神戶屋日韓放題

營業中

休息中

好耐無走出旺角食放題，難得同中學同學聚下,一於簡係以前成日去嘅兆萬！ 上黎睇到D 食評都5錯,野食都5差,一於試下！😋😋一去到坐底就梗係喪叫刺身先啦~拿拿臨寫完即落唸住有排等...點知落單唔洗好耐仲叫緊其他野食,就已經送到面前😍海膽刺身同生蠔都出乎意料之外地鮮甜👍又點少得三文魚,都幾厚切仲要靚條紋,有魚油香,正！仲有其他北寄貝, 帶子, 海膽,鮑片八爪魚, 蟹鉗都5錯😋仲有我最鐘意嘅蝦,哈哈哈😂分別有天使蝦刺身,甜蝦刺身同埋有頭甜蝦刺身,仲好細心有泰式汁點,酸酸甜甜👍👍🤤(原先差D想加錢轉任食，但俾友人阻止左，事關其他野食已經陸陸續續咁黎...🙈)燒物,小吃惹味嘅羊架👍,鹽燒厚切牛舌,燒鲭魚, 芝麻雞翼, 炒牛柳粒etc...燒物火喉啱啱好肉質嫩滑😋燒菠蘿！！！十級juicy 😋叫多左2轉🙈😂炸物有炸鮮奶, 榴槤波波(重榴槤味), 芋頭丸, 芝士年糕乜都齊,熱辣辣餡,好足料😍 不得不提個炸鮮奶真係整得幾出色👅仲有芝士焗扇貝, 黃金芝士燒廣島蠔...香濃嘅芝士加埋火腿稱得上為水準之作。壽司食得5算多,留肚,但一定要食黑松露珍寶帶子壽司，有濃濃嘅黑松露香味🤤🤤如果d飯少d就好🙈仲有酸酸味味

我地一行7人,明明有訂枱,去到話留左間房比我地,所謂既房係等位隔離果間房入到去,間房有陣味,門山唔埋,一直比出面人既望住,亦都好嘈(因為不停叫號碼入座,而等位既人就一直望入黎)個位置亦好似比人隔離左,好多單漏晒無黎…45分先食到一輪都幾失望…咁多放題選擇,雖然味道ok但應該無下次

經過兆萬門口，有d姐姐派傳單見到覺得幾吸引，就上來試一試門口放左個雪條櫃，又幾多款揀wor企係門口個陣，店員已經先俾紙我地點食物，真係太好喇，唔洗入到去再慢慢填睇d食物紙見到呢度d選擇種類都幾多wor，等左5-10分鐘，店員已經安排我地入去，好幸運地我地2個人有張卡位坐，見到餐廳入面唔算大，但已經full晒唔洗講，刺身一定係必點架喇，我喜歡呢度既三文魚可以一口一塊，適合咀細既我，刺身蝦有好多款真係要好好品嚐習慣左食放題要叫d壽司落肚想講牛舌同吉列蠔都係必點既尤其吉列蠔，來到熱辣辣，炸粉又唔多同埋夠薄，食落去都有蠔味食得多凍嘢要食反d熱嘢平衡下，呢個鍋有肉有菜，岩晒如果仲想加嘢食，呢度仲有火鍋紙俾你點來加嘢落去煮第二round既刺身係度食食下聽到播生日歌，原來預早book位，餐廳有得送蛋糕，好貼心丫，呢個服務好耐無見過喇呢度服務真係唔錯，有位哥哥仔會特登行埋來問我地仲有無嘢未齊又細心真係值得讚賞

今日約左好友放題「神戶屋」係兆萬8樓，要先上三樓轉電梯就可以直上，終於唔洗係樓下～排長龍迫埋一堆人。卜左8:30 上到去已經人山人海，清緊枱，好細心俾我地㨂定野食，一入去就可以入單等左陣就入得喇！第一輪就緊係刺身喇！返本丫麻刺食都有十幾款，甜蝦、角螺、北寄貝、赤蝦、象拔蚌等等....甘多選擇～正丫喂赤蝦刺身，冇頭冇尾，勁方便食，啖啖肉蟹鉗刺身，好靚仔，我第一次食放題見到咋牛舌好味，唔太薄，微微辣吉列炸廣島蠔，上枱熱辣辣應該係即炸，同沙律醬係絕配！芝士焗帶子，好食，但係唔敢食得多～要留返個肚食其他野😆焗蠔～有點縮水，配搭芝士沙律醬，唔錯第二輪刺身黎喇！帶子大大粒，絕對唔孤寒，唔似某啲鋪頭係細細粒嘅帶子仔飲品選擇不少，連最近大熱既青檸梳打水都有，平時最平一罐都5～6蚊，讚讚鋪頭好貼心，有得租充電器～～～當日好幾枱有壽司蛋糕，爆花蠟燭，仲播埋生日歌，原來4位以上就送...慶祝生日又係一個唔錯既選擇

