神戶屋日韓放題

營業中

休息中

由於我和太太都喜歡吃刺身，所以選放題，不一定要種類太多，只要求刺身新鮮。係網上經常看到這裡的食評，今晚見有空便來到，這裡差不多，全部都是卡位，兩個人都可以坐四人卡位，又坐得幾舒服喎。我們六點半前入座，所以都係$189，就有200多款食物，包括日本和韓國料理、串燒、炸物、天婦羅、熟食、飲品、甜品。刺身都有十六款，款款都咁新鮮，而且解凍得好好。蝦刺身居然有五款，天使蝦、泰式生蝦、激巨赤蝦、甜蝦、有頭甜蝦，我都未試過放題有咁多蝦食，所以點齊五款，其中以激巨赤蝦最好，其餘都不錯，唯一缺點係吃泰式生蝦欠泰式醬汁，好彩個靚仔侍應好好人，即時去廚房拿給我。至於其他刺身有帶子、三文魚、松葉蟹腳蚶、象拔蚌，我推薦帶子、象拔蚌，因為新鮮爽甜。飲品有拾幾款。每位有三揀一選擇，生蠔、海膽、韓國雪條，我們選了海膽，雖然海膽份量不多，不過都好鮮甜。吃完刺身，仲可以㨂日本壽喜燒或韓國步隊鍋，結果我們要了壽喜燒，牛肉肥美，又有好多蔬菜，飲啖熱湯又可以吃過。再點了些壽司，已經幾飽。甜品要了榴蓮炸彈，滿足晒個胃。以咁嘅價錢，可以有咁新鮮刺身，仲可以吃火鍋和日本料理，非常之低食，過幾日公司團年，都㨂咗這裡，又可以食過😋😋😋

已經唔係第一次食呢間 但都要再食因為真係平靚正到一個點款式仲要好多添🤤🤤🤤首先講下今次嘅刺身先 因刺身永遠都係放題嘅主菜嘛有好大隻嘅蝦 我超鐘意蝦🤤 仲有我最鐘意嘅海膽 想講全部都好新鮮 好有鮮味 特別要講下嘅係蠔本身我成日都去蠔吧食蠔嘅 冇諗過一間放題嘅蠔可以咁高質 超大隻仲要冇腥味添😇 鐘意食蠔嘅一定要黎食呀我地吃咗一口豆腐、雞軟骨、芝麻雞翼呢啲小食全部都好正呀真係特別講下炒蜆啦 冇沙又夠火喉 好正呀 連我平時怕海鮮腥嘅朋友都話好正壽司方面，我食咗好多吃火炙三文魚 因為真係好入口即溶 好好味呀今次都算咗豬頸肉好入味，值得一試呀！最後要講嘅係牛肉鍋。呢度兩張相 一張係未熟嘅 一張係製成品首先 牛肉好爽唔會好硬，加埋個啲超入味嘅娃娃菜正到爆

今日慶祝朋友考試合格諗住食餐好既，同埋見今日咁凍打邊爐就最岩.專程黎到旺角搵邊爐打但間間都full曬，然後竟然發覺依間野都有得打邊爐，最後誤打誤撞去左食放題.我地第一件事緊係叫返個壽喜燒食先啦~好足料好多牛肉，入面仲有唔同既配料添，又有菇又有菜以性價比黎講算抵食，2舊水鬆d就食到好多出面放題冇既野食. 刺身款式多到爆，只講蝦刺身都有4款，泰式鮮蝦夠辣我鍾意，甜蝦夠大條咬落好juicy，天使蝦個名夠吸引食落夠鮮甜. 全部魚生都好新鮮另外壽司都好唔錯，份量啱啱好又唔會太大舊，燒三文魚壽司好好食呀！三文魚燒得半熟令壽司食落口充滿魚油香氣雖然甜品款式只有幾款，但卻貴精不貴多，奶凍好鬼滑亦好有奶味，同朋友每人都食咗幾杯呀最後不得不讚呢度d waiter 服務幾好，有時仲會介紹邊款野食多人叫，抵讚！

