神戶屋日韓放題

營業中

休息中

My friend recommended me to go to Kobe Fusion for dinner so I brought my girlfriend to have Japanese/Korean buffet. The staff members were nice to customers. We went to some Japanese buffet restaurants before and the staff members there were so unfriendly. This restaurant, they came to you to ask if you were full and recommend what you should order to try.We order quite a lot of food but within 15 minutes, all food was served. The grilled chicken steak was very delicious as the sauce was very ri

前幾日夜晚同我男朋友去左神戶屋食放題，我地兩個都早放工。所以就6點就到左，呢個時段都未算多人但都有成4成FULL。我地兩個今日都冇食好多野，所以就叫左好多野食! 間餐廳仲送D涼伴比客人。等我地食得開胃D嘛。ORDER左D刺身，三文魚好新鮮! 咬落去個鮮出哂黎。好正! 仲有珍寶帶子都好好食，加D WASABI，食到又鮮又辣。其他刺身蝦果D都有好多選擇。我都食左好多，鐘意食蝦既話真係吾好錯過! 好多款蝦比你選擇! 我地仲ORDER左D日式前菜。個日本一口薯真係冇得輸。小小粒但係好甜。好飽滿既小薯! 仲ORDER左新鮮水果，上左2件菠蘿，不過不失~我地兩個人加埋ORDER左20件壽司左右。花之戀整得好好食。雖然個SIZE比平時細D，但呢個SIZE好岩女仔。一下就可以食哂而且D醬吾會HI哂落個嘴唇度! 珍寶帶子壽司好大粒。好好食~! 神戶屋仲送火鍋比客人! 神戶屋既冷氣都比較大。一路食生冷野、一路涼冷氣就真係有D凍但叫左個牛肉火鍋就即刻成個人暖番哂! 個牛肉好好食，仲有DMUSHROOM同菜，吸左火鍋既精華，好鮮甜! 最後我地食埋個甜品，就係韓國雪條。好好食! 正啊!

今日喺旺角行完街，朋友想食放題，咁岩經過  兆萬就上左去神戶屋。餐廳設備幾好，電話冇電，好彩有得借充電器！好彩我哋有訂座，有得叫海膽刺身、空運直送生蠔或者韓國雪條。但係每人只可以揀一樣。坐低第一時間就梗係叫刺身啦，我最鍾意三文魚，呢度嘅三文魚味道鮮甜，濃郁甘香。仲有甜蝦，細細條，好的骰！放題點少得食壽司呢？神户屋啲壽司擺設好靚，好特別，啱晒我呢啲打卡人士。壽司都好有心思，唔係淨係一舊刺身係面，仲會調配適當嘅醬料，好好食！泰式鳳爪都好正㗎，酸酸辣辣，超級過癮！仲有黑松露菇菌，黑松露味道重，配合菇菌本身清甜啲味道，perfect match，份量都幾多添。朋友推薦食炒牛柳粒，果然肉質鮮嫩，配埋個汁一流！我仲叫左一口芝士、榴槤炸彈、芋頭丸，仲有我至愛嘅芝士年糕！芝士年糕口感煙韌，超級多芝士，熱辣辣食真係超級正！榴槤炸彈好重榴槤味，個餡好足料。一口芝士我可以一次過食四粒，啱啱炸起，熱辣辣！朋友比較鍾意食串燒，佢就叫左幾轉雞肉同牛肉串，個燒汁幾正，味道濃郁！食到最尾我哋仲叫左西瓜，多汁，味道鮮甜！下次想搵放題，不妨試下神戶屋，服務員態度有禮，值得一讚！

魚生不新鮮，熟食不熱，炸物攤凍了又硬，從來未食過咁難食的放題，超難食，工作人員全是看似暑期工嘅青少年人，上菜時經常將食物打瀉在枱上，差不多夠鐘又趕住收嘢，未食完的乜趕著收埋，不明還有咁多好評，再也不會相信Openrice 的食評！垃圾！

