祥榮餐廳

營業中

休息中

火都黎，尋晚同老公係紅磡入左黎間店，見出面餐牌價錢五算貴，諗住茶記衰極都五會咁離譜，入到去我叫左個晚餐c海鮮飯有餐湯同餐飲送，咁餐飲我後嗌，老公叫晚餐a西冷扒加凍檸茶，餐湯好快就黎，但個飯同扒等左勁耐先黎，等到飯黎左咁我叫埋餐飲，我見我c餐個餐牌上面寫特飲加8蚊，咁我味拎起個本餐牌書睇飲品個頁有咩飲，睇到特飲個頁，個餐牌寫住“住何套餐加12蚊就可以有特飲”，咁我味搵職員問我黎個晚餐如果叫特飲，係加幾8蚊定12蚊?點知個職員同我講，一dd架咋，有d加8蚊，有d加10蚊，有d加12蚊!我問佢咁邊d加10蚊，如果叫特飲熱柚子蜜，咁加幾錢?個職員無回答我，正係話大多數都係加8蚊或10蚊左右，你黎個應該都係10蚊左右啦～咁我見特飲咁貴，同埋佢答得咁海鮮價，之後我搵另一個職員問熱杏霜要加錢嗎，職員話五洗加，我就叫左，之後我就問老公，咁係味可以告得佢虛假商品說明條例呀？之後我食海鮮飯，成個飯都係生米黎，而老公叫個西冷扒，五係鐵板上扒都五緊要，問題係價錢同份量五成正比，得一塊細細塊ge扒，一堆炸過火的薯條同幾舊仔翠玉瓜，我味大大聲講”嘩，黎個分明係女神餐黎架啦，女神五識肚餓架，食黎個餐啱晒啦～食2啖分

今晚同朋友出開红磡黃埔新天地奇妙坊，發現依間叫祥榮餐廳，地方十分大，晚餐時段也不需要排隊，由於和朋友都很餓和有點累，結果光顧這家食店。店員態度一般，店內冷氣充足，可惜食具櫃沒有提供餐巾。看完餐牌，食物款式尚算好多。叫咗個鑊仔牛柳扒，首先講餐湯，配料多，味道一般般。牛柳都算新鲜，熱熱的，口感還可以。配菜份量還是可以的。飲品方面，叫咗杯凍奶茶。奶茶幾濃味。價錢是$78元。綜合各方面，這家食店還是可以的。

做完運動成9點幾 事但入左一間餐廳醫肚先地點非常就腳 就係黃埔地鐵站 b出口 一出就見到我地全部叫左海南雞飯set，有一個飯 一碗例湯同熱飲 ，$60雞雖然不是去骨的 都幾多肉 質感嫩滑 拌碟仲有啲花生碗飯好夠味 大大碗 一定食唔哂例湯可以揀羅宋湯 忌廉湯 中湯配海南雞就梗係中湯啦個湯有驚喜，好足料，超大碗，入面仲有好大舊肉骨~ 仲幾腍添唔係味精湯既味道！誠意之作！

係附近做完運動，就求其入間茶餐廳食個快既晚餐，見到門口有海南雞飯既海報就入左黎鋪頭好多位，臨近9點都就快收鋪，餐廳無咩人餐牌上好多選擇，有小菜、常餐、扒餐海南雞飯套餐 $60包中湯/羅宋湯/忌廉湯，同埋一杯熱飲今晚飲左個青紅蘿蔔豬骨湯，好大碗例湯，飲完都2成飽，而且好夠味，d湯渣煲到爛曬，所以好入味海南雞飯賣相好普通，不是去骨但食落味道不錯，雞肉幼滑蘸醬都有誠意，有薑蓉、黑醬油、酸辣醬蘸完醬味道更豐富細看雞肉與雞皮之間有啫喱晶體，朋友話那是膠原蛋白，是很有營養的喔碟上仲有淮鹽花生開胃前菜，味道ok，花生好脆最後係個黃油飯！好大碗，一行三人全部食唔曬雞油味唔濃，但都有小小黃薑味而且飯粒分明，乾濕度拿捏得不錯👍🏼