最近生活壓力大，決定搵班朋友出黎呻下，原本見天氣咁凍諗住落旺角打邊爐，點知間間都full哂，行兩行經過兆萬，唔想再搵又要等，一於揀食放題，一來多選擇，二來又可以吹下水。兆萬出名多放題，眼見間間差唔多是但揀左間神戶屋，點知又唔錯喎。環境唔算話好大，但感覺乾淨衛生，坐得都幾舒服~正常放題有嘅野佢都有，首先係刺身，比出面啲放題多幾種蝦，其中最特別係天使蝦，係開邊嘅蝦刺身，大大塊有蝦鮮味。熟食除左一般日式料理仲有好多韓式野，炸雞燒豬楠肉全部都好惹味，野飲甜品自取任食，又有牛乳布丁又有好多款唔同牌子既雪糕雪條，種類都唔少嫁我自己就好鍾意食韓國壽司，見佢menu有就緊係要叫嚟試下啦~炸鮮奶特別令我印象深刻，估唔到依度都會有得食！以比平常放題便宜黎講呢間放題都算幾有水準，店員服務好好，會主動問我地有冇漏單，值得下次再約齊人再嚟過呀！

糧尾又要慶祝點算好🤦🏻‍♂️🤦🏻‍♂️一班人最好梗係食放題慢慢坐慢慢食慢慢飲慢慢吹🤤🤤🤤神户屋加埋一都仲頂到🤤🤤唔算貴啲質素又好🤤🤤🤤講下啲刺身先 我就最鍾意食天使蝦🦐🦐又鮮又甜🤤🤤仲有甜蝦都好大隻🤤🤤三文魚就塊塊都厚切好多肉正到爆呀🤤🤤🤤帶子鮮甜又大隻 仲有泰式生蝦揀🤤🤤食完刺身就食番少少熱野先 首先叫咗個和牛火鍋先🤤🤤🤤熱辣辣又有菜真係好香🤤🤤🤤仲有個炒蜆 無乜沙 個汁又濃 啲肉又甜 可以一戰!!!! 當然唔少得我最愛啲芝麻雞翼🤤🤤🤤🤤雞軟骨同埋燒五花腩🤤🤤🤤跟住再叫啲壽司🍣食下先！！！帶子壽司啲帶子好厚好鮮甜🤤🤤火炙三文魚又係必食🤤🤤整體嚟講依間性價比真係唔錯

講到食放題，係人都知兆萬多選擇，而且價錢唔貴。今次食哩間神戶屋性價比高，抵食呀！環境方面，乾淨企理，是是正正幾ok㗎！伺應嘅態度都非常好！野食上得好快，即使個日人流多，但都無乜漏單！野食方面，先講講刺身，選擇都好多，擺得好靚，淨係睇都流口水🤤三文魚好鮮甜，而且厚度適中。 仲有虎蝦也是我最愛之一，真係幾甜，肉質咬落去有少少爽口唔會太過軟，幾新鮮！我作為生蠔的忠粉，一定要食生蠔！難得有得叫生蠔，真係好吸引啊！哩度嘅生蠔都算大隻飽滿，上面鋪少量葱花，夾埋好fresh!我自己中意落少少海鮮汁，個種口感係好juicy好滑，十級推薦大家試！熟食方面，我自己覺得芝士年糕值得一試。芝士年糕好好咬好有口感，芝士味適中，炸得香脆，仲好香口，不能錯過之選。佢仲送咗個細細地嘅小型火鍋，湯底好甜同香濃，肥牛肥瘦適中，食完暖粒粒。仲有馬拉通菜都好入味，咸香，有少少辣，好香口！雞翼好淋好入味！正！最後係燒菠蘿！好甜好多汁呀！真係好好食！食得太飽無食到雪糕，下次要食埋先走。

今日同朋友去左兆萬神戶屋食放題，一坐低就即刻睇下啲order紙有乜正嘢好食先。唔駛問，第一round更係食刺身先啦！容易回本呀嘛！而依度啲刺身款式都真係幾多吓，特別係蝦刺身，一睇張order紙，竟然有成五種蝦刺身：甜蝦、有頭甜蝦、珍寶赤蝦、天使蝦同虎蝦。另一個比較特別嘅係依度有松葉蟹鉗刺身，其實我本身都有去開其他地方嘅放題，不過蟹鉗刺身我都係第一次聽。整體刺身質素唔錯，每一樣都好新鮮，帶子、三文魚都好厚切。另外因為我哋係預先訂座，所以每人再送一份海膽刺身又或者係生蠔。壽司方面，我哋試左火灸三文魚、吞拿魚腩同芥辣八爪魚，三款都好好食，特別係火灸三文，可以話係必食之選。話明依間係日韓放題，當然要叫返啲韓國嘢食啦，我哋就叫左個部隊鍋，賣相都幾吸引吓，不過我覺得如果得兩個人去嘅話，我相信你枱頭可以擺其他嘢食嘅位就會少左好多，所以最好嘅辦法就係用最快嘅速度KO左佢先再叫其他嘢。之後我哋都有叫其他嘢食，包括芝麻雞翼，蝦天婦羅同其他炸物，但可能今次食刺身比較多，反而有好多其他嘢都少左quota食。最後，不得不提係佢哋個牛乳布甸，真係幾好味吓，鐘意食甜品嘅人士可以一試。