今日同朋友慶祝生日，所以決定去旺角食放題！今日去左神戶屋，有啲必食推介話俾大家聽！入到店內座位多，裝潢主要以綠色為主，好有大自然嘅感覺，很舒適。一坐低我哋即刻叫刺身，呢度嘅刺身超多種類，眼花撩亂，有鮑片、象拔蚌、 三文魚、蟹柳、帶子、蟹鉗、甜蝦、虎蝦等等。我最鍾意嘅就係象拔蚌，神戶屋嘅象拔蚌超級爽脆，口感好爽！我encore左幾round! 仲點左幾款壽司添，全部飯都細細舊，刺身大塊，唔會塞飽個胃。壽喜燒都好正，超級多和牛，鍋底仲有啲菜，好足料。另外，雞翼都係我放題必食，呢度嘅雞翼唔太油膩，個皮仲卜卜脆。炸年糕我自己一個可以食四舊，超級煙韌，又多芝士，唔食真係走寶！今次我仲貪新鮮試左炸雪糕，一啲都唔伏，口感好得意，又凍又熱！因為訂坐嘅關係我哋可以點海膽，細細份—一口海膽～ 色澤深黃色，味香金甜，口感豐富。如果下次有朋友生日，帶佢嚟神戶屋慶祝生日，都係一個唔錯嘅選擇！上菜速度快，值得一讚！

呢家系香港既放題愈黎愈多，不論系日式放題定定燒肉放題等等， 都吸引唔少人注意，就連有d餐廳都會做埋甜品放題， 火鍋店又會做火鍋放題任食，放題系香港呢家都算系令人瘋狂既地步。 由於放題系我既食物字典入面都算系高消費既食物， 所以今次系揀呢間之前都諗過度過、聽到口碑好而且系旺角兆萬中心都幾方便就去左食 首先第一樣食既就當然系刺身， 聽人講放題食刺身系最容易反映到戈間放題既食，每樣都叫d是常識吧～ 有三文魚、甜蝦、鮑片、八爪魚，我最愛既三文魚好肥美，條紋都好靚，魷魚幾爽口 甜蝦大大隻吾厄秤。超級新鮮，頭入面嘅膏仲係湖水藍。 鮮甜到不得了。帶子都好爽甜，油甘魚同埋劍魚都好新鮮仲好肥美，啲魚油香到不得了 食完重頭戲，都試下其他小食熱食，都有好多選擇， 不過我就揀左軍艦、天婦羅，唔可以再食太飽，呢到就停手啦。

店員的服務態度很好，特別是手臂上有紋身的男服務員（看似經理級），安排坐位和講解上都很有耐性！食物質素還可以，款式算多，日韓泰都有，起碼我呢個腸胃很差的人吃完都無事～生日還貼心安排了小驚喜給主角，讚！

上OpenRice睇放題選項，神戶屋日韓放題餐廳相片顏值比較高，打電話去預約比較好，因為有海膽或者刺身送，我選擇了有光澤的海膽，係新鮮鮮甜入口即溶，沒有臭味。 可選擇種類其實都超過200款！而且點菜與上菜時間都好快，不會有肚子餓。更何況那天是爆場。大家有目共睹菜單上食物種類和料理往往比一般的放題店高級很多，無論在壽司上的配料， 食材的多樣化都勝過其他! 竟然有自助火鍋,而且配料多達35款或以上，不過那天我還是想吃刺身吧！！ 頭盤小食有三樣東西:雞腳、海帶、海螺 點了幾款壽司，帶子配上黑松露，奇蹟的很夾，不但帶子十分不清甜十分新鮮結實，而且黑松露係有返咁上下質素牌子;鰻魚壽司，真係食過咁多間放題係最好食，仲好食過70幾蚊嗰碗吉野家;藍鰭拖羅蓉軍艦，一樣是鮮甜新鮮，紫菜是硬的！至於火焰類別的壽司都不失禮。 期待已久的刺身到了，首先要讚讚那個蟹鉗，好甜喎！帶子不用說非常好食，全部都沒有雪藏味，所以我食得好開心。 鹽燒活海蝦，點一次就給了五隻吧，頭部有好多膏，蝦肉身結實，雖然看落去外皮有啲軟，然而我點了三碟。 鹽燒青魚，好食到暈丫。淡淡都是清甜爽口的魚肉，只有三四條長的骨，沒有細小的散

