祥榮餐廳

營業中

休息中

上次食過店長推介既炒蜆，覺得好回味😋，今次再黎，但已售罄啊！於是就繼續揀其他小炒啦！炒蜆都有保証，其他一定有質素其實呢間餐廳仲因為佢環境舒適、 乾淨、 座位寬敞、 交通方便，鄰近黃埔站b出口行兩三分鐘就到，我哋都係行完人多擠迫既旺角，然後近近哋黎呢區揾嘢食，呢間真係啱哂我哋。今次叫咗鐵板西冷牛扒👩‍🍳牛扒肉質夠腍，蝦又鮮甜味美，這樣的質素價錢唔係貴，性價比高👍😋黑椒汁超野味呀！西芹炒斑片: 斑片鮮味有厚實感，啖啖魚肉真係冇得頂! 西芹亦炒得好爽脆椒鹽肉排: 一上菜已聞到香氣滿溢，試過真係又一推介。香辣适宜，野味無窮

媽咪今晚唔煮飯，一家人去咗附近餐廳食晚飯。中西快餐都有得食，我哋一家最鍾意呢度嘅蒸魚同小炒，CP高。今晚爹哋發板，叫咗三個套餐加多個粟米羹。🔆豉汁蒸桂花魚 - 呢條桂花魚，媽咪話去街市買都要$65-$75。條魚鮮嫩多肉，蒸得好靚，豉汁惹味好送飯～🔆粟米雞蓉羹 - 因為我好鍾意飲粟米羹，爹哋專登另叫一窩俾我，份量足夠分到四至五碗～🔆XO醬西蘭花炒花枝 - 登登登登！呢個絕對拍得住酒樓水準，墨魚🦑🦑同西蘭花🥦🥦嘅份量頗多，用XO醬炒到好香，仲有鑊氣。西蘭花爽脆，墨魚好大塊，熟度剛剛好，XO醬同墨魚，互相搶唔到對方風頭。🔆豆豉鯪魚唐生菜煲 - 熱辣辣菜煲，啱晒鍾意食豆豉鯪魚嘅爹哋，配埋唐生菜味道惹味好送飯。🍚🍵套餐全部包括白飯同餐湯，嘢飲都係加幾蚊。🔆凍奶茶、熱奶茶 - 無論冷熱都有水準。不過我自己鍾意飲熱奶茶嘅原味，唔加糖感覺茶味更香濃。♥️一家人呢度開餐，感覺好warm～我哋一邊睇處境喜劇，一邊食一邊傾計，真係有啲喺屋企食飯嘅感覺。不拘小節、親切服務，全日免加一食咁多嘢都係二百幾蚊👍🏻，就係我哋鍾意嚟呢度嘅原因，唔需要拘謹，舒舒服服又一餐。

祥榮餐廳已經在黃埔有很長時間，它剛開業的時候，我就已經留意到，可惜一直沒有時間來，直至今天才有機會一試。餐聽佔地頗大，座位繁多。鴛鴦牛柳扒餐$123，有餐包、餐湯、咖啡或茶，凍飲加$3，可選意粉、飯或沙律。可配黑椒汁、蒜蓉汁、洋蔥汁、燒汁。鴛鴦牛柳扒表面鋪滿了黑椒，如果加上蒜蓉汁、洋蔥汁、燒汁，便成了鴛鴦味道的牛柳，不過我太愛黑椒味道，所以選了黑椒汁，變成更濃味的黑椒牛柳了。牛柳帶點嚼勁而不軔，以很熱的鐡板上，加了黑椒汁就發出吱吱聲，這個是港產的做法。餐湯是羅宋湯，蔬菜材料豐富，味道酸酸甜甜，非常惹味。豉汁魚雲煲$76 ，奉送白飯和是日餐湯，凍飲加$8。魚雲經炸過，份量不少。是日餐湯是冬瓜煲肉排，味道清甜，沒有加味精。

今晚同朋友出開紅磡行街，又到晚飯時段，途經依間叫祥榮的餐廳。就當然入內食下啦。店內坐位又夠寬闊，坐得夠舒服。冷氣又夠凉，最適合我這種怕熱的人。環境給我舒適的感覺。店員也很有禮貌。坐下看完餐牌，賣相十分吸引，而且很多食物種類供選擇。叫咗個豉椒炒蜆。份量又足，蜆肉又夠多，又夠獲氣。而且十分入味道。個人特別鐘意個豉椒汁，好香而且非常入味道，好高水準，非常深刻印象。另外叫咗個西冷扒鐵板餐，熱熱地，西冷扒份量十足，西冷扒食材很高質數，又好味道，口感也很好，配菜份量又多。而且還有例湯及餐包，一定好滿足，另外湯味道也好濃。飲品方面，叫咗杯凍奶茶，又夠凍，奶茶味道也濃。個人認為是物超所值的一餐。必定會再來光顧的。

