禮記 (已結業)

將軍澳南係呢年黎真係開左好多間餐廳，不過之前跑開步🏃‍♀️見開既都係西餐、泰菜呀同cafe多，今次咁岩見到開左間新派中菜，就帶埋老媽子去食下🥰入到去間餐廳，裝修同埋碗碟都好骨子，好精緻😍等我地兩母女食下環境一睇menu，原來禮記都有點心食，不過就只係去到4點幾，晚市無😩唯有試住小菜先啦椒鹽魷魚鬚：食落幾香口，又脆，不過本人鍾意鹹少少，所以再問waitress拎多少少椒鹽加入去😝懷舊鳳梨咕嚕肉：將碟咕嚕肉放係個架上，好多中國風味，未食個感覺已經好好😂食落咕嚕肉，酸味味，好開胃，鳳梨都幾夠甜，食完會停唔到口羅漢竹笙上素：成日出街食，真係太多肉，而呢道菜有竹笙、木耳又好爽口，加埋蘑菇、筍、菜芯，清清地唔濃味，好健康👍食多d都唔怕銀芽肉絲脆麵：個脆麵一上，我同媽咪都嘩左一聲，佢整到定係半空中成個瀑布咁放係鐵板上面，黎到之後職員先再淋汁同埋剪個脆麵。食落脆口既麵，加埋個汁濕濕地，唔錯，不過略嫌肉絲唔夠多，但配左銀芽好有咬口👍我媽咪就好like😂🌸呢到可以叫紅、白酒架

將軍澳Donki嘅澳南海岸又開多咗好多間新餐廳 今日就試咗間中式有點心嘅餐廳 佢啱啱月頭開☺️ 裝修走簡約為主 有卡位 感覺舒適、乾淨😙我哋中午時段嚟 佢有商務套餐 不過我哋最後揀咗嗌點心🥟禮點 $88禮點有三款點心 有鮑魚酥、牛油果炸蝦餃同一件金魚形狀嘅蝦餃 金魚蝦餃好靚 好生動😍 皮薄呈半透明狀態 打卡一流 牛油果炸蝦餃香脆 餡料足充 鮑魚酥仲有原隻鮑魚添🤪紅菜頭松露野菌餃 $43呢款點心特別用咗紅菜頭做皮 所以餃皮為紅色皮薄而且幾晶瑩 幾好又健康😎 餡料落咗黑松露 特別惹味 好夠味 餡料味道好濃郁 唔會覺得太素嘅感覺😋煎蝦米網腸粉 $48腸粉皮同樣晶瑩 好透薄 佢入邊除咗有鮮蝦餡 仲有一層脆脆 脆脆同鮮蝦整體口感變得更加豐富同有層次感😍 又軟又脆 幾好味😛禮記黑金蝦餃皇 $58蝦餃黑色帶金 夠晒矜貴 蝦肉餡多 脹卜卜 連中間嘅裝飾都有蝦肉餡😎 夠晒驚喜 皮略為少厚黑金流沙包 $39呢個流沙包同樣睇落矜貴 黑色再加啲金色嘅油彩係上面 流沙質感幾好😋 唔會太稀 佢奶味相對上比較重香茜鹹水角 $39呢個鹹水角上碟好靚 炸得好脆😜 鹹水角嘅餡料都好夠味

將軍澳海傍新開咗好多餐廳望落去都非常之有質素今次試咗呢間以點心丶中菜為主嘅餐廳聽講仲係米芝蓮師傅坐鎮我地揀左玫瑰荔枝茶荔枝味清淡玫瑰味偏重兩者幾夾雪山叉燒包 $48叉燒包外皮鬆軟餡料一粒粒有口感熱辣辣相當好食禮記黑金蝦餃皇 $58蝦餃大玩黑金料理黑色的外表加上金粉非常高貴大大舊的蝦肉口感爽脆新鮮好味鮮蝦米網腸粉 $48呢款食落口感好得意似放左好多蝦的油炸鬼腸粉又滑嘟嘟將鮮蝦丶米網丶腸粉完美地合併黑金流沙包 $39流沙包甜度適中咬開後充滿濃濃起沙的流沙蛋黃醬

