禮記 (已結業)

不嬲都好鍾意將軍澳Monterrey呢到，環境好好，近海，有好多餐廳，好似一個小社區咁自成一角。尋晚就同朋友過咗嚟呢度搵食。餐廳門面好大，裝修唔錯，好闊落由於我哋兩個都想食得清淡啲，所以冇嗌到任何辣或者油膩野。茅台醉香頂鴿 $98呢個係凍食既，食落有好香嘅酒味，但一啲都唔苦，鴿肉厚實嫩口，做前菜真係唔錯。禮記小炒皇 $208小炒皇相信好多人都食過㗎啦，材料都係韭菜花,蝦仁,魷魚鬚, 蝦乾, 魚乾, 菜甫,腰果等等，廚師冇偷懶，韭菜花有走油，腰果炸到甘香可口，各種唔同受火程度既材料都煮得恰到好處，調味啱啱好，一啲都唔油。咸魚雞粒炒飯 $128炒得幾乾身，食到粒粒分明，唔油膩，好大碟最後都食唔晒🤭

donki附近餐廳越開越多中餐廳唔係好多donki行出小小就見到禮記裝修幾靚，入去試下間唔中黎嘆茶都唔錯呢度有好多特色菜見到一種傳統粵菜錦鹵雲吞咕嚕肉既汁，非常足料有蝦，有肉，有青椒紅椒中意錦鹵雲吞既汁唔太醜甜甜地好惹味雲吞炸到好脆蛋白瑤柱炒飯炒飯一粒粒瑤柱都好多炒飯份量足夠兩個人食一個人份量既杭州東坡肉東坡肉外形吸引東坡肉每層分明都忟到幾林一人份量，我唸淨係食一個都夠建議幾個人分黎食呢度除左裝修靚，碗碟杯都好靚見佢有午市點心同下午茶下次再黎試

餐廳裝修行中式風格，仲播住中式既古典純音樂，同呢到環境好搭配，係到食野好舒服呢到除左有傳統嘅鐵觀音、普洱等等之外，仲有荔枝玫瑰，我緊係試下新野啦，聞落去有淡淡的荔枝味，飲落去好香既玫瑰花味，而且有用茶袋裝住倒出嚟唔會有好多茶渣，抵讚，茶芥每位$13，而且個杯好精緻點心分左6個價錢，小點$25、中點$34、大點$30、特點$43、頂點$48、超點$58，星期六日及假期每樣都係貴$1，下次假期都可以黎禮記黑金蝦餃皇 超點第一次食黑色皮既蝦餃，入面既蝦好多，而且好新鮮彈牙，正👍🏻鮮蝦米網腸粉 頂點滑捋捋既腸粉包住脆卜卜的米網，入面又有好多蝦仁，配搭甜豉油，好味😋小貓咪 大點其實係奶黃包，但造型好可愛，岩哂小朋友食，好可愛😺京滬灌湯小籠包 特點3個小籠包皮都不同顏色，入面既肉新鮮，而且仲有好多湯汁，同醋一齊食，好夾🥟雖然價錢有小小貴，但環境、服務、食物都高質，值得encore再來

餐廳裝修得好有中華文化色彩既感覺再配埋啲音樂！真係好relax吓!其實想來試吓佢地個招牌脆麵好耐。今日去開將軍澳做嘢！仲唔叫埋🐽🐽來食！銀芽肉絲脆麵我心諗點夾來食之時，店員就來幫我地手剪開啲麵！唔係只比你打卡影相，真係好睇又好食！食落啲麵脆卜卜，麵質正！啲肉絲仲好彈牙！懷舊鳳梨咕嚕肉新鮮熱辣！上枱時仲出緊煙！咕嚕肉好入味，鳳梨仲好鮮甜！瑤柱漁滑上湯浸小棠菜漁滑新鮮好味個湯好濃郁仲有好多小棠菜！

今日到將軍澳穩朋友，到禮記食下午茶，餐廳寬敞舒適，水壺同杯子都好有特色。紅菜頭松露野菌餃：餃皮以紅菜頭打汁搓成水晶皮，鮮豔剔透，外皮Q彈，菇菌內餡加入松露醬同松露油，松露並未蓋過菌香，反而豐富了口感，清爽怡人。京滬灌湯小籠包：呢道好有顏值，且好新穎，可以提嘅小籠包，皮薄餡大，汁多味美，肉香四溢。黑金蝦餃皇：外皮加入黑蒜和竹炭粉，咬落Q彈，內裏蝦仁鮮甜爽口。小貓咪奶皇包：造型好得意，外皮軟綿，內餡奶皇多且有一股濃滑奶香味。

