祥榮餐廳

營業中

休息中

女兒放假去咗黃埔行街，晚上叫埋我同老公過去一齊食晚餐，女兒一定會去由細食到大嘅祥榮餐廳，已經幫襯左20多年，餐廳嘅食物質素依然高質，街坊價錢，大大碟好抵食，唯一改變就係裝修靚咗。中西餐所有主要都送餐湯，揀咗白湯，即係忌廉湯，大大碗味道都很濃郁。西芹鮮魷配白飯：鑊氣十足，鮮魷爽口唔靭，西芹亦爽脆冇渣。福建炒飯：材料鋪滿飯面，顏色鮮艶又足料，有蟹柳、肉粒、菇粒、蔬菜粒等，口感爽口，飯底用蛋炒過，特別香口，加上芡汁味道濃郁順滑，啖啖都十分美味。干炒肉片河：這道菜外觀色澤油亮夠鑊氣，肉片入口滑嫩，河粉爽滑，加些辣醬更可令味道提升。餐飲亦有優惠，熱飲只需加5元，凍飲加8元，特飲加12元。紅豆冰奶味香紅豆林甜。凍咖啡香濃美味！

9 0 後 的 味 蕾 香港美食最大特色就梗係茶餐廳，紅磡出名茶餐廳開到通街都係，住紅磡呢頭有時唔知食咩，就會搵間茶仔衝入去。.今日經過見到呢間茶餐廳餐牌都有好多選擇就入左去填肚，呢度無論環境、嘢食、員工都有茶仔風味。.餐牌款式都好多，有普通常餐、鐵板扒餐、小菜、炒粉麵飯、湯麵公仔麵、蒸魚都有，有時諗唔到食咩，呢度應該幫到你，總有一款中心水。.我哋一人叫咗一個餐，每個餐都有跟一個湯，白湯/羅宋湯/中湯自己揀。.叫咗個鐵板扒餐，跟咗個餐包，中湯材料都足，兩碗都有雞腳。小菜叫咗個帶子炒西蘭花，帶子炒得啱啱好幾爽，西蘭花都爽口，廚師應該落咗唔少油，令到碟菜上枱賣相令立立。蒜蓉汁牛扒，茶仔嘅扒餐出名多汁，滿瀉咁滯，牛扒都薄身唔韌加咗$10要個沙律，有切粒水果、青瓜等等，沙律醬鋪到滿晒！

屯馬線開通真的很興奮，去黃埔探朋友也變得很方便，連去紅磡黃埔天地奇妙坊也只是2分鐘地鐵站距離。.我叫朋友介紹一間地道的餐廳，他帶我去這間祥榮餐廳，是一間很正宗的港式茶餐廳。入面好大，有很多座位，坐得不會逼。.點了兩個小炒套餐，送餐湯有白湯紅湯及中湯3款選擇，今日的中湯是青紅蘿蔔豬骨湯，清甜滋潤。.蝦仁炒蛋 $62 - 炒到有鑊氣，蝦仁炒得爽口，雞蛋份量好多，一個人絕對食不完。份量好足，難怪成為受街坊歡迎的茶餐廳。XO醬茄子牛仔骨煲 $90 - 惹味之選，XO醬炆得很入味特別是茄子，煲仔熱辣辣，配飯食正。有不少牛仔骨，啖啖肉，又有洋蔥、冬菇，豐富的煲仔菜。香茅雞翼5隻 $40 - 有五隻雞翼及兩篇青瓜組成的笑哈哈，真心茶餐廳有這種情調，難得難得。.見到有很多街坊在食晚餐，大家談天說地，店員不會趕人走，茶餐廳而言都真的算很不錯。

😆香港人支持港式食物，來了我最愛的港式餐廳👍🏻👍🏻喜歡這間CP值超高，而且味道好，功力深厚的茶記👍🏻❤️😋😋🤍下午茶餐📌海南雞飯🐔$40超級高質，油飯甘香無比，單吃已經食到停唔到口，配合嫩滑海南雞肉，再沾上姜蓉辣椒🌶️😍📌星洲炒米🥢$37相信是即叫即炒，相當乾身，味道濃郁，而且超多料，廚師功力深厚，鑊氣十足😋😋😋😋👍🏻👍🏻👍🏻🤍主餐牌📌百塔扒餐🥩$108配送飲品、餐包，餐湯和薯條任選兩款肉類，我揀了鑊仔牛柳扒和燒鰻魚，牛柳質素相當高，肉質夠香，夠軟熟，沾上燒汁嘢惹味😋👍🏻！固定配送薯條🍟，即叫即炸，脆卜卜，另外還可以選擇意粉🍝，白飯🍚或水果沙律🍎🤍飲品凍檸茶🍸+$3紅豆冰🍹+$10超級推薦他們的紅豆冰，奶味香濃，紅豆超多，夠大粒，軟綿綿😋

