神戶屋日韓放題

營業中

休息中

好耐無約過中同，今日就約埋一齊去兆萬嘅放題食野，餐廳裝修以日式為主，座位都幾寬闊。兩個人都可以坐到卡位，好開心。野食紙好多選擇，有成10幾張咁多。刺身。三文魚係厚切，好肥美，油脂分佈平均。帶子原粒上，食落好鮮甜唔會散修修。劍魚腩幾新鮮，唔會霉口。八爪魚海水味重，好有咬口。有頭甜蝦最值得一贊，大大隻好鮮甜爽口。人參雞湯。個湯細細碗但材料好足！有蘿蔔同雞絲係面，人參味唔會太濃，突出左雞嘅鮮味，飲多幾碗都仲得！招牌炒蜆。個蜆細細碟，隻隻蜆殼都有蜆肉連住，唔會得啲殻。食落有好香嘅辣椒味，e個係我食過最正嘅放題炒蜆夠香夠辣夠惹味，一啲都唔hea！燒羊架。羊肉燒得岩岩好，唔會太老，食落有小小黑椒味，羊肉嘅騷味唔會太濃。火炙岩鹽燒三文魚腩壽司。三文魚腩好肥美，入口即融。豉椒魷魚鬚。魷魚鬚好有咬口，個汁野得好惹味。

朋友今晚book左兆萬8/F的神戶屋，佢話聽朋友講吾錯，而且主打日韓菜咁就岩哂我地！一入到去比我既感覺係好舒適闊落，我地2個人坐4人位，張枱夠哂大就唔洗驚食物無位擺，食物種類都好多元化，有A-J的放題紙比你揀放題最先一定係點刺身，成盆刺身船就最岩我地，有齊三文魚刺身、希靈魚刺身、泰式生蝦刺身、甜蝦等，我最鍾意既係珍寶帶子刺身，大粒且鮮甜激巨赤蝦刺身超有驚喜，赤蝦很有質感，好大隻超有口感！生蠔係提早訂座送既，生蠔肉質爽口飽滿，刺身質素平均都是中上！原來依度除左放題仲可以打邊爐，有日本和牛壽喜燒同韓式芝士部隊鍋二揀一，我地就簡左壽喜燒，成個鍋好豐富，湯底甜甜地，和牛幾多片，有幾牛味清酒煮蜆好唔錯，蜆肉份量好多，而且蜆肉鮮甜，如果清酒味再出一點就更好啦！好鍾意食燒菠蘿，菠蘿多汁酸甜，食得多一定要點幾塊菠蘿，清新又可以解膩！朋友話想試下炒蜆，就劃左碟招牌炒蜆，幾有鑊氣，好有大排檔feel！食完咸點就吾少點試埋甜點，依度有韓國炸鮮奶，好特別，而且一般外面既放題店少有，上枱時仲熱辣辣，入面的鮮奶香甜而不膩，外層再淋上煉奶同用黑芝麻點綴，炸到金黃色好似春卷咁好靚，忍吾住叫多2件！依度甜品款式唔多，但

和男朋友放工到旺角食飯，兆萬中心是食肆集中地，去到樓下見到傳單姐姐派傳單便到神戶屋試一試。按電梯到8樓就是神戶屋。一上到去，餐廳就準備了小食，讓我們邊選邊點菜。職員比左幾張選單我地，每枱可以自選一次，其他食品可以任點。刺身都有好多選擇任點選單有成十張咁多，我地立即快快點菜了。我地去到當時大約7點左右，已經開始坐滿人。刺身好快上枱，仲排得好靚，食材仲好新鮮，三文魚仲好厚切，第一轉刺身當然每樣都點點，每樣都試試。帶子仲有心思，厚切鮮甜之餘，仲整到好似朵花咁，刺身師傅好有美感，刺身整體真係無得彈。最得意係平時放題好少有蟹鉗，但哩度就有鮮蟹鉗試，仲好鮮甜添。另一樣好令人驚喜既係原來仲有貴價既象拔蚌食，同樣好鮮甜，食多幾件都已經回本。仲要每枱可以點一次海膽，上去淨係試刺身都已經好抵。我同男朋友都好鍾意食海鮮，仲點左D燒物，燒海蝦當然唔少得哪，D蝦都好鮮甜，唔係雪蝦，有少少鹽味，仲可以為隻蝦提鮮添。我地仲食左吉列蝦，相比我比較喜歡燒蝦多D,但佢既吉列蝦都唔錯，唔係好厚粉既。而佢既炸芋丸係一定要試，好好味，炸出黎熱辣辣，甜甜地，好正！佢既黃金芝土燒扇貝都好味，芝士控可以放心叫，滿滿芝士，好滿足。網紙