同朋友farewell ，特登book咗去食放題。哩間野幾次係旺角行過見到，今日就一於試下！食放題當然少不了食刺身！佢啲刺身都幾新鮮，尤其三文魚，厚厚一塊咬落去係好有口感，加上少少肥膏，融係口入面，好正。仲有虎蝦也是我最愛之一，真係幾甜，肉質咬落去有少少爽口唔會太過軟，幾新鮮，中意食蝦嘅朋友不能錯過！哩個真係食咗幾轉都未厭！刺身蝦好食，熟蝦都好香口！燒蝦燒得好香脆，而且都好大隻，啖啖肉。仲有芝士球同燒蕃薯仔，好香口。芝士球咬落去唧岀芝士，好治癒嘅感覺。蕃薯仔細細粒甜甜地，食上癮。仲有燒和牛粒同芝士元貝，牛粒調味鹹度適中，有少少孜然粉，成件事好香好吸引。芝士元貝好邪惡呀！好多芝士係面，元貝好大粒添！野食都好多選擇，我自己就鐘情忌廉溝鮮奶！仲有個大雪櫃，有大把雪糕任食！今次係大滿足！價錢唔太貴但食到好多自己中意嘅野食，哩間已變成我自己嘅放題首選。

nothing is good except for the shrimps. each one is offered an oyster or urchin. my husband ordered oyster which was clearly not the flesh-attached kind, and the urchin i ordered was worse, which tasted really bad. the tempura , small and tasteless, was the worst tempura we have ever tried. and the price was higher during christmas. i have no idea how this diner got such a high rate. maybe it's just us or maybe there are hired hands to write good reviews. anyway, we won't come back.

坊間都有好多日韓放題，但係神戶屋係我食過最好食嘅日韓放題。 食得放題最重要梗係刺身啦， 呢度有好多刺身選擇， 淨係蝦都有幾款， 天使蝦，甜蝦，有頭甜蝦，泰式生蝦 同埋激巨赤蝦， 啱曬鍾意食蝦嘅我。 佢嘅珍寶帶子刺身大大粒，三文魚好肥美鮮甜， 仲有松葉蟹鉗刺身 ，十分正。天婦羅同炸物都有好多款揀， 仲要炸到卜卜脆，全部上碟都仲係 脆卜卜，唔似其他放題一早炸定。燒生蠔加左好多芝士， 好邪惡， 隻生蠔燒到燶燶哋，好香口入味。但我最鍾意嘅都係佢個部隊鍋， 細細煲但係好足料，有齊香腸，火腿，午餐肉，娃娃菜 等等， 兩個人食啱啱好，又唔會嘥咗位去試其他嘢食。

闊別半年再次光臨 餐廳整體比我嘅感覺進步了不少例如 增設了首輪刺身點選纸 只要遞交這張(首)刺身纸 等同於有王牌在手 美味嘅刺身很快便會送上 有優先特權果然快速製作 一件不留刺身味道新鮮鮮甜 選擇亦都多元化 象拔蚌及甜蝦最為鮮味另外 每位入座即可享有餐廳限定美食一份1. 產地直送海膽刺身 2.空運直送生蠔 3. 韓國雪條 (3選1)我和朋友都點選了產地直送海膽刺身 海膽色澤金黃 入口細嫩 有種回甘既鮮甜味 齒頰留香還增設了期間限定食物 日本和牛壽喜燒 及韓式芝士部隊鍋韓式芝士部隊鍋 啱曬呢個凍冰冰嘅天氣享用 有大大片芝士 真材實料 食完個人即刻暖笠笠而且仲有客人意見調查表 精益求精嘅態度 值得嘉許 接受意見 不斷改進 才可得到食客嘅歡心餐廳仲引入咗好多韓國嘅雪條 口味都幾多元化 布甸味 芝士味 咖啡味 諗得出嘅都有燒大蝦值得一試 外面嘅鹽花刺激味蕾 蝦肉彈牙爽口 有陣陣燒烤嘅味道壽司亦係一個唔錯嘅選擇 款式多件件新鮮 壽司飯唔會太大舊 唔怕食完之後食唔落其他嘢埋單價200蚊左右一個人 款式多羅羅 根本冇可能試得曬全部嘢食 但勝在食物用心製作 值得一試