有時候沒安排也是一種安排今天外出用餐在下選了個有陽光的位置不過在別人眼中怪怪的？因為服務員都跟在下說裡面還有位置不會晒到太陽😶但在下就是故意挑這位置曬太陽的啊..依舊在戒口在下選了抵食的歐陸早餐 $35吉列魚扒和沙律🥗跟半件牛油厚多士不過被煎燶了..魚枊外脆內滑保有很好的溫度伴碟還有青瓜和蕃茄片賣相還算是豐富的不過好像沒有很飽？（看來在下開始恢復胃口啊）進食中看到隔壁桌一坐下就自行清潔桌面突然覺得自己應該好好學習一下除了保持個人衛生外其實餐廳在繁忙時間清潔一定不及自己落手的..嗯

祥榮已經屹立黃埔超過10幾年我記得細細個已經過嚟呢邊食嘢，今日同朋友過嚟食咗個簡單晚飯🤣🤣西蘭花炒花枝鮮魷 ($76)呢度啲小菜一如以往咁大碟，成個底鋪滿晒西蘭花，面頭就有好多鮮魷，仲有少少草菇做配料添🤣🤣小菜夠鑊氣，又唔會太咸，叫小菜會跟埋白飯，咁就完美嘅一餐啦😋😋沙嗲牛肉粉絲煲（$76)係呢啲茶餐廳梗係要叫煲仔小菜先至符合環境㗎啦🤣🤣沙嗲牛肉就係我大多數時候嘅選擇啦🤩🤩佢煲仔嚟到熱辣辣，要小心啲唔好掂到😛😛成個小菜份量都好大份，沙嗲味夠香濃配埋牛肉好夾😚😚紅豆冰（+$12)果然呢d 茶餐廳先有最正宗既紅豆冰，勁大杯豆食到好滿足😋😋雜果賓治 (+12)朋友叫咗雜果賓治我試咗一啖就發現好甜應該最啱小朋友飲😆😆，佢呢到配既係芬達橙汁跟餐仲有配餐湯添

放假約老友取聚舊，我再選祥榮餐廳，因價錢大眾化又夠鑊氣，味道不錯，近黃埔地鐵B出口，十分方便。我們點左海南雞半隻，雞肉嫩滑又不會太肥，沾些薑蓉、豉油和辣醬，更惹味。肉絲炒麵配餐湯：麵煎得香脆，碟底不會很多油，很好吃又美味👍👍👍。蓮藕排骨湯，蓮藕夠腍真不錯。乾炒牛河：炒得夠乾身又不會太鹹，牛肉嫩滑、河粉很滑夠鑊氣很香超正😋😋😋紅豆冰：紅豆夠腍，只甜左少少。祥榮餐廳地址：紅磡黃埔天地奇妙坊(第1期)地下G7A, 7B 及7D號舖

今日同老公到黃埔買嘢，見到地鐵站有間詳榮茶餐廳，諗吓好久冇吃幹炒牛河，忍唔住去食。我老公嗌左美式什扒餐，包餐湯同埋熱辣辣嘅麵包。上餐時淋上黑椒汁，熱辣辣，香噴噴。呢份餐好豐盛，俾啲料好多，有腸仔，炸雞翼，牛扒，豬扒，鹹香煙肉，沙律菜，薯條。配上羅宋湯，吃得好飽。我嗌幹炒牛河餐，都包羅宋湯。呢份餐分量超級多，而且牛肉嫩滑又多塊，河粉吸收醬汁啲汁，好香好好吃。我哋還嗌碟菜，馬拉盞蒜蓉通菜。師傅手藝不錯，通菜炒得好香，好味，不油膩。

13:30黎食，餐廳闊落座位多，好快就可以入去食！☝🏼首先黎嘅係餐湯+餐包，湯嘅味道足夠，羅宋湯配料都十足，而且算比平時嘅大碗！☝🏼美國肉眼扒餐（5成熟）呢個真係冇得頂！先$82，扒大又軟，一啲都唔硬唔韌，個黑椒汁超好味，用黎點薯條都好食！性價比極高！☝🏼XO醬海鮮炒烏冬呢個都好正！個青口又大，仲有蝦同魷魚，出面有啲寫海鮮但淨係得蟹柳架🙈炒得好有鑊氣！☝🏼食扒餐點少得配杯紅豆冰呢🤩 好多紅豆，好有味又唔會好甜，天氣咁熱飲真係超級爽😋☝🏼西多士口痕叫多個西多士，真係冇得輸！😋厚度適中，佢地會有樽蜜糖比你自己倒！暫時係茶餐廳中食過最好食嘅！🥰

