福元湯圓 (已結業)

九月廿日‧晴上次來吃湯圓時，見這裡也有芒果河粉供應，是日就來一試。說是芒果河粉，旁邊是放了幾款雜果，另外以西米做底的。芒果河粉本身爽爽的，芒果的味道不算太濃烈，尤其與旁邊的鮮芒果比較起來，味道還有點假。可幸旁邊的生果粒也鮮甜，當是雜果西米撈來吃，也可以的；為穩陣計，要了另一碗酒釀芝麻湯丸。芝麻湯丸即叫即煮，當然是仍然掂。但是日的酒釀不知何解，酸得很，還是要回最基本的薑湯底最好。埋單44蚊，仍然是芝麻湯圓最吃得過。笑面仍然是芝麻湯圓的。

補回星期五晚的食評...收工後到與媽媽o係公司附近食d野,難得佢過開黎呢度,首先每人解決左一件pancake後再黎呢度食糖水做’正餐’..佢揀左綠豆沙+湯圓($17),我要芝麻糊($14).綠豆沙:好特別, 冇一粒粒綠豆,因為已經煲到變做豆沙, 甜度可接受.但海帶都消失左~只有少少臭草味, 仲有7-8粒蓮子, 由於我係座o係廚房門口,所以望到佢係另外加落去而唔係一齊煲的,不過都夠淋.如果係鍾意有一粒粒綠豆口感的人未必接受呢款, 但我就覺得一試無妨.湯圓:皮好軟熟,一咬開即流麻蓉同油, 肯定落左好多油去搓d餡…肥死…芝麻糊: 好滑, 唔太甜, 我將o個兩粒湯圓浸埋落去一齊食~更match..而且可以中和番湯圓既甜味..唔覺有之前食家所講既苦味~不過呢d可能次次質素都有d分別既..都煲幾杰,所以幾飽肚.下次黎再試佢既腰果酪,因為之前o係cwb仿膳食過好好味~而且好少地方有得食~~不過都賣得唔平~

雖然川粵不夠刺激，慣例也要食甜品來作個結尾。去過甜品工房好一般，今次就試下隔幾間的食湯丸。我又是照舊要綠豆沙，但主打湯丸雖不太愛吃，也加兩粒來試試。綠豆沙真是煲得很起沙，不過我還是愛多渣多豆的綠豆沙，而且沒有臭草的草香味，但有不少蓮子，似與綠豆有點格格不入。再試主角的芝麻湯丸，肥大飽滿、皮薄而滑，芝麻蓉便肆意流出，難怪是招牌推介。而老公的芒果芝麻湯丸，原來是芒果味的皮，略帶點點果香味，頗有新鮮感。其實我對湯丸沒有研究，覺得這裡的湯丸很有水準呢。

食完飯再到紅磡食甜品，今次試試另外一間男朋友叫了芒果雪山，的確成座山，但和餐牌的相是兩回事，一向不喜歡食刨冰的甜品，試了一口，好像我昨晚食我咳藥水味我叫了一個最簡單的芝麻湯圓，皮薄，可看到裡面的麻容，咬一下，裡面的麻容慢慢流出，很香炒過的芝麻味

七月初五‧炎熱吃完辣魚，大家也紛紛說好像沒有什麼到肚的，又拉隊的去吃甜品。本屬意另一間新式甜品店，但沒位，結果來了這邊。未進座，地膽專兄已經告訴大家，這裡只有芝麻湯圓好吃。於是大家便紛紛的以芝麻湯圓做膽，另配核桃露、杏仁露等等，當然也有朋友是叫淨湯圓的，而我就因為見有太多湯圓了，就要了雞蛋腐竹糖水。先說我的腐竹糖水，不太甜，卻又沒有什麼腐竹香味。也下了薏米及銀杏的，但吃起來雖然腍身，但完全不軟糯及沒有咬口，可能是跟糖水分開煲吧。蛋反而不錯，僅僅熟而不會實實的。總的來說，不算是很有水準的腐竹糖水，至少我煲得比這裡好叮吃。不過看鄰座Christy及kkk兄，看來腐竹糖水已教有可吃之道。見有這麼多碗芝麻湯圓，就向朋友們要了幾粒來吃。仍然是很有水準，湯圓皮軟熟，是即叫即委製的效果。芝麻餡很澎湃，吃起來又香又甜的，果然是獨沽一味。埋單12蚊，幾抵食是真的。臨離開時看見這裡有芒果腸粉，下次要來試這個。