一入到餐廳已經畀佢嘅環境裝修吸引咗，簡潔得黎好有日本居酒屋嘅氣息，好鍾意佢牆上面嘅酒樽擺設，座位同座位之間嘅距離適中，唔會聽到隔離枱談話內容，感覺令人好舒服 ，好適合一邊食飯一邊傾計，依點係寸金尺土嘅香港嚟講，放題之中可謂非常少見。食物水準高，出單速度快，而且種類多，最驚喜嘅係佢竟然仲可以打邊爐 最近天氣凍咗唔少，又一個明火嘅小火鍋喺旁邊亦都可以一邊食刺身食其他料理，真係好有氣氛同好滿足。值得一試嘅係佢嘅燒菠蘿，我好怕食放題食到菠蘿係酸嘅， 但今次喺呢間餐廳食幾次都好甜，不妨一試再試。期間有個小插曲，炸物比較遲出， 正當等到有啲唔耐煩， 服務員都好溫柔咁解釋原因， 處理好問題好迅速咁出返單不俗。係難得一間我會keep住去食嘅日韓放題。

今日同朋友re u ，揀咗去旺角食放題。兆萬個座野出左名多放題選擇，今次我地就試左神户屋。裝潢以木色為主，店舖裏面好寬敞。因為我地食6:30，未算好多人，店員安排到我地坐卡位，好舒服。我地坐低即刻睇刺身紙。刺身不嬲係放題第一 Round 必點嘅嘢食，神户屋的確能俾食客好大驚喜，無論你點左幾多刺身，師傅都會將刺身切得好整齊擺放係冰塊上，仲會百分百依足你所寫的份量。值得一提係帶子同赤海蝦都係必食嘅，肉質好厚，好有口感，味道都好鮮甜。呢度竟然有泰式生蝦，我哋即刻點左黎試。食神户屋一定要訂座，因為有好多野送。訂座會俾多一張紙你，可以揀韓國雪條、海膽刺身、生蠔，三揀一。我係蠔痴，所以揀左生蠔。味道鮮甜、多汁。另外仲有個期間限定，可以揀和牛壽喜燒或者韓式芝士部隊鍋。我地就揀左和牛壽喜燒，個鍋好多牛肉，啲牛好有牛味同好林。鍋入面仲有好多菜同菇。啲菜都好乾淨，啲菇亦都唔會好乾。店員仲教我地打隻蛋落去食好食啲。熟食方面，本人推介:雞翼、炒通菜、燒菠蘿、日式一口芝士。雞翼上枱個時熱辣辣，好夠味，我地encore左3次。炒通菜辣辣地，好正，係泰式風味，值得一試。燒菠蘿係我最愛，超級juicy，去神户屋必食！

今日係旺角行街，想食放題一定會諗起兆萬，嗰都有好多選擇。今次我地試左神户屋。值得一讚，佢哋服務態度超好！在兩小時內食盡由 A-J 總共9張 order 紙上的食物種類，包括各式刺身、天婦羅、鍋物、燒物都一應俱全。我推介必食回本貨包括：芝士年糕、榴槤炸彈、赤貝刺身、原隻甜蝦刺身和生蠔刺身。芝士年糕好煙韌、生蠔味道鮮甜，好fresh。榴槤炸彈仲係即炸嘅添，黃金嘅色澤，好脆口。刺身有超多選擇，裝飾亦都超靚靚。厚切刺身三文魚、帶子、甜蝦、花螺、北寄貝應有盡有。全部都好鮮味，本人超欣賞激巨赤蝦，冇呃人，真係激巨。超有口感，啖啖肉。燒物方面，亦都唔失色。燒牛肉粒、雞翼、以及燒海蝦，肉汁爆登，絕對唔會好似一般放題咁乾身。一定要食呢度嘅燒菠蘿，超級juicy!預先訂座是常識，因為神户屋訂位會有雪條送架！仲要超多口味！適逢有其他客人生日，餐廳仲會幫手播生日歌。下次慶祝生日都可以試下去神户屋！

服务态度还可以，座位奇小，食物是凉的，食物乱上，难吃到极点，1分，不如50人均的店刚落座旁边挪桌子挪椅子 非常乱 吃到一半被要求站起来协助他们挪餐桌 严重打扰食客用餐炸雪糕内馅已经变成糖水 咬一口全部流出来 整个都是热的 吉列外壳非常硬 没法吃 根本不是吉列 难吃炸鲜奶只有外壳没有馅 难吃炒蚬完全是凉的 难吃炒粉丝没味道 难吃寿喜烧麻麻的这个店怎么来的这么多好评，现在openrice还能不能看了，刷评价这么容易么我用openrice5年有余，从来没写过一篇食评，实在是忍不住过来吐槽，别再来入坑了