禮記 (已結業)

前日行完將軍澳嘅Donki Donki之後，好想食中菜，所以就同屋企人兩個人嚟咗呢一間好近海旁嘅禮記食飯！呢一間餐廳嘅價位都唔算好貴，而且係講求食物質素，貴精不貴多嘅概念！嗰日我同屋企人兩個人嗌左三款菜式，包括左懷舊鳳梨咕嚕肉、瑤柱魚滑上湯浸時蔬、銀牙肉絲脆麵。講吓佢嘅懷舊鳳梨咕嚕肉先，淨係睇個擺盤都已經好加分，咕嚕肉嘅份量都幾多，酸酸甜甜，但係嗰種甜味又唔會好頸渴嗰種。仲有啲三色椒，配合埋鳳梨，真係幾好食！以佢嘅時蔬，我哋就嗌左小棠菜，小棠菜索晒啲上湯嘅味道，食得出完全冇落味精，啲湯都飲得！以佢嘅魚滑都比得幾多，好滑身。最後佢嘅脆麵真係驚喜！成對筷子飛起左咁，個面嘅分量超多，似係四人份量多啲，落埋啲汁之後，成個面都好香熱辣辣咁，好開胃，我自己都食咗三四碗🤣

放工唔想煮，就係屋企附近食飯，將軍澳南呢間禮記都幫襯過幾次，價錢係比茶記貴啲，但野食同環境又真係好好，老婆話要食就由佢啦😉菜芥$13/位，我地叫左「紅燒花菇豆腐$138」呢度既豆腐係即炸，因為皮好薄 薄到輕輕一層粉咁，如果出面交貨黎係整唔到咁靚既豆腐，外脆內滑，花菇都真心一讚，好香同好入味，唔似出面既菇通常得個樣但無味。「乾煸四季豆$128」上次黎食過好正，今次再叫，炒得干身，肉碎個味好惹味，唯獨差少少係辣椒唔夠🤣「蛋白蝦仁炒飯$128」炒飯無得輸，貴啲都值俾佢，飯粒係粒粒分明，食落好似淡身其實好夠味，蝦既份量都滿意，最抵正係碟底無咩油 ，落咁少油都炒得咁靚仔，要返咁上下功力🙏🏻將軍澳餐廳都偏貴，但呢間小菜真係唔錯既，間中食下無問題🙏🏻👍🏻

位於將軍澳高尚住宅範圍一帶的中式菜餚的餐廳，環境優雅，予人乾淨舒適的感覺。晚上時分過來更加恬靜，座位寬敞。中式菜館，精緻中菜，茗茗茶。茶壺裡面的不是用沖茶茶包，而是真正的鐵觀音茶葉，熱水沖泡過好幾次，也是如此的濃烈。茶杯典雅，茶味清香。蔬菜：瑤柱魚滑上湯浸時蔬  以熱石鍋盛載的上湯時蔬，上面鋪上瑤柱絲、薑絲及冬菇絲，還有很多鯪魚滑，底下全都是小棠菜。上湯熱鍋保持溫度，湯清淡而不油膩，小棠菜浸著湯，很入味。海鮮：椒鹽大海蝦大大隻的海蝦，份量數隻，蝦肉結實爽彈。精選小菜：紅燒花菇豆腐豆腐先煎香，外皮呈金黃色，硬身煙韌，跟紅燒醬汁一起烹煮，燒得入味。圍著碟邊的還有翠綠菜心、花菇、甘筍，色澤鮮艷，營養豐富。

今日同媽咪去咗屋企附近禮記飲茶，結果我哋兩個都非常享受呢度嘅點心。鐵觀音第一次想食後感寫到連茶都想介紹🤣！鐵觀音香氣馥郁，茶味回甘明顯，而且仲有助消滯解膩。禮記黑金蝦餃皇蝦餃皇皮薄餡靚，內裏的鮮蝦爽口彈牙，賣相高貴之餘仲同時兼顧高質嘅味道，絕對值得一試。鮮蝦米網腸粉呢碟腸粉同坊間嘅蝦腸非常唔同，而且出面嘅都冇得比。腸粉分咗三層，中央的是鮮甜爽口的鮮蝦，第二層就是香脆的米網，最外層就是香滑腸粉，咬一啖就能夠品嚐不同層次的口感！灌湯小籠包小籠包的外皮厚薄適中，湯汁香濃不油膩，賣相吸引，啖啖滋味。小貓咪可愛的小貓咪裏面包住香滑的奶黃，奶黃絕對唔會過甜，唔錯唔錯！整體而言，呢間餐廳好多打卡位，而且環境舒適，用餐時還播放着一些中式音樂，令人吃得放鬆開懷！