老闆請食飯由我決定食什麼，二話不說即訂位於旺角兆萬神戶屋日本放題，要擦餐飽。六點半入座，餐廳唔算大，卡座位舒適，食客不停進入，是全場爆滿。指定動作先嚟刺身拼盤先，魚生盤是樣樣叫齊，五款蝦刺身都各具特色，大大隻是新鮮又甜，三文魚帶子，厚切同樣美味中上水準，紐西蘭燒羊架，肉質鬆軟，非常juicy 肉味濃郁。再叫玉子壽司 三文魚壽司 蛋味甜甜地，黑松露油甘魚、火炙三文魚腩、吞拿魚壽司，一啖一件好食到唔停口😋👍🏻清酒煮蜆有淡淡的清酒味唔算濃，北海道芝士燒扇貝，醬汁絕配，天氣涼涼地，這個牛肉爐端燒就啱啱好，牛肉肥美，加入很多蔬菜雜菌，飽肚之餘好滿足，有各式各樣韓國雪條，當然要吃一支，最愛蜜瓜味雪條。服務好加上菜快，食物豐富美味，希望我老闆每月都嚟食一次 就好啦，最後要食埋呢個椰果雜果啫喱。

今日收工係旺角行街想食放題一定會諗起兆萬都有好多選擇今次我地試左神户屋值得一讚，服務態度不錯食物嘅種類非常繁多冷盤有刺身，沙律，壽司，手捲熱食有炸物，燒物，日式同韓式嘅料理除此之可以打邊爐首先當然係刺身拼盤啦睇相都知好正!!有海膽同蠔，係入座送的仲有松葉蟹鉗、有頭甜蝦、帶子、赤蝦、馬刀貝、榮螺。熟食方面，我自己覺得芝士年糕值得一試芝士年糕好好咬好有口感芝士味適中，炸得香脆，仲好香口，不能錯過之選。溫泉蛋好滑，加上日本甜醬油，一啖食正必叫既黃金芝士燒蠔，芝士燒到焦焦的，好香口！不得不提嘅鐵板一口和牛粒調味非常之好🐮一試難忘，牛味好出，味道好豐富整體水準都高，最重要係服務態度好，侍應好溫柔好有耐心， 同埋速度快冇漏單。

次次食放題既感覺都係好飽好飽，淨係掛住食到回本。但今次係神戶屋我終於可以好好享受放題，因為佢既食物都好高質素，環境又舒適，更重要係價錢都好抵，令你慢慢食真每一樣食物，唔再係瘋狂食！第一樣走唔甩既就緊係刺身，開心既係種類真係好多，蝦都有5款！一定要試佢個韓國牛肋骨！其實就係牛仔骨，不過唔通一般既黑椒味。神戶屋將啲牛肋骨同蘿蔔一齊炆，好入味又唔係太韌，必食啊！另外招牌炒蜆都冇得輸啊！量都算多，唔似平時要叫4、5碟先滿足。味道好又冇沙，仲要唔係得啲殻！有一點要讚既係，神戶屋既侍應都好貼心！佢地不時會問有冇野食未到，食到個碟滿曬又會主動幫我地換碟，仲有隨差借，電話冇電都唔驚，好難得去食放題都咁好服務啊！我地三個人坐卡位好舒服，一啲都唔迫，整體環境都好闊落。想人少少靜靜地可以好似我地咁食六點時段！

There are two very special points about his dining experience:1. We ate at 5:30pm, the most quiet and peaceful time slot. 2. Having Hot Pot Experience together with All you can eat Japanese Cuisine.With such a price range, and the above two points mentioned, you will already know how great this meal is.The first thing we ordered is Sashimi. It is very fresh, with a wonderful display. Just saying prawns, there are 5 types of them. What more can you expect?!With a hot pot, we people with creative

每個月都要相約閨蜜食飯傾偈, 今次揀咗飲食集中地嘅旺角兆萬中心8樓的神戶屋日本放題，以日式韓式放題為主。A--J 餐約紙有差不多二佰款食物及飲品任選。急不及待order刺身先，刺身有三文魚帶子泰式生蝦甜蝦、象拔蚌、松葉蟹棒、鮑魚等等好新鮮，而三文魚鮮甜充滿油香泰式生蝦爽脆，彈牙象拔蚌唔韌味道很好 ！韓韓式麻辣帆立貝，少少辣很惹味！蒜蓉炒銀芽，冇草腥味爽口。一口和牛粒，醬汁充滿每一粒牛肉值得推介，海蝦天婦羅、紫蕃薯、南瓜天婦羅，是炸漿很薄，熱辣辣，一啲都唔油膩。鹽燒海蝦串，青魚燒得香口，加上鮮檸檬汁，是清新可口。甜品櫃有泡芙、奶凍、雪米糍、雪糕任揀、芒果奶凍、朱古力慕絲奶凍是我至愛。各種食物質素唔錯選擇多，價錢大眾化，刺身及燒物出色呢。今餐唔錯。

