世嘅小店，叫「稚」😋大版燒$78個份量都幾足夠，如果唔叫定食 或 比較細食嘅朋友食嘅話，呢個都會較滿足！😂燒京蔥(2串)$28好有蔥味，燒出嚟仲好香🤤食落口好爽口😊雞軟骨(2串)$26燒左出嚟又係好香口，食落口咬落啲軟骨度，脆卜卜！大蔥雞肉串$25完全估唔到大蔥同雞肉都幾夾！雞肉好嫩滑😋亦燒得好香😊豬軟肉定食$70+$30(定食:前菜、漬物、煎茶、味增湯、珍珠米)呢個份量都好大份，尤其係啲豬軟骨，夠哂冧 同 份量多👍

🍽 餐廳：稚（元朗）😋味道：5/5💰CP值：5/5🕴🏻服務：4.5/5🪴餐廳環境：5/5👀回頭率：5/5📍 地址：元朗俊賢坊18號權益大樓3號舖（近芒果專門店隔離幾間鋪）同朋友都係住元朗附近，我地相約去呢間日本野食午餐，貪佢價錢夠貼地，而且餐廳裝修好有日本動漫風格。豚肉生薑燒定食$60豚肉份量好多，我地兩個女仔交換食，都食剩左少少，豚肉爽口，有啲似豬頸肉既感覺，珍珠米上面加入少許飯素更加美味。就連旁邊既配菜鹽漬蘿蔔同菜都好好味👍🏼定食仲有一碗味噌湯同中華沙律，都一樣好味😋蒲燒鰻魚定食$72鰻魚好大塊，我地share食都覺得仲有好多肉👍🏼d汁好夠，滿意滿意😋😋烤雞泡魚（唔記得價錢）筆者一向都好鐘意食烤雞泡魚🐡，餐廳烤得又咸香又甜，唔係每間日式餐廳都會有烤雞泡魚～～🐈🍚貓飯（紫菜、木魚花、日本醬油、牛油）🌟睇返其他人食評，原來貓飯係呢間餐飯其中一個賣點，今次冇試到，下次回頭可以試下。

係元朗遊完一圈餓餓地 揾到朗屏轉角有間日式小店去到時間尚早 店內唔多人唔知食咩好...💭店員推介招牌蒲燒鰻魚 加定食👍半條鰻魚都好多！😆又厚肉 又Jucy～😋 加上定食有好多配料 所有加埋好好送飯～仲叫左個大板燒雖然係細細一個 但超厚超多料！😆 大家share食就岩晒 😋如果唔係 可能會好“溜“💭另外叫左兩個小食：七味唐揚炸雞 👍👍 意料之外ge好食😆一d都唔dry 就算放耐左 都一樣好脆炸粉薄 又冇油溢味🤩流心芝士年糕👍超多芝士餡～ 炸粉一樣係薄薄ge🤭食ge時候記得睇熱丫！總結：e間小店 環境食物都唔錯！黎睇元朗朗屏都會再去食😆

今日呢同男朋友呢嚟到元朗啦，咁我哋都係元朗嘅地膽嚟嘅咁所以呢我哋今次呢就去咗呢一間好少見到咁有特色嘅日式餐廳入到去啦都係平時見到嘅日式間隔環境喇，好啦咁為咗依左個肚先啦我就二話不說馬上點餐第一道我就叫咗個日式滑蛋豬扒定食，呢個定食咩好豐富啦，首先有個前菜啦前菜呢就有個玉子豆腐配芝麻醬啦另外呢就有個涼拌帶子裙邊，之後呢就有一個日式嘅沙律，再嚟個主食就係個滑蛋豬喇呢個定食真係非常之抵食啦好大份啦包保你食到飽，味道仲相當唔錯好有去咗日本嘅感覺另外第二道呢我就帶咗呢一個日式豬頸肉定食啦，前菜都係同第一道菜一樣嘅非常之精心處理呀賣相非常之好，食落去味道相當唔錯非常值得一試最後我哋都眼闊肚窄，叫咗個章魚小丸子，呢個章魚小丸子並非你平時喺某超級市場買到嘅一般質素，佢好有日式嘅味道好似去咗日本食到嘅章魚小丸子最後啦我強烈推薦呢一間元朗日式餐廳俾大家👍🏻👍🏻👍🏻👍🏻👍🏻😋😋

