禾牛薈火煱館 (金馬倫道)

營業中

休息中

Went shopping at Tst with my buddies the other day. One of my friends was craving for hotpot, so I searched on Openrice to see if there’s decent hotpot restaurants near our area.And we ended picking this restaurant with many good ratings. It was on a Monday so we didn’t have to wait and got our table right away. Their menu has a great variety of choices of food to choose from. Overall, I’ll rate the restaurant 4/5 and definitely will come again! Hotpot Sauce:- fried garlic, chopped garlic, XO

平時去禾牛薈最多去食晏 夜晚打邊爐真係第一次試 非常期待呀！✨ 御膳宮庭海中寶 $368湯底係雞湯 豬肚包住好多海味 有海參瑤柱花膠仔等等 非常滋補呀而且湯底清甜 飲多幾碗都唔怕呀🤤✨ 本地招牌手切肥牛 $258手切肥牛肥瘦適中 肉質鮮美又嫩滑✨ 自家製餃子 $88餡料係帶子同大蝦 超級豐富呀而且每隻都大大粒脹卜卜 鮮味十足🥰✨ 自家製四寶丸 $178最喜歡蝦丸同牛丸 兩者都好彈牙而且充滿肉汁鯪魚球加入髮菜同瑤柱 味道濃郁而且唔腥👍🏻✨ 黑柏葉 $68新鮮黑柏葉夠晒爽口 淥幾秒就食得✨ 白鱔片 $88份量都唔少 打邊爐點可以唔食鱔😛環境坐得舒服 呢度嘅湯底同埋食材都非常新鮮 搵唔到理由唔幫襯啦🍽 禾牛薈火煱館 🔎 尖沙咀金馬倫道48號中國保險大廈1樓及2樓

約左舊同事食飯, 有同事介紹禾牛薈, 佢九龍城都有一間, 但係尖沙咀就方便大家D!上到去地方都好闊落, 我地被安排圓台架位, 坐得都好舒服, 傾計唔怕俾嘈親隔黎枱。味架, 有好多選擇我地叫左椰子雞湯底, 湯底黎到我地咩都冇落就咁飲左佢個湯先。好香椰子味同好清甜, 淨係飲個湯都覺得好正! 湯底入面已經有栗米, 蘿白,  白蘿白等食材0係入面。蓄薯蜆, D蜆好新鮮同好爽甜, 好好食, 一人一隻唔夠食, 好食到要再叫多碟呀!黑白墨魚丸, 其實我覺得味道差唔多, 但係整體黎講佢算係好彈牙同鮮味, 唔錯的!鵝肝蝦滑, 就係手打蝦丸入面釀左D肝鵝係入面, 食入口會爆汁的所以食時要小心D鮮蝦帶子餃, 不得不讚係, 佢D餃真係做得幾好, 皮薄餡靚!!冰豆腐黑毛豬片, 好有豬味, 又爽滑本地招牌手切肥牛, 牛肉好有咬口同有牛味, 同出面食0個D冰鮮肥牛真係爭好遠另外叫左個意式牛肉餃, 有食肉醬意粉既感覺, 幾得意, 值得一試!

禾牛薈火煱館 (尖沙咀).無論春夏秋冬都熱愛打邊爐嘅我倆，今日就揀左呢間黎試吓！🥰.⚜️鮮茄坑腩薯仔濃湯⚜️$108.唔係講笑呢個鮮茄坑腩薯仔濃湯🍲勁足料！ 本身入面都已經有四舊粟米(等於出面叫粟米嘅半份啦，椰菜，薯仔，蕃茄等，連坑腩都勁多！ 而且我幾喜歡個湯，好好飲(˶‾᷄ ⁻̫ ‾᷅˵)！ .⚜️松葉蟹皇包⚜️$38/1.佢話係店舖嘅招牌菜之一！咁我哋見$38一隻，仲要話係松葉蟹王喎，就緊係試下！佢至少叫兩隻，外貌同小籠包一樣，唯一唔同嘅係入面變曬做蟹肉！ ！ 同小籠包一樣點醋食，好好好食啊！ ❤️😚大推試下！.⚜️韭菜餃🥟，醬爆芝心丸，天津娃娃菜，水晶粉⚜️.韭菜餃都係推介之一，$78有八粒，正常性價比啦！ 但幸好都係皮薄饀靚嘅！芝心丸原來係街市買開嘅，而娃娃菜好抵!!$38成盤好多棵😂！ 個水晶粉都唔錯，配上酸甜嘅蕃茄湯😋好味啊！—————————————————————-環境：⭐️⭐️⭐️⭐️⭐️味道：⭐️⭐️⭐️⭐️⭐️服務：⭐️⭐️⭐️⭐️價錢：⭐️⭐️⭐️⭐️.📌禾牛薈火煱館 (尖沙咀)尖沙咀金馬倫道48號中國保險大廈1樓及2樓