琴日同朋友行街行到兆萬，咁岩想食放題。我個FD就話去食神戶屋，話果到既放題別樹一格，除左提供日韓放題外，仲有埋邊爐或部隊鍋添！重點係咁多野食都只不過係$263每位，認真抵到爛。上到去，我地等緊位果陣服務員就比左份menu比我地睇，等我地諗定食咩，呢個小小舉動真係方便同埋令到成件事快捷左好多，認真欣賞！我地頭輪叫左D刺身食，三文魚刺身真係好好味佢仲有樣特別服務，就係可以叫一次海膽食，水準一流！熱完身之後我地開始加把勁，叫左黃金芝士燒廣蠔，呢個簡直係極品，食落口好有口感，好似會上癮咁，我地兩個人就叫左八隻慢慢食。我地又叫左日式燒牛舌，牛舌食落口真係好有彈性，配上佢既配菜又調節得好恰當，味道十分好！我地又點左份羊架，份羊架大塊得黎又燒得好，沾D檸檬汁落去，食落有種少少酸甜既味道，口感一流！我地食到飽飽地，就叫左份朱古力心太軟，呢樣好難得嫁！因為無幾間放題有咁多款既甜品供客人選擇，心太軟細細粒咁好方便入口，一放落口果陣朱古力慢慢滲出黎，滋味令人難忘。食完咁多野我地都只係付出左二百幾蚊，認真抵食！下次我一定會再黎！

係香港要搵放題其實唔難，隨手Google下就有林林總總唔同嘅放題選擇。我同個朋友好耐無食過放題，而且基於交通既便利，於是前幾日就約左去旺角神戶屋，一間位於兆萬中心8樓既日韓式放題。咁我地就book閒日去食嘅，不過一上到見到好多人既關係，諗住一定有排等啦，不過好彩店員知道我地有booking，一上去就有位安排好，我地隨即放低袋就睇下佢有咩食物揀，咁基本都係大類野，例如係魚生刺身，壽司，燒物同埋炸物為主。我地選擇了套餐A, 包括有生蠔半打同埋海膽一板, 連同其他刺身一併order。另外，值得一題係，因為神戶屋係一間日韓式放題，所以會比平常日本放題多了韓國食物嘅選擇，咁我地都揀左人參雞湯。食刺身最緊要就係新鮮，果然佢地無令到我地失望，刺身新鮮，海膽入口即溶，而我最喜歡既甜蝦，既新鮮，肉汁又鮮嫩,不錯。重點來了, 蠔蠔食,好好食, 極肥美又新鮮。搭配埋個source, 一絕。入口十分juicy, 如果可以下次黎,一定會加$85任食生蠔。芝士蝦, 芝士帆立貝, 芝士蠔, 如果你是芝士控的話, 必試。好味又唔膩燒菠蘿, 牛舌, 岩岩好, 唔會太熟太油。黑松露搭配刺身壽司, 口感味道十分搭配, 而且

朋友 book 咗神戶屋請我食放題！請食飯原因全因為一鋪賭氣，朋友話，如果占卜到佢家夫做邊行，就請我食飯！結果我一吓就講中，願賭服輸啦！好野！有人請食飯！\(^0^)/刺身併盤一上枱，嚇一跳，吓？竟然有海膽！不單只有海膽，重有生蠔！嘩！放題好少有生蠔同海膽喎...當食完想話再點，餐單上係無哩兩款點選，問問朋友點解嘅，原來佢話要打電話訂枱先有哩d優惠架，詳情我無問清楚，朋友已經請食飯，費事問長問短啦。海膽同魚生，蝦刺身都好新鮮，第一次食放題有四款不同嘅蝦刺身，我最中意泰式生蝦刺身，可能中意佢形狀，琵琶形好吸引，另外生蠔亦十分出色，滑，有蠔味，份量夠大，滿意。羊架望上去以為燒得過火，但原來食落有肉汁好 juicy 唔乾身喎.朋友唔想食羊，想食牛，於是乎點咗個牛肉火鍋，食底清甜，牛肉煮耐少少，口感都唔會太老。壽司唔係太大件，啱哂啦，留肚食其他食物嘛.....差d唔記得講一件重要事，餐廳冷氣夠！PS : 唔係我自誇，我占卜最勁係睇工作，十次有九次中！(哩d唔係自誇咁係咩啫，低能仔！)