吃過熱辣辣的烤全魚，腸胃些許不適，又有些口干舌燥，急需冰爽甜品的慰藉。大中午的自然不能指望甜品工房，不過來這里試一下新推出的夏日甜品系列倒也不錯。蘆薈鮮什果雪山雖然要$30，但用料豐富，生果有西瓜、火龍果、芒果、蜜瓜、蘆薈，皆新鮮甜美；果凍系列則相較失色，倒是外形似小丸子的小圓粒給人驚喜，外層透明薄皮包著內里甜又濃的芒果汁；同場的蜜制綠豆雖然較少但豐富了口感與營養，都是不錯的搭配。其實最不濟的元素要屬浸入冰山的過量甜奶與甜得非常人工的芒果雪糕，因為過量落糖，破壞了鮮果們努力營造的清新，反而變得有點膩人了。當然，不管怎么說，甜魔總是可以原諒過度的甜；而且這雪山，亦著實是不錯的解暑冰品。當五彩繽紛的夏日甜品蜂擁而上時，湯圓就在小角落被人遺忘了。

中間的辣魚因為我沒有吃﹐所以不會出食評。所以便直出最後一站﹐福元湯圓 ~要了一個合桃露配芝麻湯圓。我的湯圓不夠熱﹐對我來說﹐芝麻也油了一點點。心裡總覺得還是媽媽從前在尖嘴所買的湯圓較好。另外合桃露則一般﹐有合桃碎﹐但味道不夠。對我來說也甜了一點。食友們嘗過也覺得薑湯湯圓比較好。若配以其他甜湯底反而不美。專兄一早張揚這裡只有湯圓較好果然有先見之明。小弟銘記。小店乾淨整潔﹐服務則比想像好。洗手間的們鎖壞了﹐阿姐會幫手睇水。但是﹐還是快點修好門鎖吧~

辣魚之後，大伙兒拉到吃甜品！甜品工房爆滿，轉陣到街尾福元湯圓吃中式甜品。十人霸佔了小店大半位置，是晚有腐竹糖水、杏仁餬，而重點是清一式芝麻餡湯圓！一輪入紙點菜，卻沒漏單（又或者漏了亦無人察覺），見大家棄花生湯圓取芝麻餡，偶是保持中立，即唔叫芝麻又唔點花生，拿起「吉碗」，食友也真客氣的，將碗子填得滿又滿～連著薑汁湯配濃郁芝麻圓子，餡做得甜而香濃，糯米皮依舊黏糯美味，薑汁味反而較薄，配搭也不錯。開心團圓湯圓，替是夜爬格仔送上開心休止符～

正！紅磡一向多糖水店，水準差ｄ都要被叮走，早前已經走了２間．．．這間福元，我們都睇好，皆因佢地既湯圓！最愛：麻蓉湯圓他的湯圓皮薄餡靚，芝麻味濃厚，不會過甜，味道剛剛好！連芝麻糊也一樣做得好，味道濃得來也不會太膩，正！　另外，他的合桃露和蕃薯糖水，一樣出色！

在郁香園~小比的職責只係每款丸試一粒同埋食晒d菜心思思又想食甜品了~~~大熱天時理應食凍冰冰甜品~但小比卻選擇熱辣辣食熱辣辣ge湯丸~~~無神神3點幾~店子裡當然沒有客人~都係我地坐底製造ge少少噪音~先令到廚房ge姐姐留意到我地小比斬釘的要吃湯丸~~大比則選了熱的燉鮮奶等了約五分鐘~熱燉奶先上~~並交代湯丸要再等一下~因為即煮~~見到用即棄膠碗上~有點微言..不過可能好味呢.........又幾滑喎~haha~~又唔會過甜~但始終不及澳洲牛牛小比點ge鴛鴦湯丸來了來了~~~~~~hehehhee雖然都知佢會三黑兩白~不過事前都提醒了一下姐姐我想食多d黑麻蓉~呷一口薑糖水~~不是勁薑~但小比這冷血動物已感溫暖~咬開黑麻蓉的湯丸~~~~blablabla~~~嘩~~~瀉啦瀉啦~又辣親個口tim~~~哈哈~不過好澎湃的麻蓉~好開心~~~唔知咁流沙~會唔會落左好多豬油呢....hahahahaha不過唔理啦!小比真係好鍾意食麻蓉湯丸~再試一粒花生的~沒有黑丸的澎湃流沙~水準只是一般~但這粒就較有花生粒粒的口感~下次再來~小比就只會點最愛的黑丸了~~hehehe

