神戶屋日韓放題

營業中

休息中

旺角兆萬，餐廳林立，日式韓式，蒸鍋，火鍋放題.......。真是太多選擇了。最後我和朋友決定食神戶屋日韓放題。餐廳座位都是整齊的卡位，裝修明亮優雅。放題任食任飲。$239/位。加一服務。朋友非常喜歡食刺身，自然先㸃刺身了。刺身顏色非常亮麗。粉紅色的甜蝦，軟滑香的三文魚。。夠爽口清甜，鮮魷十分爽口。粉紅的蟹柳十分鮮甜，還有透明的蝦刺身.......。真是一試難忘。不可不試的韓式料理的韓國人參雞湯。不單是女士們的至愛，我也十分欣賞人參及雞的濃郁味道。值得一讚的招牌炒蜆，有少少紅辣椒，不過就不覺得有辣味，蜆肉非常飽滿，味道鮮甜還有黃金芝士燒廣島蠔。天婦羅，日式串燒，日本芝麻雞翼，火炙壽司.........，款式非常多，十多款飲品及甜品。嘩，這就是我愛食放題的原因，無怪乎這麼多人愛食放題，不知不覺食到太飽了，今晚食得真是非常滿足盡興。

咁耐冇食放題，今次就去兆萬食久違既神戶屋，兆萬咁多間放題入面，神戶屋係我頭幾間必去既，因為價錢合理，野食質素有保證。一黎當然叫左魚生先，色澤鮮美，令人食指大動！仲要好多都係厚切，夠哂大件！魚生種類仲好多，連蝦都有好多唔同種類，樣樣試少少，都抵番哂。其實以香港海膽質素呢個，呢到算係唔錯，好鮮甜，唔太腥。D火炙壽司好大件，你出去食都十幾蚊一件，呢到任你食，上到枱仲要熱辣辣，咁好食，可以叫多幾碟。泰式通菜呀，呢間泰式呢個我推薦左無數次架！必試必試，我一次可以叫5碟哈哈，味夠濃又夠辣。炸物，又係熱辣辣送到，炸豆腐好好食，外脆，但係入口好嫩滑。炸鮮奶好香甜呀，我地嗌左3次。呢個牛粒又係，煎得非常香，份量都好ok而家店入面有得租用充電器架，好貼心既服務呀走果陣時店員好好咁叫我地拎條韓國雪條走添，種類好多，大家去到記住食埋先走

在樓下經過兆萬中心有人派宣傳單張，見到價錢比較便宜而且有200種食物，見張圖也吸引，然後就同朋友上左去吃，當日上去店鋪見很多食客。呢度有VIP房，一大班上去食都無問題。呢次遇到個好好服務既員工，會主動問我們有沒有漏單。首先會有一些冷盤小食供我們去吃，例如八爪魚、螺肉和鳳爪，食完啲開胃食物，第一輪叫左好多刺身，最好吃的是珍寶帶子刺身，帶子真係好大塊，食落好鬼鮮甜，肉質肥美，啖啖帶子刺身入口真係咪話唔幸福。另外壽司方面，最好食係蜜桃炸蝦，炸蝦十分脆，加上蜜桃既清甜，再伴上少量沙律醬，整個口感層次非常豐富，值得一試。在炸物方面，炸鮮奶和芋圓都值得試試，兩道小食都炸得好香脆，炸鮮奶既甜度適中，有好重既奶香味，而芋圓亦都有好出既芋香味。而烏冬則叫左芝士豚肉同野菌雜菜，芝士豚肉湯底有很濃既豬骨味道，而且啖啖都食到邪惡既芝士；而野菌雜菜則重黑胡椒味，而且昆布都好吃，兩碗烏冬都很有咬口，絕對值得一叫。

講起放題通常都會以為食物質素一般，但係朋友話想黎試吓呢間放題，所以收咗工就黎試吓囉！首先嚟嘅就係刺身拼盤！真係非常抱歉食到一半先至記得影低我地兩個女仔竟然可以清晒啲一個刺身拼盤！因為佢嘅刺身真係十分之新鮮！對於鍾意食刺身野我來講簡直係一個驚喜另外要講一講佢嘅員工態度服務非常之好！執嘢同埋上菜快之餘仲會問下客人意見，呢一點係真係十分值得讚賞！另外佢個部隊鍋都係必叫！湯底濃郁之餘仲好足料最後兩個人埋單先至係每人$208，非常之抵食嘅放題，一定會再帶多啲朋友嚟試吓