將軍澳經常都會來，但今次第一次前來這裡，看見這餐廳的裝修很精緻，於是就和朋友來進餐。侍應帶位後，問我們想要什麼茶，而最有特色一定是玫瑰荔技茶，因為一般的中菜餐廳比較少有，所以我們也試這款。茶$13/位，茶命名為瑰荔堂煌，相當優雅，玫瑰荔枝茶非常清香，我很喜歡。朋友家鄉是潮州，她說茶杯很有功夫茶的感覺。之後來的是椒鹽魷魚鬚$88，這款香口小吃向來都是我至愛，份量亦不少，上枱時已經聞到香氣，吃下去非常鬆脆美味，而且炸粉不會過厚，魷魚亦厚身有咬口，爽口彈牙。接著是千島黑豚肉排粒 $128，近年都很流行吃黑豚肉，因為黑豚肉的纖維較普通豬肉更為細緻，肉質柔軟，而且肉味較濃，這道菜是用薄粉包著黑豚肉來炸的，保留了肉汁，再淋上千島醬，酸酦甜甜，令人食慾大增，十分滋味，而且份量也很多。最後來的是很多人點的打卡潮物，銀芽肉絲脆麵 $198！這道菜製作需時20分鐘，一上枱就覺得很震撼！筷子夾起麵條凌空於空中，侍應待我們拍照後才會把黑椒汁倒在麵條上，然後再把脆麵剪碎。麵身非常脆口，配上肉絲及銀芽增加口感，侍應不會把全部黑椒汁都淋到麵上，保留了一半讓我們可以按自己喜好自行淋在麵上。這餐廳給人感覺非常舒適，而且

黑金蝦蛟王(3件) $58黑色外皮配金色真係幾搶眼，脹卜卜嘅賣相，就知道入面有幾多蝦。皮厚薄普通，食落唔會好似皮多過蝦咁。紅菜頭松露野菌餃(3件) $43果然用特別材料整成嘅皮係唔同啲，咬落有種從未遇過嘅口感，有啲彈牙有啲爽又唔係脆，用文字好難描述。不過松露味就唔係好食得出，野菌涵就好足料。灌湯小籠包(3件) $43小籠包下面好貼心嘅有塊小紅蘿蔔，費時黐住個竹籠。一咬落去啲湯汁即刻爆晒出黎，啱啱好兩啖就食完。香茜咸水角(3件) $39雖然個外表好襯芫荽，不過食落就完全冇個種味，同普通咸水角一樣，就算唔鐘意食芫荽都啱食呀!香茜叉燒腸粉 $39叉燒瘦得嚟唔會好硬，都算幾足料!玫瑰荔枝茶 雖然玫瑰味唔算太重，不過茶杯就好靚，好杯底有幅山水畫，每次飲茶都可以欣賞一次，成個人都平靜咗。

今日放工去左將軍澳Donki行街，行到咁上下突然想食下中餐，見到有間好靚嘅中菜館，就行左入去試下。茗茶 - 荔枝茶 13元/位餐廳提供荔枝茶、鐵觀音、烏龍、普洱，我直接問店員有咩特別推介。荔枝茶，香味十足，熱嘅荔枝茶以為會甜甜地會好怪，但係飲落口淡淡嘅荔技香味，加上好特別，出面未試過，好好飲！銀杏鮮腐竹扒時蔬 $118特別咁加試銀杏，加上用左新鮮嘅小棠菜同埋鮮腐竹，成個菜健康之如，湯飲落好舒服好鮮甜，清淡首選。銀牙肉絲脆麵 $198打卡王牌，真係好好奇點樣去整到咁特別，再放埋對筷子上去，真係好吸引人拎對筷子夾起佢，更加似餐廳食物嘅figure。建議剪開左個麵先再淋上醬汁，因為咁樣可以比麵更加易去吸收醬汁，好睇又好食。懷舊鳳梨咕嚕肉 $128宮廷式嘅擺設，真係好打卡able。咕嚕肉外脆內軟，酸甜味道好開胃，而且食得出唔係用罐頭菠蘿，好有口感。Overall黎講，價錢係偏貴，CP值唔算好高，不高勝在份量同埋打卡值都好高，連中菜都咁打卡，真係好癲。