今日近近地係元朗食飯，經過元朗廣場後面發現左一間日本餐廳🍱店面唔大好似去左日本小區的小店一樣～而且店內仲有好多動漫拼圖例如海賊王同數碼暴龍！簡直係二次元迷嘅最愛！😍整體評分：7/10環境：7/10人均消費：$50-100地址：稚 (元朗)元朗俊賢坊18號權益大樓3號舖蒲燒鰻魚定食原條（$122）另加+10轉貓飯：前菜有玉子沙律，漬物，日式麻醬玉子豆腐同涼拌裙帶邊、味噌湯同珍珠白飯😆鰻魚夠肥美肉厚，而且外層有少少嘅焦香味😋好正。 另外，玉子豆腐加左日式麻醬，食落幾開胃。 味噌湯都好足料，個貓飯入面有木魚花，牛油，紫菜，日本醬油，店員仲會好貼心咁講要撈勻食，幾好味評分：7/10串燒有三種🍢：日本青椒豚肉串（$ 28）熊本和牛串（$ 28）雞軟骨（$ 26）：當中最好食嘅我覺得係日本青椒豚肉串，燒得好香🤤而且豚肉本身會有啲油，但加左青椒之後食落好清爽一啲都唔膩。和牛軟諗入味，雞軟骨都唔錯評分：6.8/10檸檬柚子雞翼（$42）：都ok嘅，一份有4隻，火喉燒得岩岩好，配埋檸檬汁幾開胃，不過雞翼本身冇咩調味比較淡評分：6/10

〰️味淋魚干 $42雞泡魚以味淋醃製後再烘乾，食落帶點甜，愈咬愈香，佐酒一流！〰️酥炸生蠔 $48生蠔炸至金黃，無蠔嘅腥臭味。配上沙律醬，勁滿足🤪〰️雞軟骨 $26雞軟骨大大粒，口感爽脆仲帶點雞肉係側邊😆就咁加少少檸檬汁就夠哂。〰️蟹膏蜆肉炒飯 $98上枱就聞到香濃嘅蟹膏味道，蜆肉比得一啲都唔吝嗇！飯嘅份量都好大，同朋友一齊share都得😆〰️厚燒玉子 $30賣相好靚😍食落微甜，勁香蛋味！〰️〰️📍 稚 (元朗)元朗俊賢坊18號權益大樓3號舖

餐廳：稚地區：元朗地址：元朗俊賢坊18號權益大樓3號舖日期：30/9/2021時間：20:00人數：2人 等位：0 min價錢： ＄292之前已經有朋友介紹話依間稚啲野好好味，今次難得黎到元朗，終於有機會試一試🤩日式和風牛肉定食 $90:超正超多嘅牛肉，肉質有彈性又唔會過熟，而洋蔥亦索晒啲牛肉汁🧅再加上七味粉同埋滿滿嘅牛肉汁撈飯食真係超正🤩而且份量十分！好食到唔夠飯撈嚟食咁濟呀🤣招牌蒲燒鰻魚定食 $108:鰻魚燒得焦香加上燒汁配飯食真係一流！叫半條食真係唔夠過癮😂下次都係嗌一條過食個大滿足先🤣豚肉生薑燒烏冬定食 $94 （外賣）:食完兩個定食覺得太正，再買多個外賣比未食野嘅屋企人加餸同埋自己都可以偷食🤣豚肉生薑燒做得做得幾香口，微微嘅薑汁味加醬油味濃而不厚，味道剛剛好，烏冬亦好滑身，個個都話正👍🏻3個餐都加左$30轉做定食，有一份前菜小食、玉子沙律、胡麻醬玉子豆腐同埋蛤蜊麵豉湯，全部都非常唔錯，由其係個湯都幾足料而又唔會腥，加$30真係抵食！