今日又黎食牛扒了！78一個set 今次食西冷牛好食！ 比大家樂好 薯條多 有d脆肉瓜配左個黑椒汁 加左10蚊一個白飯個餐跟餐包 個餐包加牛油勁好食！不過牛扒比起上次個肉眼牛就有點遜色味道差唔多 但！ 差一塊！價錢一樣所以建議如果食 就食肉眼啦畢竟你如果係牛扒專家就唔會食78既啦但如果無咁嚴謹 就唔好因為差個一dd味就簡少一大片湯我兩次都簡左忌廉湯 上次幾好 今次唔好有好幾塊未搞好咁 飲唔落好啦 好似好多好野咁但其實有幾樣唔好第一 洗手間好遠第二 服務好一般第三 今日間店好似有點臭第四 餐具唔多乾淨咁 次次都要洗完再用紙巾刷好好煩呀！

今日休息温習。下午時份，肚子開始餓了。行過去黃埔食下午茶，那裡近年開了很多食店，以前都在「祥榮茶餐廳」吃過飯，對於食物的素質已有一定的認知。不過，今次......我點了咖哩龍利飯及熱奶茶。咖喱飯，賣相幾好，熱辣辣的。份量太少。落單時，叫了待應加飯；上枱時份量沒有加大。咖哩汁夠辣，味道好咸，撈了幾口飯不敢再撈。薯仔夠腍軟，易入口。龍利魚食起來口感好差，軟腍腍，味道好淡，好像煎了很久放進入雪櫃後，再取出來翻煮的。白飯質地好差，口感粗糙。奶茶，夠熱。紅茶味重及淡奶味淡，味道好澀。餐廳內部環境尚算可以。衞生及整潔都一般。等候侍應落單時間慢了一點，送餐時間算快。

今日與先生到黃埔食晚飯，選擇到祥榮食扒餐。現在食牛扒，感覺都越來越難食到有質素的牛扒了。餐廳都很多卡位，顔色𤔡湖水緑，令人覺得比較舒服。鑊仔牛枊扒$78。配湯及餐飽，餐飽還有少少暖，加上牛油，再沾著忌廉湯，非常好味。鑊仔牛枊扒雖然差不多已全熟，但肉質很淋，沒有嚡的感覺，但感覺缺少纖維，有㸃感覺怪怪的。不是太喜歡那種口感。西冷牛扒$78。配湯及餐飽，薯條在底部，其實都好味，但給黑椒汁沾濕變淋了，會有人喜歡食變淋了的薯條吗?西冷牛扒九成熟，有咬口，有牛肉味，配上黑辣椒汁，味道不錯。

今次去左黃埔呢間茶餐廳据扒 好耐之前食過一次 發現都係咁好食 叫左個鑊仔牛柳扒加雞扒加意粉 雖然係偏咸左少少 但係成個餐係好有誠意 個黑椒汁係好惹味 啲薯條吸曬啲黑椒汁 特別好食 跟住跟餐個茄汁意粉竟然有炒底 餐湯都好大碗 中西湯都得 好有誠意 侍應有禮貌 $8x蚊 唔錯

行完街好肚餓，想食小菜，見到呢間有就同朋友入去食。一睇餐牌，都好多選擇，一小菜會送你碗飯同湯，好經濟實惠。我地揀左三個餸，豉椒炒蜆，XO醬西芹炒帶子，XO醬茄子牛仔骨煲。再加朋友好想飲既粟米羹，好豐富。今日中湯係西洋菜湯，幾足料。炒蜆就細粒左少少，味道還可以。西芹帶子味道剛好，而個煲熱騰騰，好味但油了一點。 粟米羹好難唔好食好豐富既一餐，食得好飽飽。坐得舒服，店員好有耐性解答問題，又俾我地要少碗幾飯小店值得支持

學生哥搵野食，成日喺地鐵站出嚟見到呢間餐廳，終於搵到一次過嚟食。然而應該都係最後一次。野食難食？唔係。等得耐？都唔係。問題在於個侍應身上。招呼我個位中年男人好似想殺左我咁，我只係轉個汁然後佢就燥底，之後湯又扔過來，飯又扔過來，連單都扔過來俾我。心諗我都無得罪你做咩要咁樣對我食既野呢？好彩唔倒瀉姐，唔係既話多多錢請我都唔食！奉勸一句，如果隔離D快餐店唔爆既話，幫襯隔離都唔好再幫襯佢，費是食到燥底都似。