將軍澳DONKI 附近開了不少新餐廳禮記是其中一份子喜歡中菜的朋友可前來一試茶是由待應推薦的,她說很多客人都喜歡點荔枝茶荔枝茶 $13/PER荔枝茶果香味濃,配上茶葉的香,令人可解渴今次點了3個小菜銀杏鮮腐竹時蔬 $118湯入面有銀杏,小棠菜和腐竹,湯底不會很咸,很清淡的一道菜,健康首選,而且食素的朋友也可食千島黑豚肉排粒  $128外貌似咕嚕骨,但其實味道完全不同,想不到千島醬可以用來煮中菜,配上黑豚肉很配合銀芽肉絲脆麵  $198打卡一流的菜式,一檯時大家的目光也被吸引,打卡後,待應會將醬汁倒入脆麵上,然後剪碎脆麵方面大家食用脆麵中配有銀芽,肉絲等材料,味道好好食,緊記一定要配上醬汁食先夠惹味 整體而言，餐廳比價性很高

今日終於都可以嚟呢間得獎餐廳食飯，感受一下中菜既fine dining!羅漢竹笙上素清得嚟味道足夠帶起每樣食材既鮮味，竹笙好爽口又入味，基本上唔係食開齋既都會好鍾意呢個餸，淡而不寡!!千島黑豚肉排粒之後呢個就濃味好多即係又有另一風味! 千島醬既酸甜加上黑豚肉粒夠juicy，配合一齊好開胃而且唔會太咸，基本上就咁食都得唔使一定送飯，我地本身諗住呢個白飯最後都冇嗌到!銀芽肉絲脆麵呢個真係招牌菜，就咁個名平平無奇但佢係反地心吸力既炸起D麵，影相打卡真係一流! 影完相店員會幫你細心煎開D麵同埋淋上醬汁。除左外表呢個餸食落亦都好好味，炸得夠脆一定係賣點之一，醬汁好多肉絲同埋配菜，食落好豐富層次十足!就連杯茶都係玫瑰荔枝呢類平常少見既茶品，飲落清新又甘香，環境亦都裝飾得好有心思，好寫意既感覺!

今晚同屋企人去咗澳南 Montery附近食飯(目標食完行 Donki😂), 去咗食好多人介紹的中餐廳 - 禮記。. 🟥懷舊鳳梨咕嚕肉 🟧話說小妹係勁鍾意食咕嚕肉，所以必叫😆連食家媽媽都讚個肉好食，就知有質素💯炸漿 keep到脆，甜酸汁調味剛好，肉質唔會蘇，仲好嫩滑及保持肉汁。不過媽媽覺得如果用新鮮菠蘿更好😂.🟨 椒鹽魷魚鬚 $88🟩小妹其實遲咗出現，呢碟魷魚鬚都擺咗起碼20 分鍾。但我一咬落去，依然脆皮，脆漿超薄，而且超大舊魷魚及鮮味，椒鹽碎亦夠香辣好惹味♥.🟦薑葱爆大鱔片 $198🟪開頭係唔知屋企人叫咩餸，我以為普通薑葱魚腩。但食落覺得有 d 唔同，魚肉唔係平時咁散，夠肥美又有魚油香，一問先知係鱔片😂唔怪得咁好食，配薑葱炒好有鑊氣.🟫松露醬手撕雞 $98🟫平時係食手撕雞，今次唔用麻辣/麻醬，用松露醬又幾夾喎，其實少少似鹹雞味但後帶甜.咁多好餸結果我都有食白飯😂(平時冇食架)特別推介❗茶可以選擇"荔枝茶"非常清香☺.