難得入元朗去南生圍踩單車，點會放過呢個覓食嘅好機會～今次就嚟到呢間日式小店，牆身有好多日本漫畫，仲有我至愛嘅slam dunk，充滿兒時嘅回憶！有選擇困難症嘅我地都覺得小食好吸引，所以決定share一個主食，咁就可以叫多幾款小食。日式咖喱吉列豬扒定食非常豐盛，前菜芝麻醬玉子豆腐同海蜇好refreshing，吉列豬扒好彈牙，香甜帶微辛嘅日式咖喱撈粒粒分明嘅珍珠米真係冇得輸！大愛厚燒玉子燒，外表厚實而內裏幼滑，滲出一絲絲甜味，好正！雖然其他小食同主食都配有兩片薄薄嘅玉子，但厚燒玉子燒嘅細膩同幼滑口感係獨有嘅，係另一種層次！另一推介嘅檸檬柚子雞翼都好出色，雞翼烤到外皮好脆，檸檬柚子好清新而柚子蜜味好出，食到舔舔脷～熊本和牛串就一般般，過下口癮都可以。小店佈置用心，食物好高質，而且價錢又親民，係非常唔錯嘅選擇！Menu-

以我所知屯元天嘅朋友都會去下朗屏食嘢，因為朗屏比較多平價抵食嘅餐廳，今次去嘅呢間日本嘢真係平好多！環境細細間，座位不多。餐牌價錢真係較划算，如果都係食日本定食，去返出面起碼$100以上，但呢到最平$90有交易。海塩燒鯖魚 $60 +$30做定食，包括前菜、漬物、味噌湯及珠珠米。升級做定食好豐富，鯖魚燒得好靚仔，海塩調味剛好，燒鯖魚魚肉頗嫩滑，又帶焦香，漬物都有驚喜，海蜇甜甜哋，仲有胡麻醬豆腐。吉列豬扒(日式咖哩) $62同樣加錢做定食，可揀和風紫菜/咖哩/滑蛋。鍾意佢將咖哩汁分開，唔會整到豬扒冧哂。吉列豬扒炸粉皮適中，肉質正常。

今日上foodpanda諗住嗌個午餐外賣 見到呢間野$5外賣費咁平就叫咗個日式照燒雞扒套餐送到黎打開飯盒 有汁水嘅沙律配兩舊九唔搭八嘅玉子燒，沙律菜霉霉爛爛一啲都唔好食麵豉湯太鹹，好大個湯碗但係水太少。。落多少少水真係會加大左成本咩？ 講到盒飯，打開佢竟然可以將一塊做裝飾嘅蕉葉連同醃蘿蔔完整咁放喺照燒雞扒飯上面。攞多個盒仔裝真係咁難咩？我相信做飲食業一定要攞個心出黎做，如果冇心做好自己嘅食物點解要出嚟開舖？

難得去元朗探朋友，就想睇下有咩好西食😋 朋友就帶咗我去依間日本小店🤤 入面嘅裝潢好日本風🇯🇵餐牌上每樣嘢食都好吸引，最後我同朋友各點咗個招牌蒲燒鰻魚同汁煮豬軟骨定食🤤 小食方面就點咗厚燒玉子同芝麻雞翼😋首先講下招牌蒲燒鰻魚定食，條鰻魚真係超長，我度過差唔多有兩隻手掌咁！！🤣 而且佢啲配菜都好豐富😋 尤其麻醬玉子好開胃口🤤 本身我比較驚食鰻魚因為覺得好多骨🤭 但依條鰻魚好大條不過只係得好少嘅幼骨🙈 睇得出廚師好認真😍 而且鰻魚好肥美，配埋鰻魚汁真係好邪惡🤤🤤至於汁煮豬軟骨亦都好高質，份量勁多，差啲食唔曬🤣 肉汁勁豐富，而且唔會覺得好肥，豬軟骨亦煮得好有咬口🤤 特別一提佢有溏心蛋，撈埋珍珠米一齊食真係一流💯定食嘅湯勁足料！仲會有埋蜆肉勁有心😋芝麻雞翼煮得勁香口，啖啖都係肉，而且雞皮整得好香脆🤤厚燒玉子對我依個玉子迷嚟講簡直就冇得彈，玉子味勁香，而且仲有特製醬汁令到成舊玉子都好惹味😋依間小店真係冇介紹錯，而且距離地鐵站好近，真心要支持下🤤💯💯 真係好好好好味，一定會再返嚟食！