將南近排好左好多餐廳，食野多選擇左好多。呢間中菜岩岩試業中，所以就入去試下先。1. 蜜汁叉燒叉燒肥瘦適中，好多蜜汁，食落唔會好乾爭爭，估唔到餐廳都幾有創意，竟然將原條叉燒放上鐵板上，成功為叉燒保留溫度之餘，我地又可以因應自己的喜好切開岩自己的口感，$98都算抵食，可以encore。2. 金沙大蝦球呢個高質必叫之選，平時食的蝦球都係比較軟身，而呢間餐廳就係係用新鮮蝦去蝦整，所以好爽身，加上蝦球炸粉好薄，又有啖啖的蛋黃碎，都有D surprise，$288係食廚師的功力!! (不過男朋友表示食兩舊就好流，所以我可以食哂佢個份)3. 銀芽肉絲脆麵見到人人都叫，我地估係招牌菜，就跟隊叫下。呢個麵絕對係打卡，上菜的時候，職員都好專業問我地鍾意食濃味定啖味，再去幫我地調較汁的份量。脆麵冇鹼水味，而且有好多肉絲，一D都唔寡。4. 千島黑豚肉排最後，我地仲眼寬肚窄咁叫多左個黑豚肉排，餐廳落左好多千島醬，不過D黑豚肉排冇其他咁出色，偏硬身。

將軍澳南新餐廳真係多到好誇張😂今次就試下主打新派中菜既禮記，餐廳裝潢中式又帶點fusion，尚算闊落，幾適合同屋企人食飯😉☑️鐵板蜜餞叉燒 ($98)叉燒鐵板上已經少見，仲有2大條😂用刀叉食叉燒真係第一次😆肉質夠淋，燒得幾香，本身都夠入味，仲有蜜汁淋係邊特別邪惡🤤☑️蝦乾雜菜煲 ($138)蝦乾粗身，份量大方，夠哂咸鮮👍🏻雜菜款式好多，有生菜、西蘭、菜、小棠菜等。☑️懷舊鳳梨咕嚕肉 ($128)賣相精緻，咕嚕肉外脆內軟，味道正常。配上彩椒、洋、菠蘿，呢個組合無得輸😜☑️飛天銀芽肉絲脆麵 ($198)即叫即整，造型超有驚喜‼️因為佢真係識飛架😂打卡一流‼️伊麵單食脆身，配埋醬汁味道豐富，鐵板上更焦香，三重口感👍🏻店員好細心按我地口味咁淋醬汁，又等我地打完卡後剪開啲麵，方便食😂另外，茶芥$13/位，有四至五款茶可以自由揀。亦有餐前小食，我地當晚係涼拌貢菜，幾爽口。整體黎講，餐廳主打精緻新派中菜，環境舒適，賣相得體，同長輩食飯就啱晒😆

將軍澳新開左間禮記，我地今晚選擇左幾樣好有特色嘅小菜食下。要特別推介下個銀芽肉絲脆麵：賣相真係又特別又吸引，麵炸到好似用對筷子夾起，用左鐵板上食時先淋上醬汁真係又脆又好味😋鐵板蜜餞叉燒：因為用鐵板保溫程度可以長久d，叉燒有小小半肥瘦好正，加埋個汁係用左麥芽糖食到我舔舔脷😂杭州東坡肉：炆得好琳真係入口即溶，完全唔覺得漏，值得一食👍🏻👍🏻👍🏻椒鹽大蝦：用嘅蝦真係大大隻啖啖肉，椒鹽炒一定香口，正正正。

