福丸水產 鉄板燒 日本料理 (已結業)

今晚經朋友帶路, 穿過荃灣街市, 竟然找到一間新開既浜燒日本料理餐廳, 餐廳內設大量卡位, 每張卡位私人度頗高, 不會望到其他檯食客的!看看menu, 浜燒既價錢對比尖沙咀、銅鑼灣便宜一點, 除了浜燒, 還有刺身、壽司、卷物、日式炒飯、小食、清酒等等選擇。日本餐廳一向每天都有廚師推介款式, 而今晚就係 燒"目仁奈"。 呢個名對我黎講好陌生, 既然是推介, 就點來試試, 再額外自選幾款share一齊食。【目仁奈】 HK$298第一次食呢種魚, 外觀其實同街市買到既魚差不多。上檯時, 目仁奈被燒成可以站立似的, 目仁奈表皮被燒得黑黑的, 但不是燒焦的黑。外表不是香脆, 反而是有點水份的林, 肉質入口時不是實肉那種, 跟糊狀差不多, 喜歡吃實肉的我不太討好。【龍蝦剌身】HK$298 (2食)先來一盤龍蝦刺身, 上檯時, 仲見到龍蝦觸鬚仲係郁郁下, 非常新鮮!!! 龍蝦肉已被離殼, 再分成一舊舊, 入口爽口鮮甜。食完龍蝦刺身後, 侍應將龍蝦殼送回廚房做湯, 湯味道其實係味噌湯, 雖然不是經長時間餚出湯底, 但食完清甜既刺身, 再飲一D味道稍為濃少少既暖下胃, 算係一個不錯既配搭!【三文魚刺身】

我個tummy無事啦!!! 肥妹番黎啦😍😍個刺身拼盤 (八點盛合) $488，質素挺高，又新鮮又好食~close up大家睇下🤤除左我想講iPhone X真係影得唔錯之外🙈，呢個刺身拼盤有海膽，有拖羅，同其他新鮮刺身，真係算係咁👍🏼另外，仲點左好多野食，例如 明太子玉子燒 $78, 芝士奄列炒麵 $88, 等等 之後仲有天婦羅蝦卷🍤 $68同喺其他地方較少見的海葡萄 $68， 不過就咸左少少🤔去到福丸就一定要試浜燒啦！最推薦的係蟹膏甲羅燒!!🦀 $68 唔算貴，加多啲蟹膏或加海膽 就 $88 ^^有專人幫你燒，燒到出黎熱辣辣，蟹味亦夠濃，連我媽咪都話最鐘意食呢個呀😍快啲去試下啦😘價錢合理，環境舒適 (有好多卡位，仲有布廉，好有privacy☺️)，值得推薦！

同朋友慶生，估唔到佢加班到成八點，只好就佢荃灣區食。慶生又點可以食普通野，重要咁辛苦加班，最終去左呢度食好野。估唔到荃灣區樓上舖會有啲咁臥虎藏龍既餐廳。全間舖都好日式既裝修，餐廳好大，入面全部都係卡坐，坐得好舒服，我完全聽唔到側邊卡坐既人講乜野，私隱度充足。坐耐左，呢度個氣氛，令我覺得自己好似去左日本咁。呢度主打滨燒海鮮，但我地怕麻煩，無叫燒野食。特上6點盛盒，有油金魚、三文魚、池魚、甜蝦、海膽、帶子。每樣兩件，每樣食材都好新鮮，食落口甜絲絲，而且刺身最少有成1cm咁厚，除咗係日本之外，我都好耐未食咁大件既刺身啦。好懷念旅行去日本魚市場食早餐既日子。極之推薦。另外海膽用咗好特別嘅方法處理，海膽用戒咗花既魷魚片捲住，好似手卷，好特別。軟殼蟹牛油果手卷，唔同地方食過無次，今次真係最好食，飯軟硬度溫度適中，炸軟殼蟹唔會油，好鬆軟。牛油果好軟滑香甜。飯用左赤色壽司醋，所以紅色。一試難忘。

