福元湯圓 (已結業)

同朋友去完時新去完食餃飽晒行左幾個鐘黃埔再行番過去食過去左食甜品黎結束我地既行程佢個名叫福元湯圓都估到佢湯圓出色但熱辣辣個個都唔想食湯圓......3個都一齊揀食糖水冇錯我揀左食最普通既什果西米露結果真係十分普通 而且仲好差!d生果都唔甜既!個芒果底個味又唔夠芒果$22架 又唔好味又細碗!!!朋友就叫左芒果雪山 同 日式紅豆綠茶雪山(各$28)個賣相唔靚 配搭奇怪芒果雪山 + 綠豆-0-?紅豆綠茶 + 罐頭菠蘿-0-?佢地食得唔係話慢但唔洗一陣間 就已經baba聲咁溶佢地係咁bup bup bup都唔夠d冰咁快!結果溶到好似菠菜湯同粟米湯.........睇見就............我諗依度應該得湯圓係掂其他果d就 唔食都罷.......

芝麻湯圓 同 綠豆涼粉 超正!!綠豆涼粉 D 綠豆變左茸, 芝麻湯圓唔太甜, 不過 D 薑味唔夠!!所以一星期都會幫襯一兩次!!

(1) 係午餐->時新快餐店..身為北區人, 多數去開順欣花園既老街坊食果度0的芝麻湯圓真係唔錯~~不過一山還有一山高就係呢間！見到openrice咁多食評 梗係去食下啦~~開頭去到, 望望, 依.無人既莫非去錯? 但係地址招牌都一樣…入去試試喇！做哂research知邊0的正邊0的唔正就嗌左個芝麻湯圓($13)無耐就黎到 5粒大大粒0的薑湯唔太係好黃但係真係好有薑味dearest 嫌佢甜左0的我就覺得ok~~ 真係好正, 冬天黎食一停食唔停口@@0的湯圓, 一咬, 0的流沙唔係剩係停留係度有少少流]而係超....流.. 好滑又好香$13 簡直係抵 , 重要好食 去邊搵

無聊閒逛之際，竟然被我發現紅磡都有福元，但一直懷疑係真野定翻版！因為對福元不太了解。我吃酒釀桂花芝麻湯丸，酒釀桂花陣味有少少怪，甜定酸呢？總之就麻麻地，有些少失望。芝麻湯丸好掂！外皮淋淋地，芝麻餡就爆晒出黎，好有芝麻味！有五大大大粒，好飽好回味！最鍾意芝麻湯丸既我就食得好開心！另外果個唔記得名，有芒果和香芋小丸子，很不錯，煙煙 un un，仲有紅豆緣豆，下面有豆腐花，一般。下次知道在紅磡食完飯去邊食甜品喇！果然係食湯圓既好地方！下次買 d 生湯丸回家先！

聽日就要剝牙, 之前梗要食盡佢啦, 即使天氣好熱, 自己點都黎食多一次.諗起d 糖水咁熱, 自己一個坐o係o個度等咁, 都係拎走, 原來拎走要加一蚊返到屋企, 開蓋, 嘩... 乜搞成咁d 糖水好淡色, 但係d 薑味十足兩粒花生湯丸爆左. 味道仲可以, 皮薄但有d 厚既地方唔太熟. d 花生咸好味至於d 芝麻唔太得. 有朕怪味可能浸得太耐, d 薑味入晒d 麵粉度而且d 芝麻有d 沉底, 一咬開見到d 芝麻咸另外仲有d 芝麻既水出黎我諗係o個d 水有朕味不過d芝麻好似沙o個種幼細既質感真係一絕, 好正.今次唔會令我唔再去既, 不過下次要去返堂食至得

從天橋上已看到時新和川王大排長龍,即時改變主意向前繼續走找東西吃.......在寶其利街轉呀轉,看到"福元湯圓"的招牌,圓碌碌流沙湯圓的樣子即時從腦海中跳出來,湯圓湯圓我來也!! 天氣冷冷的來碗招牌薑湯湯圓好了! 湯圓以玻璃碗送上,加上清徹的薑湯,外觀又比平時用飯碗盛載的好看得多! 一咬下去芝麻餡已一湧而出,像心太軟般勁流沙, 芝麻香氣很重另外又帶點微微花生香, 很特別的香味! 芝麻餡粗中帶細,比全部幼滑的甜餡又特別一些,餡料甜度很高,難怪店方的薑湯是偏清淡來配合它了! 湯圓外皮煙韌細滑,真的有水準。薑湯顏色清徹,淡淡的顏色看來漂亮但味道真的偏淡,不過配合甜味重的湯圓就很好,薑味尚算濃味但可再更薑,因喝罷整碗薑湯,嘴巴也只是輕微的發燙,個人認為它還不夠薑!!　餐牌中還有蔥油餅供應,不知道是自家製還是來貨了?? 要是用蔥油餅來配糖水,應該味道不錯! 只可惜離開前也未見到客人所點的蔥油餅樣子,不知道水準如何。小店以家庭式運作,老闆以口頭落單,結帳時要問客人吃了什麼才收錢,要是簡單地用紙條寫好,相信流程會更順暢。題外話: 跟朋友們在沒約定的情況下也在紅磡區遇上,有緣有緣!

