神燈海鮮酒家 (18廣場)

營業中

休息中

【 高質粵菜 款式精緻多樣 】🍲前幾日帶屋企人去佐敦「神燈海鮮酒家」食晚飯，佢哋好鍾意食粵菜，所以呢間就啱哂佢哋啦！🦀見到好多人都有點海鮮，我哋都唔執輸，點了糯米炒膏蟹，蜜汁脆燒鱔燒，薑蔥鮑魚煲，醬皇翡翠珊瑚蚌和大富豪炒飯，食得好飽好滿足。🔸糯米炒膏蟹 煲內的飯吸哂蟹汁，每口都充滿了蟹肉的鮮甜味。膏蟹好大隻，有好多膏，食落啖啖肉，好滿足！🔸蜜汁脆燒鱔燒白鱔的油脂加上彈牙的肉感，每一啖都享受到皮脆肉嫩的美味滋味，屋企人大讚好味呢！🔸薑蔥鮑魚煲這個薑蔥鮑魚煲勁足份量，每隻鮑魚都大大隻，非常新鮮呀！

今次約兩個同事去食晚飯，其中一個好鍾意食嘢又幾嘴刁，我就揀左朋友推介嘅佐敦「神燈海鮮酒家」食新派招牌粵菜，餐廳裝潢亮麗，環境優美舒服，食物質素有水準， 連嘴刁的同事都比好高評價。糯米炒膏蟹上到枱個煲仔仍然係熱辣辣，店員幫忙炒幾炒，飯焦嘅香氣好濃烈，肉蟹好大隻又新鮮，非常多蟹膏，蟹汁滲透飯粒中，糯米飯吸收了蟹黃蟹膏以及蟹肉的鮮香，超級美味。蜜汁脆燒鱔煮法特別，白鱔厚肉，蜜汁燒出來的白鱔充滿油脂，肉質彈牙，咬落去皮脆肉嫩充滿蜜汁，非常惹味。薑蔥鮑魚煲大大隻新鮮鮑魚，非常彈牙，又滑又嫩，鮮味十足，連薑蔥也新鮮好吃。即燒乳豬(1/4)份量適中，皮脆肉香，脆卜卜， 點埋乳豬醬同埋砂糖會食唔停。雖然價錢比起其他酒樓或餐廳略貴，但係兩位同事都話寧願畀貴啲食餐有質素嘅，所以 有機會都會帶屋企人嚟食。

6月慶祝父親節時食過一次，印象唔錯。今個月阿媽生日，問佢想食咩菜，佢即刻答左想食呢間，咁太好啦，唔駛諗，就booked番呢間慶祝阿媽生日。今次比上次來多左好多人，6點半已經坐滿。先來蟶子皇，有4隻每人一隻岩岩好：豆腐鍋，加左咸蛋黃，好香，用來撈飯一流：燒脆鱔，燒得好脆，加上蜜糖，好好味：燒鵝，阿爸鐘意食，叫左半隻：糯米炒膏蟹，隻蟹好大，多膏多肉，糯米炒得好乾身，唔油、有飯焦：跟著係附送既雪耳糖水，好清甜：