銀杏鮮腐竹扒時蔬（娃娃菜）$118這款娃娃菜煮得好清甜，配上鮮腐竹帶出豆香，忍不住喝一下湯汁，就是沒有味精的乳白色蔬菜湯，最後連菜帶湯都吃完了🙈🙈蜜汁叉燒$98與普通的叉燒不一樣，是一整塊的淋滿醬汁放在鐵板上的叉燒扒，需要自己去切，切成自己喜歡的大小，醬汁方面甜香甜香。不過美中不足的是我偏開愛吃肥叉🥲但剛好那天是瘦叉，對肥瘦有要求的朋友，可以下單時跟店員說一下看看能不能挑個肥一點的。銀芽肉絲脆麵$198這好像是打卡必備的菜式之一，當天吃飯不論男女老少，只要一上菜就忍不住拿出手機拍幾張照片🤣一個被筷子🥢夾了起來的造型麵。玫瑰荔枝茶好香嘅玫瑰味，淡淡地一啲都唔似加工味，仲有少少荔枝香，必點！————————————————環境：👅👅👅👅👅食物：👅👅👅👅性價：👅👅👅服務：👅👅👅👅👅

茗茶有好幾款，我地揀左玫瑰荔枝茶，好清香！解膩！千島黑豚肉排粒炸得香口又唔乾身，配千島醬帶芝麻粒，好味。瑤柱魚滑上湯浸時蔬菜苗吸左魚湯同瑤柱既精華，好味！由於鍾意食辣，魚滑點左辣油好正！大愛好濃郁既魚湯，可能冇味精，飲完都唔會口乾。銀芽肉絲脆麵相信係禮記招牌菜，打卡必叫，反地心吸力既脆麵，職員會好細心問想濃定淡，幫我地加上d茨汁，同埋剪開d脆麵，方便食，雖然材料簡單，但食得出係心機菜。椒鹽海蝦椒鹽海蝦味道好香口，隻隻有蝦膏好正！最後一定要飲返杯清茶，完美作結。下次會好想試下d辣野，本身見到好多枱有點刴椒魚頭，賣相好吸引，可惜已經賣哂冇得試。

和好友逛完DONKI有點餓，見禮記裝修時尚優雅，環境舒適，座位寬闊。我們點左玫瑰荔枝茶，好清香，用小茶杯有飲潮式功夫茶的感覺。椒鹽魷魚鬚：薄脆漿包住🦑炸得鬆脆可口，味道美味。👍👍千島黑豚肉排粒 ：薄粉包黑豚肉炸，肉質腍淋配千島醬，很香又惹味😊😊銀牙肉絲脆麵：賣相真有霸氣，用筷子夾住麵炸到直立，店員先將直立麵淋醬汁再剪開成小段，配料有銀芽、肉絲、韭黃、青、紅椒、炸脆的麵，多層次口感，真無得彈。😘😘瑤柱魚滑上湯浸菜心，魚湯底味清甜，菜心很嫩又甜，真不錯👍 ，可惜魚滑有點腥。禮記 Li Ji 地址：將軍澳唐俊街23號MONTEREY Place地下G19號舖

《新派精緻中菜💕》———————————————-#禮記 🫖-‍最近睇奧運睇到好肉緊，港隊成績咁好真係好鼓舞人心！所以專登去呢間由香港職業運動員劉子禮所開嘅中菜，撐下💪🏻-呢間中菜都唔少嘢，一啲都唔失禮😏裝潢非常精緻，座位舒適，好適合帶屋企人嚟食～餐廳主打特色FUSION中華料理菜式，一坐底就先嚟一壺瑰荔堂煌，清香嘅玫瑰荔枝茶開胃醒神😁-最搶眼嘅一定係招牌菜 — 銀芽肉絲脆麵，賣相出眾，將麵條懸浮起嚟，超驚艷😍 師傅用咗好多心機製作，所以需時20分鐘都好合理，即叫即整～卜卜脆嘅竹昇麵底配上黑豚肉絲、銀芽，重點係再淋上特製醬汁，十分美味！-懷舊鳳梨咕嚕肉選用黑豚肉、鳳梨等新鮮食材，古法炮製糖醋汁，皮脆肉嫩，放喺點一下設計嘅架上，打卡一流❤️-再嚟多個時蔬都好唔錯，銀杏鮮腐竹好嫩滑，尤其個上湯底好清甜，值得一讚👍🏻-⭐ 參考價錢︰懷舊鳳梨咕嚕肉：$128銀杏鮮腐竹扒時蔬小棠菜：$118銀芽肉絲脆麵：$198🍌 抵deal 指數：8/10💰 人均消費：$250