同朋友兩個人去了打邊爐，餐廳醬汁特別多，有我最仲意的XO醬，充滿瑤柱碎。火鍋不能缺少的啤酒，青島$30支，價錢都算合理。脆炸蜆蚧鯪魚球：鯪魚球表面炸至金黃，但不會太油膩，而且幾彈牙，加上蜆蚧咸鮮味，簡直一絕。湯底是魚與鴻掌鍋，以蘿蔔盛載鮑魚及牛蹄，本身材料已煮熟，而且炆得很諗，店員即場剪開牛蹄，等水煲就可以享用，膠質豐富，入口即溶，而鮑魚就十比較普通，不過不失。廣島蠔：蠔肉都爽甜。鮮蝦雲吞餃：雲吞絕對要試，每隻都包到脹卜卜，裏面大大隻的蝦肉，爽口彈牙，而且十分新鮮。羊肉片：羊肉切得很薄，基本上一放落 湯碌30秒都熟透，肉質較有咬口，帶點肉騷味。鮮肥鵝腸：鵝腸連著肥油，味道特別濃郁，食落爽口。最後還送上奶凍作結尾。

火煱店位於金馬倫道中國保險大廈1樓&2樓全層，一層唔算好大，所以相對其他火鍋店無咁嘈。設有卡位坐得舒服，仲要每一上都有獨立電視📺😳 感覺好似翻左屋企打邊爐但又唔使洗碗好爽🤣火煱料選擇勁多，應有既通通都有👍🏻咸菜胡椒豬肚湯底 $108 一開始覺得個湯底有少少淡，打左半個鐘d胡椒味出曬黎野味得黎又唔太油膩👍🏻本身湯底有好多豬肚同炸枝竹🤤🤤豬肚煮得好林好好食☺️ 特色料🍡自家製鵝肝蝦丸 $108 手打蝦丸好彈牙！蝦味又濃又鮮👍🏻入面包住一粒仔鵝肝，咬落到中間個陣d會有淡淡既鵝肝香油味建議唔好原粒擺落口，鵝肝唔太大粒，原粒咬會無咩鵝肝味，咬左半粒品嚐左蝦丸本身味道先，再連埋鵝肝食埋另外半粒👍🏻👍🏻👍🏻🉐鵝肝大粒d味道再出少少就perfect👍🏻🥕竹笙露笋卷 $78禾牛薈特式料，餐廳好貼心有張提示紙話比食客知要煮3分鐘露笋好爽口😍😍😍 配撘埋外層包圍住露笋既竹笙，口感一流🉐🉐🥟自家製餃子 $88外貌望落似雲呑，食落味道都似雲呑😂好足料，好大粒，入面有原粒蝦，仲要勁彈牙🤤🉐🉐🉐新鮮食材特級雪花肥牛粒🥩 $148偏肥，有40%肥膏🤡雖然肥，但真係好好食🥰牛既油香味充斥住成個口腔口感夠林易咬，錄耐左d都

Woo~好耐無食過咁足料嘅火鍋～第一次食火鍋有卡位坐仲有電視睇，超正！鮮茄坑腩薯仔濃湯$108想像唔到一個湯底居然會有10幾件又淋又有牛味嘅坑腩、超多鮮番茄、粟米、椰菜，仲有薯仔、甘荀等配料，望住個湯越滾越濃，忍唔住飲返幾碗！本地招牌手切肥牛$258本地牛肉味特別濃，油花唔多，但食落嫩滑唔會靭，記得淥幾秒就食得～淥完牛肉之後個湯底就更加濃，而且唔會油，強力建議再飲返碗湯！海鮮拼盤$288海鮮好新鮮，蝦仲扎扎跳！店員話今日無返扇貝，所以轉左貴妃蚌，鮮甜又唔靭。蜆無沙肥美，蠔唔會腥雜菜籃$58有生菜、娃娃菜同油麥菜，新鮮爽脆，但我地食到呢度已經超飽，食唔晒d菜

