秋嵐日本料理

營業中

休息中

是日家庭日，一家大小4個大人3個小朋友！行完太古城，Aeon後準備晚餐之際醒起早前朋友介紹過的日本餐在附近，於是一同前往用餐，幸好不算難搵！我地6點左右到達，客人不算太多，俾安排坐到梳化位，環境幾舒舒！我地一開始點了4隻日本生蠔，剛好大人一人一隻，好大隻，好新鮮！然後繼續食生嘢，點了份8品刺身，一上台大家都相機食先，因為實在太靚，有toro，海膽，而且係好新鮮，大家都話好食，大推介！跟住就再點了啲熟食，有串燒，sukiyaki,天婦羅等等，都好好食，今餐食得好飽好滿足！

山長水遠去完海山樓朝聖後，發現隔離個新裝修的商場，於是入去睇下有咩餐廳可以醫下肚。見到一間叫秋嵐的日本料理，裝修幾靚就入去試下。難得咁遠黎到，梗係試多幾款食物睇下質素點啦。係熱情的店長介紹之下，我地首先點了八盛刺身拼盤刺身盤（$498）一黎我忍唔住嘩左一聲，因為每種刺身都係厚切，同埋都係我鍾意食的！帶子用左柚子鹽調味，海膽都是新鮮唔會有怪味，油甘魚腩好肥美入口好甘香。而我覺得重點就係嗰兩塊厚切大拖羅，完全無筋，入口即溶，簡直好似食緊肥豬肉咁，滿口魚油甘香，好誇張。呢個刺身八款盛合真係如店長所講好扺食，因為單點兩件大拖羅都要～$300。加多$200就可以試埋帶子海膽等七款刺身，CP值真係好高，個人認為係必點的食物!除此之外，甲羅燒都係店長推介的。第一次食甲羅燒係配芝士竹炭多士，估唔到個味道都幾夾幾好食! 呢個先$78，我覺得又係好抵食！另一樣最令我難忘的就係拖羅蓉丼小女子最愛吃就是拖羅蓉飯，試過好多間店，唔係啲飯太硬就係拖羅蓉好少，仲要好貴。但呢度而且的拖羅蓉飯一啲都唔酸，軟硬適中，而且拖羅蓉多過啲飯，連平日唔係好好呢個丼的男朋友都覺得好食，甚至嫌飯唔夠多😂 而呢個咁好食既丼只係$148

鰂魚涌小區內驚喜新日本餐廳~ 野菜烏東，好耐冇係街食到一個咁好食既！火炙左口魚壽司，好肥美喲！雞泡魚乾，唔會太乾鹽燒牛脷，煮得剛剛好，一份唔係好夠食tim!我家小囡平時食好少，嚟到都搶食😋😋值得繼續幫襯下！

途經剛剛翻新過的東滙坊，發現日本餐廳。附近除太古Aeon 外，都唔太多日本餐廳想唔到小店如此高質，居酒屋的質數刺身十分新鮮，最驚喜刺身拼盤會有拖羅-拖羅油份十足，值得一試。-牡丹蝦很新鮮-還有兩款魚十分鮮味，但忘記了問是那種魚-刺身拼盤款式特別，不像一般坊間大多數的三文魚串燒試左牛舌，雞亦，雞腿肉，豚肉。-牛舌味道適中，唔會太鹹蓋過牛舌味道。-豚肉上碟時先似有點乾，但竟然是外面焦香，內裡肉汁豐富。-雞亦雞肉主打日本雞肉燒鰻魚同傳統燒鰻魚好唔同，汁唔會太濃味皮亦燒得好香脆，唔會太乾天婦羅🍤亦有誠意。粉漿唔會太厚，很鬆脆。另外叫左魚湯雜菜鍋和蟹肉炒飯，但唔記得影相。相比其他，蟹肉炒飯略為遜色。店內很多款日本直送原條魚可供選擇，可惜今晚人數唔多，試唔到。員工亦十分有禮貌，會主動問食物滿唔滿意，有無地方需要改善。想不到商場內小店，有居酒屋的質數。十分適合一班朋友食住串燒傾計。一定會再黎。