祥榮餐廳

營業中

休息中

疫情下日日喺屋企煮飯，真係有啲悶😜今日走落去餐廳食下啦🥰 呢度一向都價廉物美，大眾化👍 有扒据又有中式套餐。 最岩我兩個都唔同品味嘅人都可以坐埋一張枱一齊食啦～哈哈哈😅 我叫左個紐西蘭牛柳鐵板餐，份量一啲都唔細，大大舊牛柳，切開夠林，又juicy😋😋😋 呢個價錢，抵啦~仲有餐湯同餐包喎，食晒真係飽飽👍老公就鍾意食中餐，叫左薑蔥魚頭煲。 有好多舊魚頭，自己喺街市買都吾得呀😜 餐廳整鑊氣緊係好過自家制啦～啲薑蔥索晒啲味，好好送飯呢～ 堅好味，眨眼就清晒啦🤣檯相隔好好，防疫措施做得不錯呢～份量真係不少，其實呢兩個餐三個人都夠食😛

同朋友講起往事，不約而同想返起以前在黃埔住過的一段時間，最開心就係去祥榮餐廳食扒餐，大大份又好味，價錢又唔貴，朋友說日前先去過買外賣食，一樣咁抵，而家餐廳又近黃埔地鐵站，交通好方便，所以我今日放工就去買外賣回家同屋企人食。餐廳有提供外賣優惠，晚市套餐包湯和飯品。小菜每款包飯、湯、飲品。大大碗湯有三款選擇，忌廉湯、羅宋湯、中式老火湯，我揀咗忌廉湯，味道濃郁。魚香茄子口感細膩，味道鮮美一點也不油膩。色澤油亮和香糯軟棉的茄子非常入味，濃香醬汁的茄子混合一碗米飯。透出鮮美的魚香，是絕妙的搭配。豆腐斑腩，炸香的豆腐及斑腩帶著蠔油的鹹鮮味道，鮮香更濃郁！乾炒肉片河鑊氣十足，不油不膩，肉片鮮嫩味道十足，河粉滑溜夠味。焗吞拿魚意粉，透過焗爐的熱力令醬汁和吞拿魚進一步滲入意粉的每一吋，令意粉味道更為香濃，口感柔和適中，具有濃郁的奶香風味，醬汁細膩柔順、香濃滑口。

終於完成連續五日半工作, 放工更係約埋同事去食lunch吹下水。糧尾慣常都會搵返d平野食, 勝在有個地方坐下, 食下野就足夠。黃埔地鐵站B出口一出轉右, 就見到間茶餐廳, 望入去人流都幾多, 再望下門外張貼Menu, 食物款式多, 價錢亦唔貴, 就揀左呢間醫肚。經過一輪揀選, 我倆決定揀多幾款share食!公司治: 麵包烘至金黃微脆, 夾住蕃茄片、午餐肉、炒蛋、火腿、生菜絲, 再用簽串起, 賣相豐富又整齊, 入口有層次, 午餐肉鹹香, 配上多汁蕃茄片、爽脆生菜絲同埋有蛋汁嘅炒蛋, 無論味道同口感都唔錯! 再叫左兩個main, 附送餐湯,估唔到餐湯都有成個湯碗咁大碗, 忌廉湯香滑; 扒餐仲多配餐包, 熱辣辣好軟熟焗吞拿魚意粉: 白汁夠多, 令整個意粉濕潤夠林, 味道偏淡, 吞拿魚份量多返d會更好美式什扒: 可自選配汁, 揀左黑椒汁,鐵板餐熱辣辣送上, 淋汁醬期間發出滋滋聲, 香噴噴。呢個什扒係扒餐最豐富之一, 包括有腸仔、鹹香煙肉、好林有肉香嘅牛柳, 同埋被煎過嘅雞扒, 雞扒肉質仲幾嫩tim~ 至於黑椒汁味道偏鹹, 配上伴碟嘅薯條, fit哂! 另外加左錢order餐飲:紅豆冰: 紅豆夠

今日去了黃埔！我們去了黃埔天地奇妙坊食野！"祥榮餐廳"好方便在B出口右行就到！我們點了下午茶餐干炒牛河～熱奶茶干炒牛河好有鑊氣！牛肉好多，河粉炒得剛好不油利！奶茶～茶餐廳的奶茶真的是香濃香滑！香港港式奶茶就是正中！👍🏻👍🏻👍🏻😋😋😋咖哩牛腩飯咖哩汁好香！牛腩好淋滑！好入味！紅豆冰紅豆好夠淋滑！好好味！鐵板套餐～牛柳套餐有湯，有餐包！好豐富！牛柳肉嫩淋滑！總結價錢抵食！味道好好好好好好好好味！抵食又好食！推介👍🏻👍🏻👍🏻👍🏻👍🏻