對窮撚來講，公司有頹飯已經少左好多出去食。不過有時出去食，不求好食只求抖下氣近尖東，附近閒閒地都$60起跳，呢間野午市套餐$40左近，野食唔失禮。夜晚打邊爐就唔知喇，中午既餐叫做中等水準，最多人食麻辣多寶面＆焗豬。頹頹地一個焗豬，一定滿足到生理需要。講明先，隔離紅磡冰室係唔差；元朗冰室大大塊豬扒更加係好爽。不過，要等下，又要迫下咁解。呢間禾牛薈最清麗脫俗令我眼前一亮既點係在於呢部唔過20吋既電視。一路食，一路睇下新聞，有時望下街景，就係咁。

和老婆在尖咀食晚飯，一齊到禾牛薈打邊爐。侍應安排我們坐卡位，自成一角，私隱度高，有高清電視，一邊看電視，一邊打邊爐，人生一樂也。醬料款式多，可自由隨意配搭。瑤柱火腿冬瓜雞腳湯老婆喜歡吃雞腳，點了這個湯底，大大隻雞腳，加上粒粒瑤柱火腿，足料之餘，有啖啖冬瓜的清甜。西班牙橡果黑毛豬片豬肉嫩滑，肉味突出，有陣陣豬肉香。雜菜籃有生菜，油麥菜及娃娃菜，每款都非常新鮮，菜味濃郁。原味豬嘜午餐肉午餐肉厚實嫩滑，淥熟後口感軟棉棉，老婆最愛。精選3式餃都是餐廳自行包製，包括鮮蝦雲吞餃，韮菜餃及意式牛肉餃。其中意式牛肉餃味道有點像肉醬意粉，牛肉味突出。稻庭烏冬烏冬口感嫩滑，與湯底味道很匹配打邊爐必點可樂和綠茶，飲完很滿足。

今日同朋友係尖沙咀行街，行到攰就興起去打邊爐哈哈，嚟咗呢間禾牛薈~menu好多嘢揀，幾隻餓狼點咗好多嘢食。。個鍋嚟到大家都嘩~咗一聲好有霸氣呀魚與鴻掌鍋 首先侍應都叫我哋飲啖湯先真係好好飲好清甜～見到咁多料絕對係真材實料喇，好多芹菜同入面亦都有鮑魚用個冬瓜嚟裝住，迷你冬瓜盅(笑)等緊其他嘢食嚟嘅時候可以先炮製自己嘅醬汁（打打下發覺其實個鍋都好夠味，唔駛點汁都得～肥牛嘅脂肪分佈平均又有牛味～正正子～酥炸午餐肉係必點啊～炸到脆卜卜，就咁食又得，好似響玲咁淥一淥再食又得都一樣咁好味！珊瑚蚌超～級～爽～！就咁淥一淥就食得有時食到啲蚌好似唔知食緊啲咩咁但係呢個係又爽又清甜，必點！十下十下當然要飲竹蔗茅根下下火啦～

好味，寛敞，又有波睇，位置方便！在金馬倫道上尖沙嘴地鐵站B出口走幾分鐘便到！侍應態度友善，一定會再來的！主打牛肉不錯吃，也有幾多海鮮剌身選擇，酒水選擇又有日本酒又有天地一號！

這間禾牛薈火鍋館位處尖沙咀區，地鐵站幾多鐘路程的範圍，以散叫為主，所以食物質素較十高。茶芥每位$25，醬料比平時的更多花款，除了基本的葱蒜辣椒，還有XO醬，麻醬等。老友鬼鬼每次打邊爐必叫之一，炸得香脆的油炸鬼釀入彈牙蝦膠，開胃惹味的小食。脆炸午餐肉又是必叫的小食，午餐肉炸至香脆，十分吸引。魚與鴻掌 湯底是鮑魚及牛蹄組成，鮑魚是罐頭飽，都幾大隻，爽口彈牙，而牛蹄有點似牛筋，炆煮至很腍，入口溶化，還有些蘿蔔，湯底清甜但略貴。脆鯇骨腩鯇魚腩比較有咬口，色澤雪白新鮮，味道鮮甜。特級雪花牛柳粒牛柳粒雪花紋理清晰，肉質都算腍，有肉的油脂香。