這家位於將軍澳的中菜館，將傳統的中式料理融合新派的風格，創作出別樹一格的創意中菜。說到這裡的人氣招牌菜式，不可不提的必定是那個銀芽肉絲脆麵，當侍應從廚房端出來，全程都吸引到眾人的注目禮，無論大朋友，小朋友看到都會心花怒放，爭著和它合照。銀芽肉絲脆麵（HK$198)把一個平平無奇的銀芽肉絲炒麵變成一個充滿魔法的鐵板脆麵，麵條被凌空的筷子神奇地夾至半空，麵條中間並沒有任何外物支撐著，技巧在於炸至金黃香脆麵條掛在筷子上成形，做成凌空的模樣，真是十分佩服㕑師的功夫和技巧。懷舊鳳梨咕嚕肉（HK$128)經典的中式小炒，鳯梨咕嚕肉是不少人必點的菜式，咕嚕肉炸至香脆並掛満甜酸的咕嚕汁，配合菠蘿和青紅椒更加開胃。瑤柱魚滑上湯浸時蔬（HK$138)一個健康的湯菜，瑤柱魚滑上湯浸小棠菜，奶白色的上湯味道清甜，魚滑和蔬菜清新又健康，很適合夏天的口味。茶芥(@ $13)這壺是「玫麗堂煌」，即是玫瑰茘枝茶，茶味香醇，配合特色的中式茶杯，感覺更加玫麗堂煌。門面內在環境餐牌

荔枝玫瑰茶 鐵觀音 烏龍茶坐底就有3款靚茶選擇，當然選擇少飲的荔枝玫瑰茶，清新的花香令人十分舒服瑤柱魚滑上湯浸時蔬十分有水準的小菜，上湯的味濃但清爽沒有味精，平常唔會飲埋湯，但今次忍唔住連湯都飲埋，魚滑爽滑彈牙，又唔會遇到最驚的有魚滑，健康又好味的小茶川味辣子雞店中招牌菜，最大特色是選用特別的辣椒，再加上芝麻炒，食落唔辣但十分香，第一次追食辣椒，當然炸雞肉都相當外鬆脆內嫩滑，兩種一起食十分滿足銀牙肉絲脆麵最後來到王牌菜，之前我都諗點解肉絲炒麵係招牌菜，等到上枱時就被佢的霸氣所吸引，好似電影食神入面會出現的菜式一樣。當影完相打完卡，店員會細心剪開脆麵，還有芡汁在旁隨喜好添加，而且芡汁都是沒有味精，所以整體食得好舒服，第一次食肉絲麵，係唔覺得咸，而且食到尾，脆麵仍然好脆，正

話說約咗好友去將軍澳晚飯，揀咗呢間新派中菜館，星期五晚上食客不算多，座位尚算坐得舒服。先望望餐牌，好多選擇，由散叫到套餐都有，朋友胃口不算大，點了3樣都應該夠飽了，其他唯有留待下次再試▶️老壇酸菜魚 - 湯底味道好好，酸度辣度都恰好，配料亦好足夠，魚片同酸菜都份量十足▶️錦鹵雲吞 - 炸得非常香脆而不油膩，甜酸汁味道好好，配料份量亦足夠▶️銀芽肉絲脆麵 - 招牌菜，師傅功架唔簡單。麵的確係炸得香脆，但略嫌鹼水味較重，唯有淋了醬汁嘅麵蓋了鹼水味就好少少總結：店內環境尚算舒適，侍應服務合格，食物方面都係水準之上，師傅絕對功不可沒，有機會再翻兜，試埋其他菜式

都係將軍澳餐廳，因為真係唔想去太遠，之前係澳門食過，唔知係咪同一間，所以決定去試吓，幾鍾意呢度唔用重味精，菜式做得出色。川香回鍋肉$148少少辣，用咗薄片豬肉，紅椒同埋青椒去炒，夠火喉，味道唔錯。豉汁安格斯牛柳條炒河粉$138好鍾意食呢個河粉，因為佢係濕濕地有有醬汁，超多牛柳絲，勁足料，河粉好滑，重點係唔用味精，食完覺得好舒服健康。錦鹵雲吞係咁雲吞因為$128呢個好經典，醬汁酸酸甜甜，炸雲吞脆卜卜，但係又唔會好熱氣，點醬汁食正！整體而言唔錯，如果唔想食重味精嘢，呢度係一個好選擇，食物款式多而且用心製作。