旺角兆萬中心位於全港最繁華地段，今日到旺角，見到旺角眾多的美食，想起以前在神戶食過的鮮甜及甜美刺身，及蘇香的美味羊扒，真是越想越覺回味，於是與先生一齊決定再食神戶屋日韓放題。再臨神戶，什麼也沒變，但我多了一種熟悉親切感，座位還是整齊的卡位，牆上一整幅一整幅的青翠的竹林，令人置身大自然的感覺，非常舒服。放題任食任飲。$263/位。再食還是一樣的期待哦。我們還是先點最最喜歡的刺身了。闊別一段時間，刺身顏色還是一樣的亮麗，見到令人垂涎。還是喜歡粉紅帶白相間的三文魚入口香濃，嫩嫩滑滑的口感。鮑魚片十分鮮甜，北寄貝夠爽口，味清甜，鮮魷十分爽口。蝦刺身帶半透明狀，非常鮮甜。蟹柳鮮甜....。再食刺身還是一樣的喜愛。更是少不了韓式料理的韓國人參雞湯，人參及雞的味道濃厚。想起之前食過的鐵板紐西蘭羊架。入味香濃，忍不住又叫了2件，與之前一樣的入味香濃。還食了韓國料理，韓式炸物，一品料理，唐楊炸物，天婦羅........等，當中的炸物我還是特別喜愛的。還有十多款飲品及甜品，免費任飲任食2小，美味,抵食又超值，這就是神戶吸引我再次光臨的理由。

大個左之後都好少食放題，因為自知食得唔多，俾呢個價錢寧願去食好d。不過，間唔中都想放縱一下，又難得約到大食朋友食飯，一於滿足下佢個胃！兆萬不嬲多放題，今次揀左位於8樓既神戶屋，因為有海膽送！第一觀感餐廳略細，檯與檯之間比較迫，但坐落都舒服，而且店員招呼好好，朋友話，未試過食放題咁好服務XD。除左海膽，仲有生蠔或者韓國雪條揀，每人可以揀一樣，不過個人唔好生蠔，朋友亦冇所謂，就揀左2份海膽。另外仲有一張靚火鍋2揀1，揀左基本既壽喜燒，因為成日都覺得食部隊鍋好蠢…（應該得罪好多人）仲有張話係首輪會優先處理既刺身紙。一坐低已經好唔得閒係咁揀揀揀…話咁快就有野食！海膽份量約有半板，新鮮鮮甜既！冇唔新鮮一pat野咁，見到一粒粒好鮮明既！另外個壽喜燒都有驚喜，牛肉完全唔洗豉油，吸收哂壽喜燒既甜味，金菇呢類蔬菜更加係入哂味！終於可以睇下有咩食啦！話明日韓放題，少不了有韓式乜乜乜。全部一共有A-J 10張野食紙，分唔同類別既野食。必食既當然係刺身，望落靚同新鮮既，如果種類多D我會更加癲！店家可能覺得我擦得，寫左1件，但俾左4年我，真係太睇得起小女子啦‧‧‧不過冇好似一般放題餐廳咁樣，整日漏單，呢樣已經非