話說平時都系同屋企人出去食飯，加上住系附近，祥榮餐廳都算系由細食到大。屋企人最中意系食海南雞同油飯，因為每次都可以keep到個水準。海南雞唔記得影相，不過海南雞就算唔點醬，個味都好出。而我發現佢近排出左啲新餐 叫祥榮焗飯同鰻魚。首先我細妹就叫左個焗飯加凍檸茶，又真系幾特別，出面食唔到，邊到會有餐廳會醬肉醬加焗豬放埋一齊。入面有半系焗肉醬飯，一半系焗豬扒飯再配一隻煎蛋。份量好大。一次過滿足到想食肉醬同焗豬既胃，肉醬飯仲可以以做意粉。而我就叫左個碟上扒餐，因為平時唔食牛既我都系會叫自選扒餐豬扒配雞扒，或者雞扒帶子，今次見有新野就緊係試下啦，我叫左鰻魚同雞扒食左咁多次扒餐，今次真系好有驚喜，啲鰻魚比得上出面所講既日本餐食既鰻魚飯，又大塊，食落口唔會散開有口感，雞扒既皮又香口又脆，最重要唔乾！希望一直都可以keep住出新野，等我地哩啲舊客仔可以試新野🤣真系值推介試下

祥榮餐廳嘅早餐都食過好多好多次餐廳環境雖然比較老舊但都坐得舒服寬躺!早餐選擇多😊叫左個煎豬扒腸仔多士餐配凍齋啡豬扒似炸,食落熱外皮帶小小脆,外皮亦唔會厚粉本身豬扒都醃製過, 不過肉身較薄,厚返啲會更好！味道質感都唔錯嘅~~腸仔多士蛋就普普通通咁啦另外再叫左個麥皮配三文治（雙併加$2）餐麥皮味道都幾好,清淡之選有時會叫佢比1小碟煉奶加入麥皮食✨鹹牛肉蛋三文治餡料份量啱啱好, 而且個包亦食得出好新鮮,好軟熟！熱檸檬水。檸檬🍋新鮮

晚餐叫了翠玉瓜炒豬頸肉，上菜時很熱，有鑊氣，在茶餐廳中很少有。肉質不錯，翠玉瓜炒得入味，基本上值回票價，沒任何挑剔之處。食肆環境不錯，座位舒適。下次再過紅磡，值得再吃。

有事去紅磡，早到就入咗黃埔B站附近嘅祥榮餐廳想食個早餐坐吓先。 餐廳好大， 裝修有啲舊， 應該開咗有一段時間， 通常啲茶餐廳可以開得咁耐應該品質有啲保證 先至企得住腳。 待應算有禮， 但系個早餐就😤😤😤！ 我叫咗份歐陸早餐煎豬扒雙蛋。 首先個賣相差到一個點， 餐具一望落去有好多積 更令人好反胃！硬住頭皮繼續， 點知塊豬扒切極都切唔開，好似硬到可以掟死人， 忍無可忍！ 最終都係畀咗35蚊佢哋就咁走咗， 當自己唔好彩！😤P.S. 餐廳冇廁所, 最近嘅廁所要出門行50米。

呢間位於黃埔既茶記, 好耐之前已經食開的了呢度除左方便之外, 仲要價錢好便宜今次點左個肉眼扒食, 呢度食鐵板係超正宗的因為包保係熱辣辣同夠港式既味道白湯係自家製既白湯, 夠哂足料同濃滑!餐包暖暖的加上牛油超香口超香既肉眼扒加上黑椒汁真係無敵!點左既係七成熟, 熟度岩岩好呢度既薯條係用幼薯, 估唔到口感都不錯仲係KEEP到脆口的干炒牛河呢度既牛河最特別就係牛肉係多過河的!! 超足料而且火侯超OK, 口感不會過份的油而是很爽口的!!

今日來到黃埔行街，行到晚餐時間就在附近搵嘢食入到餐廳地方非常寬倘，空間闊落店員很有禮貌招呼我們座低細看餐牌有很多選擇，這些精選扒餐很吸引，這個忌廉湯很大碗，比起其他的茶餐廳還要大，份量十足，味道可以十分超值我點了一客羊架，羊架送到我的面前，鐵板發出咋咋聲，聽到十分肚餓，旁邊有薯條西蘭花伴碟食一口羊架，十分軟林，而且剛剛好，羊的蘇味十分濃郁，加上他脂肪一齊食，在口腔內很甘香，很不錯這個茄汁意粉還可以還炒了一個蝦醬通菜，通菜的表面沾滿了蝦醬，食落口很甘香，非常嘢味凍檸茶和一般的茶餐廳分別不大