行行下去車站突然下大雨，又凍又濕入去商場避一避，本來plan左去食另一間餐廳，咁橫掂黎到呢個商場，就係度食啦。上左黎福丸，裝修豪華感覺不便宜，睇睇餐牌又ok喎，店內有超多海鮮好正咁樣，一於豪一豪佢食下好西先。店內海鮮即點即燒，枱上已預備好爐同用具。鐵板燒龍蝦（$298）店員大力推介，就整一份試下先。龍蝦係時價的，是晚就係298一份，朋友話好抵食，出面街呢個價食唔到喎。賣相好正，上枱時好香呀，龍蝦肉超彈牙爽甜的，個龍蝦膏汁好正呀，簡直想拎起個盤脷埋佢。吞拿魚刺身（$98）嘩，超厚切！！無食過咁厚嘅吞拿魚囉，好誇張呀！好鮮嫩，入口無渣㗎，好正呀～刺身六點盛合（$268）是晚嘅六點盛合有呢幾款，賣相也是好吸引，油甘魚滑溜柔軟，入口化油好正，池魚入口清爽有咬口，帶子超爽甜，甜蝦好鮮甜，海膽魷魚卷開頭沒睇出係咩黎，食左就知了，海膽入口即瀜，魷魚則有點黏口，兩者夾埋一齊食好得意，三文魚腩肥到離曬譜，咬落全口魚油，全部都勁正。松葉蟹膏甲羅燒（$68/ea）呢樣又係無得輸，睇賣相已經流哂口水啦燒鮑魚（$68/ea）鮑魚上枱時仲好生猛，係咁郁㗎！有店員幫手燒，唔使自己動手燒魷魚筒（$68）見隔離枱燒得好

之前去過日本都唔捨得食呀, 又驚可能會唔中意食.. 但係今次哩到係朋友帶我黎既.. 所以就一於試試佢啦~~"黃金蟹膏甲羅燒".. 必試必試~~~ 係將蟹膏再加埋蟹肉,蟹子,鵪鶉蛋一齊燒.. 真係好正呀!!! 成口都係蟹膏同蛋黃.. HAHA好好食~~ 另外仲叫左1份"燒鮑魚", 係燒新鮮既鮑魚呀, 燒個時仲會係咁郁~~ 燒完都仲好有鮮味.. 完全冇流失到呀!!除左燒野之外, 仲特別叫左份刺身拼盤, 因為見到都好新鮮.. 所以就叫左一大盤啦~~ 哩到既海鮮.刺身都係日本直送咖!! 所以真係唔洗去日本都食得番日本既味道!! 拼盤入面既TORO係TORO中黎既.. 但係3舊實在真係唔夠食呀.. 所以再另外叫左3舊HAHA~~除左哩D都仲有叫左熱食既.. 就叫左炒雜菜同壽喜燒.. 估唔到壽喜燒配既個份牛肉係咁好食.. 但係只係$128咋.. 以哩份牛肉既質素真係唔止哩個價呀!! "A4和牛厚燒".. 係放係一蕭岩鹽上面不停加熱.. 好特別係第一次咁樣食~~ "芝士奄列炒面".. 通常食既都係蛋包住飯.. 但係哩個係包住面既.. 估唔到佢外表好似麻麻地.. 但係食落真係非一般呀!!!! 完全食

冇下次， 尋日食飯諗住近近地食。老婆 book 左福丸2人卡位。去到個紅衫部長先話唔比, 話卡位要留比3-4人， 而且態度唔好。但佢入到去，其實張張枱都空。最後有個女服務員幫口先可以有卡位坐。我走時見到個紅衫。佢話你可以 book 卡位, 但我可以唔俾你。咁我 book 位做乜呀？坦白講，野食中下，其他服務員 service 唔錯，但以後都唔會去。真痴線！第一次 book 位 book 到一肚氣！二人消費：約$1500服務：0 分（俾個紅衫部長扣晒）食物質素：70 分環境：80 分會否翻食： 永不，食物質素唔值呢個價。

