禾牛薈火煱館 (金馬倫道)

營業中

休息中

今日一早己约咗嗰朋友聚舊，約咗係尖沙咀金馬倫道嘅中國保險大廈一樓嘅禾牛薈打边爐，点知佢臨時 有事嚟唔到，但我又訂咗枱，最後唯有打比另外一個朋友，好在佢咁啱無街去，可以補到呢嗰位，如果唔係就要打電話去取消㗎啦。係約定嘅時間去到中國保險大廈嘅樓下等埋一齊至上去。門口招牌好大又起眼，但内裏地方都好大，坐位好寬闊同埋好舒服，侍應俾咗個窗口位俾我地，又放底啲點配料嘅纸，湯底朋友揀咗芫茜馬蹄皮蛋湯，呢個湯芫茜好多味好濃，配料有特级手切肥牛，擺得好靚，只要淥一陣就食得，好冧，沾啲醬汁更加好味，又叫咗白鱔片，鱔片冇草青味，入口好爽，廣島蠔，又大隻蠔味又濃郁，重有爽口豬頸肉同精選三式餃(鮮蝦雲呑餃，韮菜餃，意式牛肉餃)，第一次食意式牛肉餃，好有驚喜，係將啲牛肉溝埋啲特制嘅醬汁混合而成，唔使沾汁都好好味，可以叫多一碟，其他兩款餃都保持水準，另外就係豬頸肉，就算淥耐咗都唔會太冧，保持到應有嘅爽，飲品我地要咗青島啤酒。