祥榮餐廳

營業中

休息中

這一餐晚餐的確是物超所值！晚餐附送餐湯，點了一紅一白，兩碗也很大碗餐包新鮮出爐一塗牛油便融化了西蘭花炒花枝鮮魷，是一道清淡健康的菜式，用料很足另外點了XO醬茄子牛仔骨煲，加了XO醬變得很惹味還有煎羊扒，很久沒有吃鐵板餐，加上蒜蓉汁，熱騰騰的才是鐵板餐的精粹，羊扒沒有很羶，容易入口加八元就可以配特飲，當然是加我最愛的紅豆冰；另外一杯是薑檸樂，也是平常很少點到的飲品，檸檬的份量很多最後結賬時發現原來是免加一的，非常抵食

黃埔自從有了地鐵，附近店舖改變了很多，在女兒小時候，我們一家常常光顧的祥榮餐廳還在，證明餐廳食物唔錯，得到食客支持。今日我們又來啦！邊品嚐美食邊懷舊一番。每樣主食都有例湯奉送，有中湯和西湯選擇，兩款湯都各有特色，中湯夠火喉，西湯夠濃郁。福建炒飯：飯用蛋炒過，再將蝦仁、雞肉、蟹柳、草菇、 紅蘿蔔等炒熟，再打返個蠔油獻汁鋪上飯面，飯底香口，再伴均勻獻汁和材料食，爽口又好味。焗吞拿魚意粉：吞拿魚份量都好多，加左忌廉醬汁，放上意粉焗至微蕉，意粉掛上吞拿魚和醬汁，味道香甜，真的越食越好味，令人食不停口！豆腐斑腩：餐廳小菜也不錯，熱騰騰的煲仔菜煮得夠鑊氣，斑腩裹粉炸至金黃，外酥里嫩，嫩滑豆腐亦炸過，用蠔油獻汁炆煮，再放入煲仔煮滾上檯，香氣四溢，斑腩和豆腐都好入味，配白飯好好味！公司三文治：麵包烘底，香脆可口，配漢堡扒、午餐肉、蛋、芝士、蕃茄、生菜，餡料超豐富，切成四等份，並用牙籤穿好。 可以一次過食到多種食材，既有口感又美味！西多士是女兒指定要食的，即叫即做，金黃香脆的外層，內裡夾著花生醬，塗上牛油再加糖漿，實在太美味了！這個西多士，絕對是港式味道，邪惡又美味！ 飲品都唔錯，我比較喜歡紅豆冰，紅豆

今晚在紅磡的祥榮餐廳晚餐。餐廳有部份是卡位，我2位被安排坐舒適的卡位。餐牌有很多選擇，有扒類、小炒、蒸餸及粉面都有，有1人套餐，還有2人、4人及6人套餐，於20多款小菜中任選一款小菜，價錢相宜。二人餐$160有粟米雞蓉羹、清蒸鯇魚及菠蘿咕嚕肉。粟米雞蓉羹，裡面有雞蛋、粟米及雞蓉…等，入口感覺順滑，有一粒粒粟米的咬口，食落鮮甜順滑。清蒸鯇魚很大件，是即叫即蒸，所以是其它菜上齊，清蒸鯇魚才於最后才上。鯇魚很新鮮，最愛食魚腩，又嫩又滑。菠蘿咕嚕肉菠蘿咕嚕肉上枱飄過來一陣的酸甜味，加上橙紅的外表及菠蘿，更是令人垂涎，咕嚕肉真正是啖啖肉，酸酸甜甜，非常的惹味。豉椒炒蜆$82，還跟餐送例湯另外要了豉椒炒蜆，蜆雖然不是很大隻，但廚師炒得剛好熟，令粒粒肉質飽滿的蜆，嫩滑又帶點爽，鮮味十足。勝瓜雲耳炒肉片$60雲耳很爽口，肉片切得很大片，勝瓜腍中帶爽，很清甜，整個菜味道不是很濃，食落是很清爽又清甜的味道。