係荃灣日本放題就多，但稍為好讚素啲嘅日本菜似乎唔多⋯係open rice 比我搵到間新開嘅，又俾我即時book到嘅 福丸水產.浜燒 。上到去裝修唔錯，好日本高級居酒屋feel ，每一張都有間隔 隔住，感覺好有私人空間感，一入到去見到海鮮水缸都幾給晴，見到啲海鮮都幾生猛，加上陣陣飄嚟爐端燒香味，立即加大左我嘅食慾！侍應安排左我地2個人入房坐，侍應服務態度好好，好細心推介及介紹食物....🙋🏻‍♀️🙋🏻‍♂️刺身同壽司🍣好新鮮，壽司飯質素又啱啱好，建議可以叫刺身拼盤，一般出面刺身拼盤都係拼cheap 嘢，又或者質素會比單叫差一個級，就好似拖羅咁，好多時出面啲拼盤會比差一級嘅拖羅拼落其他刺身度⋯不過今次呢個刺身拼盤，意外地啲刺身唔差，唔係比cheap 嘢加上個拖羅雖然唔係頂級拖羅，但亦中規中矩，有油香夠柔軟，同埋咬落無根！唔錯！抵食之選另一驚喜之作係炸雞塊⋯外脆內軟，仲勁juice,我太心急食，仲比啲汁辣到個咀😝但真係好食，無諗到佢炸到咁脆裡面原來咁嫰滑唯一失望係個蛋包芝士炒麵，見到OpenRice 啲人推介，帶住期望order ，但食第一口就失望，蛋唔滑仲有啲老，切開芝士唔多又唔夠香濃夾起無拉

朋友介紹我去荃灣新開水產店，一嚐日本滋味... 全店和式風格，氣派十足～刺身拼盤，大赤背、海膽非常吸引... 魚生、刺身樣樣新鮮～燒明太子燒得夠乾身，咸咸香香，好開胃～鐵板燒龍蝦，鮮甜多汁～蔥蒜薄燒和牛，未放到上枱已聞到蔥蒜嘅香味～雞泡魚干，點埋沙律醬，佐酒一流～燒松葉蟹蓋，一啖食落去啲蟹膏完全融化喺口裏面～雜錦天婦羅，鬆脆度滿分～燒魚干，竟然可以燒到同雞泡魚一樣乾身香口～吞拿魚面肉，食落口感似燉牛腩般香淋～

之前去日本食過磯燒水產非常回味，禁岩屋企附近都開左間浜燒水產店，見朋友1月生日，即刻搵籍口黎一試。店家自設特大魚缸，食材方面仲要日本新鮮直送，店內完全係日本風格，仲設有包箱座位，好舒適！鱸魚刺身-魚肉被切成幾乎透明既薄片，非常考師傅嘅刀工，肉質細膩冰涼爽脆，口味鮮美。有種爽彈得黎又入口即化既口感，正😋😋終極8點盛合- 有海膽，牡丹蝦、活赤貝，大拖羅，金目鯛，左口魚，深海池魚同埋油甘魚，全部都係貴價貨😍尤其係金目鯛同大拖羅，好多地方食唔到嫁！左口魚- 白肉關係，魚味較為淡，沾店家提供既醋汁較沾豉油更為好食，魚質爽彈。.金目鯛- 魚厚切，粉嫩身肉質呈粉紅色，爽甜新鮮，肥美而不膩，魚味特別甜，沾上少許芥辣豉油，魚鮮更突出。令人回味👍🏻👍🏻.海膽刺身，海膽入口甘甜豐腴，味道相當甘鮮, 味道和質感細軟豐厚，正！.活赤貝肉身非常厚，滋味香甜，口感清爽。.大拖羅油脂滿溢，入口滿滿魚油流出，入口即溶！.而深海池魚同油甘魚魚肉鮮甜肥美，紋路分明，肥甜香滑.牡丹蝦大大隻，鮮味濃郁，完全冇腥味。整盤盛合用料豐富新鮮，非常抵食！！黎水產店，食新鮮剌身外，燒海產當然唔小得，松葉蟹膏甲羅燒同黃金蟹膏甲羅燒，待應好