早上去黃埔买东西，办完事后肚子有点饿，就找地方吃早餐。祥荣是有一段时间没有去过，便进去再之再试试他们的东西。店外放了几个餐单，他们的选择很丰富，除了早餐，粉、面、饭的套餐都有不少提供款式，价钱跟附近几家茶餐厅差不多。很久没有吃沙爹牛肉公仔面了，便要了一份沙爹牛面餐。早餐的份量刚刚好，沙爹牛肉面有点淡，味道一般般。其余的东西和咖啡都是一般茶餐厅的水平。普普通通的一个港式早餐，价钱是合理，但没有大惊喜。

疫情關系，經已少了外出吃飯，  不過唔能夠屈悶大久 ，今日同家人出去屋企附近走走。菠蘿咕嚕肉：這個菜每家都做，做很好的比較少，這家做得不錯，一上來便看到表面光澤，芡汁掛得很好，咕嚕肉外層香脆，內有肉汁，肥瘦適中。沙嗲金菇肥牛煲：煮牛肉的時間要剛剛好，不是容易的事，煮太久了便會容易變韌，一來便知道沒有叫錯了，時間剛剛好，而且沙嗲味夠濃厚， 分量剛好。xo醬西蘭花炒花枝：花枝本身已經有鹹味，所以味道只要不過火便可以很好，反而西蘭花比較煩，要煮得好的不多，夠爽口。這家的廚師應該很有經驗，味道上的控制剛剛好，真的可以再來食。

今天逛紅磡行經奇妙坊，見祥榮茶餐廳都幾大間食客頗多。我們點左乾炒牛河，夠鑊氣又不油膩，牛肉很腍滑，河粉很滑又夠味，很美味👍👍👍紅豆冰，紅豆好腍，甜度適中。海南雞半隻，雞肉很嫩滑，雞味較淡，要沾醬豉油和薑油，都不錯👌👌👌豐盛特餐：沙爹牛肉出前一丁、漢堡豬柳、煎蛋、奶油脆豬飽+$3奶茶，奶茶出色。 總結：選擇多，價錢親民，夠鑊氣，味道不錯。祥榮餐廳地址：紅磡黃埔天地奇妙坊(第1期)地下G7A, 7B 及7D號舖

星期五晚同朋友食飯，揀咗呢間係地鐵站口隔離嘅餐廳。有好多卡位，坐得舒服。餐牌都有好多食物提供，除咗小菜茶餐、蒸魚、仲有鐵板燒餐同煲。價錢都好合理肉眼扒鐵板餐（$82）- 包餐湯同熱辣辣嘅麵包。除咗有好大塊牛扒，仲有薯條為伴碟。牛扒配上蒜蓉汁好好味。如果驚唔飽仲可以加十蚊加個飯或意粉。常餐（$54）- 有叉燒辛辣麵、火腿仿鮑魚絲奄列配奶油豬，非常豐富。奶茶、檸茶（各+$5）- 奶茶非常香滑，記住試下。炒雜菜馬拉盞（$45）- 有西芹、通菜、西蘭花同翠肉瓜等等，份量十足，但有少少油膩。每人$100 都唔洗就食得勁飽，掋食！

今日去開紅磡灣買野，行行下就去左黃埔果邊見到呢間茶餐廳，佔地好大，坐得好舒服咁，又有啲肚餓，就一於去試下佢。好快職員安排左卡位俾我哋，之後睇左餐牌，見到夜晚都好多選擇，有小菜，鐵版，炒粉麵，常餐等等。我哋揀左一個鐵版美國肉眼扒配羅宋湯同沙律，另外要左一個鐵版薑蔥豆豉雞小菜配中湯同白飯，再加兩杯凍檸茶。首先上左湯先，兩碗都好大碗，仲有一個跟鐵版扒餐嘅餐包，湯好足料，飲落唔會死咸，包就夠晒熱，搽牛油好正。好快兩個鐵版都上枱，熱辣辣，大大份，仲好新鮮。個牛好厚身，好軟熟，加埋啲配菜，鐵版嘅感覺返晒嚟。而個豆豉雞都好夠味，啲雞都有好多，好大件，好好食。飲埋杯凍檸茶就完美，埋單唔駛100蚊個，咁大份晚餐，又有好嘅服務，又坐得舒服，好值！

難食垃圾！野食等好耐！服務態度差！未听完客人落單話食咩就走都走唔切！員工態度極差！尤其是收銀枱個個垃圾！體溫有唔量！安心出行/填紙仔都冇叫客人填！有咁嘅垃圾餐廳就有呢啲垃圾員工