臨近端午節😙決定去搵間茶餐廳食小菜慶祝下。今次我哋叫咗蒸水蛋，粉絲肥牛煲和魚香茄子。粉絲肥牛煲有驚喜，整得仲好食過我上次係屋企自己整🤣🤣粉絲吸晒啲汁好惹味😙而且份量多到滿出黎。蒸水蛋的熟度剛剛好，不會太生也不會太熟😋入邊仲有蝦米和粉絲，增加口感。魚香茄子有少少鹹好適合拎嚟送飯，入邊有好多肉碎和調味料，茄子都好嫩滑。...🏡祥榮餐廳 (紅磡)紅磡黃埔天地奇妙坊(第1期)地下G7A, 7B 及7D號舖

尋日去食晚餐，bf話一入門口覺得陣味唔係幾好，但諗住快快脆脆食完就走人. 啲筷子好污糟好多白色殘渣. 唔係一兩隻有，仲要油淋淋咁. 好彩呢排疫情我都有帶消毒濕紙巾抹下. 當我哋食食下，同bf傾緊計嘅時候，眼眉掃到天花橫樑上面有嘢郁緊，望咗幾秒發現係老鼠行嚟行去...估計隻老鼠有成人巴掌咁長嘅size. 我哋諗住扒多兩啖走人，點知我望多一陣發現竟然唔止一隻！咁我好快咁拍片，嘢食已經食唔落，咋咋淋埋單走人. 條橫樑係門口對上嗰條，連向廚房方向嘅. 衛生環境太差，無下次！

祥榮餐廳Environment: ★★★★☆Service: ★★★★★Taste: ★★★★★位於紅磡黃埔的祥榮餐廳是一間港式餐廳，賣的是小菜，鐵板餐等食物。今次就和大家分享我於祥榮餐廳的用餐經驗吧。大蝦西冷牛扒 $129:有一隻大蝦，可以吃到有蝦的鮮味。西冷牛扒方面，十分大塊，分量很多。牛肉的肉質很淋，煎得頗香。蝦仁炒蛋 $59:炒蛋的份量很多，蝦仁亦不少。炒蛋有豐有蛋香，適合用來拌飯吃。西蘭花帶子 $69:西蘭花的分量多，帶子有不少粒，帶子略帶鮮甜味。紅豆冰 $22:紅豆冰很大杯，紅豆調得不會過甜，煮得很淋，很好吃。總結:餐廳的餐份量很多，價錢合理，紅豆冰製作得頗出色。🔛🏃‍♀️🏃‍♀️🏃‍♀️紅磡黃埔天地奇妙坊(第1期)地下G7A-B,D號舖#foodie #hkfoodie #hkig #foodiehk #foodstagram #美食 #香港美食 #hkblogger #hungry #foodphotography #holiday  #hongkongfoodie #hongkongfood #hongkong #likeforlike #手機食先 #hongkongblo

今日去黃埔行街食飯。因為shopping買好多，見到呢間餐廳價錢實惠就揀左佢來醫肚。我地叫左兩個晚市套餐。第一個係《法式燒童子雞》，配黑椒汁，跟沙律，餐飲，餐包 $88。 童子雞燒得唔錯。個雞皮燒得好脆。成隻雞好大份，一個人絕對食唔晒，抵食之選！個沙律係蘋果薯仔青瓜沙律，都好大份，味道正常不過不失。餐飲叫熱檸茶。茶味十分香濃，食咁多要飲返杯熱檸茶消消濟。《蒜蓉牛仔骨》，白飯，餐湯，餐飲 $84。牛仔骨醃的幾入味。蒜香味道重， 適合重口味的食肉獸！配埋白飯一齊食味道剛剛好。餐湯我叫中湯， 係青紅蘿蔔豬骨湯。材料十足，味道不錯。餐飲叫了熱檸水， 味道OK正常的。呢度係傳統茶餐廳，除主食仲有跟餐湯餐包餐飲，分量十足，係醫肚的好選擇！