澳南海岸Monterey夠Chill, 餐廳多是西餐為主，終有間中式點心廣東菜飲茶🍵好地方禮記。裝修別緻，牆上不少圖案，細心睇會發現現代與古裝的搞笑創作fusion🥰老闆話重本裝修，用了幾⚽⚽⚽👍樓底高，即使人多都唔覺太嘈，冷氣太涼可叫侍應協助較小，服務好。茶壺及餐具都幾靚，有特色🥰入座不久近lunch time 已見愈來愈多人，甚至要排隊！有特色茶飲🍵，選了瑰荔堂皇，即 #玫瑰荔枝茶，很香，味道好👍選了推介食物：🍱禮點點心拼盤，有炸雲吞、鮑魚酥皮撻、蒸餃🥟禮記黑金蝦餃皇漆黑蝦餃皮上有耀眼金箔，蝦餃鮮味，皮薄餡靚🍳蛋煎糯米雞糯米雞唔油唔膩🥟紅菜頭松露野菌餃松露香，口感特別🍤鮮蝦米網上腸粉腸粉滑身，餡脆蝦鮮兩人食埋單$347, 每位$170。整體質素都幾好，價錢較偏高。呢度Monterey商場都是中高檔路線，餐廳lunch個人消費都要近$200。食完係附近沿海旁行行逛逛都好舒服。最後都可去埋Donki掃貨回家。#MagicCherry攻美食#飲食情侶

原來將軍澳新開左間禮記，地理位置勁方便，喺將軍澳地鐵站行一陣就到，而且隔離有商場可以行，行完過嚟食嘢啱啱好💕重點係依度環境超靚，服務亦都好有禮貌，食得好舒服，加上呢度嘅菜式每一樣都好多元化，味道超乎水準，推介各位來食，值得一試👅😍錦鹵雲吞食就食得多，但係覺得依間係食過咁多間最好味嘅一間，首先雲吞炸到脆卜卜，而且有酸酸甜甜嘅醬點離食，脆卜卜，好香口🤩咕嚕肉酸酸甜甜超級開胃！而且肉質好鮮嫩，味道唔會太濃，又唔會太淡，廚師調配得啱啱好！肉絲脆面10粒星推介！脆面整得超有水準😛 最重要嘅係一啲都唔油，而且麵條烹煮得味道適中😚東坡肉好耐冇食過東坡肉，依間真係好高質！肉質勁鮮嫩，咬落去好有口感💕

新開張所以特登嚟試吓，以門面菜單和價錢，對今餐極期望都較高。一行四人6:00pm喺門口睇緊餐牌之際，門口接待員話住喺商場上面個屋苑試業期間有九五折，我哋住喺隔離屋苑就冇，有點兒莫名其妙，不過我哋都照入咗去。裝修冇乜特色不過坐得舒服，先開壺烏龍茶，茶每位$13，四個人一共$52，不過茶葉嘅質素好一般，茶味和顏色都好淡，用玻璃杯裝，幾燙手吓。枱基本上冇乜setting，每人只有一隻碟同埋一對筷子。睇緊餐牌嘅時候，服務員企咗喺隔離，幾大壓力，過咗一陣先行開咗，決定咗想食乜，落落下單嘅時候，佢又走咗去招呼剛剛入嚟嘅客人，都唔知佢想點。硬食嘅貢菜幾爽脆，不過太鹹，醉豬手味道同口感都唔錯，不過斬得幾大件，因為又冇匙羹，單用筷子食都幾吃力。椒鹽魷魚鬚幾失望，好油好濕，冇乜椒鹽味。薑蔥鱔片係全晚最出色一道菜，鱔片去骨去得好乾淨，用鐵板上，熱辣辣香噴噴。咕嚕肉做得好唔好對一間餐廳來講好重要，但係呢度嘅水準好一般，啲咕嚕肉放咗係一個好大嘅架上面，都幾阻住晒，咕嚕肉一啲都唔脆，汁亦都太多，成個碟底都係汁，菠蘿係用罐頭嘅，豬肉唔知係醃得太耐抑或唔新鮮，冇乜豬肉味，肉現粉紅色，幾失望下。脆皮雞肉滑皮脆，中規中矩