Decided to try another all you can eat restaurant today since we cannot decide what to have for dinner tonight...we came back to the same building with a lot of these type of restaurant and picked the one below it. This time, the restaurant focuses more on the Korean food type...once we sat down, we had the option between two for a hot pot and since I saw better comment on the Japanese one, we picked the Japanese style. The pick was great, as the soup base was delicious and the veggie melted wit

環境好嘈，卡位要同人share，食物一般，連最普通的三文魚生都唔鮮，蟹鉗肉係梅的，炸物唔熱，炸芝士年榚外面凍，裡頭仲凍，炸鮮奶ok好味，炸芝麻雞亦都夠熱，還算ok，wasabi 太哽，用即棄膠杯仔裝豉油，茶餐廳feel，只送2份的海膽都可以，算鮮味，茶水自己係暖水壺斟，唔熱，膠杯又係茶餐廳，入單甩漏多，張落單紙明明係寫燒雞軟骨串，來到係炸雞軟骨，waiters 都算有禮貌。我所點的食物有一半都係麻麻，成件事係茶餐廳放題，老實說唔會再去

今日同朋友行開旺角，突然想食日韓放題，近近地就係兆萬中心揀左依間位於8樓既神户屋日韓放題，見佢食物款式都多，刺身又聽講幾新鮮，坐無虛席。首先可以揀日式壽喜燒或者韓式部隊鍋，我哋揀咗日式壽喜燒，湯底好清甜好有牛肉味，材料有肥牛娃娃菜菇類等，之後可以再加火鍋材料。刺身方面都有好多選擇，我哋嗌咗三文魚刺身甜蝦刺身松葉蟹棒刺身泰式生蝦刺身帶子刺身等等，三文魚油份適中，咬落好有口感，冇帶根帶刺，值得推薦，蝦類都新鮮冇帶腥味。值得一提既係芝士焗扇貝，用左千島醬令人胃口大開，帶子既size亦都不小，加埋芝士粟米等材料趁熱食好有驚喜！一口牛個口感真係好好，咬落好多汁，肉質又嫩滑唔會好靭，超越左放題既質素。鰻魚炒飯炒得係好精緻， 飯粒漲卜卜圓粒粒咁，入口係甜甜的，有鰻魚香，而鰻魚又唔會帶腥味，大小切割得適中，都有咬感既。

放題嚟講，神戶屋日韓放題絕對係幾好嘅選擇。尤其是喺旺角，喺眾多間放題之中仍然吸引到目光，靠嘅係食物品質嘅保持。講真，放題都係每間差唔多，日韓泰越嘅菜式一般都有齊。神戶屋亦都唔例外，我近呢幾次都選擇佢嘅原因，係每次去到食都仍然覺得好食。去得食放題，刺身一定係熱門食物之一。當中我最鐘意食三文魚同甜蝦，今次神戶屋冇令我失望，講緊唔係味道，而係我點幾多佢真係俾幾多我！落單唔洗好耐，三文魚同甜蝦已經送到面前。今次我地同行有三個人，當然唔會淨係食刺身。同行友人叫左嗰忌廉焗帶子，只嚟左兩件，點知原來超級好食！隻帶子充滿住忌廉嘅香味，立即叫多三兩件！仲有一煲香噴噴嘅肥牛煲，仲要加隻蛋添！另外佢地嘅芝麻雞翼同炸鮮奶都係非常好食，特別係炸鮮奶！仲有榴槤波波，榴槤香味非常勁，識食嘅一定食神戶屋嘅榴槤波波！最後當然要食甜品，盒裝雪糕呢啲就不在話下。但我每次都會叫神戶屋嘅炸雪糕，真係非常好食。細細舊一啖食落去，口感好特別。絕對推薦各位喜歡食刺身甜品嘅人嚟神戶屋日韓放題！