今天回到以前住過的黃埔， 經過祥榮餐廳門外， 被它的鐵板餐相吸引， 就決定入去試試。餐前羅宋湯味道不錯， 雜菜配料多，微微的酸辣很開胃。還有另一個中式冬瓜豬骨湯， 材料足，冬瓜湯清熱夏天飲一流！紐西蘭牛柳鐵板餐配黑椒汁 牛柳有兩大塊， 煎得不錯， 先切一塊試試，肉質很嫩但不是鬆肉粉果種， 有醃製過，已經有點黑椒味， Juicy，唔點汁已經好好食。點左汁就更惹味！ 牛柳旁邊還有炸薯條和翠玉瓜 套餐還有白飯或意粉可選！ 呢個牛柳餐真係抵食！咖喱牛腩煲 送黎既時候， 仲一直滋滋聲， 咖喱好香，牛腩好大塊， 咬落去又好腍， 配上咖喱汁真係好餸飯！ 薯仔都唔好錯過！西檸軟雞 雞排炸得好脆， 再切開一條條，味道比預期酸小小， 但餸飯好ok。紅豆冰 跟牛柳餐點的， 紅豆好多而且煮得好腍， 奶味夠，偏甜左啲。奶茶 茶味和奶味平衡，好飲！

紅磡黃埔不嬲多嘢食多嘢玩，今日同仔仔喺黃埔食下玩下過咗一個愉快的下午。到咗晚飯時候，就去呢間祥榮餐廳醫肚。仔仔鍾意食乾炒牛河，於是叫咗個《乾炒牛河+可樂 $53》。碟牛河好大碟好足料。牛肉有十塊左有而且大大片！另外有芽菜， 洋蔥，蔥等等。炒得唔錯有鑊氣。河粉不會太淋味道不錯。我叫咗個 ，《西蘭花帶子，跟 白飯，餐飲，餐湯$69》份量都不少， 好抵食。西蘭花很有益，我個人十分喜歡。帶子有8粒左右。 餐湯選了中湯， 是青紅蘿蔔煲豬骨，味道清甜，有豬骨味！餐飲揀了熱檸茶，茶底味道都幾濃，可以消消濟！ 依家百物騰貴，呢間餐廳可以食得飽飽又唔貴。所以人流不絕！抵食之選！

突然想食下茶記 發現黃埔地鐵一出既一間好就腳既茶 當日我就想食中式野所以就叫條蒸魚 豉汁蒸桂花魚$85 條魚蒸得剛好 魚肉都幾多 豉汁好送飯 同行既想食啲西式扒餐 原來佢都有鐵板餐 叫左個西冷牛扒配黑椒汁$78 餐配羅宋湯同飲品 鐵板上枱ja ja聲 要拎住紙巾擋住啲彈上黎既汁好懷舊feel 牛肉味道正常 肉質唔會太硬 係茶記算好既質素 醬汁好香口 如果扭紋薯條可以多啲就好 哈哈有時一班人唔知食乜呢度都幾多選擇 中西合璧咩都有亦好坻食 街坊都多人幫襯架

首先我在網上找了一間紅磡的餐廳，😋看過食評後，見到有不好的地方及意見，當我走到餐廳門口，門面光猛、有落地玻璃、又有卡位、裝修不錯不像是食評寫得這樣差，我便決定去試一試感受一下再跟大家分享真實的感覺：😊進到餐廳門口，已經有男侍應在問你幾多位，我見門口有一個卡位，😉便打算坐下，侍應走來跟我們說門口有很多人出入沒有太大冷氣，很有禮貌的跟我們說裏面有很多卡位冷氣OK，問我們轉不轉枱，😍我感覺到很親切，服務非常好👍🏻當我坐下後，我便開始看餐牌，花多眼亂，因為太多選擇了，而且好很多菜式我都想嘗試，有扒餐、小菜餐、海南雞套餐、蒸魚套餐、常餐、麵餐等等......😚我們最終決定西蘭花帶子鮮😍冬菇炒雜菜海南雞飯清蒸黃立倉需配送白飯和湯，還送熱飲，或加錢轉特飲為什麼我會說他是古色古香的餐廳，因為他雖然有時尚裝修，但是服務員的親切及菜單上多元化很像以前的舊式餐廳，所以我很喜歡跟朋友到這裏聚一聚。這樣質素的餐廳，環境價格都非常合理，會再來。