放工同朋友去行黃埔新天地,經過見到祥榮環境企理,地方又夠大就入去醫下肚餐牌選擇好多,有扒餐,中式小炒,粉麵,仲有蒸魚,實有一樣岩食.卡位坐得好舒服,空間感好大.我地叫左2個自選扒餐--蒜茸汁牛仔骨帶子跟飯連忌廉湯,餐包,熱杏霜,都係$102好超值,仲有黑椒汁羊扒西冷扒跟沙律.忌廉湯幾結身,都好滑,餐包夠軟,加上牛油,GOOD.蒜茸汁牛仔骨帶子--牛仔骨份量好多,肥瘦適中,好有油香,帶子好大粒,個底煎得脆脆地,好好味,配菜有沙律菜,翠肉瓜,粗薯條,淋上蒜茸汁,更加野味.杏霜好香杏仁味,好好飲.黑椒汁羊扒西冷扒-- 西冷扒好大塊,好厚身,肉質都嫩滑,唔會韌,羊扒唔會有羶味,淋上黑椒汁,更加好味.沙律份量好多,有青瓜,薯仔,蘿蔔,蘋果粒,菠蘿粒,酸酸甜甜咁,中和左肉既油膩感.

今天放工陪女兒去黃埔辦點事，見到女兒小時候常常去食扒的祥榮餐廳，女兒想懷舊一下，叫埋老公過來，一齊入座食晚餐。餐廳食品多元化，中式有小炒、小菜、炒粉麵飯等，西餐有扒類、冷熱飲品，小食等。全日都冇加一，份量十足好抵食。美式雜扒，份量十足，有牛扒、豬扒、雞扒、腸仔、雞翼和煙肉，並配有薯條和西蘭花。多款醬汁和意粉、飯或沙律可選，我選了黑椒汁和意粉。牛扒和豬扒是薄切，雞扒是厚身，煎至金黃色好香口，肉類都好入味，薯條都好香脆，黑椒醬汁濃郁，十分惹味！雜扒套餐包括軟棉棉的牛油餐包、creamy的忌廉湯、指定凍餐飲只需加3元。菠蘿咕嚕肉：以甜酸汁和豬肉煑成，炒好的咕嚕肉色澤明艷，酸甜有味，豬肉有口感，一點也不油膩，配清香的菠蘿酸酸甜甜甚醒胃。肉絲炒麵：都好大碟，麵底煎炸至卜卜脆，表面再澆上混有冬菇絲、豬肉絲、韮王及芽菜的芡汁，有口感又美味，加d辣椒醬提升味道更佳！紅豆冰：奶味香濃不太甜，配合林甜的紅豆，甜度就剛剛好！凍檸樂

黃埔大把好東西食，食得多好西，都想食得平凡。於是，今日吃了《祥榮》的午餐。午餐價格頗經濟，且多選擇。一客火腿通粉加腸仔 $40，沒太多味精，腸仔又沒有煎焦，感覺良好。符合預期一客豐盛常餐 $46，是為火腿雞絲奄列配奶油脆豬仔包。奄列略為多油，且部分位置較焦雞絲變雞球，略微「大舊」至於奶油豬則超班，真心香脆，奶油足料常餐中的沙嗲牛肉公仔麵，正常不過小弟認為牛肉多於麵，不成正比。且沙嗲醬略欠，致味道較淡算吧！四十幾元一個午餐，正常便叫好，總算收貨。

昨晚原本未計劃去邊度開餐，行行下就被祥榮門口列陣式嘅餐牌吸引左入去。坐低打開餐牌就見到賣相吸引嘅紐西蘭牛柳所以即刻先點一客。嚟到見到兩塊扒厚厚的，切落去外面熟透而裡面近中間就微微現粉紅，熟成度一流（我點嘅係七成熟，剛剛好）。咬落去即時感覺到濃濃的牛肉味不過就係鹽方面落得重手左。之後叫咗個干燒伊麵，$53竟然大碟到令人意外，夠兩個女仔食得飽飽的。除件頭大外也有鑊氣，味道唔錯。另外特別要提嘅係隨中西粉麵飯會奉送餐湯，我要咗中湯，碗湯又大又原味，好有家🏠的感覺，滋潤又好味👍🏻。