今日同媽媽留返喺將軍澳食嘢同佢去咗呢間禮記食之前行完Donki經過就已經想食佢裝修都幾靚 有種高端路線嘅感覺成個裝修連飲茶水既碗碟都好有品味👍🏻連茶杯都好靚😍（見到呢個餐牌應該有朋友鐘意）😏😏禮記黑金蝦餃（$58）蝦餃內既蝦肉爽口而係大大嚿餡😋非常能夠滿足口感真係好大嚿㗎💜💜😗京滬灌湯小籠包($ 43)三種顏色 味道係一樣既既時食，先吸熱熱既湯汁😋奶皇炸煎堆（$39）其實我都幾鍾意食煎堆不過我好似未食過奶黃味 口感煙靭 熱辣辣 脆卜卜然後有芝麻嘅香味加趁熱食 奶皇流心 超正😍😍古早味馬拉糕（$34）除咗精緻嘅點心！簡單既馬拉糕口感比蛋糕還要香甜鬆軟香😚😚香茜叉燒腸粉（$39）皮薄餡多 軟潤爽滑😋雪白亮麗本來我唔鐘意食香茜但呢個又可以 叉燒不肥不膩餐廳播住古典嘅音樂，十分優雅媽媽表示又多個地方可以經常去

終於有機會食將軍澳呢間充滿特色嘅點心舖，果不其然每款點心都非常特別，味道佳，賣相更稱一流！香茜叉燒腸粉（$39）餡料係滿滿的叉燒，腸粉皮有一定厚度但唔硬，軟糯、油滑，豉油亦唔會過份鹹或甜，充當咗一個盡責嘅配角。香茜咸水角（$39）青綠色好特別，外脆內糯，甜甜哋鹹鹹哋。餡料好多豬肉，嚼得好爽口。紅菜頭松露野菌餃（$43）餃皮好彈牙順滑，大量嘅雜菌彈牙而且清爽，加埋略略帶紅菜頭香嘅餃皮真係好好嚼。禮記黑金蝦餃皇（$58）三舊黑色蝦餃裏面都有超級大隻蝦，基本上漲卜卜大大舊嘅蝦餃完全係靠內餡嗰隻蝦撐起，驚喜！中間細粒嘅普通皮蝦餃就比較細粒，似返普遍食到嘅蝦餃（細啲、皮硬啲），同黑金蝦餃皇放埋一齊都幾大對比。京滬灌湯小籠包（$43）湯汁好多，外皮軟硬適中。三款顏色嘅小籠包充滿玩味，好睇好食。每件小籠包底都有細細塊紅蘿蔔，冇咁易黐底，算係個貼心小細節。———————————————#禮記禮記 (將軍澳)將軍澳唐俊街23號MONTEREY Place地下G19號舖

依間位於將軍澳南新開既餐廳主打新式中菜,點心賣相精緻,裝修寬敞典雅,坐得幾舒服🫖小貓咪($39)小雞雞($39)小貓咪係奶皇餡而小雞雞係紅豆餡, 賣相好可愛😍得意到吾捨得食紅菜頭松露野菌餃($43)外皮用左紅菜頭黎做所以顏色係紅色好特別,雖然食落去無咩紅菜頭味不過個外皮整得好薄,咬落去啖啖野菌帶松露香,口感豐富酥炸順德鯪魚球($25)焗雪山叉燒包($48)兩樣都係用藤籃黎裝住好別緻,鯪魚球外脆內軟,食落去吾會好油膩,而叉燒包焗得好酥脆,叉燒餡醬汁香甜味道岩岩好京滬灌湯小籠包($43)三色小籠包顏色鮮艷,咬落去肉汁豐富,熱烘烘食好正黑金流沙包($39)一咬落去流沙餡已經湧哂出黎,蛋黃味濃郁,自己食哂兩個都吾會覺得漏😛

將軍澳都開左donki，附近間禮記中菜裝修好靚，個區旺中帶靜，好岩同朋友食飯飲兩杯。玫瑰荔枝茶 $26揀左少女心滿滿的玫瑰荔枝茶，個茶杯好骨緻，飲落都甜d🥰懷舊鳳梨咕嚕肉 $128擺盤好靚，打卡一流，最緊要係好味道，作為第一道菜酸甜開胃～銀杏鮮腐竹扒時蔬（小棠菜）$118個湯呈乳白色勁好飲，小棠菜清甜同腐竹好夾，好暖胃😋銀芽肉絲脆麵 $198戲肉黎，職員一拎上台我地就準備好相機📷炸到麵定曬型，淋上燒汁後職員會幫你剪好啲麵，好好服務，脆麵同香鮮既菇同肉絲不能再夾！