一入去見到淋淋種種的湯圓甜品。印象中都好多 open rice 既人去過福元湯圓，所以都有 d 期待。牆上亦貼上特色雪山、酒釀芒果小丸子、芒果河粉、糖薑水湯圓等相片。本來想試酒釀芒果小丸子 ，但係唔知酒味配芒果會點，同埋想食凍野，所以今次都無試。反而試左芒果河粉，因為之前係甜品工房都食過鮮果拉麵。感覺好細碗，同埋唔覺俾左好多河粉....但係上面有 d 似珍珠既透明丸子，一咬就爆再有 d 酸酸地既味都幾得意，唔知咩黎架呢？講到重點用芒果汁整的河粉真係無乜味，同甜品工房鮮果拉麵一樣都唔係太食到個芒果味。但係人地起碼顏色上似囉，呢度就有 d 似係用芒果布甸粉做出黎既顏色....同行友人吃了黑芝麻豆腐花，起初以為會係一半一半，左右分開黑白色。點知原來係上面黑芝麻，下面豆腐花，自己再攪勻黎食。感覺賣相差，同埋豆腐花散晒。難怪友人說普通。可能對佢都有 d 期待啦，所以反而覺得無驚喜....唔知係咪佢 d 湯圓先值得試呢？

下晝同朋友去完紅磡site visit, 黎左福圓食湯圓其實今日好熱, 但都想試下.唔知哩間係咪分店呢, 我未食過北角o個間, 但睇個menu 又幾似樣我叫左個鴛鴦湯圓, 橫掂淨芝麻/花生都係14蚊芝麻x3, 花生x2朋友叫左酒釀湯圓同花生湯圓間鋪冇乜人, 但都等左好耐, 10-15min左右.唔知佢地繁忙時間的話做唔做得切.佢黎錯左朋友既花生湯圓, 黎左芝麻湯圓, 我朋友唔食芝麻既, 所以都係想佢轉返等多陣就黎, 5粒花生湯圓另外送多2粒芝麻.都係頭先黎錯o個d 黎架啦d 湯圓真係爆咸, 超多, 一咬d 芝麻即刻湧出黎花生都好味, 係食到一粒粒既, 唔係"花生醬"咁. 好有咬口不過可能花生比較"杰"d, 冇漏出黎既感覺個糖水簡直厲害, d 薑味超重, 如果唔鍾意食既話可能真係會頂唔順朕味如果傷風感冒, 飲返碗真係幾好

呢間糖水鋪O係屋企樓下, 當然成日去食, 每次去到, 都係叫刨冰, 頭幾次佢D刨冰都係麻麻,但係近呢幾次去,唔知係咪整左部機, D冰夠綿, 唔同既味道又唔會太甜, 正!試過一次佢地既湯圓, 不過呢個唔係我杯茶, 好食真係好食, 但係我都係鐘情刨冰多D!

這裡除了有最著名的芝蔴湯圓外，蕃薯湯水也是本人的另類心頭好.....不知怎的，自小就喜歡吃黃薯多於紫色的，這裡做的正是前者。叫碗外賣拿走，小小的一個發泡膠盒子，就堆滿了四五嚿"大蕃薯"，份量真的多得嚇人。不知道吃完後會不會真的變成一件識行識走又識食的大蕃薯呢 ?說回那蕃薯本身，雖則件頭極大，但卻絕非大而無當。吃進口質感絕不"實的的"，一咬即差不多全溶在口腔內，裏頭索盡了甜甜的糖水，好吃極了而最重要的是糖水的薑味夠濃而且甜度足。"淡mou mou"的糖水，吃來幹甚 ?吃得多芝蔴湯圓也會生厭，間中做一件傻傻的大蕃薯，也很不錯嘛