日式料理中，浜燒真的未嘗接觸，不時看到介紹日式浜燒時，好像也挺不錯的。今天得家住荃灣的朋友介紹這裡有間新開張的餐廳，每天都由築地市場新鮮直送水產，客人便能以日式浜燒的方式吃到最原始的味道，聽著也吸引，今晚放工後便順道來試一試。這裡介乎荃灣西和荃灣站中間，不過似乎荃灣西站會再近一點。餐廳佔了全層，面積大，坐位之間的空間亦尚算寬敞，坐得舒適。餐牌上的食物選擇種類繁多，浜燒當然是少不了的，另外亦點了一些小食，刺身和主食一試。先來的廚師發辦刺身($268)是於餐牌上沒有的，店員會向我們介紹是日新鮮的海產，確保我們吃到當日最新鮮的海產刺身。既然是廚師推介，我們便即管一試。每片魚刺身切得薄薄的，晶瑩剔透，中間較為厚身的魚肉，堆砌成精緻的花朵，擺盤有心思。甚少吃刺身的我竟然對這個完全不抗拒! 口感沒有滑潺潺令我毛骨悚然的質地，反而帶點清爽軟滑，加上魚肉有陣陣柚子味，十分清新鮮甜，我頗愛呢! 三文魚刺身($48)有4塊，魚肉挺厚身，色澤光亮，看似肥美，友人亦表示很鮮美! 小食點了蟹籽沙律($38)和明太子玉子燒($78)。蟹籽沙律口感清新爽脆，蟹柳份量亦不少呢! 明太子玉子燒味道則屬中規中矩，淡淡的蛋

荃灣最近多左好多間餐廳由中學食到出黎做野, 覺得日本餐廳黎講依間野都算唔錯!因為主打高檔日本野食, 好多野都係築地直送就連鋪頭入面都有養住魚缸, 即叫即煮必試一定係依個黃金蟹殼燒本身已經好呃LIKE,最重要係好香我試過一啖未熟既, 有少少腥, 但煮熟左之後就完全兩回事啦然後好似有個一夜乾一夜乾魚身好煙韌, 感覺有D似馬友魚, 不過硬身D另外有個6點刺身盛合點解話佢依間野高級！因為刺身完全唔一樣如果食開放題，都會食到有陣好重既雪櫃味，個人覺得食緊刺身，食到個種味好嘔心超值得推介既餐廳啊

近年日式海鮮濱燒大熱，食過唔少出名的店，但總係冇同媽媽試過。今次就帶媽媽去左Facebook常常見到人like的福丸水產。位於荃灣的新店好靚好有心思，店內座位亦都非常闊落。一入門口就會見到一個大魚缸，裏面有唔少日本直送的活海鮮，睇見都流口水。店長哥哥介紹我哋食活北寄貝刺身，果然冇令我地失望。首先賣相已經好精緻吸引，味道更係鮮甜無比。活北寄貝的質感好爽口，又Juicy，鮮味爆發。我想食壽司，又唔想多諗，就揀咗個福苑盛盒。七件壽司加卷物，用上七星伴月的方法排列，都幾有趣。壽司整體亦做得唔錯，係淡黃色的壽司醋飯。我就最鍾意油甘魚，魚油豐富，同微酸的壽司飯好夾。來到精彩的濱燒環節，又點少得蟹肉甲羅燒？我哋揀咗一款黃金燒同一款海膽燒，可以一次過試晒兩種口味。燒到熱辣辣的蟹肉蟹膏混和蟹籽，多重的鮮味混合，實在係人間美味！甲羅燒一向都係我好鍾意的菜式，而每一間店的甲羅燒總有少少唔同，我就鍾意福丸加入左粒粒蟹籽，令整體有多一層次的口感。繼甲羅燒後，牛油帆立貝亦係濱燒必食。帆立貝已經預先洗得好乾淨，白雪雪。燒香後牛油融化在帆立貝當中，好惹味。我哋都食左燒鮑魚同刀背，樣樣都好新鮮。值得一提的是，店員會將爐