任食晚餐，我地入坐係6:30，正常可以食兩個鐘，點知到7:15左右就話last order，好彩門口有記錄。食物一般，不過都好多選擇的。如果想傾計就麻麻地，因為坐與坐之間太密，唔可以傾密計。上菜速度慢，可能晚餐多人。地下比較滑行路要好小心，記得晚餐要訂位，因為7點後真係好多人排隊。服務態度都可以，食物份量普通，如果下單可以多叫。我地6:30到已經好多人食緊，8:30走個時都有9成人，但門口已經無人排隊等位。

嘩今次係因為朋友叫先去神戶屋，因為平時真係唔會諗到兆萬都有好野食，都係個句，可能就係我同美食既緣分啦。😂我地食飯已經係九點幾十點，加上行左全日街，真係一隻牛都食得落。咁我地一黎到就叫，佢又真係好多選擇喎，除左魚生同埋炸物，仲有好多熟食同埋火鍋㨂　，所以我地就叫左好多喇。可能因為我地真係叫得太多，個魚生竟然係用船上！係用船上呀！你知唔知我個心情幾咁激動！全世界都用羨慕既眼神望住我地呢台，好似以為望多兩眼就會轉去佢張枱咁😏之後既食物都不錯，但係可能因為太多人，有幾次漏左單，不過佢地都態度好好，所以無咩野。食物都好好，尤其是魚生，真係好出色！好啦，神戶屋下次放題就會揾你喇😋😋😋

大家對於旺角食放題有甚麼感覺？今次在神戶屋的體驗改變了我的看法，原來食平民放題可以有皇帝享受。首先，我們等了30 分鐘才能進去。雖然事先已訂枱，但由於人數眾多，加上我們臨時更改了入座時間（OT嘛⋯⋯）所以得等待一下才可以進去。一進去，經理安排了一個卡位位置給我們，剛好可以看到帥氣的壽司師傅～這樣放題主打壽司和種類繁多，不論串燒、熟食、炸物、 火鍋，甚至雪條雪糕都有多款任㨂，但說實話熟食真的很一般。能令我留下深刻印象的就只有清酒煮蜆，以及美得像高級日本料理的魚生船。因為我們都很喜歡食魚生，反正都是，就問了經理可否來個全包宴，三文魚腩多點就對了😂坦白講，本來對他們的食材並沒有什麼期望，畢竟是放題，沒想到一來就有震撼的外觀！打完卡後，急不及待嚐一口玻璃蝦和三文魚腩 🤤🤤🤤極鮮極甜！ 再加上海膽、帶子及鮑片，一場來自深海的盛宴就這樣開始吧！美中不足的是玉子和希靈魚都不太合格，吃得出是所謂的「假蛋」，魚亦極腥，所以就不太推薦了。順帶一提，這家店都是年輕的男女，甜美帥氣的外表加上優良的服務態度，和朋友來一場愉快的聚餐不妨到神戶屋放題啊🤗

辛苦工作了一天，未放工已經諗緊食咩好。就想起朋友介紹的放題，好在早少少訂位，去到好快就安排到坐位。四周裝飾綠油油，好舒服，而我哋就安排了近卡位旁邊的枱。枱同枱之間有距離，唔會俾人聽到👂🏻傾計聲🤣相信每個人到餐廳都喜歡選卡位，舒服、有空間。放題餐廳都去過好多，依間都算幾多卡位，好明顯也著眼客人的舒適度，而不要求其加多幾張枱。雖然已經8點幾，但旁邊的卡位仍然滿哂。一開始首先當然係食刺身啦！佢地安排好貼心，有首輪刺身紙，即係可以優先處理😍！刺身有好多種類，我地只選擇了其中一半，特別喜歡原粒帆立貝、象拔蚌、螺肉及鮑片，好有驚喜，好鮮甜好煙韌！至於壽司，選擇有成幾張紙，而今次就試咗一系列嘅黑松露壽司。黑松露嘅香味加上三文魚同蝦嘅鮮甜真係唔錯！鐘意黑松露嘅朋友可以一試！本人就叫了黑松露油甘魚，口感好肥美。而小食方面，芝麻雞翼同炸蝦天婦羅真係唔錯，炸粉唔厚，入面嘅內質重好滑，而蝦就好爽口。雜菇表現就一般，味道較淡，唔太惹味。另外燒牛舌，肉質彈牙，燒得幾香，不過可以再乾身就重正，不過都無得同炭燒比啦！依度重有好多一人火鍋、拉麵等，而我就選擇了簡單嘅牛肉鍋，好正喔！另外，值得一讚就係飲品同甜品，選擇好多