在甜品工房我還想試試木槺布甸，不過龍又想見識黑色熔漿的魅力，所以留了肚來這裡試。　早兩個月試過(薑汁)芝麻湯圓覺得一般，今次就點了桂花酒釀湯圓，想不到更差。湯圓沒變，對我來說還是老問題：不夠香不夠甜，再流心也沒用；沒那麼嗜甜的龍就覺得還好。但更不濟的是桂花酒釀湯底，一點不香，酒味久奉，味道真的連白開水都不如，要揀絕對是薑汁湯底好得多，還便宜$5呢!　不給喊面，一來是對這種廉價小店不要太苛刻，另一方面我幾讚賞它有《同事三分親》看~

今晚食完晚飯本來放棄甜品 , 不過比大舊一言驚醒 哎….肥就肥啦…..一心要進攻福圓, 去 我食 : 紅綠豆2 溝 ($12) = 紅豆係佢地既強行. 點知綠弄會出事, why ?!?! 點解綠豆會磨到一粒豆都無既, 唔係咁偷工減料?! 好彩紅豆幫你加返唔小分, 如果唔係 喊都有份啦 大舊 : 綠豆沙湯圓咪又係出事, 今次又要多謝大大粒流晒沙個隻湯圓, 10+++ 美味 不過都係請你地應真地煲返綠豆沙, 攪到差晒啦

福元殺出港島响紅磡開分店，位置咁近屋企，實在可喜。作為fans，點可以唔幫襯下?每次都只係食芝蔴味(因覺得花生餡食味只是普通)。隱約記得頭嗰幾次去曾試過蕃薯糖水，味道不錯。今次去新分店，就決定捨湯圓而取蕃薯也...蕃薯係小弟最愛嘅黃薯。煲得夠淰，口感亦有點粉，真不錯；薑湯水薑味恰到好處，又真的夠甜，有水準...最後都忍唔住買多盒芝蔴湯圓拎走，第二日响屋企自家炮製。湯圓水準依舊不變，跟太座將之一掃光...

紅磡暴食日(2/4)　其實Cafe le Must對我只是開胃菜。紅磡之旅，最大的目標是近期好紅的福元湯圓!　原來小店離都會不算遠，步行過去也才十分鐘左右；朋友正飽著，湯圓迷如我，雖飽也要硬著頭皮KO一碗~　終於試到多人大力讚好的芝麻湯圓，餡心真是一咬下去就洶湧而出，視覺效果澎湃之極；然而味道不如預期中濃及甜，與上月在台北爾雅書馨試到的湯圓還差好大一截。　另一款花生湯圓就更普了，個人更喜歡滿記香甜的出品，相信店主也知道的，所以五粒湯圓中只有兩粒是花生味。　不過此店湯買皮餡比例良好（聽說有時水準不穩，但今次幾好），以及售價（鴛鴦都才$14!），又是一間抵食小店。又附近一帶有很多美食，下次來搵食若有空檔，或會順路試埋酒釀芝麻湯圓!

早兩日0係炮台山店摸門釘, 今日食完牛肉粉想食碗糖水, 加上「湯圓癮」又起, 即刻0黎呢度試試芝麻湯圓(配糖薑水; $14 一碗5 粒).湯圓粒粒肥大飽滿, 層皮好軟又好煙韌, 好食; 咬開後d 芝麻餡係狂瀉, 賣相100 個吸引, 芝麻餡好「沙」, 味道濃郁, 都幾好食, 不過我覺得再甜少少會好食d. 糖薑水反而唔係咁好飲, 薑味夠, 不過實在太唔甜了, 影響整體味道.店內光猛, 乾淨企理, 亦好似好新淨, 唔知係咪開張無耐? 招呼就無乜特別.$14 一碗, 幾抵... 再0黎的話, 應該會試糖不甩.