我從不吝嗇對爸爸的愛🥰始終老人家喜歡吃奧菜多過西餐但我身為女兒，沒請爸爸吃餐高水準奧菜我知道他很喜歡吃膏蟹海鮮我推介位於樓高兩層的 #神燈海鮮酒家以江南蘇杭的裝潢，環境寬敞又舒適這酒家以海鮮及懷舊粵菜馳名今次我如爸爸叫了幾款小菜:🦀經典糯米炒膏蟹以14兩斗門蟹配生炒糯米飯，有專人把蟹膏和糯米一起拌勻，淡淡糯米入口綿潤有米香之餘，更品嚐到蟹膏的鮮味然後我再動手把蟹肉拆下來，新鮮蟹的滋味美妙得無法形容😋，蟹香滿溢!完全滿足我和爸爸是 #海鮮控🐟蜜汁脆燒鱔我好怕吃鱔，因為怕魚腥這個燒鱔完全打破我的舊思想觀念，不腥!燒到魚皮脆卜卜，甘香可口，再咬下去我會形容有些似吃“脆肉鯇”的彈牙肉感加上像有柚子蜜汁的清甜醬汁，份外醒胃⭐新鮮鮑魚製成的薑蔥鮑魚煲秋冬特別喜歡吃煲仔菜，我喜歡聽到上桌的吱吱喳喳聲音😆，這麼大粒的鮑魚有大匙羹這麼大，芡汁做得很濃郁鮑魚彈牙好有口感，完全不韌不用吹灰之力就完全吞嚥滿口新鮮鮑魚的鮮味，令人一試愛上如果可以我在想吃多半打🤟😆🦆1/4玻璃燒鵝我知道這裏的燒味師傅好出名無花無假，燒鵝皮外型真像玻璃一樣晶瑩而不是我平時吃開的韌皮燒鵝皮脆內嫩，而且很有鵝味難怪我爸爸更讚不絕口另外

近排聽d朋友講神燈糯米炒膏蟹好正，一於去試下😝😝糯米炒膏蟹一上枱已經傳黎陣陣香味，煲仔開蓋後見到手掌甘大嘅蟹蓋😂。而蟹膏真係誇張地多，成個蟹蓋同蟹肉都係膏，連糯米飯都有橙紅色蟹膏，糯米飯乾身煙韌，蟹肉鮮甜啖啖肉，感覺唔油膩仲有飯焦添，真係好有誠意。星洲麥皮蝦用燕麥片包住大蝦黎炸，炸得好鬆脆，有6大隻蝦，堆埋一齊好似一座山甘。而且星洲麥皮蝦係新加名菜添！1/4即燒乳豬燒乳豬即叫即燒，咬落脆卜卜肉又嫩滑。而且好貼心有得order 1/4 乳豬，小家庭都可以品嘗到。金華麒麟雞一陣香菇、金華火腿、一件鮮雞，再用荷葉包著黎蒸！雞肉好滑仲吸左荷葉、金華火腿嘅香味！

🐽 1/4隻即燒乳豬難得呢度可以叫例牌¼隻仲要係即燒嘅乳豬，一定要試吓啦😼乳豬切到好薄，皮下只連少少肉同脂肪令到味蕾更加集中係香脆嘅外皮上，每食一啖都感覺到外皮嘅鬆脆🤤🐽 糯米炒膏蟹膏蟹本身已經好鮮甜好多膏，而蟹汁全部流曬落去糯米飯都令到糯米飯食落更香濃🥴🐽 星洲麥皮蝦虎蝦蝦肉好爽口彈牙，炸麥皮香脆嘅口感同蝦肉兩個相映成趣😆🐽 全華麒麟雞香菇、金華火腿、新鮮雞件一層一層地夾住用荷葉包住去蒸，令雞嘅味道吸曬荷葉既香亦都有金華火腿香濃嘅肉味，最後香菇令到成件事冇咁油膩，真係好出色嘅配搭🐽 乾煸四季豆四季豆炒得好有火喉，味道入曬落去四季豆入邊，每一啖都好香，送飯一流