澳大海岸開左好多西式餐廳 甘開OpenRice見到有間新餐廳飲茶 就同屋企人試下😋首先去咗茶 叫咗玫瑰荔枝茶 都好好飲 比較新穎有選擇雪山叉燒包⭐️⭐️⭐️⭐️⭐️熱辣辣既 雖然餡料吾係十分滿 但食到一粒粒叉燒 五係有時一patpat既醬 好食黑金蝦餃皮好煙韌 入面嗰蝦係有3隻原隻蝦 爽口彈牙 XO醬炒腸粉腸粉幾滑 味道唔算話太辣有少少辣 腸粉幾入味 唔會淨係腸粉外面有味 腸粉入面都入味 呢度仲會有余均益辣椒醬比你點黎食牛油果炸蝦角牛油果有原粒 不過不失 唔算太特別但都可一試 少朋友幾岩食奶黃炸煎堆個人口味唔一樣 我比較鍾意奶黃冇鹹蛋味 所以呢個炸煎堆嘅奶黃好好食 夠滑酥炸鯪魚球即叫即炸 鯪魚一啲都五腥同冇骨 蜆芥汁偏鹹 如果點就唔使咁大啖點落去芒果布甸芒果布甸大致上好食嘅 但係有好多芒果嘅筋

$198 for 銀牙肉絲炒麵 is so expensive. Other dishes are priced quite high as well. It is even more expensive than the decent Chinese restaurant in central district. But the food quality is not as good as expected. I don’t think it live up to the name of michilin starred restaurant alumnus. The restaurant interior design is nice and bright. It’s quite noisy when it’s full house. I was attracted to the restaurant as it was newly opened. However, the staff was not very welcoming. I stood by the counter f

Lookout for a new dim sum and Chinese cuisine spot at TKO? 👀 Highly recommended: 🤤🍜 Floating Cantonese Fried Noodles with Shredded Pork 飛天銀芽肉絲炒麵 🍜🐔 Crispy Fried Chicken 脆皮炸子雞 🐔 🥂 ✨ 📍禮記 @liji_hk 將軍澳唐俊街23號MONTEREYPlace地下G19號舖

屋企樓下終於有間比較似樣嘅中菜！好少寫評語，比少少簡單意見：食物質素：大部分都唔錯，尤其推介肉絲炒麵，脆皮雞！平時唔多鐘意食雞都食左好多！個肉絲炒麵賣相好正，夠吸睛，食落夠脆，味道都幾好！我係食肉獸，另外仲叫左叉燒同咕嚕肉，味道都ok!等候時間：有待改善！上個星期可能因為是開張第一個星期，見到老闆在場，過來聊了幾句，他說現在是試業，希望多多包涵而且承諾會改善員工服務：有serve 我的態度都幾好裝修：都decent, 我坐卡位，都舒服！會再去試下其他菜式！

叫左個星洲炒米另外幾個點心，一打開個盒，個面仲衰過茶餐廳質素。面無味，似粥店啲炒米粉，無乜餸係入面，又乾又硬。真心覺得收咁貴，但咁既質素真係好過份。門面係大既，但係啲食物質素好差。另外叫左隻糯米雞，隻糯米雞就唔算好差，料都算充足，不過都幾乾同好硬。又係得啖笑。最好食既已經係個叉燒包同牛肉，一般酒樓味道。呢個價錢咁嘅質素真係唔會有下次，澳南好多其他嘢食真係唔會再揀我住樓上以後都唔會再幫襯。。我寧願食海港好過....

Really nice to have a decent chinese restaurant in the neighbourhood. The great thing is they serve dim sum until 4pm on a daily basis. We enjoyed the snow top bbq pork buns, Singapore noodles, shrimp dumplings, rice rolls fried in xo sauce, fried fish balls, and the dessert which is sesame custard balls. All dishes are very flavourful and presentable. Top quality but set in a neighbourhood price range.