平日來吃放題都真係最好BOO定位，地點太方便位於旺角兆萬中心，仲好易 搵到，雖然係好多食放題既地方，但這店是在8樓神戶屋。 雖然是任飲任食，仲有迷你打邊爐鍋，中式又得、日式又得包你點到滿意 真的早早就BOOK 好位，全店爆滿連VIP 房都滿滿，最重要是人手見到十分足夠起碼超過8位店員服務大家。 點菜式都有8-9張，每張都有不同食物提供 有壽司、刺身、炸物、手卷、小吃等等 我最喜歡這邊就是自己選擇既飲品提供，包裝、韓式飲品都有。 一般第一個都是手快快點上刺身，多數都是蝦刺身，點了甜蝦、赤蝦、泰式蝦每款味道都夠新鮮有味道夠口感，太好味這個來回點了兩次，推介比大家食下。 牛柳粒份量都不錯，仲夠鑊氣牛柳味道濃沙有牛香同鬆軟 來碗暖胃人蔘雞湯，味道清甜仲止渴 牛肉喜燒鍋中有牛肉，而湯底好夠好濃郁就是連湯都飲埋，牛肉份量很多片，有娃娃菜及金菇，附有雞蛋一隻 要脆就脆既雞翼，肉質都有汁最好就熱食更加香 中式既䜴椒魷魚鬚，真係仲好味過酒樓，驚喜的就是魷魚鬚爽口 每件都好咬口夠入味。 招牌炒蜆真係冇得輸，份量多仲冇甩蜆肉， 聞到爆香既香氣啖啖肉超惹味最重要係冇沙。 雪糕雪糕

朋友聚會總貪方便，到旺角食餐飯。人家說旺角是美食天堂，我同意的！同時，亦是劣食天堂由於早早訂座，所以一去到店員就安排了卡位就座。環境都不錯，點餐如同一向的放題般，手寫一張張紙。雖然部分食物有漏單情況，但仍可接受。老老實實，神戶屋的壽司都不俗，都總算見得人食落口，都正正常常。其餘熱食，如蒸水蛋、焗蠔、肥牛壽喜燒、韓式粉絲，在座的我們都有不錯評價可是，刺身方面出奇地惡劣三文魚有一陣不新鮮的味道；八爪魚方面，我一食即刻吐出來，有股臭味；而鮑片則了無以往的甜味不知為何，在座的我們離開餐廳後，不到一小時均告肚痾，轟炸了朗豪坊的洗手間那時候，我明白了我們已中伏... 所以你叫我再去神戶屋？不了，食落肚的，首要是衛生和次要是新鮮

之前就來過這一家餐廳吃過, 覺得食物和環境也算不錯, 但這次再來讓我改觀, 第一, 在 食客進食的時候收走東西,阻礙進食過程, 第二, 食物質素偏差, 本人亦明白晚市繁忙, 但也不可能食物送上來的時候是凍的， 相反 刺身類不夠凍， 但員工服務有禮貌 ， 知道阻礙到他人也會道歉， 但仍需改善。

可以一試，但係吾會食第二次。員工都係年輕人，服務態度超好。我地一行7人，訂左位但係仲係要等5分鐘左右。入到去個位到，可以話係坐低咗就起唔到身，張枱放完餐具後，其實已經冇位放嘢食，d嘢食黎到只可以格硬塞。落左單後，好多嘢都黎吾齊， 漏單問題嚴重。落左單嘅嘢都吾見曬。但係最後 last order 嘅時候，員工都好好人幫我地追反d單，不過漏嘅嘢太多，都吾記得曬。食物方面，可以一次過食到日韓嘅嘢食， 款式都幾多，不過味道都一般航。

朋友生日飯，自然食好野啦，佢發現這間放題門口擺左海賊王的圖，所以提議食這間全間餐廳系門口擺幾張相，我以為內部都掛幾張照片，原來內裹系好田園式7點已經坐滿人啦，超誇張刺身多款選擇（蝦類偏多）新鮮好味這個海膽和廣島蠔刺身只可以叫一之壽司肥好食炸物如果脆口些會更加好沙律醬都惹味，蠔肉細細粒方便食無酒香味，蜆肉有少少苦，不太新鮮食完刺身壽司，再食火辣辣的火鍋甜品多款，發現有大粒波波甜品