今晚一行五人黎到神燈海鮮酒家食飯😊大家都未食過呢間，第一次嘗試。訂位時佢話除左長腳蟹都可以即場叫，但黎到7點半叫左起碼4-5樣都賣晒😂😂會唔會太快😅😅例如糯米炒糕蟹，燒鵝，叉燒等等……..我諗大家都係係book 位時預訂菜式比較穩陣😅😅🔸即燒乳豬 （1/4隻）$258▪️皮脆，但皮同肉完全分離😂 肉非常瘦，所以唔係太好味😅😅😅🔸金磚豆腐 $68▪️豆腐酥脆又香，裏面口感嫩滑，非常好味！🔸蜜汁燒脆鱔 $268▪️脆鱔口感好淋，做唔到香脆效果，又唔香，份量又細，唔好食👎🏻👎🏻👎🏻🔸星洲麥皮蝦 $248▪️炸左既麥皮非常好食，香口又帶有微微既甜味，蝦🦐炸得好脆👍🏻唯一美中不足係食得出蝦唔係好新鮮，有少少梅😅😅🔸神燈小炒皇 $158▪️呢個好味！入面有豬板筋，油條，四季豆，馬蹄，腰果，蝦乾。卡幫妮勁鐘意食佢既油條😂😂好味道👍🏻👍🏻🔸蟶子 （5隻）$300▪️$60一隻大大隻，好鮮美👍🏻🔸麵醬干福魚雲煲 $228▪️一上枱超香！魚雲好滑加埋麵醬味道，非常入味👍🏻👍🏻👍🏻🔸薑汁芥蘭 $98 ▪️正正常常 🔸台風炒新竹米粉 $118▪️都係正正常常😂埋單5位$2028。好既係唔收開瓶費同切餅費☺️可以盡情帶酒黎飲🙌🏻🙌

兩小時午市美食放題星期一至五，每位$138,，九折。星期六，日，每位$168,四位大人，一位免費。優惠經常改變，建議打去餐廳詢問update資料。點心纸有60款前菜/主菜/點心/粉麵/甜心，任君選擇回本之選~紅燒乳鴿- (必食)啖啖肉，外皮香口，醃味到位鹵水乳鴿- 偏咸，但可接受滋味陳醋小排骨~估佢唔到又幾好味，咸甜適中。越式春卷~即叫即炸，口感香脆蜜椒脆皮雞翼~大size的雞翼，即叫即煎金沙熊貓包~啖啖流沙湧出來xo醬蘿蔔糕~ 潮式蠔仔肉碎泡飯~蠔仔也不小干煸四季豆~落咗幾次單，好味麻醬沙律菜~encore了三次日式軟骨餃子~黃金南瓜餅~食後感lunch時段，全塲爆滿。共食40款美食，巳飽到上心口，食物大部份醃料味，質素也不錯红燒乳鴿必食，漁夫醬海蝦彈牙新鮮，炸物也是熱辣辣上台,肉碎四季豆,麻酱沙律菜可以中和肉食的飽濟。反而咖哩魚蛋豬皮，雞翼尖乃是失望之作。服務参差，女侍應門默默耕耘，偶爾出塲的男侍應躁底的服務，另人反感。

朋友一個電話就同咗佢出去食飯，今晚嚟過海鮮大餐，樣樣都係屋企煮唔到嘅味道！🦀 糯米炒膏蟹11月依舊係蟹嘅季節，見到呢道菜式就毫不猶豫地點左。餐廳選用泰國糯米製作既生炒糯米飯，十分香口，米飯焗一陣仲可以做到飯焦效果，蟹汁滲透係飯粒當中，令每一啖糯米飯都飽吸了蟹黃蟹膏以及蟹肉既鮮香。蟹肉鮮甜，厚肉！🦐 星洲麥皮蝦香脆可口嘅燕麥，包住新鮮彈牙既海蝦，入口酥脆，有口感，同時食落會帶有少少奶油香，鹹蛋黃碎，令成碟菜式層次夠哂豐富。🐷 神燈招牌1/4隻即燒乳豬火候拿捏得非常好，乳豬皮非常香口，油份唔算多，外皮非常薄脆。肉質唔會好鹹，食落仲帶點爽口。🥄豉椒炒蟶子王一於叫多個海鮮，嚟個海鮮盛宴。講到明勝子王，嚟到果然大隻肥美，全部拆哂離殼，一夾就成條食得。加上夠晒鑊氣嘅薑粒、蔥粒、洋蔥粒、豉椒，賣相好靚之餘，成碟菜式夠哂火喉！