忙完一日，去食個放題最好不過。今次黎呢到試下！入到去，都幾闊落，好多人黎，可見都幾受歡迎。之後更加係爆場tim！勁呀！野飲仼拎，而枱面上都有小食，有鳳爪、酸蘿蔔同螺肉，非常好開胃。我地太肚餓都逼不及待要即刻叫野食。一開頭，當然不可以少左刺身，種類繁多，我都每樣都叫啲。全部都好新鮮。最欣賞嘅係佢啲蝦。覺得好鮮甜爽口。三文魚切法非常好，厚度適中。鮑片係另一款我比較中意食，因為好有咬口。其他就不過不失啦！之後就到呢個壽喜燒。材料好豐富，湯底好鮮甜。肥牛真係好正😆😍另外，仲有好多蔬菜同菇係入面，索左啲湯，真係好香呀。牛！我最中意食牛！所以去到邊都叫牛！略嫌多左小小肥肉。但好稔好香好入味。除左用洋蔥去炒外，仲有薯仔！我好中意食薯仔。芝蔴炸雞翼好香！唔油！肉質好滑，外皮就脆卜卜！好味呀！食完後朋友仲叫多幾次！蝦係我最中意嘅！呢到嘅蝦燒得好香！肉質好滑，味道鮮甜。有竹簽督住好方便食。唔需要仼何調味料已勁好食。榴連炸彈，我去到邊間放題都一定會叫。因為我係極愛食榴連。呢個略嫌甜左小小，但冇搶到榴連味，幾好。外脆內流心，又煙煙韌韌，好食呀。炒通菜，係食完一堆肉呀，炸野之後，黎啲菜幾好。我覺得有點鹹，但朋友

日式放題選擇太多，但要平靚正兼備既就唔係間間得，而神戶屋絕對係其中一個好選擇。一黎到，咩都唔使講，點左刺身拼盤先再慢慢點其他野食。個拼盤一黎到真係「嘩」出聲，刺身選擇多，淨係蝦刺身都有4-5款，仲有象拔蚌刺身呢d 唔係度度有既野，師父砌得好靚好有心機，刺身肥美鮮甜，淨係睇相都已經洗口水吧？呢度熟食既選擇都好多，仲有得打邊爐添！一次過滿足多個願望！搞到掛住食唔記得影相😂另外推介呢個芝士部隊鍋，有少少辣，好開胃！

今日收八點幾，就同朋友訂左九點放題食。雖然訂左枱，但都要等一陣先入到，因為真係好多人食，在門口店員會先比首輪食物紙我地睇住點定先。一到去有小小餐前配菜食下先，之後等左十分鐘上左右大大盤刺身就送到。先食送既生蠔同海膽，生蠔非常生鮮，估唔到放題入面都會有咁高質素既生蠔。海膽色澤金黃，放係青瓜上一齊食，味道都幾夾，而且味道唔會腥。仲有蟹肉食！仲送左細細個火鍋俾我地食，放題入面食下小小菜都唔錯，食完就無再加，因為想食其他食物。鐵板燒羊架，燒到岩岩好之餘有香草味同用酒味襯托個羊架，完全唔覺得穌。一口豆腐粒，豆腐好滑同一口一粒，小食好滋味。牛油粟米好香，牛油味香濃。豉椒炒蜆同魷魚，炒得好香口，蜆肉都幾鮮味同魷魚夠爽甜，係惹味之選。人參雞湯同面豉湯，人參湯點了兩碗，幾濃既人參味，有小小甘甜，令我喝完一碗又要再點第二碗，面豉湯都係不敗之選。蟹粥味道十分鮮甜，個粥會索哂個蟹味，食落幾惹味。甜品吃了豆腐花同啫喱，牛乳布甸，雪糕同心太軟，最後臨走仲可以一人一支韓國雪條食住行，完全係大滿足。整體食物種類繁多，性價比高，特別刺身質素相當高，要回本絕對唔難，會再幫襯。