今晚去左將軍澳搵朋友, 朋友話開左間新嘅中菜想試下, 於是小妹就陪朋友去試下! 餐廳環境幾大幾光猛, 座位寛闊, 坐得幾舒服! 🌟千島黑豚肉排粒🐷厚厚嘅千島醬包住粒粒黑毛豬, 豬肉口感軟腍, 油脂豐腴, 柔嫩多汁!🌟銀杏鮮腐竹扒時蔬🥬湯汁好夠熱, 好香銀杏同腐竹味, 入口荳味濃郁, 娃娃菜吸哂d湯, 清清地幾好味🌟銀杏肉絲脆麵E個脆麵一上枱已經嚇親小妹, 一對筷子凌空夾起一注麵, 造型相當吸睛非常IGABLE🤳🏻, 博得全場一眾目光👀!! 店員仲會先問你會唔會影相打卡, 再係鐵板上淋上醬汁, 脆麵極脆口 ,咬落去脆卜卜咯咯聲, 肉絲份量幾多, 味道唔咸又惹味, 整體份量足量, 兩個人食都夠飽, 值得一讚嘅係即使過左一段時間, 脆麵都依然咁脆!!

今日我哋去咗將軍澳Monterey place食中菜，呢度環境清幽，而且坐得非常舒適而且呢度嘅茶具非常精緻，一小杯一小杯，唔使驚一次過太大杯會凍哂呢度嘅銀牙肉絲脆麵$198好特別，賣相好靚，好適合打卡，首先佢係用一個鐵板作為擺盆，然後用一對筷子支撐着脆面底，然後淋上熱辣辣嘅醬汁，而且非常足料！另外仲叫咗川味辣子雞$138同埋椒鹽脆豆腐$88炸子雞好香口，而且肉質仲好嫩滑，鍾意食辣嘅朋友一定唔可以錯過至於小食脆豆腐灑上七味粉亦都同樣好惹味，分量亦相當之多最後想清淡少少叫咗個銀杏鮮腐竹扒時蔬（小棠菜）$118，始終食完辣野都想清一清個味蕾，仲可以飲埋佢個湯，一味兩食！總括來講，呢間餐廳會再嚟試其他菜式，因為服務非常之好

今日同個朋友去將軍澳食飯。點解會去果邊食飯？因為之前見到啲介紹，將軍澳嘅禮記有個企起身嘅嘅肉絲脆麵。睇到時覺得好得意同好吸引，所以就去咗囉。一入到餐廳，地方寬敞舒適，感覺相當好。作為一間中餐館，當然係先叫茶啦，我哋揀咗比較特別嘅玫瑰荔枝茶。茶杯典雅，茶味清香。瑤柱魚滑上湯浸時蔬，睇落好普通？都唔算㗎。除咗明顯見到嘅魚滑同小棠菜，仲有瑤柱絲、冬菇粒、同埋薑絲。上湯味濃，魚滑打牙鮮甜，再加上冬菇粒帶嚟嘅口感，整體來講，雖然係普通嘅中菜，但絕對係好好味嘅菜式。杭州東坡肉，我特登點嘅。東坡肉雖然係好肥好邪惡，但絕對係唔會成日食嘅菜式，所以一次半次，絕對唔會過分。東坡肉肥瘦分明，入口即融，而且汁醬爽甜唔膩，減輕咗東坡肉嘅肥膩感。奉勸大家，叫得東坡肉，就唔好怕肥，記得要連埋肥肉一齊食先好味嫁。銀芽肉絲脆麵，是日最期待嘅菜式。企起身嘅肉絲脆麵，真係好正，影相打卡一流。當你影好相喇，店員就會幫你淋上汁醬同為依個肉絲脆麵解體。鐵板上嘅原故，所以脆麵落返平面，淋完汁醬，都好熱返，唔會話入口凍冰冰。汁醬調味唔錯，就算唔係諗住影相打卡，都值得點嚟食㗎。