今次為食小編Chloe覓食覓到荃灣呀。事關實在太多朋友話好食，就黎試下有幾正先食店很大，日本居酒屋裝修，座位舒適，由獨立房間可包房，增加私隱度。店內的其中一個位置放置特大魚缸，如要刺身，師傳會新鮮撈起，即叫即切，而所有食材均由日本空運到港，保証新鮮!先來一碟薄切海鮮沙律作頭盤,內有沙律醋，十分醒胃，作一餐美好的開始~辣海鮮卷飯卷內的魚生都很新鮮，加上調配好的辣醬汁一齊食，味道一流!~來一碟八點盛合刺身先所有刺身即叫即切鮮味無比。海膽都十分鮮甜，為食Chloe平時不吃的，都吃了一整碟. 哈哈~燒蛤、黃金蟹糕甲羅燒及牛油燒帆立貝~由專人為客人即燒架~甲羅燒~內有蟹膏飛魚子鵪鶉蛋，混入一齊燒，口感上有不同層次，味道出奇地搭配。海老天婦羅，海蝦超彈牙呀！~日本產華味鳥鍋，吃完冷盤後，再食熱哄哄的熱鍋，暖粒粒呀。熱鍋內有雜菜同鮮嫩雞件。最後再來一杯巨峰生啤作完美句號，生啤面有巨峰味的泡泡，超爽呀。

黎到呢間濱燒店 聽到沖繩既三弦琴音樂已經覺得好有氣氛 店員又好熱情 好感大增通常我去到居酒屋因為唔好酒 反而會試試佢地既sashimi 如果魚生都有用心入新鮮既貨就可以放膽叫燒野食店員推薦我地試一試柳之舞味道好似油甘魚咁鮮甜不同既係 個魚皮有燒過 好香口 再加甜蝦四隻 我成日覺得甜蝦係細細隻果種點知大到咁 仲要好鮮甜好啦入正題食燒物先黎一個甲羅燒 可以見到有海膽 奄春蛋 蟹肉蟹子等材料 燒完之後非常鮮味唔會過咸 好好食 蟹肉既份量都唔少架之後再同一時間燒埋牛油帶子帶子size驚人不過因為店員太忙燒乾左dd 如果可以煮短點時間更好!鮑魚非常新鮮 應該係佢地養係度既個邊烤得香脆 店員叫我地食埋鮑魚肝不過個顏色唔係好食得慣但食肉都好夠 好彈牙

今日同朋友去左荃灣西行街，都行到肚仔餓啦。聽人講附近百悅坊開左間新嘅日式料理浜燒，叫福丸水產。聽落都幾新鮮，於是就去試試。呢到地方都相當寬敞，每台客人都有四人位，擺放野都相當方便。廳面設計亦相當用心，牆身都係用木做，掛滿左日式嘅裝飾，彷彿好似身處日本一樣！呢到主打雞尾酒，平時係日劇見到嘅Highball都有。可惜我同朋友都唔太飲得酒，只係叫左啲刺身同熟食。最先黎到係兩杯非酒精飲品，梅干梳打同巨峰梳打，真係相當大杯。普通的蟹子沙律。試完個蟹子沙律，開開胃，緊接其後嘅係刺身拼盤，有三文魚，甜蝦同吞拿魚等。最特別係佢嘅海膽，用魷魚包住，可以整卷享用，好有滿足感。食完啲生冷嘢，就到熟食啦。 我哋叫咗牛油燒帆立貝，牛油嘅香味配合帆立貝嘅肉質，真係令人流哂口水。再黎就係海膽蟹膏甲羅燒，係將海膽同蟹膏一齊加熱，將兩者嘅味道融為一體，最後再落一隻生嘅鵪鶉蛋。呢個組合真係好新鮮，好入味！再黎就係浜燒啦，我地叫一份魷魚鬚和鮑魚。 店員會係客人面前，將新鮮嘅食材放上火爐，慢慢睇住佢變熟，十分過癮。魷魚鬚配合牛油，十分香口。而燒鮑魚真係將一隻活鮑魚烤熟，真係第一次食到啲咁新鮮嘅鮑魚肉！聽店員講，新店開張期間，