鐵路開通至黃埔，走入中產區,平民價嚐美食。祥榮餐廳,環境服務俱佳。食物方面：初嚐店內的中式例湯已帶來驚喜，味道甘甜可口。焗豬扒飯，肉質嫩滑，飯香撲鼻。咖哩牛腩，椰香的咖哩配上美味的牛腩再潻上白飯，真個大快朵頤。茄子肉餅，軟綿綿的茄子配上爽滑的肉餅，味道一絕。沙律牛仔肉，清新的沙律配上好味的牛仔肉，喜歡小吃的朋友，不妨試試。豉椒炒蜆，火喉及豉椒味道不夠，仍有改善空間。 飲品方面：凍檸茶有著傳統茶餐廳的味道，一杯不夠還喝了兩杯。總體而言，祥榮是一間值得encore的好吃地方。

平時真係好少會嚟黃埔，周末中午有工作要做經過黃埔，一出站就見到這間家祥榮餐廳，已經好耐無嚟過食啦。入到餐廳裝修已經換了，坐低不久侍應問我食什麼，我就點了一個炸魚腐叉燒魚麵。中色餐廳可以有魚麵真係好少見，上菜時已經覺得好香好好吸引。 當然要先試下魚麵啦，軟硬度適中，個魚麵湯道唔錯又唔會太鹹，而且有我最鐘意食的紫菜， 一流呀！

出街食飯難免會撞到一啲好有性格既侍應,今日竟然又撞到.話說今日好肚餓,看到附近記起依間餐廳食物都過得去,最重要係唔貴,所以再次幫襯.入到去諗著等人帶位,侍應話隨便坐,咁就坐咗去雙人位啦.但係好多客見你話隨便坐,咪單人都坐4人卡位囉.真係3,4個客入到嚟反而無晒位喇,而侍應撞口撞面都唔會理果啲唔知等好定唔等好既客人.又見到有侍應開完枱頭既櫃攞筷子之後忘記關返埋,食客又無留意,差啲撞到跟著經過既客人.有客人問廁所點去,侍應講咗好耐佢先明,客人一轉頭,侍應即時好唔忿氣咁大力揼地.都算係奇景.最離譜係有個男侍應見到自己件衫抽咗出來,就連手帶衫咁全部插返入褲裡面,我睇見真係眼都突,都唔知咁係咪叫做注意儀容.總之唯有希望佢唔好負責我張枱.叫咗個沙爹針菇肥牛煲,係跟餐湯既,叫咗中湯.唔介意侍應聽唔清楚,但係用高音問”咩湯畫?”就似乎有啲無禮貌喇.等咗10幾分鐘,見實在太耐就同一個女侍應催單,佢應完走咗入廚房一陣,出返來又無講返情況,我諗著就算頭先漏單,依家先開始整都係等多陣啫.等多10分鐘都未出,再催另一個侍應先知道原來仲未落單.咁一開始果個女侍應即係無做過野?今次就快喇,落完單即出湯,係青紅羅白煲

晚飯時間 人唔多但完全冇人招呼連水都要叫先比 餐具又係侍應態度差，問多2句都唔耐煩 要睇佢面色咁餐具有漬D野食唔好食又唔夠熱 收銀又黑口黑面好似個個都唔願做咁總之貼錢買難受 食m記好過

18:00到行經果頭，係門口睇到好似ok就入去食入門口有個似係經理唔講野，手指指示意坐卡位當時人唔多，但完全冇人招呼，水都冇杯 餐具污糟有漬睇完menu叫野食，問佢中湯西湯係咩，個侍應黑口黑面好唔耐煩咁答餐飲叫左杯凍朱，點知就黎杯凍啡同佢講黎錯，落單侍應唔好意思都冇句，仲要同我駁，話聽到我叫凍啡到碟蒸鮮魷上黎，就暖既 似放入微波爐翻熱咁埋單個收銀又係完全冇出聲 黑面望都唔望人，將d錢求其掟係枱面就算成間野既人都死老豆咁款，E間野真係唔會有下次