一有假期就會把握瞓覺嘅時間，起身嘅時候已經係一點幾，整得黎啱好可以兩點食下午茶🤫呢間真係由小學食到依家，仲記得以前放學成日去打等直落下午茶同晚餐😂▪️ 海南雞飯（7/10）💲39 (下午茶餐)海南雞既雞身入口嫩滑，仲要係雞髀位，真係有得啖啖肉🐔雞味都有既，亦都唔會話太鹹🤗飯帶點雞油，同埋有微微既黃薑味，不過就唔算好濃，油飯有進步既空間🙃▪️ 黑椒肉眼飯（7/10）💲37 (下午茶餐)本身係跟黑椒汁既，但係我就轉左做蒜蓉汁，蒜味頗為突出都幾香口，同樣地都唔會太鹹😚肉眼亦都比想像中好，肉質腍身，油脂香就唔太重，但以呢個價錢黎講唔會要求太多🔎 整體評分（7/10）

早午晚 下午茶都可以喺度解決😂今日我無食早餐餓到晏🥺🥺🥺晏晝嚟咗呢間茶記鋸扒😂我嗌咗鴛鴦牛柳 朋友食雜扒先嚟咗羅宋湯同餐包先，真係好大碗湯飲完飽咗四成🤣朋友雜扒嗌咗蒜汁竟然有埋雞翼😂仲有係炸檸檬雞翼有驚喜 好味！仲有豬牛雞煙肉同腸仔😂😂超豐富！我塊牛柳同雜扒唔同在肉厚好多！兩塊包埋啲薯菜，超飽肚😝😝😝😝飲品方面，我嗌咗凍杏霜，朋友嗌咗菠蘿冰，兩杯都唔錯！最後，朋友碟意粉都食唔晒，我都飽到食唔晒沙律，下次真係唔可以眼闊肚窄🥺嗌一個餐share就夠🥺

可能近排氣氛太緊張，冇人記得今日係七夕，於大胃而言就冇咩特別，只係多咗個理由出去食飯慶祝囉（雖然日日都食）雖然大胃唔好蓮藕，但就好鍾意湯水陣味澀得起就係檸檬茶胃民竟然晚餐飲奶茶，唔怕瞓唔著咩？一人一碗飯，胃民仲夠膽話食唔晒要大胃啃大胃原本想食中式牛柳，就一就胃民把細口，改做牛仔粒啦雞煲就食得多喇，斑腩煲就未試過，一於嗌嚟試吓啦點都要食吓蔬菜嘅，對於食肉獸，菇同翠肉瓜比較容易接受咕嚕雞啲汁好開胃，飽極都可以食多兩啖食完飽到夜空都無暇欣賞呀

放工唔想煮飯所以去咗黃埔搵嘢食。喺地鐵站一出見到有間茶餐廳，望一望個餐牌都有幾多選擇所以訂咗佢。實在太多嘢揀所以都用咗啲時間先嗌到嘢食。餐湯要左中湯，係冬瓜湯。入面有我最鍾意食嘅南北行杏，有咬口唔會煲到林晒。叫咗一個大蝦西冷牛扒，係傳統嘅鐵板餐，要咗燒汁。啲汁倒落去嘅時候沙沙聲，細個食鐵板餐嘅感覺返返晒黎。牛肉熟度啱啱好，肉質軟林林。原來除咗薯條仲會去買意粉或者飯，好抵食！我哋叫咗意粉，廚房特登剪碎左啲意粉等我哋食嘅時候唔使咁論盡，好貼心！另外叫咗個豉椒炒蜆，有啲辣辣地幾惹味而且份量都唔少。西蘭花炒帶子味道相對清淡，帶子炒到軟林林，好味！整體來講都唔錯下次唔想煮飯又多個選擇啦。