住左係黃埔咁多年，祥榮就開足咁多年架啦! 真係由細食到大! 👫而家飲食生意唔易做，所以証明佢做左咁多年真係都有返D實力。地點方便亦唔在講，尤其而家有左地鐵，一出行多一分鐘就到。而且佢睇落一D都唔似做左好耐，因為裝修好新淨、而且舖頭都保持得唔錯。🤘🏼平時我多數返工前去食佢既早餐，早餐個茄牛通🍅好正，湯底夠甜又足料! 食完搭地鐵返工又順路。不過今日我就放工黎食，一來好耐冇食佢既晚市了，亦因為屋企男人話想食牛扒…🐮咁無謂次次都食大X樂，所以今晚黎祥榮食鐵板燒。小菜既價錢都好實惠，所以一到晚飯時間都有好多街坊黎食。論價錢真係好抵食，最平既七十零蚊都有個扒餐，其實比起連鎖快餐都已差不多價! 更重要係佢其他配菜更足料，計起上黎仲抵!我地點左一個牛柳鐵板，同埋一個炸童子雞🐥餐，本身已一定會配薯菜、另外再跟飯/意粉。當然仲有湯、餐包同飲品! 抵食夾大大件啊~🥳羅菜湯🍲唔算好濃味，偏甜而好多蔬菜🍅🥬🥕🥒配上個熱辣辣既餐包🍞，好食。個餐包又夠軟熟，起碼一定係今日的新鮮麵包。未食完個湯、牛扒就先到了，熱辣辣聽到D鐵板聲即刻更開胃! 😋一落個黑椒汁真係好香，牛柳睇落去到煎得剛好，因為第一厚度適中，而且切落去個

今晚放工想簡簡單單食餐飯放鬆下，於是約咗朋友去黃埔祥榮餐廳。餐牌除咗有一般既茶餐廳食物之外，仲有啲撚手小菜，我同朋友都好有興趣試下，所以就叫咗梅菜肉餅蒸茄子,XO醬爆肥牛,帶子炒西蘭花,惹味麻辣雞煲。梅菜肉餅蒸茄子) - 本人很喜歡食梅菜，咸咸的香香的梅菜再配上蒸熟後肉餅,真的很滑嫩，而且口感不錯，又是一道下飯菜.XO醬爆肥牛 - 惹味嘅XO醬加埋肥牛，肥牛炒得一點都不老，每件肥牛都沾滿XO醬汁，好好食。帶子炒西蘭花帶子鮮美，西蘭花翠綠鮮嫩，香，鮮等味覺集於一身。最妙的是，這道菜，快靚正，菜只要炒得不過火，留有點脆口質感，讓這道菜生色不少。麻辣雞煲 -麻辣雞煲，果然冇令我哋失望，雞肉煮得好淋，麻辣汁帶少少麻辣味，好過癮，必試。茶餐廳係香港既特式，係好多香港人既情誼結，而呢間茶餐廳仲要保留傳統美食再加上創新美食，難怪可喺咁多競爭既黃埔而依然滿座。

係寶石戲睇完戲，都已7點半，肚已餓，想食小炒，見到呢間價錢好經濟有卡位坐幾闊絡，我地一行3人就決定入去食餐牌都好多選擇我地揀左三個餸一個湯皮蛋莞西魚片湯$48熱騰騰上，湯頭夠清甜無覺飲到味精，飲完無口乾，入面湯渣都幾多料下，湯份量夠4-5個人飲梅菜肉鬆蒸茄子$72好大碟，鋪滿整個碟上，茄子肉鬆+肉餅，唔係hea做，軟綿綿茄子配上爽口肉餅溝梅菜，呢個送飯一流鐵板干蔥豆豉雞$76鐵板上好熱辣辣，出晒煙，雞肉好嫩，夠入味，好香口，呢個又係要配白飯食出街食飯又點少得點番個菜食下呢，要清清腸胃鮮冬姑炒什菜$60菜量好多，夠4人食，爽口飯量好爆飲品點左凍檸茶好豐富既一餐，小菜有鑊氣，食得好飽，味道唔錯總體而言，呢餐晚飯好平民價，算特上用經濟形容就食到個3餸+一湯晚餐，三個人食到勁飽都係$250內埋單，但份量夠4人食真心唔錯，值得encore, 會下次黎試下個扒