之前嚟過食一次晚餐，嗰陣食咗佢個豬軟骨同埋鰻魚都覺得幾好味～所以今次午餐就選擇嚟呢度解決🤪🤪🤪。佢午餐嘅套餐性價比幾高真係份量夠之餘又抵食。海鹽燒鯖魚定食鯖魚嘅樣整得好乾身望落去有種脆卜卜嘅感覺🤩食落去唔會腥，另外呢個餐仲加配咗糖心蛋撈返一流😜咖喱吉列豬扒飯呢個餐嘅係貓飯上面有木魚絲紫菜等等，吉列豬雜粉嘅厚度適中唔會過厚，咖喱係甜咖喱😻又係撈飯一流另外仲叫咗兩個小食玉子燒同埋炒雜菜，玉子燒係甜口嗰隻玉子😆，炒雜菜就正常發揮啦😋😋

元朗俊賢坊(家計會附近)有呢間名為稚嘅日本料理，喺舖頭門口玻璃會睇到入邊有三個後生仔廚師好認真咁製作Set lunch 價錢都幾大眾化，佢有個特別選擇，可以轉<貓飯>，我見隔離枱一再追加，應該係好野，試下先我好鍾意餐廳上邊嘅掛畫，有入樽，老闆應該好鍾意日本動漫豚肉生薑燒送上，熱辣辣，生薑炒得好惹味，豚肉油脂分布適中，彈牙又香口跟餐嘅麵豉湯幾有水準，唔係得個咸字，飲得出係用心煲，唔同其他日式料理好多都一樣味終於試到佢個貓飯，唔怪得咁多人叫，一來出面冇得食，同埋係好好味，佢入面有木魚花，牛油，紫菜，日本醬油，店員拎黎嗰陣時都好貼心咁講要撈勻食，果然冇錯，好正另一個餐係豬軟骨定食，炆得好琳，好入味，最驚喜係佢應該在喺面頭用火槍燒多一陣，所以特別香口，當然都係要再配貓飯下次再嚟試晚市

上次嚟食過佢地嘅汁燒豬軟骨都覺得唔錯！所以今次係元朗玩完，晚餐都係番呢度食佢哋嘅menu同晏晝嘅menu大同小異今日order咗《招牌蒲燒鰻魚-半條》$72 +$30 要左定食set定食包括有前菜、漬物、味增湯、煎茶、珍珠米鰻魚厚身肥美，醬汁濃稠又唔會過咸《大阪燒》$78份量超大，柴魚同紫菜下面有數塊燒豚肉同大量椰菜💛食完超滿足！因為又好味而且比較健康（因為大量椰菜🥰）《厚燒玉子》$30面頭鋪上蛋黃醬再輕輕燒過😋《七味唐揚炸雞》42炸雞鮮嫩多汁，表面酥脆而且炸粉唔厚

同朋友做完運動，上網睇下有咩好食就揾到依間試下😛可能唔太熟路，所以都揾左一段時間店舖坐位數目唔多，基本上都無咩空間可言！我哋唔算好肚餓，就簡單叫左三樣嘢～厚燒玉子（4件）$30本身見好多人推介所以就試下～但食落普普通通，唔重蛋味～檸檬柚子雞翼（4隻）$42第一次試依個配搭，感覺還可以～ 似係直接加柚子醬係上面，所以雞翼入面冇咩特別！蟹膏蜆肉炒飯$98賣相唔錯， 可惜食落冇咩蟹膏味，蜆肉都算幾多嘅～ 整體來說中規中矩