週末同屋企人食飯，最近天氣轉涼🍂，大家都想食糯米飯暖暖胃，佢哋訂咗呢到，除咗糯米炒糕蟹出名，仲有好多令人懷念的懷舊經典菜式。未夠7點到，但成間酒家已經好熱鬧。🦀糯米炒膏蟹一上枱，已令人開心不已，因為膏蟹肥美超多膏，加入糯米生炒，令糯米吸收蟹汁的精華，入口軟糯，真係鮮甜惹味共治一爐，每一口都好滋味😋。🦐星洲麥皮蝦麥皮蝦係新加坡著名菜式之一，炸至金黃嘅大蝦，再以炸香咖哩葉炸香、麥片、指天椒🌶️ 、牛油兜炒，十分香口惹味。🐷即燒乳豬(1/4隻)以明火烤乳豬，乳豬皮鬆化脆卜卜。🥬石澳梅菜蒸菜心菜心翠綠鮮嫩，以爽脆嘅梅菜芯一起蒸，簡單好味。✨蝦醬蒸豬板筋豬板筋爽滑彈牙，鹹香惹味下飯一流，減肥計劃又拋諸腦後了😆。

是日家人五人聚餐，揀咗近日人氣旺盛嘅神燈海鮮酒家試試，我哋book咗7:30，去到差唔多已經全場爆滿，酒家唔算大，座位幾闊落，我哋點左九樣嘢食，對每碟餸菜期望甚高，但當中有一兩味令我哋有點失望，可能期望越大失望越大，但整體亦唔算太差，值得一讚嘅係唔收開瓶費同埋切餅費👍🏻▪️金磚豆腐 $68呢個作為餐前送走小食相當唔錯，豆腐超級酥脆，內裏香滑非常，點少少椒鹽超級好食▪️即燒乳豬 $258乳豬皮肉是分開的，皮非常脆，肉我就覺得有點偏瘦，冇任何脂肪，完全沒有食乳豬半肥相間嗰種甘香，所以有點失望▪️蜜汁脆燒鱔 $268呢個非常失望，份量已經好少，鱔整得唔脆唔爽口，而且仲有點淋身，收呢個價錢食呢個質素可以係用差黎形容▪️星州麥皮蝦 $248蝦炸得爽脆連蝦殼都可以食埋，調味帶椒鹽微辣，再加埋炸過嘅麥皮一齊食，正▪️神燈小炒王 $158(豬板筋，油條，四季豆，馬蹄，腰果，蝦干）呢個非常有驚喜，豬板筋有啲似豬爽肉，爽爽脆脆，加埋其他配料全部都係香香脆脆，而且非常掛汁但又炒得乾身，非常香口，送洒一流▪️聖子 5隻 $300聖子全部大大隻好飽滿，加埋洋蔥，青紅椒，豆豉爆炒，超級惹味呢一道海鮮▪️麵醬干福魚雲煲 $228

跟同事嚟食好西，佢食過幾次話好好味😋所以今次帶埋我嚟~餐廳就係海鮮酒家嘅格局，食物中價，走質素路線。一坐低餐前小菜係香甜嘅芝麻合桃，好美味呀！完全食到停唔到口～然後茶竟然可以選擇玄米茶，真係第一次喺茶樓飲玄米茶，別有一番滋味！滋補燉靚湯：好足料，入邊嘅雞腳仲可以點豉油食添，老火湯夠晒滋補！經典即燒脆乳豬：最鍾意食乳豬，個皮好脆，口感好似食薯片咁～真係超鍾意，肉質又唔會過分肥膩。招牌糯米炒膏蟹：果然係招牌菜式，我見人人都嗌，隻膏蟹超大隻！橙紅色嘅蟹膏相當瘋狂，份量勁多，同埋估唔到同糯米飯咁配合，太惹味了。星洲麥皮蝦：又一招牌菜式，幾乎每台必點，啲蝦好大隻，入面都有膏，外皮香脆，配搭炸麥皮好特別。神燈小炒皇：偏向甜味，入面有油炸鬼，真係第一次見，又係食到停唔到口嘅。生炸黃油雞：味道偏鹹，個皮炸得好香脆，肉質鮮嫩。飯後附送桂花糕，作為飯後甜品啱啱好～好滿足呀食到拖住個肚走！