三個人點了半隻雞及兩個小菜套餐，埋單都係二百蚊多，價錢實惠，估唔到黃埔花園都有咁抵食的餐廳。餐湯要了一中一西，中湯味道較甜，西湯則較淡。半隻海南雞份量十足，雖然無去骨，但啖啖雞肉，十分嫩滑，不過雞味就比較淡，雞皮皮下脂肪都很少。朋友最仲意食魚，有幾款唔同的魚及做法，佢就揀了檸檬蒸烏頭，烏頭蒸得唔算滑，但肉質結實，魚肉鮮甜，加上淡淡檸檬香去掉魚腥味，加上$78就一大條，好過自己煮。最後加了個XO醬西蘭花炒花枝，花枝彈牙，XO醬惹味。三個人都食得好滿足，碟頭大價錢抵，人少少出去食仲抵過煮。

限聚令前的晚餐，是夜也有不少街坊熟客來吃，店員姐姐很好人的告訴長者客人們將會有限聚令，叫他們之後可以選擇叫外賣，很人情味呢～我們點了些小菜和一份自選扒餐，先上了扒餐的西湯、餐包和upgrade了的紅豆冰鐵板餐選了羊扒和牛仔骨配黑椒汁，醬汁澆上鐵板時一直滋滋作響，令人食指大動呢～肉質粉嫩，完全不會乾柴，而且份量很多，薯條也很酥脆可口。跟餐的沙律走傳統路線，有青瓜蘿蔔薯仔等，口感豐富小菜點了蒜蓉粉絲蒸鮮魷，粉絲吸飽醬汁，魷魚鮮甜彈牙，咸香兼備，讓人白飯一碗接著一碗 另外也想吃點菜，所以點了XO醬西芹炒帶子，帶子肉厚，西芹加上XO醬炒濃香惹味，也是很好的下飯之選小菜配是日中湯，是冬瓜豬骨湯，夏天喝一碗可消暑清熱呢

四點零鐘入去，當時客唔多，我哋有五個人，卡位唔夠坐，初頭叫我哋加個位喺卡位旁邊，之後又話阻住人，又點咗我哋去另外一張枱度坐，我哋都冇意見，但個中年男侍應忟忟憎憎好似得罪咗佢咁。之後落單時啲態度衰到想撩交嗌咁，自己聽唔清楚落錯單仲阿支阿左，最後仲要成張單飛過嚟，態度惡劣到不得了！都忍佢，費事同佢嘈。最離譜係呢個中年男侍應竟然全程拉低口罩到下巴，完全違反食店衛生安全，喺呢個時勢直係多得佢唔少！但見佢咁惡都唔敢出聲話佢。拎碗湯麵畀我哋時，成隻手指浸咗落啲湯裏面，睇見都唔開胃！ 永冇下次！

這間位於黃埔的祥榮餐廳，除了有大量小菜款式可以選擇，還有多款鐵板扒及焗飯粉，款式真係很多，令人眼花撩亂，而且價錢都幾抵食，五六十蚊就有款小菜配飯及例湯。羅宋湯味道較淡，略欠點酸味，但很多蔬菜，麵包軟熟。大蝦西冷牛扒牛扒超大塊，係我隻半手掌般長，要了五成熟，鐵板上剛好，肉質唔算濃郁，但肉質嫩腍，黑椒味很香，配上炸薯條及沙律，份量十足。八珍豆腐煲原煲鐵煲滾熱辣上枱，有四至五件豆腐、豬潤、叉燒、肉片等等，豆腐嫩滑，豬潤就過了火，其他配料都唔錯。紅豆冰紅豆煲得又腍又香甜，不過整體味道偏甜。

呢間茶餐廳地點超方便， 地鐵站B出口一出就見到， 而且仲幾大間。等緊個friend Ge 時候影Ge 餐排， 中西合璧，幾多選擇， 仲有其他套餐的餐排牌，我冇影咁多了。椒鹽豬扒相機食先賣相唔錯口味一樣唔錯， 外面少少脆，調味也很好。餸飯一流。兩個人食半隻海南雞剛好， 呢間餐俾Ge 份量十足雞肉算幾嫩口個種側邊有好多脆花生,好好食😂有加分哦， 但個海南雞醬可以再辣dd. 最後叫咗個馬拉盞炒通菜，反而呢個炒通菜堅惹味，通菜都好新鮮個種，唔錯。叫左3樣野，包湯加凍飲品，都係200幾蚊整體來講，呢間餐廳地點方便，食物分量十足，而且非常多元化，性價比很高。