今晚肥妹仔同屋企人去咗尖沙咀金馬倫道嘅一間叫禾牛薈到打邊爐。鹹菜胡椒豬肚湯呢一個鹹菜胡椒豬肚湯好真材實料，有好多鹹菜同埋豬肚，未上餸嚟，肥妹仔同屋企人都已經食咗好多，但係唯一美中不足嘅就係太鹹，個用嚟打邊爐一定要加水，因為會越煮鹹。老友鬼鬼呢一個老友鬼鬼係用油炸鬼入面讓咗墨魚滑，超級好食。攞嚟齋食又得，攞嚟點湯打邊爐食又得，肥妹仔就鍾意就咁食，因為可以食得出佢本身油炸鬼嘅脆度同埋墨魚話嗰個香味。椒鹽脆鱔球佢嘅椒鹽脆少脆鱔球，炸非常之香口，惹味，勁多蒜粒，鍾意食避風塘椒鹽嘅朋友一定要試。佢嘅白鱔雖然唔算好大塊，但係勝在肉質夠鮮嫩，正。本地招牌手切肥牛食得出好新鮮，好香濃嘅牛味。佢嘅肥牛切到厚薄適中，脂肪比例平均，輕輕一灼就食得。牛胸爽肥妹仔第一次食，睇落去好似肥膏，但係原來食落去係好爽口。有啲似筋嘅感覺。雖然睇落去好似肥膏咁樣，但係原來食落去都好香濃牛味，值得一試。脆鯇片肥媽嘅至愛，佢嘅脆鯇片好爽口，魚肉肉質爽口彈牙，不錯。珊瑚蚌 肥妹仔其實都好鍾意食珊瑚蚌，食落好爽，口又係輕輕一灼幾秒鐘就食得，吸咗個胡椒湯底食落去好好食。自家製四寶丸佢嘅四寶丸有墨魚丸，牛肉丸，鯪魚球丸同蝦丸。佢嘅丸全

尖沙咀出名多嘢食就係人都知㗎啦， 喺科學館行完，就嚟到金馬倫道呢一邊搵嘢食啦見到有一間唔係咁起眼嘅大廈， 但係入面都好似有唔少食喎咁就同男朋友入咗去睇下啦上到去侍應姐姐就畀咗個靠窗口嘅卡位我哋坐啦， 一坐低就擺低咗個調味架，調味料五花八門店主推介水晶包水晶包有三個餡料:叉燒，芋頭，奶黃每一粒都係手工製又圓又脹卜卜， 佢個皮係晶瑩通透， 個人最鍾意食奶黃餡， 當你咬落去嘅時候，本來會以為好似出面嗰啲奶黃咁樣，好容易流出嚟。但係原來冇㗎，佢唔會一味係咁倒瀉咁樣 溜出嚟，佢仲會停留喺個皮入面，等你一啖皮一啖餡咁樣呢度嘅食物每一樣都令人哋非常之滿意， 難怪到咁多人幫襯啦，大家記住呢之前訂位呀～ 泥都食嘢一定唔會令你哋失望嘅

玩完個新年要補補身 肥妹之前已經同同事黎過所以決定要黎食多次今次我揀左個靚湯底 魚與鴻掌 係鮑魚 元蹄鍋 淨係個鍋都好有霸氣 係龍頭啲鮑魚放晒入個蘿蔔中間 以為唔會有好多啦點知 慢慢拎出黎 有成5-6隻咁多牛筋都係 有大量 今次一定食到大量骨膠原喇我地先等湯滾飲啖湯先 湯頭真係好清甜 而且一滴油都無嫁 啲鮑魚彈牙又鮮味 牛筋已經煮得輕稔其實未打邊爐 已經食左好多料飲夠養顏湯就開始打邊爐喇本地手切肥牛牛味濃郁 肉質夠滑 輕輕一煮就食得喇美國筒蠔又大隻 又肥美鮮肥 食落仲好爽口珊瑚蚌烚一烚就食得非常爽口 係我最愛手打黑白墨魚丸非常爽口彈牙 有墨魚味道 輕輕沾醬風味更佳三式水晶包呢個都係要特別推介因為佢係放湯煮嘅甜品黎恰完就變左做水晶包 有個半透有外皮有三種味 叉燒 奶皇 芋頭味道好香濃 真係好好味！成餐飯食得好飽 而呢度都坐得好舒服仲有電視可以睇