同朋友到黃埔shopping, 突然落起大雨, 正好又到晚飯時間, 正好找間餐廳醫肚避下雨。剛巧走到童年時(應該有十年) 一家人經常食晚飯既茶餐廳, 當時我好中意食鐵板扒, 呢間正正就係大件夾抵食, 今晚就同朋友再次踏足, 嘆返個DINNER~餐廳其實已經裝修過, 但依然有住港式茶餐廳風味, 有好幾張卡位, 店內環境都算企理。食物款式都以小菜客飯、炒粉麵為主, 當然保留左鐵板扒餐啦! 扒餐有分特價跟正價餐牌, 侍應指其分別之處就是份量, 所以我還是選擇了正價價錢。鐵板扒餐包餐包、餐湯同埋餐飲(Coffee or Tea), 加$8可以轉特飲更可自選醬汁餐包暖暖, 而且軟熟, 不過牛油已成半溶狀態餐湯有中西湯選擇, 我就揀左白湯, 份量足! 裝得滿滿又大碗, 白湯幾杰下, 唔錯!鐵板熱辣辣上檯, 鐵板熱得發出滋滋聲, 醬汁分開上, 倒上醬汁, 香氣樸鼻【紐西蘭牛柳】HK$123牛柳份量亦只有兩件, size唔算大件, 只有手心段大, 落order前亦冇問要求幾成熟 (茶餐廳本不是有細緻要求的質素吧)牛柳均是9成左右熟, 不是有血水滲出那種, 但中心位都隱約見到少少紅, 肉質夠林, 黑椒汁

有機會又去開黃埔⛴都唔諗咁多啦🤔當然係再戰老地方啦🤤睇下有咩新嘢食先🗂果然好好彩👍果然有新菜式 : *古法蒸馬友🐟預咗冇海鮮酒家咁新鮮，咁好味！點知喜出望外😲蒸得好好味 好滑 好正 又鮮味😋 秒殺*梅菜肉餅蒸茄子🍆實在覺得幾特別🤩咁嘅配搭👐第一次食☝️又真係幾match喎👅不油不膩 蒸得剛剛好😝 *XO醬爆肥牛🐴簡直係開胃之選😚少少辣🌶少少甜 🍬 餸到幾碗飯囉🍚🍚🍚*勝瓜雲耳炒鮮魷🐙清清地😛 易入口 又有益 又青甜 食完覺得好舒服😂總括而言:今次再嚟老地方 都係冇令我失望嘅

之前同朋友吹水飯局食過紅磡祥榮餐廳，今晩聚會一致通過再來一回！掛念他的豉椒炒蜆可是晴天霹靂⚡️⚡️🌩今晚居然無炒蜆食，心情即時低落。隨手見到份蒸魚餐牌就試點咗條「豉汁蒸馬友」。居然有種驚為天人嘅感覺，令原本失望嘅心情即時修復了。真係要讚下條魚肉質細滑兼味道醇厚，一上枱即時被大家秒殺咗，未幾已經剩返魚骨🦴，受歡迎程度可見一斑。另外叫咗份XO醬爆肥牛，味道調校得幾好，微辣很適合大家胃口而且有鑊氣又大份。因為見到隔離枱點咗個梅菜肉鬆蒸茄子賣相唔錯所以跟住叫咗個。茄子係厚切嘅，肉鬆就比較似肉餅咁啖啖肉，整體清清地都唔錯。

香港人都好鍾意喺茶餐廳解決一日三餐， 選擇夠多中式西式街坊小菜樣樣有。今日去开紅磡黃埔， 因為想食茶記小菜， 去咗好近地鐵站嘅《祥榮餐廳》。好耐冇食蒸魚， 揀咗一陣，決定叫<<蒸黃花魚套餐>>$85，豉汁蒸， 夠惹味。蒸得唔錯，魚肉熟透， 難得有咁大條嘅黃花魚， 送白飯超正！中湯：花生雞腳湯跟餐嘅例湯， 份量十足， 細过碟餸少少咋。 中湯 材料十足，雞腳花生， 滋潤得嚟唔覺有味精， 亦好有住家靓汤feel。西湯係囉宋湯， 唔算好濃郁， 以蘿蔔，蕃茄味為主。 再濃郁或辣一點会更經典。西芹帶子套餐$74好夠鑊氣， 可媲美酒樓小菜， 西芹夠爽脆， 用蒜爆香特別惹味， 帶子就較為細粒， 家常菜可接受。海南雞半隻$98雞肉唔算好滑， 雞皮夠爽， 切得好大件， 伴菜有好多炸花生。 海南雞個酸汁，唔係好正宗， 反而 薑蓉和黑豉油唔錯。套餐仲包括餐飲， 夠曬抵食抵飲。 凍檸茶茶味夠。 餐牌仲介紹唔少鐵板餐， 下次有機會再嚟試。