前兩日係Opr訂座 見都幾full咁已經得反8點後 咁見好評幾多 又好小見有韓日放題就試試啦 一到門口 一眼睇見成個場 都幾細 出口入口同一個 超級多人 我地二人來食 也是搭枱的 只聽到旁邊傾談 有位員工態度好好 詳細講解 見我想飲的飲同沒有也立即幫手拿 飲品款式好小 去到還有幾格是空的 食物方面真係好一般 第一輪入的單來的全部是我寫的雙倍 這是要我們快點飽嗎 上菜速度慢 好幾樣漏單了 熟食很多也不夠熱 心太軟不流心 鰻魚炒飯真的很難食 試了一口也立即吐了 蜆有沙 249+1這個價錢真的不值 不會再去試

好多人話兆萬嘅放題麻麻 見今日經過兆萬有人派傳單就上咗去食 想推翻人地嘅想法一入到去d職員就比咗一個頭round刺身紙我地叫 仲好詳盡咁講有咩優惠 例如訂枱 火鍋等作為一個蝦嘅愛好者 緊係要試哂佢有咩蝦啦 平時我就最鐘意有頭甜蝦 因為入口即溶 而神戶屋就係天使蝦啦 有d漿漿地嘅感覺 又幾鮮甜 encore咗幾次其他刺身都唔差 三文魚雖然係厚切 咁食落就唔係入口即溶啦 仲有有頭甜蝦可能起腸就唔係特別乾淨 都見到黑色點點 可惜係叫咗兩次都唔見有象拔蚌壽司部分就叫咗帶子 三文魚 鰻魚 拖羅 蟹籽 海膽赤蝦 油甘魚等等 唔錯幾新鮮醋飯嘅大細正常 唔會話好大嚿 但就唔係好實之後就係大家食放題都會叫嘅小食啦天婦羅都算脆而不膩 而且種類繁多清酒煮蜆雖然有沙 但係清甜 一個人可以清哂一碗日韓放題唔少得要叫炸雞 佢地係有骨炸雞 面頭淋有蜜糖芥末醬 辣辣地又脆 幾好食最鐘意就係一口炸芝士 又香又脆 係我嘅最愛食完d凍野就要打返個邊爐我地叫咗個牛肉壽喜燒 豉油湯底好濃郁 好正其實我地都係想食菜 所以叫咗好多菜牛肉嘅油脂分佈平均 好有牛味 係放題嚟講唔差最後 甜品櫃簡直係女人最愛 細細杯嘅甜品 食多幾杯都唔驚

My friend recommended me to go to Kobe Fusion for dinner so I brought my girlfriend to have Japanese/Korean buffet. The staff members were nice to customers. We went to some Japanese buffet restaurants before and the staff members there were so unfriendly. This restaurant, they came to you to ask if you were full and recommend what you should order to try.We order quite a lot of food but within 15 minutes, all food was served. The grilled chicken steak was very delicious as the sauce was very ri

前幾日夜晚同我男朋友去左神戶屋食放題，我地兩個都早放工。所以就6點就到左，呢個時段都未算多人但都有成4成FULL。我地兩個今日都冇食好多野，所以就叫左好多野食! 間餐廳仲送D涼伴比客人。等我地食得開胃D嘛。ORDER左D刺身，三文魚好新鮮! 咬落去個鮮出哂黎。好正! 仲有珍寶帶子都好好食，加D WASABI，食到又鮮又辣。其他刺身蝦果D都有好多選擇。我都食左好多，鐘意食蝦既話真係吾好錯過! 好多款蝦比你選擇! 我地仲ORDER左D日式前菜。個日本一口薯真係冇得輸。小小粒但係好甜。好飽滿既小薯! 仲ORDER左新鮮水果，上左2件菠蘿，不過不失~我地兩個人加埋ORDER左20件壽司左右。花之戀整得好好食。雖然個SIZE比平時細D，但呢個SIZE好岩女仔。一下就可以食哂而且D醬吾會HI哂落個嘴唇度! 珍寶帶子壽司好大粒。好好食~! 神戶屋仲送火鍋比客人! 神戶屋既冷氣都比較大。一路食生冷野、一路涼冷氣就真係有D凍但叫左個牛肉火鍋就即刻成個人暖番哂! 個牛肉好好食，仲有DMUSHROOM同菜，吸左火鍋既精華，好鮮甜! 最後我地食埋個甜品，就係韓國雪條。好好食! 正啊!