以前讀書果陣好鍾意食放題 每1-2個月都最少要食1次但出黎做野之後已經無再點食過 突然有日想食先發覺放題價錢都貴左唔少😂最後黎左位於旺角兆萬既神戶屋 價錢比其他放題平 $219 +10%-全餐放題最出色既一定係刺身首先刺身種類十分多 有平時其他放題唔見既松葉蟹鉗刺身 而蝦刺身又有甜蝦 泰式生蝦 天使蝦 有頭甜蝦 激巨赤蝦5款 鍾意食蝦刺身的話就岩哂而咁多款刺身中我最愛珍寶帶子同有頭甜蝦 由於刺身出色 前後都叫左2 round另外每人都可以限選一份海膽/生蠔/韓國雪條 我地3個都要左海膽-除左刺身 當然要叫埋壽司🍣啦叫左火炙三文魚腩壽司 黑松露油甘魚壽司 黑松露珍寶帶子壽司 花之戀等等 味道都唔錯 而且飯夠細件 食多幾件都唔怕食飽哂-之後都叫左唔少炸物 有幾樣特別推介日本芝麻雞翼🐔 每次放題見到都一定會叫韓國一口芝士🧀 入邊既芝士味道都幾濃 榴槤炸彈 依個好驚喜 係咁多樣炸物最好食的 外邊好脆 入邊好多榴槤蓉-另外仲有幾款都係我鍾意食既黃金芝士焗海鮮 次次叫依款都係為左食d醬日本一口薯🍠 個人喜好🤣燒有機菠蘿🍍 我係燒菠蘿fan 依到既燒菠蘿燒完都仲好多汁 唔會好酸 正🤤-大致食物都唔錯

今日來到兆萬的神戶屋，同大家介紹得既當然係好野啦！一坐底即刻影個餐牌同大家分享下有咩食先！同大家介紹得既第一味上既係隻巨型既靚靚刺身船，光澤，色水，口感，全部都滿分💯！我每次來都必食！返本首推！幾分鐘之後以經變左甘樣吃完刺身，之後既推介係卷物同壽司！排列整齊，擺位精美，真係靚到唔捨得放入口，但係我好肚餓，唯有將甘精緻既藝術品放哂入口，睇都未算勁，最勁係味道，如果我都識整呢種入口即融既壽司就好啦！之後就係川味牛柏業這個芝士焗生蠔芝士味非常濃郁超級正正子！喜歡吃芝士的朋友一定不能錯過！這個是一個十分驚喜的食物你一定要試過才知道，先別開估。人蔘雞湯超級青甜，美味可口這個魷魚十分佩服大廚的廚藝還有生蠔食喔十分驚喜，而且超級新鮮，有海水味又來到芝士哄了，芝士芝士！最後吃一個鍋，非常豐富，超級飽

放題在香港食得太多, 有時對放題質素不抱期望, 志在填飽肚子。但今次來到神戶屋, 很多食品都令我十分驚喜!!和牛火煱是一整塊薄切牛扒, 半肥瘦又充滿牛肉香!! 一開始大家就把這個煱KO到一乾二淨!年糕, 香芋圓和榴槤圓, 如果好以上3種煙煙un un 的甜點, 包你一試難忘!!刺身拼盤: 刺身新鮮, 蝦刺身種類勁多！不過有讚亦有彈，燒物方面不太出色，牛舌更燒得太乾……環境有點暗，衛生情況如果可以提高一點就更好！

難得放假 梗係要食好啲 食好啲 並唔代表係貴嘅 同男朋友揀咗價錢非常親民嘅神戶屋日韓放題 有超過200款美食任君選擇 餐廳以日韓美食為主打先呢個刺身頭盤 非常推介象拔蚌刺身及帶子刺身 象拔蚌刺身爽脆 帶子鮮嫩甜美 重複叫咗好多次 百吃不厭炸物亦都非常出色 即叫即炸熱辣辣㗎 雖然好熱氣 但非常香口 脆卜卜 好好味超鍾意食呢個牛柏葉 加咗泰國元素 帶點香辣 夠曬惹味炒泰國通菜夠鑊氣 出奇地好吃 有驚喜燒牛舌 牛舌彈牙爽口 依然保持肉汁串燒海蝦 蝦肉鮮嫩彈牙 陣陣燒烤嘅香味湧上鼻子 瞬間食慾大增每人入座直送海膽刺身 色澤金黃 味道新鮮無限任飲 款式夠多 一定有款啱你心水最後食埋韓國入口嘅雪條 作為一個完滿結束 今餐真係飽到上心口 不過食得是福