難得放假梗係一家大細去食個放題啦！放題特式就係想食乜都可以點，一個價錢可以包晒多款菜式，正呀！ 今次嚟到旺角呢間放題餐廳，晚市時間完全爆場，好彩有預早訂座，所以店員很快安排到位置俾我地啦。 嚟得食放題無理由唔食刺身啦，一大家細曼岩就係每樣都點，咁就可以滿足晒所有屋企人啦！刺身有三文魚，三文魚新鮮，大大塊，色澤吸引、刺身厚切，至於蝦款式都幾多，有甜蝦、泰式生蝦、虎蝦等。作為蝦迷梗係每樣都點，食盡餐廳所有的蝦啦，味道鮮甜爽口！由於家人中有小朋友，所以都要食返下熟食。每枱都可以點一個壽喜燒，所以點了一份。另外仲有好多配料可以加入火鍋中，二話不說當然點了很多菜啦，湯底非常鮮味，配搭埋肥牛真係好正！另外，不得不介紹就係牛柳粒，煮得非常淋，味道配搭一流，而且份量唔會好多，唔洗擔心食到飽晒食唔到其他。整體服務都好好，而且店員會主動跟單，睇下有無漏單情況等，而且仲好親切有禮貌，真係唔係間間放題店都做到。

週末唸住同朋友去食放題，喺openrice睇到呢間都幾多好評，仲要擔心週末太多人，提前打左電話訂位。中午12:50左右去到之後發現唔到10個人喺度⋯有d出乎意料。環境睇落都麻麻的，有d失望。叫左野食之後，刺身同壽司都算黎得快。但係其他熟食就⋯⋯等好耐都冇黎。叫服務員去追下，佢就俾我張單問我有乜係冇黎噶？睇落先知，已經落左單半個鐘，十幾樣嘢淨係黎左兩樣⋯我以為係佢哋漏左一次。之後先發覺，原來叫熟食次次都係要等超耐，仲要你不停係咁問佢哋，先攞俾你。唔知係咪今日服務員心情唔好，板住個面仲要漏單，譬如寫左6舊烤菠蘿，就俾4舊。一開始就叫左烤海蝦，到埋單都未黎。同埋菜品質素都麻麻，冇乜特別⋯總之就係越食越嫐，唔知點解咁多好評？？其實呢間價錢比起其他連鎖放題都唔算平，質素仲要差過上菜超慢，食品質素麻麻，第一次差評送俾呢度。希望以後少d人中伏⋯

朋友推介這間位於兆萬中心8樓的神戶屋日韓放題, 食物種類多, 價格不貴, 於是打電話訂座, 原來訂座還有額外食物送贈.一坐下店員首先提供4張紙, 首輪剌身紙 (此單會優先處理,很貼心), 期間限定火鍋, 訂座3選1額外食物 (分別是海膽刺身, 空運直送生蠔, 韓國雪條), 意見紙, 而落單紙有10張選擇, 另外又一貼心設計, 桌旁有電掣插座, 只要交按金, 店員會提供充電器, 可以免費充器, 太好了, 剛巧我正有這個需要.點了首輪剌身紙及訂座3選1額外食物, 我們選了海膽刺身, 一大盤刺身很快送到面前, 色彩繽紛, 相當吸引, 剌身新鮮鮮甜, 額外送贈海膽刺身也不錯, 最愛甜蝦, 夠大隻.柚子大蝦沙律 - 非常清新, 醬汁開胃韓國蜂蜜芥末炸雞 - 蜂蜜芥末醬汁很惹味天婦羅 - 每款點了一件試試，有多春魚, 海老, 南瓜, 紫蕃薯, 冬菇。藍鰭拖羅蓉軍艦, 蒲燒鰻魚壽司, 牛油果軟蟹卷, 芝士鰻魚卷， 花之戀壽司 - 件件賣相精緻，味道不俗火灸壽司，黑松露壽司 - 這兩個系列味道很突出三文魚腩手卷，極上鰻魚手卷 - 細細卷的，三文魚腩很肥美呀。鹽燒活海蝦 - 蝦大隻， 不會很乾日式即燒牛

周六Book 左5點半，入到去無乜人，可坐卡位，坐位之間通路，兩個人都行不到，肥少少都好窄，book 時已清楚問價錢為$189，但入到去伙計話暑假加左10蚊，友人堅持話訂位與訂位不乎。發少少惡伙計才就答應。放提款式係多，但是細細碟，叫4來2。泰式食物偏咸，蜆有沙，天富羅凍左，食物不太新鮮，得火煱最似樣少少，但個爐也時時自動熄火。Overall, 咁的價錢比咁的質素，實在不會再來，加上餐廳環境不太好，望到廚房內部，感覺好污糟。真係無下次。