剛吃完一頓帶給我們「汁多肉厚與濃郁の感受」的日本料理後，悠閒地逛了一會，未知是否因早上奮力地完成半馬拉松的關係，胃口特別好，同時不用再特別地注意飲食，很想吃甜品來獎勵自己。於是便來到「褔元湯圓」，希望吃一碗可以令人心情暢快的湯圓及糖水。由於時間尚早，店內只有數位客人，找個二人位置坐下，沒有太過留意餐牌，因為心中一早已經有了選擇，於是馬上點了「果皮蓮子百合紅豆沙」($11.00)及「糖薑水 + 鴛鴦湯圓 (芝麻及花生餡)」($14.00)。紅豆沙很快已端上來，先攪拌了數下，狀態夠稠，並發現有數粒蓮子，同時亦有不少完整的紅豆，但百合卻未有找到，可能已經完全溶化了。再嗅了一下，不太感覺到有果皮香味，馬上放入口試試。糖水的熱度剛好，不會太燙，不用小心翼翼地放入口，之後味蕾帶來的訊息與嗅覺相同，沒有太重的果皮味道，如果嚴格一點來說，應該是接近沒有。自己是個不太喜歡果皮的人，雖然未至於抗拒。自小開始，但每當媽媽盛上來的糖水中帶有小塊的果皮，我必定會將其丟棄。因為知道就算將果皮丟掉，其味道定必已滲入糖水內，吃下時仍會有一陣果皮獨有的氣味。不過此處的紅豆沙雖然已起沙，但只屬初級程度，甜度調得剛好，不用

這裏的湯圓一向有水準，所以每次來吃都是齋湯丸。原來紅豆沙這傳統糖水也做得出色。點了紅豆沙湯圓，湯圓是一貫的皮薄煙韌餡香，紅豆大粒煲至起沙，有絲絲陳皮和不苦的蓮子，夠甜不會太過，有水準。不過看生意不特別好，附近的日式甜品人更多，不知是不是做傳統糖水沒出路？

成日行過但都未入過去食 , 今日一於試下點左黑芝麻+湯丸($20) , 湯丸即叫即煮 所以要等一陣先上檯一放底碗野 已經知道勢色唔對啦先講顏色 , 灰黑色 ...好"希" , 而且無黑芝麻應有既香味...食左一啖 已經放棄左...佢應該係沖粉既...同平時食開既芝麻糊相差太遠啦再試下粒湯丸,,一咬開 , 芝麻即刻流哂出黎 , 但係唔知點解會有燒鵝味真係好怪好怪....再食洛去都係浪費胃納!!最後..成碗野好似未食過咁留返係檯面...放底$20就走....

由港島小街開到來紅磡最集中的街道上~福元的湯丸從無讓愛吃之士失望~大夥兒在前面街吃烤魚~與不吃辣的友人另起爐灶~吃過時新打底之後就向甜品直衝~甜品工房的臨時休息令算盤打亂了~就領著友人來到附近的福元「補鑊」甚麼雪山冰冰都沒有興趣~只求湯丸~曾吃過這裡的鴛鴦湯丸~偏愛黑熔漿~沒有正餐當前~叫了芝麻糊配湯丸~只要芝麻~友人就要杏仁糊加鴛鴦味湯丸~湯丸即叫即煮~來到面前的芝麻糊~竟然是灰色的~大驚~~印象分打大折扣~也不用期望會聞到吃得到芝麻香~比奶昔還要稀的灰色粉開芝麻糊~粉還沒有開得勻~有糊粉結成的顆粒在底~吃罷也浪費胃納~還是正正經經專心吃湯丸~湯丸一如以往地耍家~在餡料加入豬油令佢更香更滑~與流沙包同一道理~黑岩漿澎湃湧出把怒氣減弱~友人的杏仁糊亦不能幸免~連對杏仁糊極度厭惡的小比也聞不到那股可惡的氣味~作罷~我倆還是雙雙與湯丸談談情跳跳舞~問店員討上暖水來清一清~水是來了~竟是「一碗」暖水~人家就在街市用勝利碗喝啤酒~小比就在糖水店用白瓷碗喝清水~話題性十足~~與友人一致認為~若我們只吃糊類~絕對是喊面~相反~只吃湯丸就會是極端性地勝利~眼前的一物~念湯丸有功~就只能算上個OK面~

眾多的中式糖水中，對湯圓始終不離不棄，即使遠在外國也總想在晚飯後，來一碗美味的湯圓來作當日的終結。那暖而窩心的感覺，比其他甜點來得更親近。剛才吃過了味道麻辣酸濃的食物，各種味道像在口腔內互相爭權奪利，感覺有點混亂。 本來想到的甜品工房剛好休息一天，還好在附近便有福元湯圓可供選擇。剛才到來的兩位食友，大力推介這裡的湯圓，既然他們如此落力"游說"我們，當然不會辜負他們。不過心生貪念的自己，跟三位友人交換不同味道的湯圓，所以弄得湯圓"五顏六色"。先試原味的湯圓，芝麻味濃郁而口感香滑，甜度適中。湯圓本身煙韌有致，軟糯而有咬口，非常的出色﹗ 再試花生餡的湯圓，花生香濃口感豐厚，亦很出色。接著的綠茶和香芋味湯圓，也是芝麻餡的，不過其味道都被芝麻餡料澎湃的味道蓋過了，完全嚐不出來。雖然如此，這裡的湯圓確是有水準的。以小本經營的小店，如果能夠集中精神做好一道出品，要生存下來絕對沒有問題。福元便是一個活生生的例子，不信嗎﹖來嚐它的湯圓便一清二楚了。