好久沒有食過放題，出開去旺角換手機就早幾日訂了座位仲加送韓國雪條一支，地點便利在旺角兆萬中心8樓 ，任點任食兩小時平均每人$240左右。種類多有刺身、壽司、炸物等等 餐廳有多張梳化座位坐得舒服，空間感不錯，晚上時間難怪坐無虛席，訂了位就放心得多 飲品種類有很多選擇包裝、罐裝都有汽水、果汁、綠茶、奶類都有。推介幾款必點的食物！期間限定和牛壽喜燒肥牛，湯底濃香甜不過不少少膩，肥牛片片口感柔軟嫩滑 魷魚鬚一口咬落彈牙又有嚼勁，配有韓式汁，美味香口，份量仲不少呀。炒蜆有配菜青椒紅椒洋蔥炒香，炒得好夠鑊氣。天使蝦沒有什麼味道都OK，而泰式甜蝦彈牙夠爽！我的最愛北寄貝就最清甜還爽脆鮮味熱熱的人蔘雞湯一定要點返碗，食得肉多仲可以解渴牛柳粒炒得會香蒜味，火喉夠肉味好夠。燒菠蘿一咬就爆汁好香甜又惹味，小心食到同身係汁，不過唔理禁多仲要叫多2碟。芝麻雞翼炸得香又脆外皮金黃色酥，咬開嫩滑肉質很香口特別讚一讚上菜快而且店員服務有禮，沒有試過漏單情況。

有日突然心血來潮想食放題，經朋友介紹下就去呢間位於兆萬中心8樓的神戶屋日韓放題，食物種類手多，價格不貴，於是打電話訂座，原來訂座還有額外食物送贈！一坐下店員首先提供4張紙，首輪剌身紙 (此單會優先處理,很貼心)，期間限定火鍋，訂座3選1額外食物 (分別是海膽刺身、空運直送生蠔、韓國雪條)，而落單紙一共有10張！因為有book左位，所以會送返一份海膽或者生蠔，我地就揀左海膽。海膽金黃色，食落好甘甜新鮮。刺身方面我地就叫帶子、鮑魚、北寄貝等。而蝦類都分3-4種，好有誠意！由於本人不食甜蝦，所以只叫了泰式生蝦，大大隻得黎蝦肉又新鮮，鍾意食蝦嘅朋友一家要黎試。入口新鮮珍寶帶子，原粒大大粒帶子上檯，唔係開半唔係切片真係原粒上！鮑魚新鮮彈牙，食到唔停得口! 食完刺身, 再轉戰壽司,，當然火灸系列係必食之選, 好juicy。另外我點左蔥吞拿同軟殻蟹卷物，兩隻都好好食，如果唔係要留肚食其他嘢，我真係會再追加都似。至於熟食我就叫左個和牛鍋炸天婦羅、雞翼、鐵板一口牛、鹽燒牛舌等，全部都好有水準！食到我地lam lam俐😋最後食甜品，雪糕/雪條都有十幾款，仲有好多經典味道！食唔哂唯有同老闆娘講帶佢地返屋企🤣

1：海報上寫午市4小時$179任飲任食，實際$209(未加一)2小時，只有1.5小時落單2：食品質素一般，刺身唔夠凍，榴槤炸彈炸唔夠，D皮唔夠熟，熟食不是“太咸”便是“太辣”3：上菜慢，漏單多，入座後第一次落單的食品竟然個多小時才有4(重點)：食完一小時後便肚屙，同行的母親同樣肚屙，食品的衛生質素有可能很差