今晚家人提議去#神燈海鮮酒家，試下招牌菜，咁我當然奉陪到底啦。🦐星洲麥皮蝦，蝦炸過故蝦殼香脆，用上大量麥皮，蒜同辣椒再同炒，蝦大隻有蝦膏，肉厚口感唔錯。樣似避風塘，但相比就健康些。 🦀糯米炒膏蟹，呢道菜係家人想食，上菜時個瓦煲仲熱辣辣，打開煲蓋香噴噴，蟹食落肉質新鮮有彈性，蟹膏甚多與糯米飯融合，食出鮮香味，糯米飯煙韌口感十足，煲底仲有我至愛的飯焦😋。 🐷即燒乳豬(1/4隻)，估唔到佢個乳豬皮咁薄又脆口，又冇肥肉連住，肉質偏瘦帶炭香味，皮連肉點埋醬一併食，唔錯啊。 🐟豉汁蒸大魚頭，份量足很大碟，蒸的時間剛剛好，佢個豉汁很惹味，魚頭好滑以及新鮮😘。

辛勞了一整天，終於等到下班的時間男友將我帶上來吃飯都市情況普遍習慣西餐/日本菜今天最後我們選擇了佐敦這家中菜餐廳樓高兩層座位寬鬆，枱與枱之間有適當的空間價錢亦相對宜人糯米炒膏蟹糯米飯吸盡蟹膏精華，以鹹香鮮甜的醬汁拌飯，非常過癮蟹肉肉質自肥美多汁星洲麥皮蝦吃起來非常香口，但不會過於乾麥皮吸了大蝦的鮮味，而蝦肉彈牙整體吃出來，覺得唔算油膩1/4隻即燒乳豬用上紅燒乳豬既做法乳豬皮脆不膩口一入口就帶著清脆像薯片的聲音而肉質酥香嫩滑啫啫生菜煲🥬一打開聞到陣陣鹹香蝦醬及「啫啫」的誘人聲用上砂煲夠鑊氣、熱辣辣家中並未能做到之惹味紅燒乳鴿表明金黃脆亮鴿皮吸滿醃汁，肉質鮮美唯乳鴿並不是太肉厚

同事食過幾次都話好食，介紹嚟到呢間喺佐敦嘅神燈，週末夜晚，全院滿座，非常受歡迎👏🏼雖然睇得出好繁忙，但係員工服務都超好，一來好有禮貌，二來好主動碗碟加水等等，服務質素滿分💯食物款式創新而且高質素，雖然貴少少🤏但係對得住個價錢！經典即燒脆乳豬啱啱新鮮燒好，唔會有油膩感。外皮香脆，唔會有中間嗰層脂肪，肥瘦適中，配搭乳豬醬真係超正！滋補燉靚湯一大盅靚湯，好足料大大盅，每人都分到兩碗～好清潤，啱晒秋冬嘅天氣。湯渣仲可以拎出嚟點豉油食。招牌糯米炒膏蟹最期待嘅一個菜式，招牌菜果然名不虛傳！一大隻膏蟹，唔只蟹蓋，係個蟹身都超級多膏！生炒糯米飯煙煙韌韌有焦香，太美味了！星洲麥皮蝦非常有特色嘅一道菜色，八隻大蝦掩蓋左喺炸麥皮入面～炸蒜就見得多，麥皮就第一次見，炸麥皮香脆帶點微辣，入面有牛油味。大蝦新鮮彈牙又大隻！神燈小炒皇同出邊嘅小炒王好唔同，配料好特別～有甜甜地嘅油炸鬼、蝦乾、四季豆、豬肉、馬蹄同埋腰果，口味偏甜，但係非常惹味，忍唔住食完一啖又一啖～生炸黃油雞黃油雞外皮炸得香脆，咬開肉又嫩，唔會有雪味，口味偏咸，用嚟送飯最好不過。飯後仲要送上桂花糕，唔會太甜，充滿傳統味道。