神戶屋日韓放題

營業中

休息中

今日同朋友去左兆萬神戶屋食放題，一坐低就即刻睇下啲order紙有乜正嘢好食先。唔駛問，第一round更係食刺身先啦！容易回本呀嘛！而依度啲刺身款式都真係幾多吓，特別係蝦刺身，一睇張order紙，竟然有成五種蝦刺身：甜蝦、有頭甜蝦、珍寶赤蝦、天使蝦同虎蝦。另一個比較特別嘅係依度有松葉蟹鉗刺身，其實我本身都有去開其他地方嘅放題，不過蟹鉗刺身我都係第一次聽。整體刺身質素唔錯，每一樣都好新鮮，帶子、三文魚都好厚切。另外因為我哋係預先訂座，所以每人再送一份海膽刺身又或者係生蠔。壽司方面，我哋試左火灸三文魚、吞拿魚腩同芥辣八爪魚，三款都好好食，特別係火灸三文，可以話係必食之選。話明依間係日韓放題，當然要叫返啲韓國嘢食啦，我哋就叫左個部隊鍋，賣相都幾吸引吓，不過我覺得如果得兩個人去嘅話，我相信你枱頭可以擺其他嘢食嘅位就會少左好多，所以最好嘅辦法就係用最快嘅速度KO左佢先再叫其他嘢。之後我哋都有叫其他嘢食，包括芝麻雞翼，蝦天婦羅同其他炸物，但可能今次食刺身比較多，反而有好多其他嘢都少左quota食。最後，不得不提係佢哋個牛乳布甸，真係幾好味吓，鐘意食甜品嘅人士可以一試。